پریس کانفرنس سے خطاب کرتے ہوئے وزیر اعلیٰ ممتا بنرجی نے کہا کہ ریاست میں مزید سات اضلاع بنائے جا رہے ہیں

کلکتہ: ممتا بنرجی نے پارتھو چٹرجی کا نام لیے بغیر کابینہ کے ساتھیوں کو نصیحت کرتے ہوئے کہا کہ کوئی ایسا کام نہ کریں جس سے حکومت اور پارٹی دونوں کی بے عزتی ہو۔

اسکول سروس کمیشن کے تحت اساتذہ کی بھرتی میں گھوٹالہ اور پھر پارتھو چٹرجی کی گرفتاری کے بعد ممتا بنرجی نے انہیں کابینہ سے برخواست کردیا ہے۔اس کے بعد سے ہی ممتا بنرجی دباؤ میں ہے۔ حکومت کی شبیہ کو بہتر کرنے کیلئے ممتا حکومت پر دباؤ ہے۔ایسے امیں امکان ہے کہ جلد ہی کابینہ میں رد و بدل ہوسکتا ہے۔ آج کابینہ کے اجلاس کے بعد وزیراعلیٰ نے کہا کہ کابینہ میں اگلے بدھ کو ردوبدل کیا جائے گا۔ کابینہ کے چار پانچ ارکان کے علاوہ پانچ سے چھ نئے چہرے شامل کیے جائیں گے۔

سات نئے اضلاع کو کابینہ کی میٹنگ میں منظوری

کابینہ کی میٹنگ میں ریاست میں سات نئے اضلاع کی تشکیل کے فیصلے کو کابینہ کی میٹنگ میں منظوری دی گئی۔ پریس کانفرنس سے خطاب کرتے ہوئے وزیر اعلیٰ نے کہا کہ ریاست میں مزید سات اضلاع بنائے جا رہے ہیں۔”

ممتا بنرجی نے کہا کہ شمالی 24 پرگنہ میں تین اضلاع ہوں گے۔ ان کے نام بعد میں طے کئے جائیں گے۔ نیا ضلع سندربن ضلع ہے۔ مرشد آباد کے تین اضلاع کنڈی، بہرام پور اور مرشد آباد ہیں۔ بانکوڑہ کو نیا ضلع بشنوپور مل رہا ہے، ندیا کو راناگھاٹ ضلع مل رہا ہے۔

ممتا بنرجی نے کہا، مرشد آباد ضلع، بہرام پور-جنگی پور، کنڈی کو توڑ کر دو اور نئے اضلاع بنائے جا رہے ہیں۔ ندیا ضلع سے نکل کر راناگھاٹ ضلع بنایا جائے گا۔ شمالی 24 پرگنہ ضلع کو تقسیم کیا جا رہا ہے اور دو اور نئے اضلاع بنائے جا رہے ہیں۔ ان میں بنگاؤں ہے اور بشیرہاٹ سب ڈویژن کے ساتھ ایک نیا ضلع بھی بنایا جا رہا ہے۔ اس کے علاوہ، بشنو پور اور سندربن کے نام سے دو نئے اضلاع ہوں گے۔

ریاست کے نئے اضلاع یہ ہوں گے

(1) سندربن ضلع (جنوبی 24 پرگنہ) (2) بنگاؤں سب ڈویژن (شمالی 24 پرگنہ) 3) بشیرہاٹ (حتمی نام بعد میں کیا جائے گا) 4) راناگھاٹ (ندیا) 5) بشنو پور (بانکورہ) 6) بہرام پور 7) کنڈی (مرشد آباد))

ای ڈی نے شیوسینا رکن پارلیمنٹ سنجے راوت کی رہائش گاہ پر کالے دھن منی لانڈرنگ کے معاملے میں چھ گھنٹوں تک چھاپہ مارنے کے بعد بالآخر اپنی تحویل میں لیا

ممبئی: مرکزی ایجنسی انفورسمنٹ ڈائریکٹوریٹ (ای ڈی) نے نے آج یہاں شیوسینا رکن پارلیمنٹ سنجے راوت کی رہائش گاہ پر کالے دھن منی لانڈرنگ کے معاملے میں چھ گھنٹوں تک چھاپہ مارنے کے بعد بالآخر اپنی تحویل میں لیا۔ ان پر الزام ہیکہ انہوں نے مضافات کے گوریگاوں علاقے میں واقع پترا چال کی ازسرنو تعمیر کے معاملے میں غیر قانونی طور روپیوں کا لین دین کیا تھا جس میں ان کے اہل خانہ کے ہمراہ ان کے ساتھی بھی شامل ہیں۔

