صبح سے ہی کامیابی کے ساتھ  بینکوں کی نجکاری کے خلاف دو روزہ ہڑتال جاری ہے۔ ملازمین، عہدیدار اور منیجرس اس ہڑتال میں بڑے پیمانہ پر جوش و خروش کے ساتھ حصہ لے رہے ہیں۔

حیدرآباد: ملک بھر میں بینکنگ خدمات متاثر اور مفلوج رہیں کیونکہ بینک ملازمین، عہدیداروں اور منیجرس نے عوامی شعبہ کے بینکس کی نجکاری کرنے کے مرکز کے اعلان کے خلاف یونائیٹڈ فورم آف بینکس یونین (یو ایف بی یو) کی اپیل پر دو روزہ ہڑتال پر چلے گئے ہیں۔

یو ایف بی یو، 9 بینک ٹریڈ یونینوں جیسے اے آئی بی ای اے، اے آئی بی او سی، این سی بی ای، اے آئی بی او اے، بی ای ایف آئی، آئی این بی ای ایف، آئی این بی او سی، این او بی ڈبلیو اور این او بی او پر مشتمل تنظیم ہے۔ مرکزی حکومت کی جانب سے دو عوامی شعبہ کے بینکس کی نجی کاری کے اعلان کے پیش نظر یو ایف بی یو نے 15 اور 16 مارچ کو دو دن مسلسل احتجاج کی اپیل کی تھی۔

آل انڈیا ائمپلائز ایسوسی ایشن (اے آئی بی ای اے) کے جنرل سکریٹری سی ایچ وینکٹ چلم نے یہ بات بتائی۔ انہوں نے کہا کہ 4,9,10 مارچ کو ایڈیشنل چیف لیبر کمشنر ایس سی جوشی کے ساتھ ہوئے اجلاس میں یو ایف بی یو نے حکومت کی جانب سے اس فیصلہ پر دوبارہ غور کی صورت میں ہڑتال پر دوبارہ غور کی پیشکش کی۔

صبح سے ہی کامیابی کے ساتھ ہڑتال جاری

مسٹر وینکٹ چلم نے کہا کہ حکومت یو ایف بی یو کی پیشکشن پر رضامند نہیں ہوئی۔ اسی لئے ہم ہڑتال کرنے پر مجبور ہوگئے۔ وینکٹ چلم نے کہا کہ صبح سے ہی کامیابی کے ساتھ ہڑتال جاری ہے۔ ملازمین، عہدیدار اور منیجرس اس ہڑتال میں بڑے پیمانہ پر جوش و خروش کے ساتھ حصہ لے رہے ہیں۔

انہوں نے کہا کہ مختلف ریاستوں سے موصولہ اطلاعات میں کہا گیا ہے کہ بینکنگ سرگرمیاں متاثر اور مفلوج ہوگئیں اور بیشتر برانجس نہیں کھولے گئے۔ چیکس کا کلیرنس بھی نہیں ہو سکا کیونکہ کئی برانجس نہیں کھولی گئیں۔ اوسطا تقریبا دو کروڑ چیکس جن کی مالیت 16,500کروڑ روپئے ہے، کلیر نہیں کئے جاسکے۔

یونین کے سرکردہ لیڈر نے کہا کہ حکومت کے ٹریژری آپریشن اور دیگر تمام معمول کی بینکنگ سرگرمیاں بھی متاثر ہوئیں۔ انہوں نے کہا کہ کل بھی ہڑتال جاری رہے گی۔ انہوں نے کہا کہ ہماری ہڑتال ہمارے کسی بھی ملازم کے مطالبہ پر نہیں ہے۔ یہ ہڑتال نجی مفادات حاصلہ کے ہاتھوں میں بینکس کو جانے سے روکنے کے لئے کی جارہی ہے۔ یہ ہڑتال عوام کو بچانے کے لئے کی جارہی ہے۔ انہوں نے کہا کہ اس ہڑتال کے سلسلہ میں عوام سے تعاون اور تائید کے ہم خواہشمند ہیں تاکہ عوامی شعبہ کے بینکس کو نجکاری سے بچایا جاسکے۔ وینکٹ چلم نے یہ بات بتائی۔

