مہاراشٹر کے وزیر وجئے کمار گاوِت کے ایک بیان پر ہنگامہ ہو گیا ہے۔ شندے-فڑنویس-اجیت اتحاد والی حکومت میں وزیر وجئے کمار گاوِت نے کہا ہے کہ اداکارہ اشیوریہ رائے ہر دن مچھلی کھاتی تھیں اس لیے ان کی آنکھیں اور جِلد خوبصورت ہیں۔ گاوِت نے لوگوں سے مچھلی کھانے کی اپیل بھی کی۔ انھوں نے کہا کہ مچھلی کھانے سے آپ کی آنکھیں بھی خوبصورت ہوں گی۔

گاوِت مہاراشٹر کے نندوربار سے بی جے پی لیڈر ہیں اور حکومت میں وزیر برائے قبائل ڈیولپمنٹ کا عہدہ سنبھال رہے ہیں۔ انھوں نے ایشوریہ رائے سے متعلق بیان تب دیا جب دھولے ضلع کے انترلی میں قبائلی ماہی گیروں کو مچھلی پکڑنے کے سامان تقسیم کرنے کے لیے ایک تقریب منعقد کی گئی تھی۔ اس موقع پر گاوِت نے ماہی گیروں سے خطاب کرتے ہوئے مذکورہ بالا بیان دیا جس پر تنازعہ کھڑا ہو گیا ہے۔ اب ان کے بیان کی ویڈیو سوشل میڈیا پر وائرل ہو رہی ہے۔

وجئے کمار گاوِت نے کہا کہ مچھلی کھانے سے دو فائدے ہوتے ہیں۔ اگر خاتون کھاتی ہے تو اس سے چہرہ چمک اٹھتا ہے۔ جو بھی اسے دیکھے گا اسے یقین ہو جائے گا۔ کیا کسی نے ایشوریہ رائے کو دیکھا ہے؟ اس نے کیا کھایا یا نہیں، ایشوریہ رائے بنگلورو سے سمندر کے کنارے سے وہ ہر دن مچھلی کھاتی تھی، اس کی آنکھیں کیسی ہیں؟ آپ کی بھی ہوں گی۔ مچھلی کھانے سے ایک فائدہ یہ ہے کہ ہماری جِلد میں چمک آتی ہے۔ اس میں تیل ہے۔ اس کا آنکھوں پر اچھا اثر پڑتا ہے۔ وجئے کمار گاوِت نے کہا کہ مچھلی کے تیل سے جسم کی جِلد اچھی نظر آتی ہے۔

گاوِت کے اس بیان پر کانگریس پارٹی رکن اسمبلی امول مٹکاری نے ناراضگی ظاہر کی ہے۔ انھوں نے کہا کہ وزیر کو اس طرح کے تبصرے کرنے کی جگہ قبائلیوں کے ایشوز پر توجہ دینی چاہیے۔ دوسری طرف بی جے پی رکن اسمبلی نتیش رانے نے کہا کہ میں روزانہ مچھلی کھاتا ہوں، میری آنکھیں ویسی ہو جانی چاہیے تھیں۔ میں گاوِت صاحب سے پوچھوں گا کہ کیا اس پر کوئی ریسرچ ہے؟

لیبیا کے ترپولی میں پھنسے 17 ہندوستانی نوجوان 20 اگست کو ہندوستان لوٹے اور وہ پیر کے روز یعنی 21 اگست کو اپنے والدین سے ملے۔ یہ ان کے لیے ایک جذباتی لمحہ تھا اور ملاقات کے وقت سبھی کی آنکھیں نم نظر آ رہی تھیں۔