اس کارروائی سے قبل ای ڈی نے راوت کے خلاف دو مرتبہ سمن جاری کیا تھا لیکن دونوں مرتبہ سینا لیڈر نے ای ڈی دفتر میں حاضری سے معذوری ظاہر کی تھی آخری سمن 27 جولائی کو ان کے خلاف جاری کیا گیا تھا۔

سمن کے جواب میں راوت کے وکلاء ای ڈی دفتر میں حاضر ہوئے تھے اور انہوں نے ایجنسی کو مطلع کیا تھا کہ پارلیمنٹ کے جاری اجلاس کی وجہ سے راوت کو مہلت دی جائے اور وہ 7 اگست کو ایجنسی کے روبرو حاضر ہو سکتے ہے۔

انہوں نے یکم جولائی کو اپنا بیان ریکارڈ کرایا تھا۔ اس معاملے میں ای ڈی نے راؤت کی دادر اور علی باغ کی جائیدادیں بھی ضبط کی ہیں۔

ایکناتھ شندے کی شیوسینا سے بغاوت کے بعد شیوسینا کو کنٹرول کرنے کے لیے لڑائی میں راؤت نے اودھو ٹھاکرے کی حمایت کی تھی۔

زیلنسکی نے یوکرین کے زیر کنٹرول مشرقی ڈونیٹسک علاقے کے کچھ حصوں میں رہنے والے شہریوں کو وہاں سے نکالنے کا حکم دیا ہے

کیف: یوکرین کے صدر ولادیمیر زیلنسکی نے یوکرین کے زیر کنٹرول مشرقی ڈونیٹسک علاقے کے کچھ حصوں میں رہنے والے شہریوں کوخالی کرنے کا حکم دیا ہے۔

مسٹر زیلینسکی نے کہا کہ لڑائی شدت اختیار کر سکتی ہے اور جتنے زیادہ لوگ ڈونیٹسک کے علاقے سے نکلیں گے، وہ اتنے ہی زیادہ محفوظ رہ سکتے ہیں۔

یوکرائنی صدر کا یہ انتباہ ایسے وقت میں سامنے آیا ہے جب روس نے اقوام متحدہ اور ریڈ کراس کے حکام کو روس کے حمایت یافتہ علیحدگی پسندوں کے زیر اہتمام ڈونیٹسک علاقے کے ایک دیگر حصے میں 50 یوکرینی جنگی قیدیوں کی ہلاکت کی تحقیقات کے لیے مدعو کیا ہے۔

ملک میں گزشتہ 24 گھنٹوں کے دوران کورونا وائرس کے 20,408 نئے کیسز سامنے آنے کے ساتھ ہی متاثرین کی مجموعی تعداد بڑھ کر 44000138 ہوگئی

نئی دہلی: ملک میں گزشتہ 24 گھنٹوں کے دوران کورونا وائرس (کووڈ-19) کی وبا کے 20,408 نئے کیسز سامنے آنے کے ساتھ ہی متاثرین کی مجموعی تعداد بڑھ کر 44000138 ہو گئی۔ جبکہ اس وبا سے مرنے والوں کی تعداد مزید 44 مریضوں کی موت کے ساتھ بڑھ کر 526312 ہو گئی۔

صحت اور خاندانی بہبود کی وزارت نے ہفتہ کو یہاں بتایا کہ صبح 7 بجے تک 203.94 کروڑ ویکسین دی گئی ہیں، جب کہ گزشتہ 24 گھنٹوں میں 33,87,173 ویکسین دی گئی ہیں۔

وزارت نے کہا کہ گزشتہ 24 گھنٹوں میں 20,958 افراد کی شفایابی کے ساتھ، صحت یاب ہونے والوں کی کل تعداد بڑھ کر 4,33,30,442 ہوگئی ہے۔

پچھلے 24 گھنٹوں میں 4,04,399 کووڈ ٹیسٹ کیے گئے ہیں اور اب تک کل 87.48 کروڑ سے زیادہ کووڈ ٹیسٹ کیے جا چکے ہیں۔

ملک میں اس عرصے کے دوران 37 ریاستوں اور مرکز کے زیر انتظام علاقوں میں سے جہاں 17 ریاستوں اور مرکز کے زیر انتظام علاقوں میں کورونا کے ایکٹیو کیسز میں کمی آئی ہے وہیں 20 میں ایکٹو کیسز بڑھے ہیں۔ گزشتہ 24 گھنٹوں میں 604 ایکٹیو کیسز میں کمی کے بعد ان کی کل تعداد 143384 ہوگئی ہے۔