میانمار میں فروری میں بغاوت کے بعد شروع ہونے والے مظاہروں میں اب تک 126 مظاہرین کی موت ہو چکی ہے۔ احتجاج کے آغاز کے بعد سے کم از کم 2،156 مظاہرین کو گرفتار کیا گیا ہے اور ان پر مختلف الزام عائد کرکے مقدمات رپورٹ درج کئے گئے ہیں۔

ینگون: میانمار میں فوجی بغاوت کے خلاف احتجاج کرنے والے کم از کم 38 مظاہرین ہلاک اور 80 لوگوں کے زخمی ہونے کی اطلاعات ہیں۔

انسانی حقوق کی تنظیم اسسٹنس ایسوسی ایشن فار پولیٹیکل پرزنرز (اے اے پی پی) نے یہ اطلاع دی۔ ان مظاہرین کی ہلاکت اتوار کے روز سیکیورٹی فورسز کے خلاف مظاہرے کے درمیان ہوئی ہے۔

میانمار میں سب سے بڑا احتجاج ینگون، منڈالے، باگو اور ہپاکن میں ہوا۔

خیال رہے میانمار میں فروری میں بغاوت کے بعد شروع ہونے والے مظاہروں میں اب تک 126 مظاہرین کی موت ہو چکی ہے۔ احتجاج کے آغاز کے بعد سے کم از کم 2،156 مظاہرین کو گرفتار کیا گیا ہے اور ان پر مختلف الزام عائد کرکے مقدمات رپورٹ درج کئے گئے ہیں۔

میانمار کی فوج کے زیر انتظام ایم آر ٹی وی کے مطابق اسی عرصے کے دوران ینگون میں دو سیکیورٹی اہلکار بھی ہلاک ہوئے ہیں۔

قابل ذکر بات یہ ہے کہ یکم فروری کو میانمار کی فوج نے سویلین حکومت کو برخاست کرنے کے بعد ایک سال کے لئے ہنگامی حالات کا اعلان کیا تھا۔ فوج نے بغاوت کے بعد ملک کے کئی اہم رہنماؤں کو بھی گرفتار کیا ہے۔

حماس پولیٹکس بیورو میں منتخب ہونے والی خاتون کا نام جمیلہ الرنتیسی ہے، جو حماس کے رہنما عبد العزیز الرنتیسی کی بیوہ ہے، جسے اسرائیل نے دوسرے انتفاضہ کے دوران شہید کردیا تھا۔

غزہ: حماس پولیٹیکل بیورو میں پہلی بار ایک خاتون منتخب ہوئیں ہیں۔ یہ اطلاع اتوار کو تنظیم نے دی۔ تنظیم کی طرف سے جاری بیان کے مطابق غزہ میں حماس کا انتخابی عمل تنظیم کے اعلی ترین فیصلہ سازی یونٹ میں پہلی بار کسی خاتون کے انتخاب کے ساتھ اختتام کو پہنچا۔

’ٹائمز آف اسرائیل‘ نے اتوار کو اپنی رپورٹ میں بتایا ہے کہ حماس پولیٹکس بیورو میں منتخب ہونے والی خاتون کا نام جمیلہ الرنتیسی ہے، جو حماس کے رہنما عبد العزیز الرنتیسی کی بیوہ ہے، جسے اسرائیل نے دوسرے انتفاضہ کے دوران شہید کردیا تھا۔

قابل ذکر ہے کہ حماس فلسطینی سنی عسکریت پسندوں کی تنظیم ہے، جو غزہ پٹی کو کنٹرول کرتی ہے اور اسرائیل کے ساتھ ان کا تصادم ہے۔

بھوپال کے یونائیٹڈ فورم آف بینک یونین کے کوآرڈینیٹر وی کے شرما نے آج یہاں بتایا کہ یہ فورم بینکوں کے افسران اور ملازمین کی نو تنظیموں پر مشتمل ہے اور سب نے ہڑتال میں شامل ہونے کا فیصلہ کیا ہے۔

بھوپال: مرکزی بجٹ میں بینکوں کی نجکاری کی تجویز کے خلاف یونائیٹڈ فورم آف بینک یونین کی اپیل پر 15 اور 16 مارچ کو ملک گیر بینک ہڑتال کے تحت مدھیہ پردیش میں تقریبا 5 ہزار بینک برانچوں کے 40 ہزار افسران اور ملازمین ہڑتال پر رہیں گے۔ اس کی وجہ سے بینکوں کے کام کاج مکمل طور پر ٹھپ رہنے کی امید ہے۔