دراصل ہندوستان واپس آئے سبھی نوجوانوں کو لیبیا پولیس نے ملک میں ناجائز طریقے سے داخل ہونے کے الزام میں حراست میں لیا تھا۔ ان میں سے بیشتر نوجوان پنجاب اور ہریانہ کے ہیں۔ شمالی افریقی ملک لیبیا سے لوٹے نوجوانوں کے کنبہ والوں نے اندرا گاندھی انٹرنیشنل ہوائی اڈے پر ان کا استقبال کیا، اس درمیان کئی لوگوں کو روتے ہوئے دیکھا گیا۔ لیبیا پولیس کے ذریعہ حراست میں لیے جانے سے پہلے ان نوجوانوں کو لیبیا کے جوارا شہر میں مسلح گروپ نے کئی مہینوں تک قید میں رکھا تھا۔

ہندوستان ٹائمز کی ایک رپورٹ میں بتایا گیا ہے کہ انھیں دہلی اور پنجاب کے کچھ سیاحتی ایجنٹس نے اٹلی میں پرکشش ملازمت کی پیشکش کی تھی۔ ملازمت کے لالچ میں آ کر سبھی نوجوان غیر قانونی طریقے سے لیبیا پہنچے۔ اتنا ہی نہیں، ایجنٹس نے ان سے لاکھوں روپے کی ٹھگی بھی کی۔ اس معاملے میں جولائی ماہ میں پارلیمنٹ کے مانسون اجلاس کے دوران پنجاب سے راجیہ سبھا رکن وکرمجیت سنگھ ساہنی نے ایوان کو بتایا تھا کہ ان نوجوانوں کو گزشتہ مہینے ترپولی جیل سے رِہا کیا گیا تھا۔

ساہنی نے ایوان میں بتایا کہ وہ سبھی فروری 223 میں دبئی اور مصر کے راستے ہندوستان سے اٹلی کے لیے روانہ ہوئے۔ کچھ دنوں کے بعد وہ لیبیا میں اترے اور جوارا شہر میں رہے، جہاں انھیں کھانا اور پانی جیسی بنیادی سہولیات بھی نہیں دی گئیں۔ اتنا ہی نہیں، ان کے ساتھ مار پیٹ بھی کی گئی۔ ساہنی نے یہ بھی کہا کہ معاملہ مئی میں سامنے آیا تھا، جس کے بعد انھوں نے ان نوجوانوں کے بچاؤ کے لیے تیونیشیا میں ہندوستانی سفارتخانہ سے رابطہ کیا۔

فلم ‘او ایم جی 2’ میں اپنی اداکاری سے لوگوں کو محظوظ کرنے والے پنکج ترپاٹھی کے والد بنارس تیواری کا آج انتقال ہو گیا۔ یہ خبر پنکج ترپاٹھی کے لیے ایک بڑا صدمہ ہے۔ بنارس تیواری 99 سال کے تھے، اور اس کی خبر ملنے کے بعد پنکج کی فیملی میں ماتم کا ماحول چھا گیا۔ بنارس تیواری کا انتقال بہار کے آبائی گاؤں بلسنڈ میں ہوا جو کہ گوپال گنج ضلع میں پڑتا ہے۔ ان کی موت کی اصل وجہ تو فی الحال سامنے نہیں آئی ہے، لیکن یہ ضرور بتایا جا رہا ہے کہ بنارس تیواری ضعیفی سے متعلق بیماریوں میں مبتلا تھے۔ ان کے انتقال کی خبر سنتے ہی پنکج ترپاٹھی گوپال گنج کے لیے روانہ ہو گئے ہیں۔

پنکج ترپاٹھی اور ان کے اہل خانہ نے اداکار کے والد کی موت کو لے کر ایک آفیشیل بیان بھی جاری کیا ہے۔ اس بیان میں کہا گیا ہے کہ "بھاری من سے اس کی تصدیق کی جا رہی ہے کہ پنکج ترپاٹھی کے والد پنڈت بنارس تیواری اب نہیں رہے۔ انھوں نے 99 سال کی صحت مند زندگی گزاری۔ ان کی آخری رسومات آج ان کے قریبی رشتہ داروں کی موجودگی میں ادا کی جائے گی۔ پنکج ترپاٹھی اس وقت گوپال گنج واقع اپنے گاؤں جا رہے ہیں۔”

