2021 کا حج کورونا کی وجہ سے الگ ہی صورتحال میں ہوگا، جس سے حج کے اخراجات میں اضافہ ہوگا۔ بھارت سے حاجیوں کا پہلا قافلہ 26 جون کو جبکہ آخری قافلہ 13 جولائی کو سعودی عرب روانہ ہونے کی توقع ہے۔

عازمین حج کا روانگی سے 72 گھنٹے قبل کورونا ٹیسٹ

جناب نقوی نے کہا کہ عازمین حج کا سفر پر روانہ ہونے سے 72 گھنٹے قبل کورونا ٹیسٹ کیا جائے گا۔ تاہم انہوں نے کہا کہ ہمیں امید ہے کہ اس سے قبل کورونا ختم ہوا ہوگا۔

موصوف وزیر نے کہا کہ ہمارا سعودی عرب کی وزارت حج و عمرہ کے ساتھ ماہ دسمبر میں دو طرفہ معاہدہ طے ہونے والا ہے جس میں دیکھا جائے گا کہ ہمیں کتنا کوٹا مل سکتا ہے۔ انہوں نے کہا کہ کورونا کے پیش نظر حاجیوں کی عمر کی حد کو بھی 18 سے 65 برس تک محدود کر دیا گیا ہے۔

جناب نقوی نے کہا کہ محرم کے بغیر حج کرنے والی خواتین امسال بھی درخواست جمع کر سکتی ہیں۔ انہوں نے کہا کہ حکومت نے کورونا کے پیش نظر سعودی عرب جانے کے لئے پروازوں کے ایمبارکیشن پوائنٹس کو 21 سے گھٹا کر 10 کر دیا ہے تاہم ان دس پوائنٹس میں سری نگر شامل ہے۔

قابل ذکر ہے کہ حج سال 2021 کے لئے بھارت سے حاجیوں کا پہلا قافلہ 26 جون کو جبکہ آخری قافلہ 13 جولائی کو سعودی عرب روانہ ہونے کی توقع ہے۔ حاجیوں کی واپسی کا سلسلہ 14 اگست سے شروع ہونے کی امید ہے۔ کورونا وبا کی وجہ سے سال 2020 کا حج متاثر ہی رہا۔

ایتھوپیا سے نقل مکانی کرکے سوڈان میں پناہ لینے والے افراد کی تعداد 45،000 سے تجاوز کر چکی ہے، حالانکہ مقامی مسائل جیسے مہاجرین کے لئے رہائش کے انتظامات انسانی امدادی تنظیموں کے سست کام کی وجہ سے باقی ہیں۔

دہلی ہائی کورٹ نے گذشتہ ماہ دہلی پولیس کو فیضان خان کو ضمانت پر رہا کرنے کا حکم دیا تھا۔ دہلی پولیس نے فیضان کو ضمانت پر رہا کرنے کے ہائی کورٹ کے فیصلے کو سپریم کورٹ میں چیلنج کیا تھا جسے سپریم کورٹ نے مسترد کردیا۔

نئی دہلی: سپریم کورٹ نے دہلی فسادات معاملے کے ملزم فیضان خان کی ضمانت رد کرنے سے متعلق عرضی پیر کے روز مسترد کردی۔

فیضان کے خلاف جامعہ کوآرڈینیشن کمیٹی کے طلباء کو واٹس ایپ گروپ بنانے کے لئے سم کارڈ فراہم کروانے کے معاملے پر غیر قانونی سرگرمیاں (روک تھام) ایکٹ، (یو اے پی اے) کے تحت گرفتار کیا گیا تھا۔

دہلی ہائی کورٹ نے گذشتہ ماہ دہلی پولیس کو فیضان کو ضمانت پر رہا کرنے کا حکم دیا تھا۔ دہلی پولیس نے فیضان کو ضمانت پر رہا کرنے کے ہائی کورٹ کے فیصلے کو عدالت عظمیٰ میں چیلنج کیا تھا۔

جسٹس اشوک بھوشن، جسٹس آر سبھاش ریڈی اور جسٹس ایم آر شاہ پر مشتمل ڈویژن بنچ نے آج سماعت کے دوران دہلی پولیس کی عرضی خارج کردی۔

واضح رہے کہ ہائی کورٹ نے گزشتہ 24 اکتوبر کو فیضان کو اس بنیاد پر ضمانت پر رہا کرنے کا حکم دیا تھا کہ پولیس کے پاس ملزم کے خلاف کوئی ٹھوس ثبوت نہیں ہیں۔

