صدر جمہوریہ نے سینئر صحافی چندن مترا کے انتقال پر گہرے رنج کا اظہار کیا ہے۔

نئی دہلی: صدر جمہوریہ رام ناتھ کووند نے سینئر صحافی چندن مترا کے انتقال پر گہرے رنج کا اظہار کیا ہے۔

مسٹر کووند نے جمعرات کو ٹویٹ کرکے کہا ’’مسٹر چندن مترا ایک بہترین صحافی تھے اور ایک ممبر پارلیمنٹ کے طور پر ان کی مدت کار نے ان کی صلاحیت میں اضافہ کیا‘‘۔

Shri Chandan Mitra was an outstanding journalist and his stint as a parliamentarian added to his reputation. His understanding of Hindi heartland and its history was profound. His demise leaves a void in Indian journalism. My heartfelt condolences to his family and friends.

— President of India (@rashtrapatibhvn) September 2, 2021

انہوں نے کہا ’’ہندی زبان کی ریاستوں اور ان کی تاریخ پر ان کی مضبوط گرفت تھی۔ ان کے انتقال سے ہندوستانی صحافتی دنیا میں ایک خلا پیدا ہوگیا ہے۔ ان کے کنبے اور دوستوں کے تئیں میری دلی تعزیت‘‘۔

آج دہلی میں انڈین آئل کے پمپ پر پٹرول 101.34 روپے فی لیٹر اور ڈیزل 88.77 روپے فی لیٹر رہا۔

نئی دہلی: بین الاقوامی بازار میں تیل کی قیمتوں میں نرمی کے باوجود آج دہلی میں پٹرول اور ڈیزل کی قیمتوں میں کوئی تبدیلی نہیں کی گئی۔ کل ان کی قیمتوں میں سات دن کے بعد 15-15 پیسے فی لیٹر کمی کی گئی تھی۔

آج دہلی میں انڈین آئل کے پمپ پر پٹرول 101.34 روپے فی لیٹر اور ڈیزل 88.77 روپے فی لیٹر رہا۔ آئل مارکیٹنگ کمپنی انڈین آئل کارپوریشن کے مطابق دہلی میں پٹرول 101.34 روپے فی لیٹر اور ڈیزل 88.77 روپے فی لیٹر رہا۔

گزشتہ روز بین الاقوامی بازار میں بریٹ کروڈ 1.30 ڈالر فی بیرل گر کر 71.69 ڈالر فی بیرل اور ڈبلیو ٹی آئی کروڈ 0.81 ڈالر کم ہوکر 67.59 ڈالر فی بیرل رہا۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتوں کا اطلاق ہوتا ہے۔

شہر کا نام ——— پٹرول —————    ڈیزل 

دہلی ————— 101.34 —————— 88.77

ممبئی ————— 107.39 —————— 96.33

چنئی ————— 99.08 -—————- 93.38

کولکتہ ———— 101.77 —————— 91.84

افغانستان کے پروان صوبے میں تصادم میں 4 لوگوں کی موت، پانچ زخمی ہوگئے۔ افغانستان سے امریکی اور اتحادی فورسز کی مکمل واپسی کے بعد اس ملک پر طالبان کا کنٹرول ہوگیا ہے۔

کابل: افغانستان کے پروان صوبے میں طالبان اور نامعلوم بندوق برداروں کے درمیان تصادم میں چار لوگوں کی موت اور پانچ دیگر زخمی ہوگئے۔

ذرائع نے بتایا کہ زخمیوں کو نزدیکی اسپتال میں داخل کرایا گیا ہے۔ ابھی اس بات کا پتہ نہیں چلا ہے کہ مہلوکین میں کوئی طالبانی رکن ہے یا نہیں۔

واضح رہے کہ افغانستان سے امریکی اور اتحادی فورسز کی مکمل واپسی کے بعد اس ملک پر طالبان کا کنٹرول ہوگیا ہے۔

الہ آباد ہائی کورٹ نے کہا ہے کہ مرکزی حکومت کو یہ تجویز دی کہ گائے کو قومی جانور قرار دیا جائے اور اس کے تحفظ کو ہندؤں کا بنیادی حق قرار دیا جائے۔