مغربی بنگال میں کورونا ایکٹیو کیسز

مغربی بنگال میں گزشتہ 24 گھنٹوں میں 1140 سب سے زیادہ کورونا ایکٹیو کیسز کم ہو کر 18003 پر آ گئے ہیں اور اس سے چھٹکارا پانے والوں کی تعداد بڑھ کر 2052412 ہو گئی ہے۔ اس وبا کی وجہ سے چھ مزید مریضوں کی موت سے ریاست میں اب تک 21352 لوگوں کی موت ہو چکی ہے۔

اس دوران کیرالہ میں کورونا ایکٹیو کیسز 942 کم ہو کر 16015 پر آ گئے ہیں اور اس سے چھٹکارا پانے والوں کی تعداد 6631390 تک پہنچ گئی ہے۔ اس وبا سے ریاست میں اب تک 70451 لوگوں کی موت ہو چکی ہے۔

تمل ناڈو میں گزشتہ 24 گھنٹوں میں کورونا کے 380 ایکٹو کیسز کم ہو کر 13510 پر آ گئے ہیں اور اس سے چھٹکارا پانے والوں کی تعداد 3489689 تک پہنچ گئی ہے۔ ریاست میں مرنے والوں کی تعداد 38032 پر مستحکم ہے۔

میگھالیہ میں وزیر اعلیٰ کی رہائش گاہ کے قریب گارو ہلز میں بی جے پی کے ریاستی نائب صدر کا 30 کمروں کا فارم ہاؤس ہے، جس میں جسم فروشی کا کاروبار چل رہا تھا۔ اس فارم ہاؤس میں چھاپے کے دوران کمسن لڑکیوں اور 23 خواتین کے ساتھ 75 افراد کو پکڑا گیا

نئی دہلی: کانگریس نے ہفتہ کو کہا کہ میگھالیہ میں بھارتیہ جنتا پارٹی (بی جے پی) کے ریاستی نائب صدر برنارڈ ماراک کے فارم ہاؤس سے پانچ نابالغ لڑکیوں اورکئی خواتین کے سیکس ریکیٹ میں پکڑے جانے کے معاملے میں بی جے پی کے صدر جے پی نڈا اوروزیر داخلہ امت شاہ کو ملک کے عوام سے معافی مانگنی چاہیے۔

کانگریس کے ترجمان اجے کمار نے یہاں پارٹی ہیڈکوارٹر میں پریس کانفرنس میں بتایا کہ میگھالیہ میں وزیر اعلیٰ کی رہائش گاہ کے قریب گارو ہلز میں بی جے پی کے ریاستی نائب صدر کا 30 کمروں کا فارم ہاؤس ہے، جس میں جسم فروشی کا کاروبار چل رہا تھا۔ اس فارم ہاؤس میں چھاپے کے دوران کمسن لڑکیوں اور 23 خواتین کے ساتھ 75 افراد کو پکڑا گیا۔

انہوں نے اسے ملک کی خواتین پر مظالم اور نابالغوں کے ساتھ ایک غیر انسانی اور مکروہ فعل قرار دیا اور کہا کہ اس واقعہ کے لئے مسٹر شاہ اور مسٹر نڈا کے ساتھ ہی وزیر خزانہ نرملا سیتا رمن اور ٹیکسٹائل کی وزیر اسمرتی ایرانی کو بھی ملک کی خواتین سے معافی مانگنی چاہئے۔

ترجمان نے کہا، ’’یہ انتہائی حساس معاملہ ہے لیکن حیران کن بات یہ ہے کہ اس معاملے میں گرفتاریوں کے باوجود پورا معاشرہ اور پورا ملک خاموش ہے۔ انہوں نے کہا کہ خواتین کے مفادات کے بہانے جارحیت کا مظاہرہ کرنے والی اسمرتی ایرانی اور محترمہ نرملا سیتا رمن کو آگے آکر ملک سے معافی مانگنی چاہئے۔

کشمیر زون پولیس نے اپنے ایک ٹویٹ میں اپ ڈیٹ فراہم کرتے ہوئے کہا: ’بارہمولہ انکاؤنٹر: ایک دہشت گرد مارا گیا جبکہ تلاشی آپریشن ہنوز جاری ہے‘

سری نگر: شمالی کشمیر کے ضلع بارہمولہ کے وانی گام بالا علاقے میں تصادم آرائی کے دوران ایک عدم شناخت دہشت گرد مارا گیا جبکہ تلاشی آپریشن ہنوز جاری ہے۔

