افغانستان سے ذلت آمیز انخلا کے لئے سابق صدر ڈونلڈ ٹرمپ کو ذمہ دار قرار دیتے ہوئے امریکی صدر جو بائیڈن نے افغانستان سے انخلا کی آخری تاریخ کے فیصلے پر ہونے والی تنقید کو مسترد کردیا۔

واشنگٹن: افغانستان سے ذلت آمیز انخلا کے لئے سابق صدر ڈونلڈ ٹرمپ کو ذمہ دار قرار دیتے ہوئے امریکی صدر جو بائیڈن نے افغانستان سے انخلا کی آخری تاریخ کے فیصلے پر ہونے والی تنقید کو مسترد کردیا۔ جس کے باعث کابل میں 100 سے 200 امریکیوں سمیت معاونت فراہم کرنے والے افغان شہری ملک سے باہر نہیں جاسکے۔

ڈان کی رپورٹ کے مطابق وائٹ ہاؤس کے اسٹیٹ ڈائننگ روم سے ایک ٹیلی ویژن خطاب میں جو بائیڈن نے طالبان کی تیز رفتار پیش رفت کے خلاف معزول افغان حکومت کی نااہلی پر تنقید کی۔ جس کے باعث امریکہ اور اس کے نیٹو اتحادیوں کو جلد بازی اور ذلت آمیز راستہ اختیار کرنے پر مجبور کیا اور سابق امریکی صدر ڈونلڈ ٹرمپ کے کردار پر بھی تنقید کی۔

جو بائیڈن نے کہا کہ ڈونلڈ ٹرمپ کی جانب سے طے شدہ معاہدے کے تحت ’گزشتہ برس 5 ہزار قیدیوں کی رہائی کی اجازت دی گئی جن میں طالبان کے بعض جنگی کمانڈر بھی شامل تھے جنہوں نے ابھی کنٹرول سنبھالا ہے‘۔ انہوں نے کہا کہ جب میں نے صدارتی دفتر سنبھالا، طالبان 2001 کے بعد سے اپنی مضبوط ترین فوجی پوزیشن میں تھے جو ملک کے تقریبا آدھے حصے کو کنٹرول کر رہے تھے۔

جو بائیڈن نے کہا کہ عہدیداروں کا خیال ہے کہ 100 سے 200 امریکی افغانستان میں ہیں جس میں چند ملک چھوڑنے کا ارادہ رکھتے ہیں۔ ان میں سے زیادہ تر کے پاس دہری شہریت ہے اور وہ طویل عرصے سے رہائش پذیر تھے۔ انہوں نے مزید کہا کہ امریکہ ان کو نکالنے کے لیے پرعزم ہے۔

امریکہ کے پیسیفک فلیٹ نے ٹوئٹر پر یہ اطلاع کہ امریکی بحریہ کا ایک ہیلی کاپٹر سین ڈیاگو، کیلی فورنیا کے ساحل پر حادثے کا شکار ہوگیا۔

واشنگٹن: امریکی بحریہ کا ایک ہیلی کاپٹر سین ڈیاگو، کیلی فورنیا کے ساحل پر حادثے کا شکار ہوگیا۔

امریکہ کے پیسیفک فلیٹ نے ٹوئٹر پر یہ اطلاع دی۔

ٹوئٹر پر بتایا گیا کہ یو ایس ایس ابراہم لنکن (سی وی این۔ 72) کا ہیلی کاپٹر ایم ایچ۔ 60 ایس ہیلی کاپٹر منگل کو معمول کی پرواز کے دوران سین ڈیاگو ساحل سے قریب 60 سمندری میل کی دوری پر سمندر میں حادثے کا شکار ہوگیا۔

UPDATE 1: Currently, one crewmember has been rescued and search efforts continue for the other crewmembers of an MH-60S helicopter embarked aboard USS Abraham Lincoln (CVN 72) that crashed into the sea off the coast of San Diego, Aug. 31: https://t.co/4O9iDV1jNx (1/2)

— U.S. Pacific Fleet (@USPacificFleet) September 1, 2021

بحریہ اور کئی ساحلی محافظ کی تلاش اور بچاؤ مہم جاری ہے۔

Search and rescue operations are ongoing with multiple Coast Guard and Navy air and surface assets. Abraham Lincoln is homeported in San Diego. (2/2)

— U.S. Pacific Fleet (@USPacificFleet) September 1, 2021

پیرو میں مسافر بس کے حادثے کا شکار ہوکر گڈے میں گرجانے سے کم از کم 29 افراد ہلاک اور متعدد زخمی ہو گئے۔