واضح رہے کہ پنکج کے والدین بہار میں رہتے تھے، جبکہ پنکج اپنی بیوی اور بیٹی کے ساتھ ممبئی میں رہتے ہیں۔ پنکج ترپاٹھی اپنے والد کے بہت قریب تھے۔ ایسے میں والد کا سایہ سر سے اٹھ جانے سے اداکار کافی غمگین ہیں۔ پنکج اکثر اپنے انٹرویوز میں اپنے والد کا ذکر کرتے تھے اور ان کے ساتھ گزارے گئے اپنے خوبصورت لمحات کو بھی شیئر کرتے تھے۔ ایک انٹرویو کے دوران پنکج نے انکشاف کیا تھا کہ ان کے والد کو یہ نہیں پتہ کہ وہ فلم انڈسٹری میں کیا کام کرتے ہیں۔

سیلاب اور دیگر وجوہات سے فصل کی بربادی نے کئی ریاستوں کے کسانوں کو بے حال کر دیا ہے۔ ایسے میں چنڈی گڑھ میں کسانوں کی ایک تحریک 22 اگست کو شروع ہونے والی ہے جس میں حکومت سے برباد فصل کے لیے معاوضہ سمیت کچھ دیگر مطالبات بھی رکھے جائیں گے۔ لیکن اس دھرنے سے پہلے ہی پنجاب-ہریانہ کے کسانوں کو دونوں ریاستوں کی پولیس نے حراست میں لینا شروع کر دیا ہے۔ سیلاب متاثرہ لوگوں کو راحتی رقم نہ ملنے کے احتجاج میں ہونے والے مظاہرہ سے ایک دن قبل پیر کو کسان مزدور سنگھرش سمیتی کی قیادت میں 16 یونینوں کے کسان لیڈروں کو حراست میں لے لیا گیا ہے۔

حراست میں لیے گئے لیڈروں کی شناخت کسان مزدور سنگھرش سمیتی کے ریاستی صدر سرون سنگھ پندھیر، بی کے یو (کرانتی کاری) کے بلدیپ سنگھ، کنور دلیپ سنگھ کے کنور دلیپ سنگھ، چمکور سنگھ اور بورہ سنگھ، دونوں بی کے یو (بہرامکے) کی شکل میں کی گئی ہے۔ کسان یونینوں نے 22 اگست سے چنڈی گرھ میں احتجاجی مظاہرہ کی اپیل کی ہے۔ یہ یونینوں سنیوکت کسان مورچہ کے ساتھ اتحاد میں نہیں ہیں۔ اتوار کو حکومت اور پنڈھیر کی قیادت والے کسانوں کے درمیان بات چیت مبینہ طور پر ناکام رہی۔ بعد میں کسان لیڈروں نے یہاں پنجاب کے گورنر بنواری لال پروہت سے ملاقات کی، جنھوں نے انھیں یقین دلایا ہے کہ وہ پنجاب اور ہریانہ دونوں کے افسران سے ان کی شکایتیں سننے کے لیے کہیں گے۔

واضح رہے کہ پنجاب، ہریانہ، ہماچل پردیش، چنڈی گڑھ اور اتراکھنڈ سمیت شمالی ریاستوں میں اچانک آئے سیلاب کے سبب ہوئے نقصان کے معاوضہ سے متعلق مطالبات کو لے کر 16 کسان مزدور یونین کے ریاستی صدور سریش کوتھ نے کہا کہ اچانک آئے سیلاب کے سبب کھیتوں اور گاؤں میں 20000 کروڑ روپے سے زیادہ کا نقصان ہوا ہے، جس کا ازالہ مرکز کو فوراً کرنا چاہیے۔