سرکاری ذرائع کے مطابق اس انکاؤنٹر کے دوران ایک فوجی جوان اور دو پولیس اہلکار بھی زخمی ہوئے ہیں، جن کی حالت مستحکم بتائی جا رہی ہے۔

کشمیر زون پولیس نے اپنے ایک ٹویٹ میں اپ ڈیٹ فراہم کرتے ہوئے کہا: ’بارہمولہ انکاؤنٹر: ایک دہشت گرد مارا گیا جبکہ تلاشی آپریشن ہنوز جاری ہے‘۔

#BaramullaEncounterUpdate: 01 #terrorist killed. Search going on. Further details shall follow.@JmuKmrPolice https://t.co/w1LdIMYL9c

— Kashmir Zone Police (@KashmirPolice) July 30, 2022

قبل ازیں ذرائع نے بتایا کہ فوج اور پولیس کی ایک مشترکہ ٹیم نے ہفتے کی علی الصبح بارہمولہ کے وانی گام بالا علاقے کو محاصرے میں لے کر تلاشی آپریشن شروع کر دیا۔

انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے دہشت گردوں نے ان پر فائرنگ کردی جس کے نتیجے میں طرفین کے درمیان تصادم چھڑ گیا۔

اعظم خان نے الزام لگایا کہ لولو مال کا مالک آر ایس ایس کا فنڈ ریزر ہے، نمازی بھی وہی لایا تھا، پورا تنازع بھی اس نے ہی کھڑا کیا

مرادآباد: سماج وادی پارٹی (ایس پی) کے قدآور رہنما اعظم خان نے جمعرات کو کہا کہ لکھنؤ کے لولو مال میں نماز اور ہنومان چالیسا پڑھنے والے بی جے پی سے وابستہ افراد تھے، کیونکہ ان کا مقصد فرقہ وارانہ کشیدگی پیدا کر کے اپنی سیاسی مفاد حاصل کرنا ہوتا ہے۔

ایم پی۔ ایم ایل اے عدالت میں ایک معاملے کی تاریخ پر مرادآباد پہنچے اعظم نے الزام لگایا کہ لولو مال کا مالک آر ایس ایس کا فنڈ ریزر ہے۔ نمازی بھی وہی لایا تھا۔ پورا تنازع بھی اس نے ہی کھڑا کیا۔ اسے مال کا نام تبدیل کرنا چاہئے لیکن وہ ایسا نہیں کرے گا۔

بلڈوزر چلانے اور کانوڑیوں پر پھول برسانے کے سلسلے میں ہورہی بیان بازی کے حوالے سے بھی انہوں نے حکومت کو ہدف تنقید بنایا اور کہا ‘پیدائشی طور پر بینائی سے محروم نہیں ہوں، ہاں حالات نے ضرور اندھا بنا دیا ہے۔ سکندر تو نہیں بن پایا۔ ہاں مداری کا بندر ضرور بن گیا ہوں۔ بندر بن کر کبھی مرادآباد، کبھی فیروزآباد تو کبھی کہیں اور دوڑ لگارہے ہیں۔

قابل ذکر ہے کہ جنوری 2008 میں اعظم خان کی گاڑی روک کر پولیس نے چیکنگ کی تھی۔ الزام ہے کہ چیکنگ کی مخالفت میں اعظم خان سڑک پر بیٹھ گئے تھے اور ہنگامہ کیا تھا۔ پڑوسی اضلاع سے بھی ایس پی لیڈران اور ان کے حامی وہاں پہنچ گئے تھے۔ا س معاملے میں اعظم خاں، ان کے بیٹے عبداللہ اعظم سمیت نو کے خلاف مختلف دفعات میں مقدمہ درج کیا گیا تھا۔ اس کیس کی سماعت ایم پی۔ ایم ایل اے اسپیشل مجسٹریٹ اسمتا گوسوامی کی عدالت میں چل رہی ہے۔ جمعرات کو اسی معاملے کی سماعت تھی۔

ممتا بنرجی نے اپنی کابینہ سے وزیر صنعت و پارلیمانی امور پارتھو چٹرجی کو نکال دیا ہے، دوسری طرف ترنمول کانگریس نے انہیں پارٹی کے تمام عہدوں سے ہٹانے کا اعلان کیا ہے