پریاگ راج: الہ آباد ہائی کورٹ نے گئو کشی کے ایک معاملے میں داخل ضمانت کی عرضی پر سماعت کے دوران سخت تبصرہ کرتے ہوئے کہا ہے کہ مرکزی حکومت کو یہ تجویز دی کہ گائے کو قومی جانور قرار دیا جائے اور اس کے تحفظ کو ہندؤں کا بنیادی حق قرار دیا جائے۔

الہ آباد ہائی کورٹ جاوید نامی ایک ملزم کی ضمانت کی عرضی پر سماعت کررہا تھا۔ جاوید پر گئو کشی کا الزام ہے۔ معاملے کی سماعت کرتے ہوئے جسٹس شیکھر یادو نے آج اپنے سخت تبصرے میں مزید کہا کہ ’ہم جانتے ہیں کہ جب کسی ملک کے تہذیب و ثقافت اور اس کے عقیدے کو نقصان پہنچایا جاتا ہے تو ملک کمزور ہوجاتا ہے‘۔

جسٹس شیکھر یادو نے جاوید کی ضمانت کی عرض کو خارج کرتے ہوئے کہا کہ جاوید نے گائے کی چوری کے بعد اس کو ذبح کیا ہے اورا س کا گوشت بھی اس کے پاس ملا ہے۔ یہ ملزم کا پہلا گناہ نہیں ہے اس سے پہلے بھی وہ ایسا عمل سرزد کر چکا ہے اور گائے ذبیحہ کی وجہ سے سماجی ہم آہنگی کو زک پہنچا ہے۔ کورٹ کا ماننا ہے کہ اگر ایسے افراد کو ضمانت دی گئی تو باہر جاکر وہ پھر ایسے ہی عمل کا ارتکاب کریں گے اور اس سے سماجی ماحول کو نقصان پہنچے گا۔

ملزم کے خلاف آئی پی سی کی دفعہ 379 اور انسداد گئو کشی ایکٹ کی سیکشن 3،5،8 کے تحت مقدمہ درج کیا گیا ہے۔

افغانستان سے ذلت آمیز انخلا کے لئے سابق صدر ڈونلڈ ٹرمپ کو ذمہ دار قرار دیتے ہوئے امریکی صدر جو بائیڈن نے افغانستان سے انخلا کی آخری تاریخ کے فیصلے پر ہونے والی تنقید کو مسترد کردیا۔

واشنگٹن: افغانستان سے ذلت آمیز انخلا کے لئے سابق صدر ڈونلڈ ٹرمپ کو ذمہ دار قرار دیتے ہوئے امریکی صدر جو بائیڈن نے افغانستان سے انخلا کی آخری تاریخ کے فیصلے پر ہونے والی تنقید کو مسترد کردیا۔ جس کے باعث کابل میں 100 سے 200 امریکیوں سمیت معاونت فراہم کرنے والے افغان شہری ملک سے باہر نہیں جاسکے۔

ڈان کی رپورٹ کے مطابق وائٹ ہاؤس کے اسٹیٹ ڈائننگ روم سے ایک ٹیلی ویژن خطاب میں جو بائیڈن نے طالبان کی تیز رفتار پیش رفت کے خلاف معزول افغان حکومت کی نااہلی پر تنقید کی۔ جس کے باعث امریکہ اور اس کے نیٹو اتحادیوں کو جلد بازی اور ذلت آمیز راستہ اختیار کرنے پر مجبور کیا اور سابق امریکی صدر ڈونلڈ ٹرمپ کے کردار پر بھی تنقید کی۔

جو بائیڈن نے کہا کہ ڈونلڈ ٹرمپ کی جانب سے طے شدہ معاہدے کے تحت ’گزشتہ برس 5 ہزار قیدیوں کی رہائی کی اجازت دی گئی جن میں طالبان کے بعض جنگی کمانڈر بھی شامل تھے جنہوں نے ابھی کنٹرول سنبھالا ہے‘۔ انہوں نے کہا کہ جب میں نے صدارتی دفتر سنبھالا، طالبان 2001 کے بعد سے اپنی مضبوط ترین فوجی پوزیشن میں تھے جو ملک کے تقریبا آدھے حصے کو کنٹرول کر رہے تھے۔

