افغانستان میں طاقتور زلزلے سے اب تک 920 افراد ہلاک اور 600 زخمی ہو چکے ہیں

کابل: افغانستان میں طاقتور زلزلے میں مرنے والوں کی تعداد بڑھ کر 920 ہو گئی ہے اور مزید 600 لوگ زخمی ہوئے ہیں۔ طالبان نے یہ اطلاع دی۔

افغانستان میں منگل کی شب زلزلے کے شدید جھٹکے محسوس کیے گئے۔ ریکٹر اسکیل پر زلزلے کی شدت 6.1 تھی۔

زلزلے کے بعد صوبہ پکتیکا میں ملبے اور ٹوٹے مکانوں کی تصویریں دکھائی دے رہی ہیں۔

بی بی سی نے طالبان رہنما ہیبت اللہ اخندزادہ کے حوالے سے بتایا کہ زلزلے سے سینکڑوں گھروں کو نقصان پہنچا ہے اور ہلاکتوں میں اضافے کا اندیشہ ہے۔

ان کے نائب وزیر برائے ڈیزاسٹر مینجمنٹ شرف الدین مسلم نے کہا کہ اب تک 920 افراد ہلاک اور 600 زخمی ہو چکے ہیں۔

طالبان کے مقرر کردہ ترجمان بلال کریمی نے ٹویٹر پر بتایاکہ "بدقسمتی سے کل رات صوبہ پکتیکا کے چار اضلاع میں زبردست زلزلہ آیا۔ زلزلے میں سیکڑوں افراد ہلاک اور سیکڑوں زخمی ہوئے اور کئی مکانات مکمل طور پر تباہ ہوگئے۔ ہم تمام امدادی اداروں پر زور دیتے ہیں کہ وہ اس تباہی کو روکنے کے لیے ان علاقوں میں ٹیمیں بھیجیں۔‘‘

۳/۳ ــ په پوره همغږۍ متضررینو ته رسیدګي وکړي.
او له ټولو نړیوالو مرستندویه ادارو اوخیریه بنسټونو څخه غواړي چې له زیانمنو شویو سره عاجلې مرستې وکړي.
دریاست الوزراء سیاسي مرستیال د وروستیو طبیعي پېښو شهیدانو ته دجنت فردوس، ټپيانو ته دبېړنۍ روغتیا اوکورنیو ته یې د جمیل صبر دعا وکړه.

— Bilal Karimi(بلال کریمي) (@BilalKarimi21) June 22, 2022

بی بی سی نے امریکی جیولوجیکل سروے کے حوالے سے بتایا ہے کہ زلزلے کے وقت لوگ اپنے گھروں میں سو رہے تھے۔ ریکٹر اسکیل پر زلزلے کی شدت 6.1 تھی اور زمین کی سطح سے 51 کلومیٹر کی گہرائی میں تھا۔

بی جے پی والے ملک بھر میں مذہب اور مندر کے نام پر ڈرامہ کرتے ہیں۔ دہلی میں جہاں عام آدمی پارٹی کی حکومت ہے وہاں 53 مندروں کو گرانے جا رہے ہیں

نئی دہلی: عام آدمی پارٹی (عآپ) نے بدھ کو کہا کہ بھارتیہ جنتا پارٹی (بی جے پی) کے لوگ پورے ملک میں مذہب کے نام پر ڈرامہ کرتے ہیں اور دہلی میں 53 مندروں کو منہدم کرنے کا منصوبہ بنا رہے ہیں۔

آج یہاں ایک پریس کانفرنس سے خطاب کرتے ہوئے عآپ کے سینئر لیڈر اور راجیہ سبھا ایم پی سنجے سنگھ نے کہا بی جے پی والے مذہب کے نام پر ڈرامہ کرتے ہیں۔ مذہب کے نام پر لڑائیاں کروائیں گے، نفرتیں پھیلائیں گے۔ دہلی میں مذہب کے نام پر ڈرامہ ہوگا اور بی جے پی والے مذہب کے سب سے بڑے ٹھیکیدار بننے کا کام کریں گے، لیکن دہلی میں ایک دو نہیں 53 مندروں کو توڑنے کا منصوبہ بنارہے ہیں۔ بی جے پی اور نریندر مودی حکومت دہلی میں 53 مندروں کو منہدم کرنے جا رہی ہے۔