لیما: پیرو میں منگل کے روز ایک مسافر بس کے حادثے کا شکار ہوکر گڈے میں گرجانے سے کم از کم 29 لوگوں کی موت اور متعدد دیگر زخمی ہوگئے۔

پولیس نے بتایا کہ حادثہ راجدھانی لیما کے ہوانکوس سے جوڑنے والی مرکزی شاہراہ پر مقامی وقت کے مطابق آج صبح چار بجے پیش آیا۔ حادثہ بس ڈرائیور کے کنٹرول کھودینے کی وجہ سے پیش آیا۔

پولیس نے بتایا کہ معاملے کی جانچ کی جارہی ہے اور زخمیوں کو نزدیک کے اسپتال میں داخل کرایا گیا ہے۔

شام میں دہشت گردوں نے سرکاری ایجنسیوں اور مقامی فوج پر حملہ کیا جس میں 4 فوجیوں کی موت ہوگئی اور تقریباً 8 دیگر زخمی ہوگئے۔

دمشق: شام کے دارا صوبہ میں دہشت گردوں نے سرکاری ایجنسیوں اور مقامی فوج پر حملہ کیا جس میں 4 فوجیوں کی موت ہوگئی اور تقریباً 8 دیگر زخمی ہوگئے۔

شام میں متحارب فریقوں کے درمیان مصالحت کے روسی مرکز کے نائب سربراہ ایڈمرل وادیم کلت نے منگل کو یہ جانکاری دی۔

مسٹر کلت نے ایک پریس کانفرنس میں کہا کہ صوبہ دارا کے دارالبلد علاقے میں صورتحال بہت خراب ہے۔ کئی سرکاری ایجنسیوں اور قانون و انتظام بنائے رکھنے کے لئے تعینات سرکاری دستوں پر دہشت گردانہ حملہ کیا گیا۔ اس دہشت گردانہ حملے میں چار شامی فوجوں کی موت ہوگئی اور آٹھ دیگر زخمی ہوگئے۔

وزیر اعظم دفتر نے آج ایک ٹویٹ میں کہا کہ وزیر اعظم نے ناگور سڑک حادثے میں ہلاک لوگوں کے کنبوں کو وزیر اعظم قومی راحت فنڈ سے دو دو لاکھ روپے معاوضہ دینے کی منظوری دی۔

نئی دہلی: وزیر اعظم نریندر مودی نے راجستھان کے ناگور میں ایک سڑک حادثے میں مرنے والوں کے لواحقین کے لیے 2 لاکھ روپے اور زخمیوں کے لیے 50 ہزار روپے معاوضے کی رقم منظوری کی ہے۔

وزیر اعظم دفتر نے آج ایک ٹویٹ میں کہا کہ وزیر اعظم نے حادثے میں ہلاک لوگوں کے کنبوں کو وزیر اعظم قومی راحت فنڈ سے دو دو لاکھ روپے معاوضہ دینے کی منظوری دی۔

The Prime Minister has approved an ex-gratia of Rs. 2 lakh each from PMNRF for the next of kin of those who lost their lives due to the accident at Nagaur, Rajasthan. The injured would be given Rs. 50,000.

— PMO India (@PMOIndia) August 31, 2021

اس سے قبل اس حادثے پر دکھ کا اظہار کرتے ہوئے وزیر اعظم نے کہا تھا ’’راجستھان کے ناگور میں پیش آنے والا ہولناک سڑک حادثہ بہت افسوسناک ہے۔ میں ان تمام لوگوں کے اہل خانہ سے تعزیت کا اظہار کرتا ہوں جنہوں نے اس حادثے میں اپنی جانیں گنوائی ہیں۔ زخمیوں کے لیے بھی نیک خواہشات کا اظہار کرتا ہوں۔

राजस्थान के नागौर में हुआ भीषण सड़क हादसा अत्यंत दुखद है। जिन लोगों को इस दुर्घटना में जान गंवानी पड़ी है, मैं उन सभी के परिजनों के प्रति अपनी संवेदना व्यक्त करता हूं। साथ ही घायलों के जल्द स्वस्थ होने की कामना करता हूं: PM @narendramodi

— PMO India (@PMOIndia) August 31, 2021

واضح رہے کہ آج صبح راجستھان کے ناگور ضلع میں شری بالاجی کے قریب ایک ٹریلر کے جیپ سے ٹکرانے سے جیپ میں سوار 11 افراد ہلاک اور 7 شدید زخمی ہوگئے۔