تلنگانہ کے وزیر اعلیٰ کے چندرشیکھر راؤ (کے سی آر) نے پیر کے روز رواں سال کے آخر تک ہونے والے ریاستی اسمبلی انتخاب کے پیش نظر بی آر ایس (بھارتیہ راشٹر سمیتی) کے 115 امیدواروں کی فہرست جاری کر دی ہے۔ تلنگانہ میں اسمبلی کی 119 سیٹیں ہیں، یعنی صرف 4 سیٹیں ایسی ہیں جس کے لیے بی آر ایس امیدواروں کے ناموں کا اعلان نہیں ہوا۔ بی آر ایس کے ذریعہ جاری فہرست کو دیکھا جائے تو گزشتہ بار کے مقابلے سات امیدوار بدلے گئے ہیں۔ خود وزیر اعلیٰ کے سی آر دو سیٹوں گجویل اور کاماریڈی سے انتخاب لڑیں گے۔

قابل ذکر ہے کہ وزیر اعلیٰ کے سی آر نے تلنگانہ کے آئندہ اسمبلی انتخاب میں 95 سے 105 سیٹیں جیتنے کی پیشین گوئی کی ہے۔ ریاستی حکومت میں وزیر اور وزیر اعلیٰ کے بیٹے کے ٹی آر سرسلا اسمبلی سیٹ سے انتخاب لڑیں گے۔ آئیے یہاں دیکھتے ہیں کہ ان امیدواروں کی مکمل فہرست جو بی آر ایس پارٹی کی طرف سے اسمبلی انتخاب میں کھڑے ہوں گے۔

ہندوستان کا چاند مشن ‘چندریان 3’ چاند کی سطح پر جلد ہی لینڈ کرنے والا ہے۔ اس کے بعد اِسرو ایک نئی تاریخ رقم کر دے گا۔ اِسرو کے مطابق محض دو دن بعد یعنی 23 اگست کو چندریان-3 چاند پر لینڈ کرے گا۔ اس درمیان اِسرو نے چندریان-3 کے ذریعہ کھینچی گئی چاند کی کچھ نئی تصویریں جاری کی ہیں۔ اِسرو نے اپنے ٹوئٹر ہینڈل پر لکھا ہے کہ چاند کا یہ دور دراز والا علاقہ ہے۔ اسے لینڈر ہزارڈ ڈٹیکشن اور اوائیڈنس کیمرہ (ایل ایچ ڈی اے سی) سے کلک کیا گیا ہے۔ یہ کیمرہ چندریان-3 کے لیے محفوظ لینڈنگ والے علاقے کی تلاش کرے گا۔ جہاں پر کوئی پتھر اور گہرے غار نہیں ہوں گے، اس کی تلاش کی جائے گی۔ اسے ایس اے سی/اِسرو کے ذریعہ تیار کیا گیا ہے۔ ان تصویروں کو 19 اگست 2023 کو کلک کیا گیا ہے۔”

چندریان-3 کی براہ راست اسٹریمنگ آپ اِسرو کی آفیشیل ویب سائٹ isro.gov.in پر دیکھ سکتے ہیں۔ اس کے علاوہ یوٹیوب پر آپ اِسرو کے آفیشیل چینل ‘اِسرو آفیشیل’ پر دیکھ سکتے ہیں۔ اس کے علاوہ آپ اِسرو کے فیس بک پیج پر بھی لائیو اسٹریمنگ دیکھ سکتے ہیں۔ اگر آپ اسے ٹی وی پر دیکھنا چاہتے ہیں تو دوردرشن نیشنل ٹی وی پر شام 5.27 بجے براہ راست نشریہ دیکھ سکتے ہیں۔

واضح رہے کہ اس سے قبل روس کا چاند مشن لونا-25 چاند کی سطح پر کریش ہو گیا ہے۔ یعنی روس مشن چاند کی دوڑ سے باہر ہو گیا ہے۔ اس سے یہ امکان بڑھ گیا ہے کہ ہندوستان چاند کے جنوبی قطب پر پہنچنے والا پہلا ملک بن جائے گا۔ لونا-25 کو ہندوستان سے دو دن قبل یعنی 21 اگست کو چاند پر اترنا تھا۔

