اسٹاک مارکیٹ نے نئی تاریخ رقم کی اور اب تک سب سے بلند ترین سطح پر پہنچ گئی۔

ممبئی: ٹاٹا اسٹیل، ریلائنس، اسٹیٹ بینک، آئی سی آئی سی آئی بینک، ماروتی اور بجاج فنانس سمیت مختلف گروپوں کی کمپنیوں میں ہوئی زبردست خریداری کی وجہ سے پیر کے روز اسٹاک مارکیٹ نے نئی تاریخ رقم کی اور اب تک سب سے بلند ترین سطح پر پہنچ گئی۔

بی ایس ای کا 30 حصص کا حساس انڈیکس سینسیکس سیزن کے دوران اب تک کی ریکارڈ سطح 56734.29 پوائنٹس اور نیشنل اسٹاک ایکسچینج (این ایس ای) کا نفٹی 16881.35 پوائنٹس کی بلند ترین سطح پر پہنچ گیا۔

205 پوائنٹس کے اضافے کے ساتھ سینسیکس 56329.25 پوائنٹس پر کھلا۔ کھلتے ہی یہ 56309.86 پوائنٹس کی کم ترین سطح پر آگیا۔ لیکن اس کے بعد شروع ہوئی خریداری کی بنیاد پر یہ 56734.29 پوائنٹس کی ریکارڈ سطح پر پہنچ گیا۔ ابھی یہ 567.02 پوائنٹس کے اضافے کے ساتھ 56691.74 پر کاروبار کر رہا ہے۔

این ایس ای کا نفٹی 70 پوائنٹس کے اضافے سے 16775.85 پوائنٹس پر کھلا۔ اس کے فورا بعد یہ 16764.85 پوائنٹس کی کم ترین سطح تک کمزور ہو گیا، لیکن دوبارہ خریداری کی بنیاد پر یہ اب تک کی ریکارڈ سطح 16881.35 پوائنٹس کی بلند ترین سطح پر پہنچ گیا۔ ابھی یہ 161.15 پوائنٹس کے اضافے کے ساتھ 16866.35 پر کاروبار کر رہا ہے۔

امریکی محکمہ خارجہ کی طرف سے اتوار کو ’افغانستان انخلاء سفری یقین دہانیوں پر مشترکہ بیان‘ کے عنوان سے جاری بیان میں کہا گیا ہے ’’ہمیں طالبان سے واضح توقعات ہیں۔ ہم اس کی تصدیق کرنے والے طالبان کے عوامی بیانات پر توجہ دیتے ہیں‘‘۔

واشنگٹن/کابل: ہندوستان سمیت تقریبا سو ممالک نے ایک مشترکہ بیان میں کہا ہے کہ طالبان نے ان سے وعدہ کیا ہے کہ کابل چھوڑ کر جانے والے دیگر ممالک کے سبھی شہریوں اور افغان شہریوں، جن کے پاس مناسب سفری دستاویزات ہیں، کو محفوظ انخلا کی اجازت دی جائے گی۔

سرکاری ذرائع نے پیر کے روز یہ اطلاع دی۔ یہ بیان افغانستان سے غیر ملکی شہریوں کے انخلا کی ڈیڈ لائن سے محض ایک دن پہلے آیا ہے۔

امریکی محکمہ خارجہ کی طرف سے اتوار کو ’افغانستان انخلاء سفری یقین دہانیوں پر مشترکہ بیان‘ کے عنوان سے جاری بیان میں کہا گیا ہے ’’ہمیں طالبان سے واضح توقعات ہیں۔ ہم اس کی تصدیق کرنے والے طالبان کے عوامی بیانات پر توجہ دیتے ہیں‘‘۔

امریکی وزیر خارجہ انٹونی بلنکن نے ایک ٹویٹ میں کہا ’’آج تقریبا سو ممالک نے طالبان کی جانب سے کرائی گئی یقین دہانیوں پر ایک مشترکہ بیان جاری کیا ہے کہ ہمارے ممالک سے ٹریول اتھارٹی والے تمام غیر ملکی شہری اور کسی بھی افغان شہری کو محفوظ طریقے سے افغانستان سے باہر جانے کی اجازت دی جائے گی۔ انہوں نے کہا ’’ہم طالبان کو اس عزم پر قائم رکھیں گے‘‘۔