طالبان کے سیاسی دفتر کے ترجمان محمد نعیم نے کہا کہ کابل ایئرپورٹ سے پروازیں دوبارہ شروع کرنا ہماری ترجیحات میں شامل ہے۔

کابل: طالبان نے کہا ہے کہ افغانستان سے امریکی فوج کی واپسی کے بعد کابل ایئرپورٹ سے جلد ہی پروازیں بحال کردی جائیں گی۔

طالبان کے ترجمان ذبیح اللہ مجاہد نے کہا ’’ہماری ٹیم شہری ہوا بازی کے لئے ہوائی اڈے پر کام شروع کرنے کی تیاری کررہی ہے اور جلد ہی گھریلو اور بین الاقوامی پروازیں بحال کردی جائیں گی۔

انہوں نے کہا کہ ہوائی اڈہ پر کام کی بحال سے متعلق زیادہ تر تکنیک کو نقصان پہنچا ہے، جسے درست کرنے کی کوشش کی جارہی ہے۔

اس سے قبل طالبان کے سیاسی دفتر کے ترجمان محمد نعیم نے کہا کہ کابل ایئرپورٹ سے پروازیں دوبارہ شروع کرنا ہماری ترجیحات میں شامل ہے۔ ہمارا مقصد گھریلو اور بین الاقوامی پروازیں بحال کرنا ہے۔ بین الصوبائی گھریلو پروازوں کو تجارتی نقطہ نظر سے دوبارہ شروع کرنے کی ضرورت ہے۔ ہم ان پروازوں کو جلد از جلد شروع کرنے کی پوری کوشش کر رہے ہیں۔

جو بائیڈن نے کہا ہے کہ وہ افغانستان سے امریکی فوجیوں کی واپسی مکمل ہونے کے تعلق سے منگل کو ملک کے لوگوں سے خطاب کریں گے۔

واشنگٹن: امریکہ کے صدر جو بائیڈن نے کہا ہے کہ وہ افغانستان سے امریکی فوجیوں کی واپسی مکمل ہونے کے تعلق سے منگل کو ملک کے لوگوں سے خطاب کریں گے۔

مسٹر بائیڈن نے منگل کی شام کہا ’’میں افغانستان میں اپنی موجودگی کو 31 اگست سے آگے نہ بڑھانے کے میرے فیصلے کے تعلق سے امریکی لوگوں کو کل دوپہر بعد خطاب کروں گا۔

واضح رہے کہ امریکی صدر نے اعلان کیا تھا کہ منگل (31 اگست) تک افغانستان سے امریکی فوجیوں کا انخلا مکمل ہو جائے گا۔ ڈیڈ لائن سے ایک دن پہلے پیر کی رات افغانستان سے امریکی فوجیوں اور غیر فوجی اہلکاروں کے آخری دستہ لے کر ایک امریکی طیارہ کابل ایئرپورٹ سے روانہ ہوا۔

طالبان نے افغانستان سے ڈیڈ لائن سے ایک دن پہلے پیر کی رات امریکی فوجیوں کے انخلا مکمل ہونے کا خیرمقدم کیا ہے۔

کابل: طالبان نے افغانستان سے امریکی فوجیوں کے انخلا مکمل ہونے کا خیرمقدم کیا ہے۔

طالبان کے ایک ترجمان نے منگل کی صبح یہ اطلاع دی۔ امریکہ نے اعلان کیا ہے کہ افغانستان سے اس کی افواج کی واپسی مکمل ہوگئی ہے۔

طالبان کے ترجمان ذبیح اللہ مجاہد نے ٹوئٹر پر لکھا ’’افغانستان میں امریکی فوجیوں کا آخری دستہ پیر کی نصف شب کابل ایئرپورٹ سے روانہ ہوگیا‘‘۔

#عاجل:
انسحب آخر محتل أمريكي من (مطار كابل) الساعة 12 ونال بلادنا استقلالها الكامل ولله الحمد والمنة.