کلکتہ: دوسرے دن پارتھو چٹرجی کی خاتون دوست کے گھر سے 28 کروڑ روپے، لاکھوں روپے کے زیوارات اور غیر ملکی کرنسی برآمد ہونے کے بعد ممتا بنرجی نے اپنی کابینہ سے وزیر صنعت و پارلیمانی امور پارتھو چٹرجی کو نکال دیا ہے۔ دوپہر میں ریاستی کابینہ کی میٹنگ کے بعد ایک نوٹیفکیشن جاری کرتے ہوئے انہیں وزارت سے ہٹا دیا گیا۔

دوسری طرف ترنمول کانگریس نے انہیں پارٹی کے تمام عہدوں سے ہٹانے کا اعلان کیا ہے۔ پارتھو چٹرجی کی گرفتاری اور نقد روپے کی برآمدگی کے بعد بھی کابینہ سے نہیں نکالے جانے پر مسلسل اپوزیشن جماعتیں حکومت کے خلاف احتجاج کررہی تھیں۔ ممتا بنرجی نے گرچہ دو دن قبل ہی واضح کردیا تھا کہ بدعنوانی کو برداشت نہیں کیا جائے گا مگر آج کارروائی کی گئی ہے۔

پارتھو چٹرجی کو وزارت اور پارٹی کے دونوں عہدہ سے نکال دیا گیا ہے۔ اب دیکھنا ہے کہ ممتا بنرجی پارتھو چٹرجی کی وجہ سے ہونے والے نقصانات کی بھرپائی کرپاتی ہیں یا نہیں۔ سی پی آئی ایم نے بدھ کے دن شہر کے مختلف علاقے سے جلوس نکالا تھا اور آج بی جے پی نے احتجاج کیا۔

پارتھو کے ماتحت محکموں کی دیکھ بھال وزیر اعلیٰ کریں گے

پارتھو چٹرجی کو وزارت سے برطرف کرنے کے بعد وزیر اعلی نے کہا کہ پارتھو کے پاس تین محکمے تھے فی الحال ان کے پاس رہیں گے۔ راج بھون کی منظوری کے مطابق پارتھو کو وزارت سے ہٹادیا گیا ہے۔ نوبنو نے اس سلسلے میں نوٹیفکیشن جاری کر دیا ہے۔ یعنی مروجہ اصولوں کے مطابق وزیر اعلیٰ ممتا نے گورنر کو بتایا کہ پارتھو کو اب وزارت میں نہیں رکھا جا رہا ہے۔ ان کے ماتحت محکموں (صنعت، پارلیمانی امور اور آئی ٹی) کی دیکھ بھال وزیر اعلیٰ کریں گے۔ وزیر اعلیٰ کی سفارش کے بعد گورنر نے منظوری دیدی ہے۔ اس کے بعد نوانا نے باضابطہ نوٹیفکیشن جاری کیا۔

جمعرات کی دوپہر ریاستی کابینہ کی میٹنگ پر پوری ریاست کی نظر تھی۔ کیا ممتا پارتھو کو، جو ایس ایس سی بدعنوانی کے معاملے میں گرفتار ہونے کے بعد ای ڈی کی حراست میں ہیں، کو کابینہ سے ہٹانے کے بارے میں کوئی کارروائی کریں گی؟ لیکن ممتا نے اس ملاقات میں پارتھو کے بارے میں کچھ نہیں کہا۔ کابینہ کا اجلاس صرف 15 منٹ میں ختم ہوگیا۔ نوانا ذرائع کے مطابق کابینہ کی میٹنگ میں اس معاملے پر کوئی بات نہیں ہوئی۔ یہ معاملہ اجلاس کے ایجنڈے میں بھی نہیں تھا۔ کیونکہ جمعرات کی صبح ہی اس معاملے کی اطلاع راج بھون کو دی گئی۔

مشورہ کے بغیر ہی پارتھو چٹرجی وزارت سے برطرف

عمومی طور پر پارٹی کی سفارش کے بعد ہی وزیر اعلیٰ یا پھر وزیر اعظم کسی کو وزارت سے برطرف کرتی ہے مگر چوں کہ ممتا بنرجی کے پاس پارٹی اور حکومت دونوں کی کمان ہے اس لئے انہوں نے پارٹی قیادت سے مشورہ کئے بغیر ہی پارتھو چٹرجی کو وزارت سے نکال دیا ہے۔

