29 جنوری کو ختم ہونے والے ہفتے میں غیر ملکی کرنسی کے اثاثوں جو زرمبادلہ کے ذخائر کا سب سے بڑا جزو ہے، 5.02 ارب ڈالرکے اضافے سے 547.21 بلین ڈالر ہوگیا۔

اسی عرصے کے دوران سونے کے ذخائر 1.64 بلین ڈالر سے گھٹ کر 36.29 ارب ڈالر رہ گئے۔ رواں ہفتہ میں بین الاقوامی مالیاتی فنڈ کے پاس ریزرو ذخائر 6 ملین ڈالر سے گھٹ کر 5.16 بلین ڈالر اور’اسپیشل ڈرائنگ رائٹس‘ 4 ملین ڈالر سے گھٹ کر 1.50 بلین ڈالر رہ گیا ہے۔

نئی دہلی: کانگریس کے سابق صدر راہل گاندھی نے کہا ہے کہ زراعت سے متعلق تینوں قوانین کی منسوخی تک، کسانوں نے اپنی تحریک جاری رکھنے کا وعدہ کیا ہے۔ لہذا حکومت کو اپنی ضد چھوڑ کر ان کے مطالبات قبول کرلینے چاہئے۔

مسٹر گاندھی نے ایک ٹویٹ میں کہا ’’گاندھی جینتی تک کسان مزدوروں کے احتجاج کے فیصلے سے ان کے عزائم کے ساتھ ہی یہ بھی واضح ہے کہ مودی سرکار سے وہ کتنے مایوس ہیں‘‘۔

किसान-मज़दूर के गाँधी जयंती तक आंदोलन के निर्णय से उनके दृढ़ संकल्प के साथ ही ये भी साफ़ है कि वे मोदी सरकार से कितने नाउम्मीद हैं।

अहंकार छोड़ो, सत्याग्रही किसानों की तकलीफ़ समझो और कृषि-विरोधी क़ानून वापस लो!

— Rahul Gandhi (@RahulGandhi) February 7, 2021

انہوں نے حکومت کو ضد چھوڑنے کا مشورہ دیتے ہوئے کہا ’’تکبر چھوڑ دیں، ستیہ گڑھ کرنے والے کسانوں کی تکلیف کو سمجھیں اور زراعت مخالف قانون کو واپس لیں‘‘۔

اقوام متحدہ کے ترجمان اسٹیفن ڈوجارک نے کہا ’’ہم اس اعلان کا خیرمقدم کرتے ہیں کہ امریکہ حوثی باغیوں کو غیر ملکی دہشت گرد گروپوں کی فہرست سے ہٹانے پر غور کر رہا ہے۔

ماسکو: اقوام متحدہ نے یمن میں سرگرم حوثی باغیوں کو غیر ملکی دہشت گرد گروہوں کی فہرست سے نکالنے پر غور کرنے کے امریکی فیصلے کا خیرمقدم کیا ہے۔ اقوام متحدہ کے ترجمان اسٹیفن ڈوجارک نے ہفتہ کے روز یہ اطلاع دی۔

امریکی میڈیا کے مطابق امریکی کانگریس اور محکمہ خارجہ کے عہدیداروں نے اپنی رپورٹ میں یہ اطلاع دی۔ رپورٹ کے مطابق صدر جو بائیڈن کی نئی انتظامیہ نے بھی اس سلسلے میں باقاعدہ طور پر کانگریس کو آگاہ کیا ہے۔

ترجمان نے کہا ’’ہم اس اعلان کا خیرمقدم کرتے ہیں کہ امریکہ حوثی باغیوں کو غیر ملکی دہشت گرد گروپوں کی فہرست سے ہٹانے پر غورکر رہا ہے۔ اس منسوخی سے لاکھوں یمنی باشندوں کو راحت ملے گی جو اپنی بقا کی بنیادی ضروریات کو انسانی امداد اور تجارتی درآمدات پر انحصار کرتے ہیں۔ اس فیصلے سے یہ یقینی بنانے میں بھی مدد ملے گی کہ ضروری سامان بھی بلا تاخیر ان تک پہنچ جائے۔ ‘‘