ملک بھر سے کورونا کے معاملوں میں تیزی سے اضافے کی خبر ہے۔ پچھلے دو ہفتے میں دہلی میں حالات خطرناک ہوئے ہیں۔ سپریم کورٹ نے دہلی سمیت ملک کے سبھی ریاستوں سے حالات کی رپورٹ طلب کی ہے۔

دہلی حکومت سے مریضوں کے انتظام سے متعلق حالات کی تازہ ترین رپورٹ کا مطالبہ

آئل مارکیٹنگ کی معروف کمپنی انڈین آئل کے مطابق، آج ملک کے چار بڑے شہروں میں ڈیزل کی قیمتوں میں 17 سے 19 پیسے اور پٹرول میں سات پیسے فی لیٹر اضافہ کیا گیا ہے۔

نئی دہلی: کورونا وائرس کی ویکسین کی اچھی خبروں کے درمیان بین الاقوامی بازار میں تیل کی قیمتوں میں پیر کو مسلسل چوتھے روز زبردست اضافہ ہوا ہے۔

برینٹ کروڈ 45 ڈالر فی بیرل تک پہنچ گیا ہے۔ جمعہ کے روز، دونوں ایندھن کی قیمتوں میں 48 دن تک مستحکم رہنے کے بعد پہلی بار اضافہ کیا گیا۔

عوامی شعبہ کی آئل مارکیٹنگ کی ایک معروف کمپنی انڈین آئل کے مطابق، آج ملک کے چار بڑے شہروں میں ڈیزل کی قیمتوں میں 17 سے 19 پیسے اور پٹرول میں سات پیسے فی لیٹر اضافہ کیا گیا ہے۔

دہلی میں ڈیزل 18 پیسے اور پٹرول 07 پیسے فی لیٹر مہنگا ہے۔ تیل کی مارکیٹنگ کرنے والی ایک معروف کمپنی انڈین آئل کے مطابق، دہلی میں آج پٹرول 81.53 روپے جبکہ ڈیزل کی قیمت 71.25 روپے فی لیٹر تھی۔

تجارتی شہر ممبئی میں پٹرول 88.23 روپے فی لیٹر اور ڈیزل 77.73 روپے فی لیٹر تک پہنچ گیا۔ کولکاتہ میں پٹرول 83.10 روپے فی لیٹر اور ڈیزل 74.82 روپے فی لیٹر پر آگیا۔ چنئی میں پٹرول کی قیمت 84.53 روپے فی لیٹر اور ڈیزل کی قیمت 76.72 روپے فی لیٹر تھی۔

آئی او سی ایل کے مطابق، آج ملک کے چار بڑے میٹرو میں پٹرول اور ڈیزل کی قیمت مندرجہ ذیل ہے۔

سٹی….. ڈیزل……. پٹرول…..
دہلی.   71.25       81.53
ممبئی.  77.73      88.23
کولکاتہ 74.82      83.10
چنئی.  76.72      84.53

وزیر اعظم نریندر مودی نے سعودی عرب کے شاہ سلمان بن عبد العزیز آل سعود کی دعوت پر دیگر 19 سربراہان حکومت کے ساتھ اس کانفرنس میں شرکت کی، جو کووڈ – 19 کے پیش نظر ورچوئل طور پر منعقد ہورہی ہے۔

نئی دہلی: وزیر اعظم نریندر مودی نے کورونا وائرس کی عالمی وبا کو دوسری عالمی جنگ کے بعد دنیا کو درپیش ہونے والا سب سے بڑا چیلنج قرار دیتے ہوئے جی- 20 سے اس کے خلاف فیصلہ کن اقدام کرنے کا مطالبہ کیا ہے۔ جو صرف اقتصادی باز آبادکاری، روزگار یا تجارت تک محدود نہ ہو بلکہ کرہ ارض کے تحفظ کوبھی محیط ہو۔

وزیر اعظم نے ہفتہ کے روز سعودی عرب کے زیر اہتمام ہونے والی 15 ویں جی- 20 کانفرنس میں ورچوئل طریقے سے حصہ لیا۔ 21 سے 22 نومبر تک ہونے والی اس کانفرنس سے اپنے خطاب میں کورونا وائرس کے مابعد کی دنیا کے لیے نیا عالمی انڈیکس تیار کرنے کی اپیل کی جن میں سماج کے تمام طبقات کے لیے ٹیکنالوجی کی رسائی، مہارت سازی، نظام حکومت کی شفافیت اور کرہ ارضی کے ساتھ تحفظ کا سلوک کرنے کے چار اہم عناصر شامل ہوں۔ ان اہم عناصر پر جی-20 ایک نئی دنیا کی بنیاد رکھ سکتا ہے۔