انفورسمنٹ ڈائریکٹوریٹ (ای ڈی) نے گزشتہ جمعہ (22 جولائی) کی صبح پارتھو کے گھر پر چھاپہ مارا۔ ای ڈی نے اسی دن مختلف اضلاع میں 14 دیگر مقامات پر چھاپے مارے۔ پوچھ گچھ کئی گھنٹوں تک جاری رہی۔ پارتھو کے قریبی ارپیتا مکھرجی کے فلیٹ سے کروڑوں روپے برآمد ہونے کے بعد شام کے بعد اچانک ہنگامہ برپا ہوگیا۔ ای ڈی نے اس تصویر کو ٹویٹ کیا۔ اگلے دن پارتھو اور ارپیتا کو گرفتار کیا گیا۔ چھ دن بعد پارتھو کو وزارت سے ہٹا دیا گیا۔

پارتھو کی گرفتاری کے دن ترنمول نے پریس کانفرنس کی اور کہا کہ اگر وہ عدالت میں قصوروار پایا جاتا ہے تو پارٹی اس کے خلاف سخت کارروائی کرے گی۔ دو دن بعد، ممتا نے خود ایک تقریب میں تقریباً یہی باتیں کہیں۔ ممتا اور پارٹی کی اعلیٰ قیادت نے تب وضاحت کی کہ پارتھو کو پارٹی عہدے یا وزارت سے ‘ابھی کے لیے’ نہیں ہٹایا جا رہا ہے۔

ترنمول کے اندر بھی پارتھو کے خلاف کارروائی کا مطالبہ

تاہم اپوزیشن نے پارتھو کو کابینہ سے نکالنے کا مطالبہ کیا۔ انہوں نے وزیر اعلیٰ سے استعفیٰ کا مطالبہ بھی کیا۔ ترنمول کے اندر بھی پارتھو کے خلاف کارروائی کا مطالبہ کیا جا رہا تھا۔ لیکن جمعرات تک کسی نے بھی عوامی سطح پر اس معاملے پر اپنے خیالات کا اظہار نہیں کیا۔ اتفاق سے بدھ کو ای ڈی کا ایک اور انتہائی ڈرامائی چھاپہ ہوا۔

پارتھو کی گرفتاری کے وقت گرفتاری میمو میں وزیر اعلیٰ ممتا کے نام اور فون نمبر سے ترنمول قیادت ناراض ہے۔ پارٹی کے ایک سینئر لیڈر نے کہا تھا کہ ”اس طرح وزیر اعلیٰ کے نام کو شامل کرنے کا عمل بہت غیر ارادی ہے۔ پارتھو نے ایسا کرنے کا فیصلہ کیوں کیا۔ ترنمول ذرائع کے مطابق، اگرچہ شروع میں پارتھو سے ہمدردی تھی، لیکن وزیر اعلیٰ کا فون نمبر شامل ہونے کے بعد ان سے ناراضگی بڑھ گئی۔

بدھ کے روز ای ڈی نے ارپیتا کے بیل گھریا کے فلیٹ پر چھاپہ مارنے سے پہلے، جب میڈیا نے پارتھو سے وزارت چھوڑنے کے بارے میں سوال کیا، تو انہوں نے جواب دیا، ”کس وجہ سے؟“ اسے پارٹی کی اعلیٰ قیادت نے بھی اچھی طرح سے نہیں لیا تھا۔ انہیں لگا کہ پارتھو وزارت میں باقی رہنا چاہتے ہیں۔ اور وہ خود کو ‘بااثر’ بنانا چاہتا ہے۔ اس کے علاوہ، اس نے ایک بار بھی میڈیا کو یہ نہیں بتایا کہ وہ ‘بے گناہ’ ہیں۔ کنال نے پارتھو پر ہی سوال کھڑا کردیا۔

ای ڈی نے بیل گھڑیا میں اساتذہ تقرری گھوٹالے میں ایک بار پھر گرفتار ہونے والی پارتھو چٹرجی کی خاتون دوست ارپیتا مکھرجی کے دو فلیٹوں سے کروڑوں روپے برآمد کیے ہیں، برآمد کی گئی رقم کی گنتی ابھی جاری ہے

کلکتہ: ای ڈی نے ایک بار پھر اساتذہ تقرری گھوٹالے میں گرفتار پارتھو چٹرجی کی خاتون دوست ارپیتا مکھرجی کے بیل گھڑیا میں واقع دو فلیٹ سے کروڑوں روپے برآمد کیا ہے۔ تاہم اب تک واضح نہیں ہوسکا ہے کہ یہ رقم کتنی ہے۔ برآمد کی گئی رقم کی گنتی ابھی جاری ہے۔ جمعہ کو ارپیتا مکھرجی کے فلیٹ سے 21 کروڑ روپے نقد اور لاکھوں روپے کے زیور اور غیر ملکی کرنسی برآمد کی تھی۔