بھوپال کے یونائیٹڈ فورم آف بینک یونین کے کوآرڈینیٹر وی کے شرما نے آج یہاں بتایا کہ یہ فورم بینکوں کے افسران اور ملازمین کی نو تنظیموں پر مشتمل ہے اور سب نے ہڑتال میں شامل ہونے کا فیصلہ کیا ہے۔

مسٹر شرما نے کہا کہ پیر اور منگل کی ہڑتال کی وجہ سے بینکوں میں کام کاج مکمل طور پر ٹھپ رہے گا۔  اس دوران، ریاست کی تقریبا پانچ ہزار شاخوں کے 40 ہزار آفیسر اور ملازمین شامل ہوں گے۔ اس میں بھوپال کی تقریبا پانچ سو شاخوں کے پانچ ہزار آفیسر اور ملازمین بھی شامل ہیں۔

اسے بھی پڑھیں:

ایل آئی سی کے حکام اور ملازمین 15 مارچ کو کریں گے احتجاج

ناردرن زون انشورنس ایمپلائز ایسو سی ایشن کے ریاستی صدر رام چندر شرما نے بتایا کہ انشورنس کے افسران اور ملازمین کے مشترکہ مورچے نے متفقہ طور سے فیصلہ کیا ہے کہ 15 مارچ کو لنچ بریک کے دوران انشورنس دفاتر پر مظاہرہ کیا جائے گا۔

جے پور: لائف انشورنس کارپوریشن آف انڈیا کے ملازمین و افسران مشترکہ محاذ کی اپیل پر تنخواہ میں اضافہ میں ہو رہی تاخیر پر حکومت کو متنبہ کرنے اور مالیاتی بل کے ذریعہ ایل آئی سی ایکٹ، 1956 میں ترمیم کرنے کے خلاف کل احتجاجی مظاہرہ کریں گے۔

ناردرن زون انشورنس ایمپلائز ایسو سی ایشن کے ریاستی صدر رام چندر شرما نے بتایا کہ انشورنس کے افسران اور ملازمین کے مشترکہ مورچے نے متفقہ طور سے فیصلہ کیا ہے کہ 15 مارچ کو لنچ بریک کے دوران انشورنس دفاتر پر مظاہرہ کیا جائے گا۔

انہوں نے بتایا کہ جے پور میں یہ مظاہرہ امبیڈکر سرکل واقع لائف انشورنس کارپوریشن آف انڈیا کے ڈویژنل دفتر جیون پرکاش پر ہوگا۔

واضح رہے کہ انشورنس آفیسر ایمپلائیز یونائیٹڈ فرنٹ کی اپیل پر تین اور آٹھ مارچ کو ملک گیر احتجاجی مظاہرہ کر چکے ہیں۔ مسٹر شرما نے بتایا کہ اس کے بعد 17 مارچ کو جنرل انشورنس کمپنیوں کے افسران اور ملازمین اور 18 مارچ کو ایل آئی سی کے ملازمین افسران ایک روزہ ملک گیر ہڑتال کریں گے۔

مسٹر راج ناتھ سنگھ وزیراعظم نریندر مودی، مرکزی وزیر امت شاہ اور بھارتیہ جنتاپارٹی کے صدر جگت پرکاش نڈا کے ستھ آسام اسمبلی انتخابات کے لئے بی جے پی کے 40 اسٹار پروموٹر ہیں۔

گوہاٹی: وزیر داخلہ امت شاہ اور وزیر دفاع راج ناتھ سنگھ آج بروز اتوار آسام میں انتخابی جلسوں سے خطاب کریں گے۔

مسٹر شاہ آسام کے مارگریٹا میں دوپہر 12 بجکر 30 منٹ پر, نجیرا میں دو بجے عوامی جلسوں سے خطاب کریں گے۔ اس کے بعد وہ مغربی بنگال کے لئے روانہ ہوں گے۔

مسٹر سنگھ کے ٹویٹ کے مطابق وزیر دفاع آج آسام کے وشوناتھ میں 12 بجکر 25 منٹ پر ریلی کو، گوہ پور میں ایک بجکر 40 منٹ پر جلسہ عام اور درگاؤن میں تین بجکر 5 منٹ پر عوامی جلسے سے خطاب کریں گے۔

Leaving New Delhi for election campaigning in Assam today.

Shall address election meetings at Biswanath, Gohpur and Deragaon assembly constituencies.