مشترکہ بیان میں کہا گیا ’’ہم سب اس بات کو یقینی بنانے کے لیے پرعزم ہیں کہ ہمارے شہری، رہائشی، ملازمین اور افغانی جنہوں نے ہمارے ساتھ کام کیا ہے اور جو خطرے میں ہیں وہ افغانستان سے باہر کے مقامات پر آزادانہ طور پر سفر کر سکتے ہیں‘‘۔

امریکہ 31 اگست یعنی منگل کو اپنی افواج اور اہلکاروں کا انخلا مکمل کر لے گا لیکن اس نے کہا ہے کہ اگر کچھ امریکی شہری رہتے تو وہ طالبان سے انہیں محفوظ راستے کی اجازت کی توقع کرے گا۔

سمندری طوفان ایڈا نے امریکی ریاست لوویزیانا میں ایک شخص کی جان لے لی۔ طوفان کی وجہ سے یہ پہلی موت ہے۔

واشنگٹن: امریکی ریاست لوویزیانا میں سمندری طوفان ایڈا کی وجہ سے ایک شخص کی موت ہوگئی۔ طوفان کے باعث یہ پہلی موت ہے۔ ایسینشن پیرش شیرف دفتر (اے پی ایس او) نے پیر کے روز یہ اطلاع دی۔

یو ایس نیشنل ہریکین سینٹر (این ایچ سی) کے مطابق ایڈا اتوار کو کیٹیگری 2 کے طوفان میں بدل کر کمزور ہو گیا، لیکن لوویزیانا میں 177 کلومیٹر فی گھنٹہ سے زیادہ مسلسل ہواؤں کے ساتھ اب بھی سمندری طوفان کا خطرہ بنا ہوا ہے۔

صدر جو بائیڈن نے متنبہ کیا ہے کہ سمندری طوفان ’ایڈا‘ مہلک ثابت ہوسکتا ہے اور ساتھ ہی انہوں ںے متاثرہ ریاستوں کو تمام ضروری وفاقی امداد فراہم کرنے کا وعدہ کیا ہے۔

طوفان ایڈا اتوار کو امریکی ریاست لوویزیانا کے ساحل سے ٹکرانے سے چند گھنٹے قبل ہی کیٹیگری چار کے شدید طوفان میں تبدیل ہو گیا ہے۔ یہ طوفان 240 کلومیٹر فی گھنٹہ سے زائد کی رفتار سے لوویزیانا کے ساحل سے ٹکرایا۔

امریکی صدر جو بائیڈن نے خبر دار کیا ہے کہ ایڈا طوفان تباہ کن ثابت ہوسکتا ہے۔ اس کے ساتھ ہی انہوں نے اس سے متاثر ہونے والی ریاستوں کو سبھی ضروری وفاقی امداد دستیاب کرانے کا وعدہ بھی کیا ہے۔

واشنگٹن: امریکی صدر جو بائیڈن نے خبر دار کیا ہے کہ ایڈا طوفان تباہ کن ثابت ہوسکتا ہے۔ اس کے ساتھ ہی انہوں نے اس سے متاثر ہونے والی ریاستوں کو سبھی ضروری وفاقی امداد دستیاب کرانے کا وعدہ بھی کیا ہے۔

طوفان ایڈا اتوار کو امریکہ کے لوسیانہ ساحل سے ٹکرانے کے کچھ گھنٹے پہلے ہی کیٹیگری چار کے شدید طوفان میں تبدیل ہوگیا۔ یہ طوفان 240 کلو میٹر فی گھنٹہ کی زیادہ کی رفتار سے لوسیانہ ساحل سے ٹکرایا۔

اس دوران امریکہ میں لوسیانہ ریاست کے نیو آئرلینس شہر میں طوفان ایڈا کے سبب بجلی متاثر ہوگئی ہے۔ نیو آرلینس شہر کے ہنگامی افسران نے اتوار کو یہ اطلاع دی۔ افسران نے بتایا کہ شہر میں اب بجلی کی سپلائی صرف جنریٹرو کے ذریعہ ہو پارہی ہے۔