مودی حکومت نے دہلی حکومت کو خط لکھا ہے کہ ہمیں مذہبی کمیٹی سے اجازت درکار ہے۔ مرکزی حکومت نے دہلی حکومت کو خط لکھا ہے کہ ہمیں دہلی میں 53 مندروں کو گرانے کی اجازت درکار ہے۔

بی جے پی والے مذہب اور مندر کے نام پر ڈرامہ کرتے ہیں

مسٹر سنگھ نے کہا کہ وزیر اعظم نریندر مودی، بی جے پی دہلی کے ریاستی صدر آدیش گپتا اور یہ بی جے پی کا اصلی چہرہ ہے۔ یہ لوگ دہلی کے 53 مندروں کو تباہ کرنے جا رہے ہیں۔ جس میں بھگوان شری رام، لارڈ شری کرشن، ہنومان، مہادیو شیوا، ماتا درگا سمیت سائی بابا کے مندر کو کوئی نہیں چھوڑ رہا ہے۔

بی جے پی والے ملک بھر میں مذہب اور مندر کے نام پر ڈرامہ کرتے ہیں۔ دہلی میں جہاں عام آدمی پارٹی کی حکومت ہے وہاں 53 مندروں کو گرانے جا رہے ہیں۔ میڈیا کو ایک کاغذ دکھاتے ہوئے مسٹر سنگھ نے کہا کہ یہ پیپر اس بات کا ثبوت ہے کہ بی جے پی کے لوگ ہندو مذہب کے کتنے بڑے مخالف ہیں۔

عآپ کا مطالبہ ہے کہ بی جے پی کو سامنے آکر 53 مندروں کے انہدام کے معاملے میں دہلی کے لوگوں کو جواب دینا چاہیے۔

بی ا یس ای کا تیس حصص کا حساس انڈیکس سینسیکس 52 ہزار پوائنٹس کی نفسیاتی سطح سے 709.54 پوائنٹس گر کر 51,822.53 پوائنٹس پر آگیا اور نیشنل اسٹاک ایکسچینج (این ایس ای) کا نفٹی 225.50 پوائنٹس گر کر 15,413.30 پر آگیا

ممبئی: شرح سود میں اضافہ اور عالمی معیشت کی رفتار سست پڑنے کے خدشے سے غیر ملکی بازاروں میں آئی گراوٹ سے حوصلہ شکنی کے شکار سرمایہ کاروں کی مقامی سطح پر چوطرفہ فروخت سے سینسیکس اور نفٹی گزشتہ دو دنوں کی تیزی کھوکر آج ایک فیصد سے زیادہ گر گئے۔

بی ا یس ای کا تیس حصص کا حساس انڈیکس سینسیکس 52 ہزار پوائنٹس کی نفسیاتی سطح سے 709.54 پوائنٹس گر کر 51,822.53 پوائنٹس پر آگیا اور نیشنل اسٹاک ایکسچینج (این ایس ای) کا نفٹی 225.50 پوائنٹس گر کر 15,413.30 پر آگیا۔

اس مدت کے دوران بی ایس ای مڈ کیپ 1.53 فیصد گر کر 21,178.06 پوائنٹس اور اسمال کیپ 1.11 فیصد گر کر 23,854.62 پوائنٹس پر آگیا۔ اس عرصے کے دوران بی ایس ای پر کل 3440 کمپنیوں کے حصص کا کاروبار ہوا جن میں سے 2081 فروخت ہوئے جبکہ 1250 خریدے گئے اور 109 میں کوئی تبدیلی نہیں ہوئی۔ اسی طرح این ایس ای پر 45 کمپنیوں میں کمی ہوئی جبکہ باقی پانچ میں اضافہ ہوا۔ بی ایس ای کے تمام 19 گروپ سب آؤٹ سیلنگ کی وجہ سے گر گئے۔