Looking forward to it. @BJP4Assam #BJP4Assam

— Rajnath Singh (@rajnathsingh) March 14, 2021

مسٹر سنگھ وزیراعظم نریندر مودی، مرکزی وزیر امت شاہ اور بھارتیہ جنتاپارٹی کے صدر جگت پرکاش نڈا کے ستھ آسام اسمبلی انتخابات کے لئے بی جے پی کے 40 اسٹار پروموٹر ہیں۔

آسام اسمبلی کی 126 نشستوں کے لئے 27 مارچ، یکم اپریل اور چھ اپریل کو ووٹنگ ہونی ہے۔ ووٹوں کی گنتی دو مئی کو ہوگی۔ بی جے پی نے یہاں ہونے والے پہلے مرحلے کے لئے 71 امیدواروں کا اعلان کیا ہے جن میں 11 نئے چہرے ہیں۔

مقامی میڈیا رپورٹس کے مطابق سنیچر کو جرمنی کے ڈریس ڈین میں کورونا پابندیوں کے خلاف مظاہرے میں تقریباً ایک ہزار افراد شامل ہوئے۔

برلن: جرمنی کے ڈریس ڈین میں کورونا وائرس پابندیوں کے خلاف مظاہرے کے دوران ہوئی بھگڈر میں کم از کم 12 پولیس اہلکار زخمی ہو گئے۔

سیکسن پولیس فورس نے سنیچر کو ٹویٹ اپ ڈیٹ جانکاری دیتے ہوئے بتایا کہ احتجاجی مظاہرے کے دوران 943 انتظامی جرائم درج کئے گئے۔ اس دوران پولیس نے کم از کم ایک شخص کو بند کیا، اس کے ساتھ ہی ابتدائی طور پر تین افراد کو گرفتار بھی کیا گیا۔ اس دوران کم از کم 12 پولیس اہلکار زخمی ہوئے ہیں۔

مقامی میڈیا رپورٹس کے مطابق سنیچر کو ڈریس ڈین میں کورونا پابندیوں کے خلاف مظاہرے میں تقریباً ایک ہزار افراد شامل ہوئے۔ ایک مقامی اخبار کے مطابق مظاہرین کی پولیس افسران سے جھڑپ ہوئی۔ ڈریس ڈین پولیس نے مظاہروں کو روکنے کے لئے پانی کی بوچھار کرنے والی تعینات کی تھیں۔

الجزیرہ نیوز چینل نے اپنے سوشل میڈیا اکاؤنٹ پر میانمار میں حفاظتی دستوں کی گولی باری میں مارے گئے لوگوں کی تصاویر کے ساتھ کئی رپورٹ پوسٹ کی ہیں۔

نائپ یڈا: میانمار میں سیکیورٹی فورسز نے ایک بار پھر مظاہرین پر گولیاں چلائیں، جس کے سبب کم از کم چھ مظاہرین مارے گئے۔

مقامی میڈیا نے سنیچر کو یہ اطلاع دی۔ مقامی میڈیا کی رپورٹ کے مطابق حفاظتی دستوں کی گولی باری میں مانڈلے میں چار مظاہرین کی موت ہوگئی، جبکہ دو مظاہرین جنوب ۔ وسطی شہر پیائے میں مارے گئے۔

الجزیرہ نیوز چینل نے اپنے سوشل میڈیا اکاؤنٹ پر ان دونوں جگہوں پر حفاظتی دستوں کی گولی باری میں مارے گئے لوگوں کی تصاویر کے ساتھ کئی رپورٹ پوسٹ کی ہیں۔

واضح رہے کہ میانمار میں یکم فروری کو ہوئے تختہ پلٹ کے خلاف ملک بھر میں لوگ مظاہرہ کر رہے ہیں اور ان مظاہروں کے دوران حفاظتی دستوں کی گولی باری میں اب تک 70 لوگوں کی موت ہوچکی ہے۔

اسے بھی پڑھیں:

https://hamsliveurdu.com/wp-admin/post.php?post=3079&action=edit

الیکشن کمیشن کے سینئر آفیسر نے کہا کہ بنگال حکومت کی رپورٹ میں خاکہ نگاری بہت ہی زیادہ ہے اور یہ بتانے کی کوشش نہیں کی گئی ہے کہ یہ واقعہ کیسے پیش آیا ہے اور اس کے لئے ذمہ دار کون ہے۔ ہم نے بنگال حکومت سے کہا ہے کہ اس معاملے میں پوری رپورٹ پیش کریں۔