جمعیتہ علماء ہندلیگل سیل کے سکریٹری گلزاراعظمی کے انتقال پرممبئی اور ریاست کے مسلم رہنماؤں نے اظہار تعزیت کیا ہے ،اس موقع پر سابق ریاستی وزیر اور مہاراشٹر پردیش کانگریس کمیٹی ( ایم پی سی سی) کے کارگزار صدرعارف نسیم خان نے اسے ملت کا ناتلافی نقصانقرار دیا ہے ۔

عارف نسیم خان نے کہاکہ انہوں نے ملت کی۔فلاح وبہبود کے لیے بہت بڑے بڑے کام کیے ہیں اور ہم نے ایک قیمتی سرمایہ کھودیاہے جس کی تلافی مشکل ہے۔انہوں نے کہاکہ گلزار اعظمی نے ہمیشہ ملت میں اتحاد و اتفاق کی کوشش کی اور اس کے لیے کوشاں رہتے تھے۔

ایک عرصے تک ان کے ساتھ  کامکرنے کا موقعہ ملا اور ان کی فیصلہ کی صلاحیت بھی بھر پور تھی۔جب بھی ریاست یا ملک میں اقلیتی فرقے پر کہیں ظلم ہوتا تو وہ تلملااٹھتے اور اسے انصاف دلانے کے لیے ہرممکن کوشش کرتے تھے۔ انہوں نے فساد متاثرین اور بم دھماکوں میں پھنسائے گئے بے قصوروں کو انصاف دلانے کے لیے اور انہیں قانونی مدد فراہم کرانے کے لیے ہم تم گوش رہتے تھے ۔

‏اس موقع پر سماجوادی پارٹی لیڈر اور رکن اسمبلی ابوعاصم اعظمی نے گلزار اعظمی کی رحلت کو ملت کا عظیم خسار ہ قرار دیاہء، انہوں نے کہا کہ جمعیتہ علماء لیگل سیل کے سر براہ اور جنرل سکریٹری گلزار احمد اعظمی کی رحلت کی خبر افسوسناک ہے۔

انہوں نے مزید کہاکہ گلزار اعظمی کی رحلت قوم و ملت کے لئے ناقابل تلافی نقصان ہے ،آج ہم ایک شفیق اور بزرگ قائد ملت سے محروم ہو گئے اللہ پاک انہیں غریق رحمت کرے گلزار اعظمی کی خدمات کو قوم کبھی فراموش نہیں کرے گی وہ مسلم مسائل کے ساتھ مسلم نوجوانوں کو اسیری سے نجات دلانے میں ہمیشہ کوشاں رہتے تھے۔وہ۔مظلوموں کی آواز تھے۔

ابو عاصم نے کہاکہ اللہ سبحانہ تعالیٰ انہیں جنت الفردوس میں اعلیٰ مقام عطا فرمائے اور ان کے پسماندگان کو صبرِ جمیل کی توفیق ہو۔ اللہ کی بارگاہ میں دعاہے کہ انہیں اپنی جواررحمت میں جگہ عطا کرے آمین۔

جمعیۃ علماء مہا راشٹرکے صدرمولانا حافظ محمد ندیم صدیقی نے ایک تعزیتی بیان میں کہاکہ یقینايہ خبر بہت ہی رنج و غم کے ساتھ سنی جائے گی ۔ ان کی وفات کی خبر سے صوبے مہاراشٹرکے ملی ،سیاسی و سماجی حلقوں اور عوام میں رنج و غم کا ماحول ہے،اللہ تبارک و تعالی ان کی مغفرت فرمائے اور انہیں  جنت الفردوس میں اعلی مقام سے نوازے۔

