سری نگر میں سال رواں کے دوران سیکیورٹی فورسز اور دہشتگردوں کے درمیان 9 تصادم آرائیاں ہوئیں جن میں 19 دہشت گرد مارے گئے۔

روس یکم جنوری سے آذربائیجان پر سے ٹماٹر کی درآمد پر عائد پابندیاں ختم کردے گا اور آذربائیجان کے 15 کاشت کار روس کو ٹماٹر برآمد کرسکیں گے۔

ماسکو: روس ٹماٹر کی درآمد سے متعلق آذربائیجان پر عائد کی گئیں پابندیوں کو ہٹائے گا اور یکم جنوری سے آذربائیجان کی 15 مصنوعات کی برآمدات کو منظوری دے گا۔
منگل کے روز روس کی زرعی سیکیورٹی نگران تنظیم نے کہا کہ روس یکم جنوری سے آذربائیجان پر سے ٹماٹر کی درآمد پر عائد پابندیاں ختم کردے گا اور آذربائیجان کے 15 کاشت کار روس کو ٹماٹر برآمد کرسکیں گے۔

روس نے 10 دسمبر کو آذربائیجان سے ٹماٹر اور سیب کی درآمد پر پابندی عائد کردی تھی کیونکہ وہ جن جگہوں پر ان کی کاشت کی جاتی تھی وہ زمین جراثیم سے متاثر تھی اور اس سے ملک میں فصل کو نقصان پہنچ سکتا تھا۔

مارچ میں شامل ہونے کیلئے بڑی تعداد میں پورنیہ، ارریہ، سیمانچل کے اضلاع کے ساتھ ہی چمپارن، سیوان اور گوپال گنج ضلع سے کسان پہنچے۔

پٹنہ: زرعی قوانین کی مخالفت میں دہلی میں تحریک کر رہے کسانوں کی حمایت میں بہار کے دار الحکومت پٹنہ میں آج گورنر ہاﺅس مارچ کر رہے کسانوں کو روکنے کیلئے پولیس نے لاٹھی چارج کیا۔ جس میں کئی مظاہرین زخمی ہوگئے۔

آل انڈیا کسان سنگھرش کوآرڈینیشن کمیٹی کی اپیل پر آل انڈیا کسان سبھا کے قومی صدر اشوک دھاﺅلے، آل انڈیا کسان مہا سبھا کے ریاستی سکریٹری رامادھار سنگھ کے ساتھ ہی بائیں بازو کی جماعتوں کے لیڈران کی قیادت میں کھیگرامس، آل انڈیا پروگریسیو خواتین یونین (ایپوا)، آل انڈیا اسٹوڈینٹس ایسوسی ایشن (آئیسا)، اینوس اور آل انڈیا سینٹر فار ٹریڈ یونینس کے قریب دس ہزار لیڈران اور کارکنان نے تینوں زرعی قوانین کی مخالفت میں منگل کو یہاں تاریخی گاندھی میدان سے گورنر ہاﺅس کیلئے مارچ نکالا۔ مارچ کے ڈاک بنگلہ چوراہا پہنچتے ہی وہاں پہلے سے موجود پولیس کے جوانوں نے انہیں آگے بڑھنے سے روک دیا۔ اس پر مارچ میں شامل کسان مشتعل ہوگئے اور پولیس کے ساتھ ان کی جھڑپ ہوگئی۔

مظاہرین کے تیور دیکھتے ہوئے اور تعداد میں کم ہونے کی وجہ سے پولیس کو فوری طور پر پیچھے ہٹنا پڑا۔ کچھ دیر بعد ہی اطلاع ملنے پر بڑی تعداد میں پہنچی پولیس نے پہلے تو مشتعل کسانوں کو سمجھانے کی کوشش کی لیکن جب وہ نہیں مانے تو ان پر لاٹھی چارج کر دی۔ لاٹھی چارج کی وجہ سے کچھ دیر کیلئے افرا تفری کا ماحول بن گیا۔ لاٹھی چارج اور بھاگنے کے دوان کئی مظاہرین زخمی ہوگئے۔

پورنیہ، ارریہ سمیت متعدد اضلاع سے کسان مارچ میں ہوئے شامل

دریں اثناء آل انڈیا کسان مہا سبھا کے ریاستی سکریٹری رامادھار سنگھ نے دعویٰ کیا کہ مارچ میں شامل ہونے کیلئے بڑی تعداد میں کسان یہاں پہنچے۔ ٹرینوں کی آمد و رفت نہیں ہونے کے باوجود پورنیہ، ارریہ، سیمانچل کے اضلاع کے ساتھ ہی مشرقی اور مغربی چمپارن، سیوان اور گوپال گنج ضلع سے کسان پہنچے۔ لوگوں سے اس تحریک کو اپنی حمایت دینے کی اپیل کی۔

پولیس نے بتایا کہ ہلاک شدگان کی شناخت راشد (23)، بلال (22)، پرویز (24)، حسن (24) اور مجاہد (23) کتھون رہائشی کے طور پر ہوئی ہے۔