قومی کونسل برائے فروغ اردو زبان کے ڈائریکٹر پروفیسر شیخ عقیل احمد نے روزنامہ جدید کے ایڈیٹر ایس ٹی رضا کے مضامین اور تبصروں کے مجموعہ ‘تفہیمات’ کی رونمائی کی

نئی دہلی: قومی کونسل برائے فروغ اردو زبان کے ڈائریکٹر پروفیسر شیخ عقیل احمد کے ہاتھوں روزنامہ دور جدید کے مدیر ایس ٹی رضا کے مضامین اور تبصروں کے مجموعے ‘تفہیمات’ کا اجرا عمل میں آیا۔ یہ بات آج یہاں جاری ریلیز میں کہی گئی ہے۔

ریلیز کے مطابق اس موقعے پر شیخ عقیل نے کہا کہ اس کتاب کے مشمولات قابلِ مطالعہ ہیں اور اپنے موضوعات کا بھرپور احاطہ کرتے ہیں۔ انھوں نے کہا کہ ایس ٹی رضا نے جن فن کاروں اور تخلیق کاروں کو موضوعِ تحریر بنایا ہے وہ اپنے تخلیقی و فنی میدانوں میں غیر معمولی اہمیت و شہرت بھی رکھتے ہیں، مگر ابھی ان میں سے بیشتر کے بارے میں زیادہ نہیں لکھا گیا ہے، ایس ٹی رضا نے ان کے فکر و فن کا جائزہ لے کر ان کی خدمات کے اعتراف کا اچھا سلسلہ شروع کیا ہے۔

کتاب میں متعدد تخلیق کاروں پر مضامین شامل

شیخ عقیل نے کہا کہ ان مضامین کو پڑھ کر متعلقہ فن کاروں کے حوالے سے کئی نئے زاویے ہمارے سامنے آتے ہیں اور ہماری معلومات و بصیرت میں اضافہ بھی ہوتا ہے۔ قابل ذکر ہے کہ اس کتاب میں جن تخلیق کاروں پر مضامین شامل ہیں ان میں سلام مچھلی شہری، زبیر الحسن غافل، پروفیسر مناظر عاشق ہرگانوی، مشرف عالم ذوقی، تبسم فاطمہ، ڈاکٹر سید احمد قادری، اسلم جمشیدپوری، شکور انور، ابرار احمد شبیری کامل، حبیب سیفی اور امیر نہٹوری شامل ہیں۔

ان کے علاوہ چھ کتابوں پر مصنف کے تبصرے بھی اس کتاب کا حصہ ہیں۔ کتاب کے مصنف ایس ٹی رضا نے قومی اردو کونسل کے ڈائریکٹر پروفیسر شیخ عقیل کا تہہ دل سے شکریہ ادا کیا اور کہا کہ یہ کتاب دراصل وقتاً فوقتاً لکھے گئے میرے مضامین اور تبصروں کا مجموعہ ہے جنھیں افادۂ عام کے لیے کتابی شکل میں مرتب کیا گیا ہے۔ اس موقعے پر معروف شاعر طالب رامپوری، سندھی اخبار سمواد کے چیف ایڈیٹر شری کانت بھاٹیا، انصاری اطہر حسین اور مبشر عالم وغیرہ موجود تھے۔

لیفٹیننٹ جنرل انیل پوری نے کہا کہ اگنی پتھ کا منصوبہ وسیع غور و خوض کے بعد سامنے لایا گیا ہے، فوجوں نے 150 میٹنگیں کیں جو 500 گھنٹے جاری رہیں

نئی دہلی: مسلح افواج نے آج ایک بار پھر واضح کیا کہ تینوں سروس میں اگنی پتھ کے تحت سپاہیوں کی بھرتی کی نئی اسکیم مکمل طور پر پرانی بھرتی کے طریقہ کار سے ملتی جلتی ہوگی اور اس میں کوئی تبدیلی نہیں کی گئی ہے۔ ساتھ ہی فوج میں رجمنٹ کا نظام بھی برقرار رہے گا۔