حافظ محمد ندیم صدیقی نےگہرے رنج و غم کا اظہار کرتے ہوئے کہا کہ اللہ تبارک و تعالی نے الحاج گلزار اعظمی کو بے شمار صلاحیتوں اور خوبیوں سے نوازہ تھا ، ان کانام آتے ہی ذہن ميں فوراً ایک تصوير ابھر کر آجا تی ہےکہ وہ بےقصور مسلمانوں کی لڑائی لڑتےتھےاور ا س کےلئے ہر طرح کی قربانی دینے کے لئے تیار رہتے تھے ۔گلزار اعظمی صاحب جمعیۃ علماء مہاراشٹر کے ايک قديم خادم تھے وہ ایک طویل زمانے سےجمعیۃ علماء سے وابستہ تھے اور زندگی کی آخری سانس تک جمعیۃکے فلیٹ فارم سے کئی اہم نمایاں کام انجام دیئے جسے ہمیشہ یاد رکھا جائے گا، اللہ تعالی ان کی جملہ خدمات کو قبول فرمائے ان کو اس کا بہترصلہ عطاء فرمائے اور ملت کونعم البدل عطا فرمائے۔

کانگریس رہنما جے رام رمیش نے فلم اداکار اور بی جے پی رکن پارلیمنٹ سنی دیول کے گھر کی ای نیلامی پر طنز کیا۔ اس معاملے پر انہوں نے ٹویٹ کیا کہ کل ملک کو پتہ چلا کہ ان کا گھر نیلام ہونے والا ہے اور 24 گھنٹے کے اندر بینک  نے نیلامی کا نوٹس بھی واپس لے لیا۔

انہوں نے ٹویٹ کیا، "کل دوپہر، ملک کو معلوم ہوا کہ بینک آف بڑودہ نے بی جے پی کے رکن پارلیمنٹ سنی دیول کی جوہو رہائش گاہ کو ای نیلامی کے لیے رکھا ہے کیونکہ انہوں نے بینک کو 56 کروڑ روپے واپس نہیں کیے ہیں۔ آج صبح، 24 گھنٹے سے بھی کم وقت میں، ملک کو معلوم ہوا کہ بینک آف بڑودہ نے ‘تکنیکی وجوہات’ کی وجہ سے نیلامی کا نوٹس واپس لے لیا ہے۔ حیرت ہے کہ ان ‘تکنیکی وجوہات’ کی وجہ کون ہے؟‘‘

نیوز پورٹل’ اے بی پی‘ پر شائع خبر کے مطابق سنی دیول کے ولا کی نیلامی کے لیے ہفتہ یعنی19 اگست کو بینک آف بڑودہ نے نوٹس جاری کیا  تھا۔ دعویٰ کیا گیا تھا کہ سنی نے بینک سے بھاری رقم کا قرض لیا تھا۔ یہ قرض لینے کے لیے اس نے ممبئی کے جوہو میں سنی ولا کو گروی رکھا تھا جس کے لیے انھیں تقریباً 56 کروڑ روپے ادا کرنے تھے۔ قرض اور اس کے سود کی وصولی کے لیے، بینک نے جائیداد نیلام کرنے کا فیصلہ کرتے ہوئے ایک اشتہار دیا۔

اشتہار کے مطابق سنی ولا کی نیلامی 25 ستمبر کو ہونی تھی۔ اکنامک ٹائمز کے مطابق اب بینک نے اس معاملے پر یو ٹرن لے لیا ہے۔ بینک آف بڑودہ نے اپنا ای نیلامی نوٹس واپس لینے کی تکنیکی وجہ بتائی ہے۔ بینک نے اپنے بیان میں کہا کہ اجے سنگھ دیول کے سیل نیلامی نوٹس کے سلسلے میں، تکنیکی وجوہات کی بنا پر ای-آکشن نوٹس واپس لے لیا گیا ہے۔ اب ان کا بنگلہ نیلام نہیں ہوگا۔