وزیر اعظم کی شاہ سلمان کی دعوت پر دیگر 19 سربراہان حکومت کے ساتھ کانفرنس میں شرکت

وزیر اعظم مودی نے سعودی عرب کے شاہ سلمان بن عبد العزیز آل سعود کی دعوت پر دیگر 19 سربراہان حکومت کے ساتھ اس کانفرنس میں شرکت کی، جو کووڈ -19 کے پیش نظر ورچوئل طور پر منعقد ہورہی ہے۔ مسٹر مودی کے علاوہ اس اہم کانفرنس میں امریکی صدر ڈونلڈ ٹرمپ، روسی صدر ولادیمر پوتن اور چینی صدر شی جنپنگ بھی شریک ہورہے ہيں۔

نریندر مودی نے ٹویٹ کرکے کہا، "میں نے جی – 20 رہنماؤں کے ساتھ بہت اچھی گفتگو کی ہے۔ ہم یقینی طور پر دنیا کی سب سے بڑی معیشتوں کی مربوط کوششوں سے اس عالمی وبا کے چنگل سے نکل جائیں گے۔ میں اس ورچوئل کانفرنس کی میزبانی کرنے پر سعودی عرب کو مبارکباد پیش کرتا ہوں”۔

Was honoured to address #G20 partners again on the 2nd day of the Virtual Summit hosted by Saudi Arabia.

Reiterated the importance of reforms in multilateral organizations to ensure better global governance for faster post-COVID recovery.

— Narendra Modi (@narendramodi) November 22, 2020

وزیر اعظم نے کہا، "ہمارے عمل میں شفافیت ہمارے معاشرے کو اجتماعی اور اعتماد کے ساتھ بحران سے لڑنے پر آمادہ کرتی ہے۔ کرہ ارضی کے تحفظ کا احساس ہمیں صحتمند اور اجتماعی طرز زندگی گزارنے کی ترغیب دے گا۔ انہوں نے کہا کہ چونکہ کووڈ-19 کے مابعد ‘کہیں سے بھی کام کرنا’ ایک نیا معمول بن چکا ہے، اس لیے جی – 20 کی ورچوئل سکریٹریٹ بنانے کی تجویز پر بھی غور کیا جائے۔

Speaking at the #G20RiyadhSummit. https://t.co/lCqzRQnKhD

— Narendra Modi (@narendramodi) November 22, 2020

واضح رہے کہ موجودہ جی – 20 کانفرنس میں سربراہان کے ذریعہ اعلامیہ کو منظور کیے جانے کے بعد جی – 20 کی صدارت اٹلی کو سونپی جائے گی۔

افغانستان کے وزارت داخلہ کے مطابق سنیچر کی صبح کابل میں 23 راکٹوں سے حملہ کیا گیا تھا، جس میں 10 لوگوں کی موت ہوگئی اور 51 دیگر زخمی ہوگئے۔

کابل: افغانستان کی راجدھانی کابل میں 23 راکٹوں سے کئے گئے حملے میں کم سے کم 10 لوگوں کی موت ہوگئی اور 51 دیگر زخمی ہوگئے۔ خبررساں ایجنسی نے اتوار کو نائب فرسٹ صدر امیتابھ صالح کے حوالے سے یہ اطلاع دی ہے۔

اس سے پہلے کی رپورٹوں میں سینٹرل کابل کے مختلف علاقے میں ہوئے دھماکوں میں آٹھ شہریوں کے مارے جانے اور پچاس دیگر کے زخمی ہونے کی بات کہی گئی تھی۔ افغانستان کے وزارت داخلہ کے مطابق سنیچر کی صبح کابل میں 23 راکٹوں سے حملہ کیا گیا تھا۔

راجدھانی کابل میں ایرانی سفارت خانہ نے بعد میں بتایا کہ ایک راکٹ سفارت خانہ پر گرا ہے۔ اسلامی اسٹیٹ (آئی ایس) گروپ نے ان حملوں کی ذمہ داری قبول کی ہے۔

ڈونلڈ ٹرمپ نے ٹویٹ کیا کہ فرضی خبریں پھیلانے والے چینلز یہ نہیں بتا رہے ہیں کہ کووڈ – 19 کا خطرہ امریکہ میں ہی نہیں بلکہ پوری دنیا میں مسلسل بڑھتا جا رہا ہے۔