کلکتہ: الیکشن کمیشن نے 10 مارچ کو نندی گرام میں ہوئے ممتا بنرجی پر حملے پر مغربی بنگال حکومت کی رپورٹ کو ’’خاکہ نگاری‘‘ قرار دیا ہے۔ کمیشن نے اس رپورٹ پر چیف سکریٹری الاپن بندو پادھیائے سے اس معاملے میں وضاحت طلب کی ہے۔ کمیشن نے چیف سکریٹری سے کہا کہ یہ واقعہ کیسے پیش آیا اور اس کے پیچھے کون لوگ شامل تھے۔

الیکشن کمیشن کے سینئر آفیسر نے کہا کہ بنگال حکومت کی رپورٹ میں خاکہ نگاری بہت ہی زیادہ ہے اور یہ بتانے کی کوشش نہیں کی گئی ہے کہ یہ واقعہ کیسے پیش آیا ہے اور اس کے لئے ذمہ دار کون ہے۔ ہم نے بنگال حکومت سے کہا ہے کہ اس معاملے میں پوری رپورٹ پیش کریں۔

الیکشن کمیشن نے کہا کہ جمعہ کو حکومت نے جو رپورٹ پیش کی ہے کہ اس میں کہا گیا ہے کہ ایک بھیڑ ممتا بنرجی کے قافلے کے پیچھے تھے جس میں سے چار سے پانچ آدمی ممتا بنرجی کی گاڑی کو ڈھکیل دیا۔ مگر یہ چار پانچ لوگ کون ہیں۔

خیال رہے کہ ممتا بنرجی بدھ کو نندی گرام میں پرچہ نامزدگی داخل کرنے کے بعد بولیا بازار سے نکل رہی تھیں کہ حادثہ کا شکار ہوگئیں۔ ممتا بنرجی نے اس کو سازش قرار دیا تھا۔ وزیراعلی تین دنوں تک اسپتال میں رہنے کے بعد ڈسچارج ہوگئی ہیں۔

پولیس کے مطابق دہلی کے یہ لوگ جیسلمیر میں گھومنے کے بعد دہلی واپس جارہے تھے کہ قومی شاہراہ نمبر گیارہ پر گاڈنا گاؤں کے قریب ان کی منی بس اور سامنے سے آنے والے ٹرالے  کے درمیان تصادم ہوگیا۔ تین خواتین اور چھ بچوں سمیت بارہ زخمیوں کو گاؤں والوں کی مدد سےاسپتال پہنچایا گیا۔

جودھ پور: راجستھان کے ضلع جودھ پور کے باپ پولیس تھانہ علاقے میں آج صبح ایک منی بس اور ٹرالے کی تصادم میں دو خواتین سمیت پانچ افراد ہلاک اور چھ بچوں سمیت ایک درجن افراد زخمی ہوگئے۔

پولیس کے مطابق دہلی کے یہ لوگ جیسلمیر میں گھومنے کے بعد دہلی واپس جارہے تھے کہ ان کی منی بس قومی شاہراہ نمبر گیارہ پر گاڈنا گاؤں کے قریب سامنے سے آنے والے ٹرالے سے ٹکرا گئی۔

تین خواتین اور چھ بچوں سمیت بارہ زخمیوں کو گاؤں والوں کی مدد سےاسپتال پہنچایا گیا۔ زخمیوں میں سے کچھ کی حالت تشویشناک ہونے سے انہیں بیکانیر بھیج دیا گیا ہے۔

وزیر اعلی اشوک گہلوت نے حادثے پر رنج وغم کا اظہار کیا ہے۔ انہوں نے کہا ہے کہ میری دلی تعزیت ہلاک شدگان کے کنبوں کے ساتھ ہے۔ انہوں نے کہا کہ ایشور اس مشکل گھڑی میں ان خانداں کی مدد کرے۔ انہوں نے زخمیوں کی جلد صحتیابی کی دعا کی۔

بی جے پی کے ریاستی صدر ڈاکٹر ستیش پونیا نے بھی حادثے پر رنج وغم کا اظہار کیا اور سیاحوں کی بس کا خوفناک سڑک حادثہ کو انتہائی افسوسناک حادثہ بتایا۔