کوٹہ: راجستھان کے ضلع کوٹہ میں ٹائر پھٹ جانے کے بعد کار الٹنے سے 5 دوستوں کی موت اور سات زخمی ہوگئے۔

پولیس کے مطابق وہ ایک گھریلو تقریب میں شرکت کے بعد ضلع کے کتھون لوٹ رہے تھے کہ پیر کی شام کوٹہ سے 15- 20 کلومیٹر دور پولائی کلاں گاؤں کے قریب ان کی کار کے ٹائر اچانک کوٹہ – باراں قومی شاہراہ پر پھٹ گئی اور بے قابو ہوکر سڑک کے نیچے جاگری۔ حادثے میں چار نوجوان موقع پر ہی دم توڑ گئے جبکہ ایک نے کوٹہ کے ایم بی ایس اسپتال میں دم توڑ دیا۔

پولیس نے بتایا کہ ہلاک شدگان کی شناخت راشد (23)، بلال (22)، پرویز (24)، حسن (24) اور مجاہد (23) کتھون رہائشی کے طور پر ہوئی ہے۔ ہلاک شدگان کی لاشوں کو آج پوسٹ مارٹم کے بعد لواحقین کے حوالے کردیا گیا۔

ان میں ایک نوجوان تو دو دن پہلے ہی حیدرآباد سے کتھون آیا تھا اور یہ سبھی اسی گاڑی سے باران گئے تھے اور واپسی کے دوران یہ حادثہ پیش آگیا۔

کرناٹک قانون ساز کونسل کے ڈپٹی اسپیکر ایس ایل دھرمے گوڑا کی لاش دیر رات ریل کی پٹری کے نزدیک پائی گئی۔

تلنگانہ میں نیا کورونا وائرس داخل ہوگیا ہے۔ ذرائع کے مطابق یہ شخص، جو نئی شکل کے کورونا کا شکار ہوا ہے، دسمبر کے دوسرے ہفتے میں برطانیہ سے ورنگل پہنچا تھا اور 24 دسمبر کو اس کا معائنہ کیا گیا۔

حیدرآباد: تلنگانہ میں نیا کورونا وائرس داخل ہوگیا ہے۔ سی سی ایم بی کے سائنسدانوں نے ورنگل سے تعلق رکھنے والے ایک شخص کو برطانیہ میں شروع ہونے والے نئی شکل کے کورونا وائرس سے متاثر ہونے کی نشاندہی کی ہے۔

محکمہ صحت کے عہدیداروں نے بھی اس معاملے کی تصدیق کی ہے اور مرکزی حکومت کی جانب سے اس کا اعلان کیا جائے گا۔ ذرائع کے مطابق یہ شخص، جو نئی شکل کے کورونا کا شکار ہوا ہے، دسمبر کے دوسرے ہفتے میں برطانیہ سے ورنگل پہنچا تھا اور 24 دسمبر کو اس کا معائنہ کیا گیا۔

کورونا مثبت ہونے کی وجہ سے جنین کے نمونے سی سی ایم بی کو بھیجے گئے تھے۔ سی سی ایم بی کے سائنس دانوں نے یہ انکشاف کیا کہ یہ شخص برطانیہ میں تیزی سے پھیلنے والے نئی شکل کے کورونا سے متاثر ہوا ہے۔ معلوم ہوا ہے کہ اس شخص کے نمونے پونے میں ویرولوجی لیب کو بھیجے گئے۔ اس کی ماں بھی کورونا سے متاثر ہوئی ہے تاہم یہ عام شکل کا وائرس ہے۔ سی سی ایم بی کے مطابق تلنگانہ کا ایک شخص اور اے پی کا ایک شخص اس کورونا کی نئی شکل سے متاثر ہوئے ہیں۔

متاثرین کے قریبی رشتہ دار بھی قرنطینہ میں

وزارت صحت کے مطابق، ان متاثرین کو متعلقہ حکومتوں کی جانب سے بنائے گئے نگہداشت صحت کے مراکز میں الگ تھلگ رکھا گیا ہے جہاں ان کا علاج کیا جا رہا ہے۔ ان کے قریبی رشتہ داروں کو بھی قرنطینہ میں رکھا گیا ہے۔ ساتھ ہی ان کے ساتھ سفر کرنے والے افراد کا بھی پتہ چلانے کی کوشش کی جارہی ہے۔

وزارت نے کہا کہ صورتحال قابو میں ہے اور ریاستوں کو نگرانی میں اضافہ، وبا کی روک تھام، معائنے کروانے اور نمونے آئی این ایس اے سی او جی لیب کو بھیجنے کے معمول کے مشورے دیئے گئے ہیں۔

مزید اسے بھی پڑھیں:

کورونا وائرس کی نئی شکل دنیا کے دوسرے ممالک میں بھی پھیلنے لگی

جو بائیڈن نے کہا کہ امریکہ کو چین کا سامنا کرنے کے لئے ہم خیال ممالک سے اتحاد قائم کرنے کی ضرورت ہے۔