مسلح افواج کی جانب سے یہ بھی کہا گیا کہ یہ کوئی پائلٹ پروجیکٹ نہیں ہے اور اسے شیڈول کے مطابق ہی انجام دیا جائے گا۔ انہوں نے کہا کہ فورسز کا کل ہند کردار برقرار رہے گا اور پورے ملک میں بھرتی ریلیاں نکالی جائیں گی اور ملک کا کوئی بھی ضلع اس سے اچھوتا نہیں رہے گا۔

فوجی امور کے محکمے میں ایڈیشنل سکریٹری، لیفٹیننٹ جنرل انیل پوری نے فضائیہ، بحریہ اور فوج کے سینئر افسران کے ساتھ دو دن بعد منگل کو ایک بار پھر میڈیا سے بات چیت کی۔ انہوں نے اتوار کو بھی اگنی پتھ اسکیم کے بارے میں میڈیا سے بڑے پیمانے پر بات کی تھی۔ مسلح افواج نے بھرتی کے عمل کو جلد از جلد شروع کرنے کا روڈ میپ تیار کیا اور کہا کہ جوانوں کی بھرتی کے وقت بھرتی کے معیار میں کوئی سمجھوتہ نہیں کیا جائے گا اور صرف ان امیدواروں کا انتخاب کیا جائے گا جو ہر کسوٹی میں بہترین ثابت ہوں گے۔

لیفٹیننٹ جنرل پوری نے کہا کہ اگنی پتھ کا منصوبہ وسیع غور و خوض کے بعد سامنے لایا گیا ہے۔ انہوں نے کہا کہ فوجوں نے 150 میٹنگیں کیں جو 500 گھنٹے جاری رہیں، وزارت دفاع کی سطح پر 60 میٹنگیں ہوئیں جو 150 گھنٹے جاری رہیں، اس کے علاوہ حکومت میں 44 میٹنگیں ہوئیں جو 100 گھنٹے تک جاری رہیں۔

اگنی ویروں کی تربیت

انہوں نے کہا کہ اگنی پتھ اسکیم کے تحت بھرتی ہونے والے اگنی ویروں کی تربیت بھی موجودہ جوانوں کی طرح ہی ہوگی اور اس میں کوئی تبدیلی نہیں کی گئی ہے۔ اگنی ویروں کے لیے ہونے والے امتحان کے نصاب میں بھی کوئی تبدیلی نہیں کی گئی ہے اور یہ پہلے کی طرح ہی رہے گا۔

انہوں نے کہا کہ اسے پائلٹ پروجیکٹ نہیں کہا جا سکتا کیونکہ فوج ابتدائی چند سالوں میں 40 سے 50 ہزار اور اس کے بعد ہر سال 90 ہزار سے زائد اگنی ویر بھرتی کرے گی۔

پروفیسر نجمہ اختر، شیخ الجامعہ، جامعہ ملیہ اسلامیہ نے ٹاپرز کو مبارک باد دی اور روشن و تابناک مستقبل کے لیے نیک جذبات کا اظہار کیا

نئی دہلی: جامعہ ملیہ اسلامیہ نے آج دسویں (ریگولر) بورڈ کے نتائج کا اعلان کردیا۔ کل طلبا جن کی تحسیب کی گئی ان میں تقریباً پچاس فیصد لڑکے اور پچاس اعشاریہ چار ایک لڑکیاں تھیں۔ کل نناوے اعشاریہ صفر تین فیصد طلبا نے امتحان پاس کیے ہیں۔ امتحان کا نتیجہ http://jmicoed.in/ پر دستیاب ہے۔ یہ اطلاع جامعہ ملیہ اسلامیہ کی جاری کردہ ریلیز میں دی گئی ہے۔

ریلیز کے مطابق پہلی پوزیشن پر ایک لڑکی اور دو لڑکے آئے ہیں۔ صدف، محمد انشال اور ریحان رضوی نے بالترتیب سنتاونے اعشاریہ آٹھ چھ فیصد نمبرات حاصل کیے ہیں۔ محمد اختر رضا سنتانوے اعشاریہ پانچ سات فیصد نمبرات کے ساتھ دوسرے مقام پر رہے۔ تسمیہ رحمان اور ندا فاطمہ کے سنتانوے اعشاریہ چار تین نمبرات کی وجہ سے تیسری پوزیشن ٹائی رہی۔