ای ڈی ذرائع کے مطابق برآمد کی گئی بھاری رقم کروڑوں میں ہے۔ تاہم ای ڈی نے ابھی تک برآمد شدہ رقم کی وضاحت نہیں کی ہے۔ پیسے گننے والی مشین لائی گئی ہے۔ پیسے گننے کی 5 مشینیں لائی گئی ہیں۔ معلوم ہوا ہے کہ بینک ملازمین بھی پیسے گننے آرہے ہیں۔ ای ڈی ذرائع کے مطابق ارپیتا مکھرجی سے پوچھ گچھ کے بعد اس رقم کے ثبوت ملے۔ اس کی بنیاد پر ای ڈی نے بدھ کو ارپیتا مکھوپادھیائے کی ایک جائیداد کی تلاشی لی۔ بیل گھریا کے رتھلا میں کلب ٹاؤن کا یہ فلیٹ بھی اس فہرست میں شامل تھا۔

کلب ٹاؤن میں فلیٹ 8A ارپیتا کا ہے۔ دربان نے بتایا کہ ارپیتا مکھرجی کبھی کبھار اس فلیٹ میں آتی تھیں۔ ارپیتا ڈیڑھ ہفتہ پہلے آئی تھی۔ لیکن انہوں نے کہا کہ کبھی پارتھو چٹرجی کو آتے نہیں دیکھا۔ اس دن ای ڈی کے اہلکار تالے توڑ کر رتلہ کے فلیٹ میں داخل ہوئے۔ فلیٹ میں تالا لگا ہوا تھا۔

تفتیشی افسران تالا توڑ کر فلیٹ میں داخل ہوئے۔ فلیٹ سے کئی وارڈور برآمد ہوئے ہیں۔ خیال کیا جا رہا ہے کہ اس الماری میں مزید رقم چھپے ہوسکتے ہیں۔ الماری توڑی جا رہی ہے۔ ذرائع کے مطابق، ارپیتا نے جرح کے دوران ای ڈی کے سامنے اعتراف کیا کہ ان کے فلیٹ کا استعمال سابق وزیر تعلیم پارتھا چٹرجی نے ‘منی بینک’ کی طرح کیا تھا۔

بدھ کی صبح ای ڈی رتھلا میں واقع اس رہائش گاہ پر پہنچی۔ ان کے ساتھ مرکزی فورسیس کے جوان تھے۔ دوپہر کے وقت رہائش گاہ پر سیکیورٹی بڑھا دی گئی۔ ای ڈی کی کئی دیگر گاڑیاں بھی وہاں گئیں۔ اس کے علاوہ ای ڈی کے تفتیش کاروں نے بیل گھڑیا میں نواب عبداللطیف اسٹریٹ پر دیوان پاڑہ میں ارپیتا مکھوپادھیائے کے آبائی گھر کا بھی دورہ کیا۔ وہ تین کاروں کے ساتھ اس گھر گئے۔ پہلے تو افسروں کا ان کی ماں کے ساتھ جھگڑا ہوا۔ وہ ای ڈی کو اندر جانے نہیں دینا چاہتی تھی۔ بعد میں افسران نے خاتون کو سمجھانے کی کوشش کی۔ اس کے بعد خاتون نے افسران کو اندر جانے دیا۔

22 جولائی کی دوپہر کو ارپیتا مکھرجی کے ڈائمنڈ سٹی ساؤتھ کے فلیٹ سے بھاری رقم برآمد ہوئی تھی۔ 21 کروڑ 90 لاکھ کی نقدی، 54 لاکھ کے زیورات، 58 لاکھ روپے کی غیر ملکی کرنسی اور 22 موبائل فون برآمد ہوئے۔ تقریباً 27 گھنٹے کی مسلسل پوچھ گچھ کے بعد سابق وزیر تعلیم اور موجودہ وزیر صنعت پارتھو چٹوپادھیائے کو اگلے دن 23 جولائی کو گرفتار کر لیا گیا۔ ارپیتا مکھرجی کو بھی اسی شام گرفتار کیا گیا تھا۔

ای ڈی کے افسران آج دوپہر 12 بجے بیل گھڑیا کے رتلہ علاقے میں واقع بلڈنگ کے ایک فلیٹ میں پہنچے مگر فلیٹ کا دروازہ بند تھا۔ پہلے چاپی کی تلاش کی گئی، ہاؤسنگ کے ذمہ داروں سے بات کرکے ای ڈی کے افسران رتلہ میں ارپیتا کے دو فلیٹوں میں تلاشی لی گئی۔