قابل ذکر ہے کہ ٹرمپ کی سابقہ ​​انتظامیہ نے حوثی گروپ کو غیر ملکی دہشت گرد گروپوں کی فہرست میں ڈال دیا تھا۔ اس گروپ کے رہنما عبدالمالک الحوثی اور اس کے بھائی اور فوج کے کمانڈر عبدالخالق الحوثی اور دیگر انصار اللہ کمانڈر عبداللہ یحیی الحکیم کو بھی عالمی دہشت گرد قرار دیا گیا تھا۔

آر ٹی آئی کے مطابق متعدد ایسے مدارس ہیں جو صرف کاغذوں پر چل رہے ہیں۔ وہ مدرسہ تعلیمی بورڈ میں رجسٹرڈ تو ہیں لیکن زمین پر کہیں ان کی عمارت موجود نہیں ہے۔ اور ان کا نام یوپی مدرسہ تعلیمی بورڈ کے پورٹل پر درج ہونے کے ساتھ سرکاری امداد بھی حاصل کررہے ہیں۔

لکھنو: اترپردیش کے اضلاع اعظم گڑھ و مرزا پور میں مدرسہ تعلیمی بورڈ سے تسلیم شدہ تقریبا 400 سے زائد مدارس میں مالی و دیگر بے ضابطگیوں کی جانچ ایس آئی ٹی نے شروع کردی ہے۔

ایک آر ٹی آئی میں دونوں اضلاع کے کچھ مدارس میں مالی بے ضابطگیوں اور خرد برد کا انکشاف ہوا تھا. آر ٹی آئی کے مطابق متعدد ایسے مدارس ہیں جو صرف کاغذوں پر چل رہے ہیں۔ وہ مدرسہ تعلیمی بورڈ میں رجسٹرڈ تو ہیں لیکن زمین پر کہیں ان کی عمارت موجود نہیں ہے۔ اور ان کا نام یوپی مدرسہ تعلیمی بورڈ کے پورٹل پر درج ہونے کے ساتھ سرکاری امداد بھی حاصل کررہے ہیں۔

آر ٹی آئی سے موصول اس طرح کی اطلاع کے بعد اب اعظم گڑھ و مرزاپور کے 400 مدرسے اسپیشل انوسٹی گیشن ٹیم کے رڈار پر ہیں۔ اور اب ان کی جانچ ہونی ہے۔ اب ان مدارس کی جانچ کے ساتھ تھانہ سطح پر مدرسوں میں پڑھنے اور پڑھانے والوں کی تصدیق بھی کرائی جائے گی۔ ایس آئی ٹی ان مدارس کا فزیکل معائنہ بھی کرے گی۔

خواجہ معین الدین حسن چشتی رحمۃ اللہ علیہ کی 809 ویں سالانہ عرس نماز عصر کے بعد درگاہ کے بلند دروازے پر عرس کے جھنڈے کو بلند کرنے کے ساتھ  باضابطہ آغاز ہوگا۔ عرس کے دوران درگاہ میں داخلے کے لئے آن لائن رجسٹریشن کے عمل کے لئے ایک ویب سائٹ بھی جاری کی گئی ہے۔

اجمیر: راجستھان کے اجمیر میں خواجہ معین الدین حسن چشتی رحمۃ اللہ علیہ کی 809 ویں سالانہ عرس شام نماز عصر کے بعد درگاہ کے بلند دروازے پر عرس کے جھنڈے کو بلند کرنے کے ساتھ باضابطہ آغاز ہوگا۔

روایتی طور سے بھیلواڑہ کا گوری خاندان پرچم کی تقریب انجام دے گا۔ عالمی وبائی مرض کووڈ کی وجہ سے درگاہ کے غریب نواز گیسٹ ہاؤس سے جھنڈے کا جلوس چنندہ افراد کے ساتھ درگاہ شریف پہنچنے اور پرچم پیش کرنے کے لئے روانہ ہوگا۔ عرس کے پیش نظر انتظامیہ، پولیس، درگاہ کمیٹی، انجمن اور درگاہ کے دیوان وغیرہ متحرک ہیں۔