جمعیۃعلماء ہند کے قدیم ترین خادم گلزاراحمد اعظمی کے انتقال پر گہرے رنج و غم کا اظہار کرتے ہوئے صدرجمعیۃعلماء ہند مولانا ارشدمدنی نے کہا کہ گلزاراعظمی ؒ انتہائی کم عمری میں شیخ الاسلام حضرت مولانا سیدحسین احمد مدنی نوراللہ مرقدہ اورجمعیۃعلماء ہند سے وابستہ ہوئے اوراپنی پوری زندگی ملک وملت کی خدمت میں صرف کردی۔

ایک تعزیتی بیان میں مولانا ارشد مدنی  نے کہا کہ یہ وہ زمانہ تھا جب مہاراشٹر جمعیۃعلماء کے روح رواں حکیم اعظمی صاحب مرحوم تھے اسی زمانہ میں 1955میں دینی تعلیمی کنونشن کا انعقاد ممبئی میں ہواتھا جس میں مرکزی دینی بورڈکا قیام عمل میں آیا، اس طرح اعظمی صاحب کی خدمات تقریبا65سال پر محیط ہے، ان کا عقیدہ تھا کہ آخرت کی کامیابی جمعیۃعلماء ہند کے ساتھ منسلک رہنے میں ہے۔ اس درمیان میں بہت سے نشیب وفرازرونماہوئے مگر ان کے پائے استقامت میں ذرہ برابر بھی لغزش نہیں آئی، صداقت، حق گوئی، حق شناسی اوربے باکی ان کا طرہ امتیازتھا وہ عالم نہیں تھے لیکن عالموں کی صحبت نے ان کا مزاج عالمانہ بنادیاتھا، اسی وجہ سے بہت سارے لوگ مولانا سے خطاب کرتے تھے۔

انہوں نے کہاکہ ملک میں دہشت گردی کے الزام میں جب نوجوانوں کی اندھادھند گرفتاریاں ہونے لگیں اوران مظلوموں کے سایہ سے بھی لوگ دوربھاگنے لگے، مقدمات کی پیروی تودورکی بات، لوگ خبرگیری سے بھی کترانے لگے ان حالات میں میری درخواست پر گلزاراحمد اعظمیؒ نے کمرہمت باندھی اوردہشت گردی کے الزام میں جیل کی سلاخوں میں مقیدنوجوانوں کے مقدمات کی پیروی کابیڑااٹھایا۔ انہوں نے وکلاء کی ٹیم تیارکی اورپورے ملک میں مظلومین ومحروسین کی امداد ودادرسی میں کوئی کمی نہیں کی جس کے نتیجہ میں سیکڑوں باعزت بری ہوئے اورہزاروں ضمانت پر رہاہوکر اپنے اہل وعیال کی خبرگیری کافریضہ اداکررہے ہیں۔جو لوگ دہشت گردی کے الزام سے باعزت بری ہوئے ہیں ان میں تیس لوگ تووہ ہیں جنہیں نچلی عدالتوں سے پھانسی کی سز اہوچکی تھی، یہی نہیں 89 پھانسی اور125 عمرقیدکی سزاپائے لوگوں کی اب بھی ہائی کورٹ اورسپریم کوٹ میں جمعیۃعلماء ہند کی قانونی امدادکمیٹی پیروی کررہی ہے۔

مولانامدنی نے کہا کہ ان کی رحلت سے ایساخلاپید ہواہے جس کا پرہونا مشکل ہے، اب ان صفات کا حامل دوسراکوئی نظرنہیں آتا، اعظمی صاحب کا شب وروز کا مشغلہ مظلومین، دہشت گردی کے الزام میں محروسین کی امدادودادرسی کاتھا چنانچہ 24گھنٹہ وہ دفتر میں گزارتے تھے، کسی وقت کوئی ان سے رابطہ کرتاوہ حاضررہتے، ان کے یہ کارنامے ان شاء اللہ تعالیٰ ان کی مغفرت اوترقی درجات کا ذریعہ بنیں گے۔