30 مئی کو ارپیتا کے فلیٹ یعنی فلیٹ نمبر 8A میں کھانا پہنچانے ڈلیوری بوائے آیا تھا۔ ہاؤسنگ کے انچارج انکت چورولیا نے ای ڈی کو بتایا کہ ارپیتا آخری بار 28 مئی کو آئی تھیں۔ ارپیتا 7 جون کو ابھی بھی فلیٹ میں ہی تھی، کیونکہ نوکر اس کے گھر کام پر آیا تھا۔ فلیٹ کے مالک کے بغیر کوئی کام پر نہیں آ سکتا۔

اسٹاک مارکیٹ میں تیزی سے واپسی ہوئی اور سینسیکس اور نفٹی تقریباً ایک فیصد کے اضافے پر رہے

ممبئی: عالمی مارکیٹ میں ملے جلے رجحان کے درمیان، مقامی کمپنیوں کے بہتر سہ ماہی نتائج سے سرمایہ کاروں کے پرجوش، آج مسلسل دو دن کی گراوٹ کے بعد، آئی ٹی، ٹیک، ریئلٹی، ہیلتھ کیئر، آٹو سمیت اٹھارہ گروپوں میں خریداری کی وجہ سے۔ اسٹاک مارکیٹ میں تیزی سے واپسی ہوئی اور سینسیکس اور نفٹی تقریباً ایک فیصد کے اضافے پر رہے۔

بی ایس ای کا 30 حصص کا حساس انڈیکس سینسیکس 547.83 پوائنٹس کی چھلانگ لگا کر 55816.32 پوائنٹس اور نیشنل اسٹاک ایکسچینج (این ایس ای) کا نفٹی 157.95 پوائنٹس کی چھلانگ لگا کر 16641.80 پوائنٹس پر پہنچ گیا۔ بڑی کمپنیوں کی طرح بی ایس ای کی چھوٹی اور درمیانی کمپنیوں میں بھی خریداری رہی۔ اس کی وجہ سے مڈ کیپ 0.90 فیصد بڑھ کر 23,590.14 پوائنٹس اور اسمال کیپ فیصد بڑھ کر 26,517.80 پوائنٹس پر پہنچ گئی۔

اس دوران بی ایس ای پر مجموعی طور پر 3465 کمپنیوں کے حصص کا کاروبار ہوا جن میں سے 1755 کی قیمتوں میں اضافہ، 1565 میں کمی جبکہ 145 میں کوئی تبدیلی نہیں ہوئی۔ اسی طرح این ایس ای میں 46 کمپنیاں سبز رہیں جبکہ باقی چار سرخ نشان پر رہیں۔

خریداری میں تیزی

ملک کی سب سے بڑی کار ساز کمپنی ماروتی سوزوکی انڈیا لمیٹڈ (ایم ایس آئی ایل) نے رواں مالی سال کی پہلی سہ ماہی کے نتائج میں تقریباً 130 فیصد سالانہ منافع میں 1012.80 کروڑ روپے کا اضافہ کیا۔ اس کے علاوہ، ملک کے سب سے بڑے سافٹ ویئر برآمد کنندہ ٹاٹا کنسلٹنسی سروسز (ٹی سی ایس) کا مارکس اینڈ اسپینسر کے دستخط کے ساتھ یو کے مارکیٹ میں 1 بلین ڈالر کا خوردہ کاروبار ہونے کی امید ہے۔ بی ایس ای پر اٹھارہ گروپ اس کی وجہ سے خریداری میں تیزی کا شکار تھے۔ اس عرصے کے دوران، آئی ٹی 1.34، ٹیک 1.12، بنیادی مواد 1.17، ہیلتھ کیئر 1.73، انڈسٹریل 1.12، بینکنگ 1.07، کیپٹل گڈز 1.68، کنزیومر ڈیوربلز 1.09، آئل اینڈ گیس 1.00 اور ریئلٹی گروپ میں 1 فیصد اضافہ ہوا۔

بین الاقوامی مارکیٹ میں ملا جلا رجحان رہا۔ برطانیہ کا ایف ٹی ایس سی 0.40، جرمنی کا ڈیکس 0.11 اور جاپان کا نکی 0.22 فیصد بڑھ گیا جبکہ ہانگ کانگ کا ہینگ سینگ 1.13 اور چین کا شنگھائی کمپوزٹ 0.05 فیصد نیچے رہا۔