ہندوستان کے نشاد کمار نے اتوار کو ٹوکیو پیرالمپکس میں مردوں کے ہائی جمپ ٹی 47 ایونٹ میں چاندی کا تمغہ جیتا۔ تیسرا تمغہ ونود کمار نے مردوں کے ڈسکس تھرو ایف 52 ایونٹ میں 19.91 میٹر کا تھرو کرکے کانسہ کا تمغہ کے ساتھ دلایا۔

ٹوکیو: ہندوستان کے نشاد کمار نے اتوار کو ٹوکیو پیرالمپکس میں مردوں کے ہائی جمپ ٹی 47 ایونٹ میں چاندی کا تمغہ جیتا۔ ہندوستان کا ان کھیلوں میں یہ دوسرا تمغہ تھا۔

ہندوستان کو ان گیمز میں تیسرا تمغہ ونود کمار نے مردوں کے ڈسکس تھرو ایف 52 ایونٹ میں 19.91 میٹر کا تھرو کرکے کانسہ کا تمغہ کے ساتھ دلایا۔ نشاد نے 2.06 میٹر کی بلندی پار کی اور ایشیائی ریکارڈ بنایا۔ امریکہ کے ڈلاس وائس نے بھی نشاد کی 2.06 میٹر اونچائی عبور کی لیکن انہیں کانسہ کے تمغے سے مطمئن ہونا پڑا۔

امریکہ کے روڈرک ٹاؤن سینڈ نے 2.15 میٹر کی بلندی پار کرتے ہوئے طلائی تمغہ جیتا۔ ڈسکس تھرو ایف 52 ایونٹ میں پولینڈ کے کوسیوکز پیوتر نے 20.02 میٹر کے تھرو کے ساتھ طلائی اور کروشیا کے سیندور ویلیمیر نے 19.98 میٹر کے تھرو کے ساتھ چاندی کا تمغہ جیتا۔

ونود نے 19.91 میٹر کے ساتھ ایشیائی ریکارڈ قائم کیا لیکن انہیں کانسے کے تمغے پر ہی صبر کرنا پڑا۔

طالبان کے سپریم لیڈر ہیبت اللہ اخونزادہ نے اسلامی تحریک سے وابستہ دیگر رہنماؤں سے ملاقاتیں شروع کر دی ہیں۔

کابل: طالبان کے سپریم لیڈر ہیبت اللہ اخونزادہ نے اسلامک تحریک سے منسلک دیگر لیڈروں کے ساتھ میٹنگیں شروع کردی ہیں۔

ذرائع سے موصول معلومات کے مطابق یہ میٹنگیں افغانستان کے جنوبی صوبہ قندھار میں ہو رہی ہیں۔ اب تک میٹنگوں کے ایجنڈوں کے بارے میں معلومات نہیں مل سکی ہے۔

اس سے پہلے الجزیرہ نیوز چینل نے اپنی رپورٹ میں بتایا تھا کہ اسلامک تحریک سیاسی دفتر کے سربراہ عبدالغنی برادر نئی حکومت کے قیام کے معاملہ پر بات چیت کے لئے قندھار روانہ ہوگئے ہیں۔

تقریباً پورے افغانستان پر قبضہ کرچکے طالبان نے کہا کہ ملک میں نئی حکومت کی شکل و صورت کے بارے میں جلد فیصلہ کیا جائے گا۔

میڈیا رپورٹ کے مطابق کابل ایئرپورٹ کے طرف ایک راکٹ داغا گیا جہاں امریکی قیادت والے انخلا کے طیارے کھڑے تھے لیکن یہ ہدف کو نشانہ بنانے میں ناکام رہا۔

کابل: افغانستان میں کابل ایئرپورٹ کے نزدیک اتوار کو طاقتور دھماکہ کی آواز سنی گئی۔

میڈیا رپورٹ کے مطابق کابل ہوائی اڈہ کی طرف ایک راکٹ داغا گیا جہاں امریکی قیادت والے انخلا کے طیارے کھڑے تھے لیکن یہ ہدف کو نشانہ بنانے میں ناکام رہا۔

رپورٹ کے مطابق راکٹ نے ایک رہائشی علاقہ کو نشانہ بنایا لیکن جانی نقصان کی تعداد واضح نہیں ہے۔