درگاہ میں داخلے کے لئے آن لائن رجسٹریشن

عرس کے دوران درگاہ میں داخلے کے لئے آن لائن رجسٹریشن کے عمل کے لئے ایک ویب سائٹ بھی جاری کی گئی ہے۔ درگاہ میں اندراج کے بعد ہی عرس کے دوران داخلہ دستیاب ہوگا۔ نیز، کورونا کی نگیٹیو رپورٹ بھی پیش کرنی ہوگی۔

درگاہ کمیٹی نے زائرین کی آمد کے پیش نظر ریسٹنگ سائٹ پر انتظامات کرنا شروع کردیئے ہیں۔ کمیٹی نے پبلک مقامات پر عارضی دکانیں لگانے کے لئے عوامی اشتہار کے ذریعہ ایک تجویز بھی طلب کی ہے۔

مختار عباس نقوی کا 17 فروری کو اجمیر کا دورہ

درگاہ کمیٹی کے صدر امین پٹھان کے حوالے سے بتایا گیا ہے کہ مرکزی وزیر برائے اقلیتی امور مختار عباس نقوی کا 17 فروری کو اجمیر کے دورے کا پروگرام ہے۔ وہ یہاں وزیر اعظم نریندر مودی کی جانب سے چادر چڑھا سکتے ہیں اور درگاہ کمیٹی کے ذریعہ درگاہ میں ہونے والے ترقیاتی کاموں کا افتتاح کرسکتے ہیں۔

وائٹ ہاؤس فی الحال اس بات کا جائزہ لے رہا ہے کہ آیا مسٹر ٹرمپ کو انٹیلی جنس بریفنگ تک رسائی حاصل کرنی چاہئے یا نہیں۔ خدشہ ہے کہ وہ (ٹرمپ) اس کا غلط استعمال کرسکتے ہیں۔

واشنگٹن: امریکی صدر جو بائیڈن نے کہا ہے کہ سابق صدر ڈونلڈ ٹرمپ کو انٹیلی جنس بریفنگ تک رسائی حاصل نہیں ہونی چاہئے۔

جو بائیڈن نے جمعہ کو سی بی ایس نیوز چینل کو انٹرویو دیتے ہوئے کہا ’’مجھے یقین نہیں ہے…. کیونکہ ان کا غیر یقینی رویہ بغاوت سے متعلق ہے‘‘ انہوں نے کہا کہ ان (مسٹر بائیڈن) کو یقین ہے کہ ٹرمپ کو انٹیلی جنس بریفنگ تک رسائی حاصل کرنے کی ضرورت نہیں ہے کیونکہ اس حقیقت کے علاوہ اس کی کوئی دوسری اہمیت نہیں ہے کہ وہ خفیہ معلومات کا انکشاف کرسکیں۔

قابل ذکر ہے کہ وائٹ ہاؤس فی الحال اس بات کا جائزہ لے رہا ہے کہ آیا مسٹر ٹرمپ کو انٹیلی جنس بریفنگ تک رسائی حاصل کرنی چاہئے یا نہیں۔ خدشہ ہے کہ وہ (ٹرمپ) اس کا غلط استعمال کرسکتے ہیں۔

خیال رہے امریکہ میں سابق صدور کے پاس پالیسی سازی کے ایک بڑے ایشوز تک خفیہ انٹیلی جنس بریفنگ تک رسائی ہے۔

ٹرمپ کی سابقہ ​​انتظامیہ نے حوثی گروپ کو غیر ملکی دہشت گرد گروہوں کی فہرست میں رجسٹر کیا تھا۔

واشنگٹن: امریکہ یمن میں سرگرم حوثی باغیوں کو غیر ملکی دہشت گرد گروہوں کی فہرست سے نکالنے پر غور کر رہا ہے۔

’واشنگٹن پوسٹ‘ نے اپنی ایک رپورٹ میں امریکی کانگریس اور محکمہ خارجہ کے عہدیداروں کے حوالہ سے یہ اطلاع دی ہے۔

رپورٹ کے مطابق بائیڈن انتظامیہ نے باقاعدہ طور پر اس تناظر میں کانگریس کو آگاہ کیا ہے۔