ایک سو سولہ طلبا نے سمپل فرسٹ ڈویژن حاصل کی

کل پانچ سو تیرسٹھ طلبا نے امتیازی نمبرات کے ساتھ فرسٹ ڈویژن حاصل کی جب کہ ایک سو سولہ طلبا نے سمپل فرسٹ ڈویژن حاصل کی۔ پانچ سو تیرسٹھ طلبا جنھوں نے امتیازی نمبرات کے ساتھ فرسٹ ڈویژن حاصل کی ان میں تین سو تین لڑکیاں اور دوسو ساٹھ لڑکے تھے۔

پروفیسر نجمہ اختر، شیخ الجامعہ، جامعہ ملیہ اسلامیہ نے ٹاپرز کو مبارک باد دی اور روشن و تابناک مستقبل کے لیے نیک جذبات کا اظہار کیا۔ انھوں نے کہا کہ جو طلبا چند نمبرات کی کمی کی وجہ سے ٹاپ نہیں کرسکے انھیں مایوس نہیں ہونا چاہیے اور زندگی میں آنے والی مصیبتوں اور مقابلوں کے لیے انتھک کوشش کرنی چاہیے۔ انھوں نے امید ظاہر کی کہ یہ طلبا ادارے اور ملک کا نام روشن کریں گے۔

پروفیسر اختر نے پرسکون انداز میں امتحانات کے انعقاد کے لیے پروفیسر ناظم حسین الجعفری، مسجل جامعہ ملیہ اسلامیہ، ڈینز اور دیگر فیکلٹی اراکین کی مساعی کی ستائش کی۔ انھوں نے بروقت امتحان کے نتائج کے اعلان کے لیے کنٹرولر آف امتحانات کے اسٹاف کی کوششوں اور ان کی محنت کی بھی تعریف کی۔

نوپور شرما کے نازیبا تبصرے کے لیے کلکتہ کے نارکل ڈنگہ پولیس اسٹیشن نے 20 جون کو صبح 11 بجے کے قریب طلب کیا تھا، تاہم وہ آج نارکل ڈنگا پولیس اسٹیشن نہیں آئیں

کلکتہ: بی جے پی کی معطل لیڈر نوپور شرما کے نازیبا تبصرے کے لیے کلکتہ کے نارکل ڈنگہ پولیس اسٹیشن نے طلب کیا تھا۔ پیر کو حاضری کا حکم دیا گیا۔ تاہم وہ آج نارکل ڈنگا پولیس اسٹیشن نہیں آئیں۔ بی جے پی کے معطل لیڈر نے نارکل ڈانگہ پولیس اسٹیشن کو میل کرکے چار ہفتے کی مہلت مانگی ہے۔

بی جے پی کی معطل لیڈر نوپور شرما کے متنازعہ ریمارکس کے خلاف مغربی بنگال کے کئی اضلاع بشمول ہوڑہ میں پرتشدد مظاہرے ہوئے تھے۔ کئی جگہوں پر امن و امان کی صورت حال خراب ہوگئی تھی۔ پیغمبر اسلام کے بارے میں ان کے متنازعہ ریمارکس پر 12 ممالک میں ہندوستان کے خلاف مظاہرے پھوٹ پڑے ہیں۔ مرشدآباد میں مظاہرے ہوئے۔ ہوڑہ کے ڈھولا گڑھ، کونا ایکسپریس وے، البیریا سب ڈویژن میں مختلف مقامات پر سڑکیں بلاک کر دی گئیں۔