اس درمیان کابل پولیس کے سلامتی ذرائع نے بتایا کہ راکٹ نے راجدھانی کے 15ویں ضلع کو نشانہ بنایا۔ تاہم ذرائع نے ہلاکتوں پر کوئی تبصرہ نہیں کیا۔

راجستھان کے چھ اضلاع میں پنچایتی راج انتخابات کے دوسرے مرحلے کے لیے ووٹنگ سخت سیکیورٹی کے درمیان آج صبح 7.30 بجے شروع ہو گئی۔ پولنگ شروع ہوتے ہی آہستہ آہستہ پولنگ مراکز پر قطاریں لگنا شروع ہو گئی۔

جے پور: راجستھان کے چھ اضلاع میں پنچایتی راج انتخابات کے دوسرے مرحلے کے لیے ووٹنگ سخت سیکیورٹی کے درمیان آج صبح 7.30 بجے شروع ہو گئی۔

دوسرے مرحلے میں جے پور، جودھپور، بھرت پور، سوائی مادھوپور، دوسا اور سیروہی اضلاع کی 28 پنچایت کمیٹیوں کے 536 اراکین اور ان سے متعلق ضلع کونسل ممبران کے انتخابات کے لیے ووٹنگ پرامن طریقے سے شروع ہوئی جو شام 5.30 بجے تک جاری رہے گی۔ پولنگ شروع ہوتے ہی آہستہ آہستہ پولنگ مراکز پر قطاریں لگنا شروع ہو گئی۔

عالمی وبا کورونا کے پیش نظر کورونا رہنما خطوط کے تحت تمام انتظامات کئے گئے ہیں۔ ریاستی الیکشن کمیشن پی ایس مہرا نے بتایا کہ 28 پنچایت کمیٹیوں میں 536 پنچایت کمیٹی ممبران کے لئے 1680 امیدوار انتخابی میدان میں اپنی قسمت آزما رہے ہیں۔

دس امیدوار بلامقابلہ منتخب

انہوں نے کہا کہ دس امیدوار بلامقابلہ منتخب ہو گئے ہیں۔ انہوں نے بتایا کہ دوسرے مرحلے میں تقریبا ساڑھے دس ہزار ای وی ایم مشینیں استعمال کی گئی ہیں جبکہ 35 ہزار سے زائد اہلکار انتخابات کے انعقاد میں لگائے گئے ہیں۔

مسٹر مہرا نے بتایا کہ دوسرے مرحلے میں 3459 پولنگ مراکز پر 25 لاکھ 60 ہزار 153 رائے دہندگان اپنے حق رائے دہی کا استعمال کر سکیں گے۔ ان میں 13 لاکھ 51 ہزار 866 مرد اور 12 لاکھ 8 ہزار 279 خواتین اور آٹھ دیگر ووٹر شامل ہیں۔

مسٹر مہرا نے ووٹروں سے پولنگ کے لئے پولنگ مراکز میں جانے سے پہلے ماسک لگانے، ہاتھوں کو سینی ٹائز کرنے اور قطار میں کھڑے رہنے کے دوران نشان زد دائروں پر کھڑے رہ کر مناسب سماجی فاصلہ برقرار رکھتے ہوئے اپنی باری کا انتظار کریں۔ انہوں نے کہا کہ کورونا سے بھی بچنا ہے اور ووٹ بھی دینا ہے۔ انہوں نے کہا کہ ووٹر، امیدوار، حامی اور دیگر تمام لوگ کورونا سے متعلق تمام ہدایات پر سختی سے عمل کریں تو محفوظ ووٹنگ کی جائے گی۔

انہوں نے بتایا کہ پولنگ کے تمام مراحل کی تکمیل کے بعد 4 ستمبر کو ضلعی صدر مقامات پر ووٹوں کی گنتی کرائی جائے گی۔ انہوں نے کہا کہ تیسرے مرحلے کے لیے ووٹنگ یکم ستمبر کو ہوگی۔

بھاوینا پٹیل کو ٹوکیو پیرالمپکس میں ہوئے خواتین کے سنگلز کے فائنل میں دنیا کی نمبر ایک چین کی پیڈلر ینگ ژاؤ سے ہارنے کے بعد چاندی کے تمغے پر ہی اکتفا کرنا پڑا۔