— Zabihullah (..ذبـــــیح الله م ) (@Zabehulah_M33) August 30, 2021

انہوں نے کہا کہ ’’اس طرح ہمارا ملک مکمل طور پر آزاد ہو گیا ہے‘‘۔

امریکی صدر نے اعلان کیا تھا کہ منگل (31 اگست) تک افغانستان سے امریکی فوجیوں کا انخلا مکمل ہو جائے گا۔ ڈیڈ لائن سے ایک دن پہلے پیر کی رات افغانستان سے امریکی فوجیوں اور غیر فوجی اہلکاروں کے آخری دستہ لے کر ایک امریکی طیارہ کابل ایئرپورٹ سے روانہ ہوا۔

فوج نے پونچھ میں ایل او سی پر دراندازی کی کوشش کو ناکام بناتے ہوئے دو دہشت گردوں کو ہلاک کرنے کا دعویٰ کیا ہے۔

جموں: فوج نے ضلع پونچھ میں لائن آف کنٹرول پر پیر کے روز دراندازی کی ایک کوشش کو ناکام بناتے ہوئے دو دہشت گردوں کو ہلاک کرنے کا دعویٰ کیا ہے۔

جموں میں تعینات دفاعی ترجمان لیفٹیننٹ کرنل دویندر آنند نے اپنے ایک بیان میں کہا کہ دہشت گردوں نے پونچھ سیکٹر میں ایل او سی پر پیر کی صبح دراندازی کرنے کی کوشش کی۔

انہوں نے کہا کہ وہاں تعینات مستعد فوجی جوانوں نے انٹیگریٹڈ سروی لنس گرڈ کا موثر استعمال کرتے ہوئے دراندازی کی کوشش کا پتہ لگایا۔

موصوف ترجمان کا کہنا تھا کہ فوجی جوانوں کی طرف سے چلینج کئے جانے پر طرفین کے درمیان شدید فائرنگ کا تبادلہ ہوا جس کے نتیجے میں ایک دہشت گرد مارا گیا۔

انہوں نے کہا کہ بعد میں مہلوک دہشت گرد کی لاش اور ایک اے کے47 رائفل بھی برآمد کی گئی۔ ان کا مزید کہنا تھا کہ علاقے میں آپریشن جاری ہے۔

فوج کی وائٹ نائٹ کارپس کے آفیشل ٹویٹر ہینڈل پر پیر کی شام ایک ٹویٹ میں ایک اور دہشت گرد کو مارنے کی بات کہی گئی۔

اس میں کہا گیا: ‘پونچھ میں تلاشی آپریشن کے دوران ایک اور دہشت گرد کی لاش برآمد کی گئی ہے۔ لاش کے سامنے ایک اے کے 47 رائفل ملی ہے۔ اس طرح سے بھارتی فوج نے دو دہشت گردوں کو ہلاک کرنے میں کامیابی حاصل کی ہے’۔

افغانستان کے دارالحکومت کابل میں دولت اسلامیہ خراسان دہشت گرد گروہ کی گاڑی کو نشانہ بنانے والے امریکی ڈرون حملے میں مرنے والوں کی تعداد 12 ہو گئی ہے۔

کابل: افغان دارالحکومت کابل میں دولت اسلامیہ خراسان دہشت گرد گروہ کی گاڑی کو نشانہ بنانے والے امریکی ڈرون حملے میں مرنے والوں کی تعداد 12 ہو گئی ہے۔ یہ اطلاع ’الجزیرہ‘ نے پیر کو دی۔

اس سے قبل، سی این این کی ابتدائی رپورٹ میں کہا گیا تھا کہ چھ بچوں سمیت نو شہری ہلاک ہوئے ہیں۔ ’الجزیرہ‘ نے بتایا کہ ہلاک ہونے والے بچوں میں ایک چار سالہ، ایک تین سالہ اور دو دو سال کے بچے شامل ہیں۔ ہلاک ہونے والے تمام افراد ایک ہی خاندان کے رکن تھے جن کا اسلامک اسٹیٹ دہشت گرد گروپ سے کوئی تعلق نہیں تھا۔

اتوار کے روز میڈیا رپورٹس میں کہا گیا تھا کہ امریکی سینٹرل کمانڈ کے ترجمان کیپٹن بل اربن نے دھماکہ خیز مواد سے بھری کار میں فضائی حملے کی تصدیق کی ہے جس کے بارے میں خیال کیا جاتا ہے کہ اس کا تعلق اسلامک اسٹیٹ خراسان دہشت گرد گروپ سے ہے۔

جمعرات کو دہشت گرد تنظیم نے کابل ایئرپورٹ پر خودکش دھماکے کی ذمہ داری قبول کی تھی جس میں 13 امریکی فوجی اور 170 دیگر ہلاک ہوگئے تھے۔