جو بائیڈن نے کہا کہ عہدیداروں کا خیال ہے کہ 100 سے 200 امریکی افغانستان میں ہیں جس میں چند ملک چھوڑنے کا ارادہ رکھتے ہیں۔ ان میں سے زیادہ تر کے پاس دہری شہریت ہے اور وہ طویل عرصے سے رہائش پذیر تھے۔ انہوں نے مزید کہا کہ امریکہ ان کو نکالنے کے لیے پرعزم ہے۔

امریکہ کے پیسیفک فلیٹ نے ٹوئٹر پر یہ اطلاع کہ امریکی بحریہ کا ایک ہیلی کاپٹر سین ڈیاگو، کیلی فورنیا کے ساحل پر حادثے کا شکار ہوگیا۔

واشنگٹن: امریکی بحریہ کا ایک ہیلی کاپٹر سین ڈیاگو، کیلی فورنیا کے ساحل پر حادثے کا شکار ہوگیا۔

امریکہ کے پیسیفک فلیٹ نے ٹوئٹر پر یہ اطلاع دی۔

ٹوئٹر پر بتایا گیا کہ یو ایس ایس ابراہم لنکن (سی وی این۔ 72) کا ہیلی کاپٹر ایم ایچ۔ 60 ایس ہیلی کاپٹر منگل کو معمول کی پرواز کے دوران سین ڈیاگو ساحل سے قریب 60 سمندری میل کی دوری پر سمندر میں حادثے کا شکار ہوگیا۔

UPDATE 1: Currently, one crewmember has been rescued and search efforts continue for the other crewmembers of an MH-60S helicopter embarked aboard USS Abraham Lincoln (CVN 72) that crashed into the sea off the coast of San Diego, Aug. 31: https://t.co/4O9iDV1jNx (1/2)

— U.S. Pacific Fleet (@USPacificFleet) September 1, 2021

بحریہ اور کئی ساحلی محافظ کی تلاش اور بچاؤ مہم جاری ہے۔

Search and rescue operations are ongoing with multiple Coast Guard and Navy air and surface assets. Abraham Lincoln is homeported in San Diego. (2/2)

— U.S. Pacific Fleet (@USPacificFleet) September 1, 2021

پیرو میں مسافر بس کے حادثے کا شکار ہوکر گڈے میں گرجانے سے کم از کم 29 افراد ہلاک اور متعدد زخمی ہو گئے۔

لیما: پیرو میں منگل کے روز ایک مسافر بس کے حادثے کا شکار ہوکر گڈے میں گرجانے سے کم از کم 29 لوگوں کی موت اور متعدد دیگر زخمی ہوگئے۔

پولیس نے بتایا کہ حادثہ راجدھانی لیما کے ہوانکوس سے جوڑنے والی مرکزی شاہراہ پر مقامی وقت کے مطابق آج صبح چار بجے پیش آیا۔ حادثہ بس ڈرائیور کے کنٹرول کھودینے کی وجہ سے پیش آیا۔

پولیس نے بتایا کہ معاملے کی جانچ کی جارہی ہے اور زخمیوں کو نزدیک کے اسپتال میں داخل کرایا گیا ہے۔

شام میں دہشت گردوں نے سرکاری ایجنسیوں اور مقامی فوج پر حملہ کیا جس میں 4 فوجیوں کی موت ہوگئی اور تقریباً 8 دیگر زخمی ہوگئے۔

دمشق: شام کے دارا صوبہ میں دہشت گردوں نے سرکاری ایجنسیوں اور مقامی فوج پر حملہ کیا جس میں 4 فوجیوں کی موت ہوگئی اور تقریباً 8 دیگر زخمی ہوگئے۔

شام میں متحارب فریقوں کے درمیان مصالحت کے روسی مرکز کے نائب سربراہ ایڈمرل وادیم کلت نے منگل کو یہ جانکاری دی۔

مسٹر کلت نے ایک پریس کانفرنس میں کہا کہ صوبہ دارا کے دارالبلد علاقے میں صورتحال بہت خراب ہے۔ کئی سرکاری ایجنسیوں اور قانون و انتظام بنائے رکھنے کے لئے تعینات سرکاری دستوں پر دہشت گردانہ حملہ کیا گیا۔ اس دہشت گردانہ حملے میں چار شامی فوجوں کی موت ہوگئی اور آٹھ دیگر زخمی ہوگئے۔