نوپور شرما کے متنازعہ ریمارکس کے بعد نارکل ڈانگہ علاقہ کی ایک رہائشی نے ان کے خلاف نارکل ڈانگہ پولیس اسٹیشن میں شکایت درج کرائی۔ نارکل ڈانگہ پولیس اسٹیشن نے اس الزام کی بنیاد پر نوپور شرما کے خلاف مقدمہ درج کیا۔ نوپور شرما کو طلب کیا گیا۔ نوپور کو سی آر پی سی کی دفعہ 41 کے تحت نوٹس بھیجا گیا تھا۔

یہ نوٹس بی جے پی کے معطل لیڈر کو سپیڈ پوسٹ اور ای میل کے ذریعے بھیجا گیا تھا۔ انہیں 20 جون کو صبح 11 بجے کے قریب نارکل ڈنگہ پولیس اسٹیشن میں کیس کے تفتیشی افسر سے تعزیرات ہند کے ضابطہ فوجداری کی دفعہ 41 کے تحت ایک نوٹس کے ساتھ ملنے کی ہدایت دی گئی تھی۔

مسٹر کمار سوامی نے دعویٰ کیا کہ آر ایس ایس اگنی پتھ کے نفاذ کے ذریعے ہندوستان میں نازی تحریک شروع کرنے کی کوشش کر رہی ہے

بنگلورو: کرناٹک کے سابق وزیر اعلی ایچ ڈی کمار سوامی نے پیر کو کہا کہ اگنی پتھ اسکیم ہندوستانی فوج پر کنٹرول حاصل کرنے کے لئے راشٹریہ سویم سنگھ (آر ایس ایس) کا خفیہ ایجنڈا ہے۔
مسٹر کمار سوامی نے یہاں نامہ نگاروں سے کہا کہ اس طرح سے چار سال کی ڈیوٹی مکمل کرنے کے بعد اگنی ویر فوج کے اندر اور باہر آر ایس ایس کارکن کے طور پر کام کریں گے۔

انہوں نے سوال اٹھایا کہ کیا انہیں آر ایس ایس کے لیڈر بھرتی کریں گے یا فوج۔ اس طرح اب جو 10 لاکھ لوگ فوج میں بھرتی ہوں گے وہ آر ایس ایس کارکنان کو فوج میں شامل کرسکتے ہیں۔ وہ فوج میں ڈھائی لاکھ آر ایس ایس کارکنوں کو قائم کرسکتے ہیں اور اس کا پوشیدہ ایجنڈا یہ ہے کہ جو 75 فیصد ہیں انہیں 11 لاکھ روپے دے کر باہر بھیجا جائے گا اور وہ پورے ملک میں پھیل جائیں گے۔

فوج کے اندر اور باہر آر ایس ایس کے لوگ ہوں گے

انہوں نے کہا کہ فوج کے اندر اور باہر آر ایس ایس کے لوگ ہوں گے۔ وہ آر ایس ایس کے ذریعے فوج پر قبضہ کرنے کا منصوبہ بنا رہے ہیں۔ مسٹر کمار سوامی نے دعویٰ کیا کہ آر ایس ایس اگنی پتھ کے نفاذ کے ذریعے ہندوستان میں نازی تحریک شروع کرنے کی کوشش کر رہی ہے۔

مسٹر کمار سوامی کے تبصرے پر جوابی حملہ کرتے ہوئے، بی جے پی کے قومی ترجمان شہزاد پونا والا نے کہا کہ یہ ایک نفرت انگیز تبصرہ ہے جو مسلح افواج اور ہندوستانی اداروں کی براہ راست ہندوستان کی توہین کر رہا ہے۔ مسٹر پونا والا نے کہا کہ یہ وہی لوگ ہیں جنہوں نے سرجیکل اسٹرائیک اور بالاکوٹ ایئر اسٹرائیک پر سوال اٹھائے تھے۔ کیا مسلح افواج اپنے اداروں کو اس طرح سے سمجھوتہ کرنے کی اجازت دے گی۔

فاطمہ پیمان نے کہا کہ میں چاہتی ہوں کہ وہ نوجوان لڑکیاں جو حجاب پہننے کا فیصلہ کرتی ہیں، وہ حقیقت میں فخر کے ساتھ ایسا کریں، یہ جانتے ہوئے کہ انہیں حجاب پہننے کا پورا حق ہے