مولانا مدنی نے کہا کہ میں ورثاء اوراعزاء واقرباء سے تعزیت کرتاہوں اورملت کے بہی خواہوں اورہمدردان نیزجماعتی احبا ب سے مرحوم کے لئے مغفرت اورترقی درجات کی دعاکی درخواست کرتاہوں نیز مرحوم کے نعم البدل کے لئے بارگاہ رب العزت میں دعاء کی درخواست کرتاہوں۔

اتر پردیش میں پچھلے کچھ عرصے سے موسم میں کافی اتار چڑھاؤ دیکھنے کو مل رہا ہے۔ کبھی گرمی سے لوگوں کو پسینہ آ رہا ہے تو کبھی اچانک بارش سے موسم خوشگوار ہو جاتا ہے۔ ریاست میں مانسون کے کم اثر کی وجہ سے صرف ایک یا دو مقامات پر بارش ہوئی، جس کی وجہ سے لوگوں کا گرمی سے برا حال تھا، لیکن پیر سے لوگوں کو گرمی سے راحت ملے گی۔ محکمہ موسمیات کے مطابق آج سے 26 اگست تک ریاست کے تقریباً تمام اضلاع میں بارشوں کا سلسلہ دیکھنے کو ملے گا۔

محکمہ موسمیات کے لکھنؤ مرکز کے مطابق پیر کو ریاست میں کئی مقامات پر  گرج چمک کے ساتھ بارش کا امکان ہے۔ ریاست میں ایک یا دو مقامات پر گرج چمک کے ساتھ گرج چمک کے ساتھ بارش کا امکان ہے اور مغربی یوپی میں ایک یا دو مقامات پر تیز بارش ہو سکتی ہے۔ 22 اگست سے مغربی یوپی اور مشرقی یوپی میں تقریباً تمام مقامات پر بارش اور گرج چمک کے ساتھ بارش کا امکان ہے اور 26 اگست تک مغربی یوپی اور مشرقی یوپی میں کئی مقامات پر بارش اور بوندا باندی ہوگی۔

اگلے 48 گھنٹوں میں اتر پردیش میں زیادہ سے زیادہ درجہ حرارت میں کوئی بڑی تبدیلی کا امکان نہیں، اس کے بعد 2-3 ڈگری سیلسیس کی گراوٹ اگلے پانچ دنوں تک کم سے کم درجہ حرارت میں کوئی بڑی تبدیلی نہیں آئی۔ دوسری طرف، گزشتہ 24 گھنٹوں میں ریاست میں سب سے زیادہ درجہ حرارت آگرہ میں 36.4 ڈگری سیلسیس ریکارڈ کیا گیا، جب کہ کم سے کم درجہ حرارت 25.5 ڈگری سیلسیس ریکارڈ کیا گیا۔

محکمہ موسمیات کے مطابق سہارنپور، شاملی، مظفر نگر، بجنور، امروہہ، سنبھل، بدایوں، بریلی، رام پور، پیلی بھیت، شاہجہاں پور، فرخ آباد، قنوج، ہردوئی، سیتا پور، لکھیم پور کھیری، بہرائچ پور، بہرائچ پور میں آج گرج چمک کے ساتھ ب بارش کا امکان ہے۔ وہیں سہارنپور، بجنور، مرادآباد، رام پور، بریلی، پیلی بھیت، لکھیم پور کھیری میں تقریباً تمام مقامات پر بارش کا امکان ہے۔

آج شاملی، مظفر نگر، میرٹھ، امروہہ، سنبھل، بداون، شاہجہاں پور، سیتا پور، بہرائچ، شراوستی، گونڈہ، بلرام پور، بستی، سدھارتھ نگر، سنت کبیرداس نگر، گورکھپور، گونڈہ، مہاراج گنج، دیوریا، کشی نگر اور آس پاس کے علاقوں میں کئی مقامات پر۔ بارش ہو سکتی ہے.