وزیر اعظم دفتر نے آج ایک ٹویٹ میں کہا کہ وزیر اعظم نے ناگور سڑک حادثے میں ہلاک لوگوں کے کنبوں کو وزیر اعظم قومی راحت فنڈ سے دو دو لاکھ روپے معاوضہ دینے کی منظوری دی۔

نئی دہلی: وزیر اعظم نریندر مودی نے راجستھان کے ناگور میں ایک سڑک حادثے میں مرنے والوں کے لواحقین کے لیے 2 لاکھ روپے اور زخمیوں کے لیے 50 ہزار روپے معاوضے کی رقم منظوری کی ہے۔

وزیر اعظم دفتر نے آج ایک ٹویٹ میں کہا کہ وزیر اعظم نے حادثے میں ہلاک لوگوں کے کنبوں کو وزیر اعظم قومی راحت فنڈ سے دو دو لاکھ روپے معاوضہ دینے کی منظوری دی۔

The Prime Minister has approved an ex-gratia of Rs. 2 lakh each from PMNRF for the next of kin of those who lost their lives due to the accident at Nagaur, Rajasthan. The injured would be given Rs. 50,000.

— PMO India (@PMOIndia) August 31, 2021

اس سے قبل اس حادثے پر دکھ کا اظہار کرتے ہوئے وزیر اعظم نے کہا تھا ’’راجستھان کے ناگور میں پیش آنے والا ہولناک سڑک حادثہ بہت افسوسناک ہے۔ میں ان تمام لوگوں کے اہل خانہ سے تعزیت کا اظہار کرتا ہوں جنہوں نے اس حادثے میں اپنی جانیں گنوائی ہیں۔ زخمیوں کے لیے بھی نیک خواہشات کا اظہار کرتا ہوں۔

राजस्थान के नागौर में हुआ भीषण सड़क हादसा अत्यंत दुखद है। जिन लोगों को इस दुर्घटना में जान गंवानी पड़ी है, मैं उन सभी के परिजनों के प्रति अपनी संवेदना व्यक्त करता हूं। साथ ही घायलों के जल्द स्वस्थ होने की कामना करता हूं: PM @narendramodi

— PMO India (@PMOIndia) August 31, 2021

واضح رہے کہ آج صبح راجستھان کے ناگور ضلع میں شری بالاجی کے قریب ایک ٹریلر کے جیپ سے ٹکرانے سے جیپ میں سوار 11 افراد ہلاک اور 7 شدید زخمی ہوگئے۔

طالبان کے سیاسی دفتر کے ترجمان محمد نعیم نے کہا کہ کابل ایئرپورٹ سے پروازیں دوبارہ شروع کرنا ہماری ترجیحات میں شامل ہے۔

کابل: طالبان نے کہا ہے کہ افغانستان سے امریکی فوج کی واپسی کے بعد کابل ایئرپورٹ سے جلد ہی پروازیں بحال کردی جائیں گی۔

طالبان کے ترجمان ذبیح اللہ مجاہد نے کہا ’’ہماری ٹیم شہری ہوا بازی کے لئے ہوائی اڈے پر کام شروع کرنے کی تیاری کررہی ہے اور جلد ہی گھریلو اور بین الاقوامی پروازیں بحال کردی جائیں گی۔

انہوں نے کہا کہ ہوائی اڈہ پر کام کی بحال سے متعلق زیادہ تر تکنیک کو نقصان پہنچا ہے، جسے درست کرنے کی کوشش کی جارہی ہے۔

اس سے قبل طالبان کے سیاسی دفتر کے ترجمان محمد نعیم نے کہا کہ کابل ایئرپورٹ سے پروازیں دوبارہ شروع کرنا ہماری ترجیحات میں شامل ہے۔ ہمارا مقصد گھریلو اور بین الاقوامی پروازیں بحال کرنا ہے۔ بین الصوبائی گھریلو پروازوں کو تجارتی نقطہ نظر سے دوبارہ شروع کرنے کی ضرورت ہے۔ ہم ان پروازوں کو جلد از جلد شروع کرنے کی پوری کوشش کر رہے ہیں۔