کینبرا: فاطمہ پیمان پیر کو آسٹریلیا کی پارلیمنٹ میں حجاب پہننے والی پہلی مسلمان خاتون بنیں۔

اے بی سی نیوز کے مطابق، محترمہ پیمان نے مغربی آسٹریلیا میں سینیٹ کی چھٹی نشست کا دعویٰ کیا، جس نے لیبر پارٹی کی قسمت بدل دی۔

محترمہ پیمان (27) سینیٹ کی تاریخ کی تیسری کم عمر سینیٹر ہیں۔ انہوں نے کہا ’’افغان یا مسلمان ہونے سے پہلے میں ایک آسٹریلیائی لیبر سینیٹر ہوں، سبھی آسٹریلیائی باشندوں کی نمائندگی کرتی ہوں، چاہے ان کا عقیدہ، پس منظر، ثقافتی شناخت، عمر یا قابلیت کچھ بھی ہو۔

انہوں نے کہا ’’میں فرسٹ نیشن میں شامل ہوگوں سمیت سبھی کی نمائندگی کروں گی‘‘۔ انہوں نے یہ امید بھی ظاہر کی کہ ان کے حجاب پہننے کے خیال سے الیکشن کو معمول کے مطابق بنانے میں مدد ملے گی۔

انہوں نے مزید کہا ’’یہ صرف اس لیے نہیں کہ میڈیا میں اسلام فوبیا پھیل رہا ہے بلکہ میں چاہتی ہوں کہ وہ نوجوان لڑکیاں جو حجاب پہننے کا فیصلہ کرتی ہیں، وہ حقیقت میں فخر کے ساتھ ایسا کریں، یہ جانتے ہوئے کہ انہیں حجاب پہننے کا پورا حق ہے‘‘۔

جب محترمہ پیمان آٹھ سال کی تھیں تو وہ افغانستان چھوڑ کر اپنے خاندان کے ساتھ بھاگ کر آسٹریلیا آگئی تھیں۔

نوٹیفکیشن کے مطابق جنرل ڈیوٹی، ٹیکنیکل، کلرک، اسٹور کیپر اور ٹریڈ مین وغیرہ کی بھرتی کا عمل جولائی سے شروع ہوگا

نئی دہلی: تینوں افواج میں جوانوں کی بھرتی کے لیے اگنی پتھ اسکیم کے خلاف ملک گیر احتجاج کے درمیان فوج نے آج اس اسکیم کے تحت اگنی پتھ کی بھرتی کے لیے نوٹیفکیشن جاری کردیا۔

یہ نوٹیفکیشن پیر کو فوج کی ویب سائٹ پر جاری کیا گیا ہے اور اس میں اگنی ویروں کی بھرتی سے متعلق سروس شرائط اور بھرتی ریلیوں کے بارے میں معلومات دی گئی ہیں۔

نوٹیفکیشن کے مطابق جنرل ڈیوٹی، ٹیکنیکل، کلرک، اسٹور کیپر اور ٹریڈ مین وغیرہ کی بھرتی کا عمل جولائی سے شروع ہوگا۔

آرمی اگست کے پہلے پندرہ دن میں اگنی ویروں کی بھرتی کے لیے پہلی بھرتی ریلی منعقد کرنے کا منصوبہ رکھتی ہے۔ اس کے بعد امیدواروں کے جسمانی اور میڈیکل ٹیسٹ کے بعد تحریری ٹیسٹ لیا جائے گا۔

فوج میں اگنی ویروں کی بھرتی دو مرحلوں میں کی جائے گی۔ پہلے مرحلے میں اگلے سال دسمبر کے پہلے ہفتے میں 25000 اگنی ویروں کو بھرتی کیا جائے گا اور دوسرے مرحلے میں اگلے سال 23 فروری تک 21000 اگنی ویروں کو بھرتی کیا جائے گا۔

بحریہ اور فضائیہ کی جانب سے اگنی ویروں کی بھرتی کا نوٹیفکیشن بھی اسی ہفتے جاری کیا جائے گا۔