ٹوکیو: ہندوستانی ٹیبل ٹینس کھلاڑی بھاوینا پٹیل کو اتوار کے روز ٹوکیو پیرالمپکس میں ہوئے خواتین کے سنگلز کے فائنل میں دنیا کی نمبر ایک چین کی پیڈلر ینگ ژاؤ سے ہارنے کے بعد چاندی کے تمغے پر ہی اکتفا کرنا پڑا۔

ٹوکیو پیرالمپکس 2020 میں یہ ہندوستان کا پہلا تمغہ ہے۔

اس کے ساتھ ہی بھاوینا پیرالمپکس میں تمغہ جیتنے والی پہلی ہندوستانی ٹیبل ٹینس کھلاڑی بھی بن گئیں۔ وہ دیپا ملک (2016 میں) کے بعد پیرالمپکس میں تمغہ جیتنے والی دوسری ہندوستانی خاتون ہیں۔

آج یہاں 19 منٹ کے مقابلے میں بھاوینا کو دو بار طلائی تمغہ جیتنے والی چین کی کھلاڑی پیڈلر ینگ ژاؤ سے 7-11 5-11 6-11 سے ہار کا سامنا کرنا پڑا۔

اس سے قبل بھاوینا پٹیل نے ہفتہ کے روز تاریخ رقم کرتے ہوئے سربیا کی چیمپئن بورسلاوا پیرک کو شکست دے کر پیرالمپکس کے ٹیبل ٹینس مقابلے کے فائنل میں پہنچنے والی ہندوستانی کھلاڑی بن گئی تھیں۔ اس کے ساتھ ہی انہوں نے ملک کے لیے ان کھیلوں میں کم از کم چاندی کا تمغہ یقینی بنایا تھا۔

چین نے عالمی وبا کورونا وائرس کے خلاف جنگ میں بڑی کامیابی حاصل کرلی ہے۔ ملک بھر میں مقامی طور پر منتقل ہونے والے کیسز کی تعداد میں مسلسل گیارہ دن سے کمی واقع ہو رہی ہے۔

بیجنگ: چین نے عالمی وبا کورونا وائرس کورونا وائرس کے خلاف جنگ میں بڑی کامیابی حاصل کرلی ہے۔

میڈیا رپورٹ کے مطابق نیشنل ہیلتھ کمیشن کے ترجمان می فینگ نے بیجنگ میں ایک پریس کانفرنس میں بتایا کہ ملک بھر میں مقامی طور پر منتقل ہونے والے کیسز کی تعداد میں مسلسل گیارہ دن سے کمی واقع ہو رہی ہے۔

مسٹر می فینگ نے کہا کہ درآمدی کیسز کو روکنے اور اس حوالے سے موجود خامیوں کو دور کرنے کے لیے مزید کوششیں کارگر ثابت ہوئی، جس کے باعث درمیانے اور زیادہ خطرہ والے علاقوں کی تعداد کم ہوکر اڑتیس رہ گئی تھی۔

چین نے رواں ماہ کے آغاز پر ڈیلٹا وائرس کے بڑھتے وار کے باعث ووہان شہر کی پوری آبادی کے کورونا ٹیسٹ کرنے کا فیصلہ کیا گیا تھا۔ ووہان میں ماس کورونا ٹیسٹنگ کا فیصلے کی بڑی وجہ کورونا کے سات کیسز رپورٹ ہونا بتایا گیا تھا۔

حکام کے مطابق ووہان میں باہر سے کام کے لئے آنے والے مزدوروں میں کورونا کے یہ کیسز دریافت ہوئے، جس کے باعث گذشتہ ایک سال کے دوران مقامی سطح پر کورونا کیسز آنے کا سلسلہ ٹوٹا۔

واضح رہے کہ چین میں انیس دن قبل کورونا کے بائیس نئے کیسز رپورٹ ہوئے تھے تاہم یہ تصدیق شدہ نہیں تھے۔ تاہم اچھی علامت یہ تھی کہ اس دوران کوئی موت نہیں ہوئی۔

یاد رہے کہ عالمی وبا کے آغاز سے چھبیس اگست دوہزار اکیس تک چین میں اٹھانوے ہزار کے قریب کیسز رپورٹ ہوئے، جن میں سے اٹھاسی ہزار مکمل صحت یاب ہوئے جبکہ چار ہزار چھ سو چھتیس اموات ہوچکیں۔