واشنگٹن: امریکی صدر ڈونلڈ ٹرمپ نے کہا ہے کہ کورونا وائرس (کووڈ – 19) وبا کے حالات صرف امریکہ میں ہی نہیں بلکہ پوری دنیا میں مسلسل خطرناک ہوتے جارہے ہیں۔

مسٹر ٹرمپ نے ہفتے کو ٹویٹ کرکے کہا، ’’فرضی خبریں پھیلانے والے چینل یہ نہیں بتا رہے ہیں کہ کووڈ – 19 کا خطرہ امریکہ میں ہی نہیں بلکہ پوری دنیا میں مسلسل بڑھتا جارہا ہے۔ میں نے آج صبح جی – 20 گروپ ملکوں کی میٹنگ میں ویڈیو کانفرنس کے ذریعہ حصہ لیا۔ میٹنگ میں کورونا کی وبا پر بنیادی طورپر بحث کی گئی۔ ہم اپنی ویکسین کی مدد سے جلد ہی کورونا سے نجات پا لیں گے۔‘‘

امریکی صدر نے کہا کہ کورونا مریضوں کا علاج کرنے والے ڈاکٹر مسلسل اس وائرس کے سلسلے میں معلومات جمع کر رہے ہیں۔ علاج کے طور طریقوں کے بہتر ہونے سے اب کم لوگوں کی موت ہورہی ہے۔

نومنتخب صدر جو بائیڈن پر ٹرمپ کی تنقید

انہوں نے نومنتخب صدر جو بائیڈن کی تنقید کرتے ہوئے ایک دیگر ٹویٹ میں کہا، ’’جو بائیڈن ایچ 1 این 1 سوائن فلو کو روکنے میں پوری طرح سے ناکام رہے تھے۔ مسٹر بائیڈن ویکسین کے طے مدت میں بنانے کے عمل کے محاذ پر بھی ناکام رہے تھے۔ کیا یہ بات سبھی لوگ جانتے ہیں۔‘‘

واضح رہے کہ امریکہ کے صدر خود بھی کورونا سے متاثر ہوچکے ہیں۔ اس ہفتے کی شروعات میں مسٹر ٹرمپ کے بڑے بیٹے بھی کورونا انفیکشن سے متاثر ہوگئے ہیں۔

امریکہ میں یہ وبا خطرناک شکل اختیار کر چکی ہے۔ اب تک 1.20 کروڑ سے زیادہ لوگ اس سے متاثر ہوچکے ہیں۔ امریکہ کی جان ہاپکنز یونیورسٹی کے سائنس اور انجینئرنگ کے مرکز (سی ایس ایس ای) کی جانب سے جاری کئے گئے تازہ اعداد و شمار کے مطابق امریکہ میں کورونا سے مرنے والوں کی تعداد 2,55,804 پہنچ گئی ہے جبکہ متاثرین کی تعداد 1,20,85,389 ہوگئی ہے۔

پینسلوینیا میں ٹرمپ ٹیم کے مطابق 682777 ووٹ غیر قانونی ہیں۔ عدالت کے حکم پر ٹرمپ ٹیم نے کہا کہ ہم مایوس ہیں کہ ہمیں کم از کم سماعت میں اپنے ثبوت پیش کرنے کا موقع بھی نہیں ملا۔

ماسکو: امریکی صدر ڈونلڈ ٹرمپ کی سینئر قانونی مشیر جینا ایلس اور ایٹارنی روڈی گیولیانی نے کہا ہے کہ ٹرمپ کی ٹیم پنسلوینیا عدالت کے فیصلے کے خلاف جلد اپیل کرے گی۔

ہفتہ کو امریکی ضلع عدالت کے جج میتھیو بران نے پینسلوینیا میں میل ان بیلٹ پیپر کو غیر قانونی قرار دینے کے ٹرمپ کیمپین کی عرضی خارج کردی تھی۔ جسٹس بران نے کہا کہ ٹرمپ کیمپین کی عرضی قانونی دلیلوں اور ثبوتوں کے بغیر ہے۔

ٹرمپ ٹیم کے مطابق پینسلوینیا میں 682777 ووٹ غیر قانونی ہیں۔ عدالت کے حکم پر ٹرمپ ٹیم نے کہا کہ ہم مایوس ہیں کہ ہمیں کم از کم سماعت میں اپنے ثبوت پیش کرنے کا موقع بھی نہیں ملا۔ بدقسمتی سے سینسرشپ جاری ہے۔