40 کسان تنظیموں کو بھیجے گئے خط میں کہا گیا ہے کہ حکومت صاف نیت اور کھلے ذہن کے ساتھ متعلقہ امور کو عقلی طریقے سے حل کرنے کے لئے پرعزم ہے۔

نئی دہلی: حکومت نے زرعی اصلاحاتی قوانین کے خلاف تحریک چلانے والے کسان تنظیموں کو 30 دسمبر کو بات چیت کے لئے مدعو کیا ہے۔

سکریٹری زراعت سنجے اگروال نے آج 40 کسان تنظیموں کو بھیجے گئے خط میں کہا ہے کہ حکومت صاف نیت اور کھلے ذہن کے ساتھ متعلقہ امور کو عقلی طریقے سے حل کرنے کے لئے پرعزم ہے۔ حکومت تینوں زرعی اصلاحاتی قوانین اور فصلوں کی خریداری کو کم از کم سہارا قیمت پر تبادلہ خیال کے لئے تیار ہے۔

اس سے قبل حکومت نے کسانوں کی تنظیموں سے بات چیت کے وقت اور مقام کی نشاندہی کرنے کو کہا تھا۔ کسان تنظیموں نے 29 دسمبر کو حکومت سے مذاکرات کی تجویز پیش کی تھی۔

مزید پڑھیں:

کسان تحریک کو تیز کرنے کی کوششیں، کسان تنظیموں کے نمائندوں کا دارالحکومت آنا شروع

پرینکا گاندھی نے کہا ہے کہ کسان نئے زراعتی قانون سے پیدا ہوئے بحران کی وجہ سے احتجاج کررہے ہیں اور حکومت کو اپنی جوابدہی پر کاربند رہتے ہوئے ان سے بات کرنی چاہئے۔

نئی دہلی: کانگریس جنرل سکریٹری پرینکا گاندھی واڈرا نے کہاہے کہ کسان نئے زراعتی قانون سے پیدا ہوئے بحران کی وجہ سے احتجاج کررہے ہیں اور حکومت کو اپنی جوابدہی پر کاربند رہتے ہوئے ان سے بات کرنی چاہئے۔

محترمہ پرینکا گاندھی نے کانگریس کے قیام کے 135 سال مکمل ہونے پر یہاں پارٹی ہیڈکوارٹر میں منعقدہ پروگرام میں شرکت کے بعد صحافیوں سے کہا کہ حکومت کو کسانوں سے بات کرنی چاہئے۔ انکی بات سننی چاہئے اور کسان مخالف تینوں قوانین واپس لینے چاہئیں۔

کانگریس نے آج اپنے قیام کے 135 سال مکمل ہونے پر یہاں ایک پروگرام کا انعقادکیا جس میں محترمہ پرینکا گاندھی سمیت پارٹی کے کئی سرگردہ رہنماؤں نے شرکت کی۔ اس دوران پرچم لہرایاگیا اور سبھی رہنماؤں نے ملکر قومی ترانہ گایا۔

اسے بھی پڑھیں: 

اداکارہ پرینکا چوپڑا نے زرعی قانونوں کے خلاف کسانوں کے احتجاج کی حمایت کی

ترکی کو چین سے کووڈ 19 ویکسین ملنے میں تاخیر ہوسکتی ہے۔ بیجنگ کسٹم ڈپارٹمنٹ میں کووڈ 19 کی وجہ سے اس کا آپریشن عارضی طور پر روک دیا گیا ہے۔

انقرہ: ترک وزیر صحت فرطین کوکا نے کہا کہ چین سے آنے والی سائنوویک بایوٹیک ویکسین کی پہلی کھیپ وہاں کے کسٹم ڈپارٹمنٹ کی جانب سے روکے جانے کی وجہ سے تاخیر کا شکار ہوسکتی ہے۔

مسٹر کوکا نے ٹویٹ کیا ’’بیجنگ کسٹم ڈپارٹمنٹ میں کووڈ 19 کی وجہ سے اس کا آپریشن عارضی طور پر روک دیا گیا ہے۔ لہذا ویکسین کی آمد میں ایک سے دو دن کی تاخیر ہو سکتی ہے۔‘‘

توقع کی جا رہی ہے کہ ترکی کو سائنوویک ویکسین کی 50 ملین خوراکیں اور ساتھ ہی فائزر اور بایو نٹیک ویکسین کی 4.5 کروڑ خوراکیں ملیں گی۔ ملک میں زیادہ متاثرہ علاقوں میں چار مرحلوں میں پولیو کے قطرے پلائے جائیں گے۔

صدر رجب طیب اردگان کے کورونا وائرس کو پھیلنے سے روکنے کے منصوبے کے تحت 31 دسمبر سے 4 جنوری کی صبح تک لاک ڈاؤن عمل میں لایا جائے گا۔

ایک نظر ادھر بھی:

جنوری تک کورونا کی چار کروڑ ویکسین تیار ہوگی: امریکہ