قابل ذکر ہے کہ ان کے دور میں ٹرمپ کی سابقہ ​​انتظامیہ نے حوثی گروپ کو غیر ملکی دہشت گرد گروہوں کی فہرست میں رجسٹر کیا تھا۔ اس گروپ کے رہنما عبدالمالک الحوثی اور اس کے بھائی اور فوج کے کمانڈر عبد الخالق الحوثی اور دیگر انصار اللہ کمانڈر عبداللہ یحیی الحکیم کو بھی عالمی دہشت گرد قرار دیا گیا تھا۔

ایوان سے منظور شدہ بل 2263 دولت مشترکہ میں سزائے موت کو ختم کرے گا اور موجودہ موت کی سزا کو بغیر کسی پیرول کے قید کی سزا میں بدل دے گا۔

واشنگٹن: امریکہ میں ورجینیا کے مرکزی قانون ساز ایوان نے ریاست میں سزائے موت ختم کرنے کے ایک بل کی منظوری دے دی ہے۔

ورجینیا کے قانون ساز ایوان نے جمعہ کے روز ایک بیان جاری کرتے ہوئے کہا ’’آج ورجینیا ہاؤس آف ڈیلیگیٹس نے سزائے موت کے التزام کو مسترد کرنے والے ایک بل کی منظوری دے دی۔ ایوان سے منظور شدہ بل 2263 دولت مشترکہ میں سزائے موت کو ختم کرے گا اور موجودہ موت کی سزا کو بغیر کسی پیرول کے قید کی سزا میں بدل دے گا‘‘۔

ریاستی گورنر رالف نورتھم کے دستخط کے بعد یہ بل قانون کی شکل اختیار کرے گا کیونکہ ایوان بالا کی سینیٹ نے اس ہفتہ کے شروع میں ہی یہ بل منظور کرلیا تھا۔

اسے بھی پڑھیں:

بائیڈن کو بین الاقوامی معاہدوں میں امریکہ کی فیصلہ کن پوزیشن کو ختم کرنا ہوگا: ڈیوڈ

مسٹر ڈیوڈ نے کہا کہ مسٹر بائیڈن کے پیشرو صدر ڈونلڈ ٹرمپ کی اس’تنہا چلو‘ کی پالیسی نے امریکہ کو عالمی معاہدوں اور تنظیموں سے الگ کردیا ہے۔

واشنگٹن: ’ورلڈ بیانڈ وار پیس موومنٹ‘ کے ایگزیکٹو ڈائریکٹر اور نوبل انعام کیلئے نامزد امیدوار ڈیوڈ سوانسن کا کہنا ہے کہ امریکی صدر جو بائیڈن کو امریکہ کی ’تنہا چلو‘ کی پالیسی میں اصلاح کی ضرورت ہے۔

مسٹر سوانسن نے کہا کہ مسٹر بائیڈن کے پیشرو صدر ڈونلڈ ٹرمپ کی اس’تنہا چلو‘ کی پالیسی نے امریکہ کو عالمی معاہدوں اور تنظیموں سے الگ کردیا ہے۔

انہوں نے کہا ’’نئی امریکی حکومت سے بہت سے مطالبات میں سے ایک یہ ہے کہ وہ اپنی چودراہٹ کی پوزیشن کو بہتر بنائے اور معاہدوں میں سنجیدگی کے ساتھ تعاون کرے، باقی دنیا کے ساتھ باہمی تعاون اور نتیجہ خیز تعلقات ہوں‘‘۔

امتیاز جلیل ریاست کے اورنگ آباد شہر سے مجلس اتحادالمسلمین سے لوک سبھا کے رکن ہیں جبکہ فوزیہ خان راشٹروادی کانگریس پارٹی سے حال ہی میں راجیہ سبھا کی ممبر بنائی گئی ہیں۔

ممبئ: مہاراشٹر ریاستی وقف بورڑ میں دو مسلم اراکین پارلیمنٹ امتیاز جلیل اور فوزیہ خان کی بطور رکن تقرری عمل میں آ ئی ہے۔

وزیر اقلیتی امور نواب ملک نے یہ اطلاع دی-

امتیاز جلیل ریاست کے اورنگ آباد شہر سے مجلس اتحادالمسلمین سے لوک سبھا کے رکن ہیں جبکہ فوزیہ خان راشٹروادی کانگریس پارٹی سے حال ہی میں راجیہ سبھا کی ممبر بنائی گئی ہیں۔