ڈپٹی الیکشن کمشنر سدیپ جین نے بوئل کے علاقے میں پولنگ بوتھ کے باہر ہونے والے واقعہ اور اس سے قبل ہی کیش پور کے علاقے میں ایک شخص کی ہلاکت کے بارے میں انتظامیہ سے رپورٹ طلب کی۔

کلکتہ: الیکشن کمیشن نے نندی گرام میں بوئل علاقے جہاں کے بوتھ کا دورہ وزیر اعلیٰ ممتا نرجی نے کیا تھا میں ہوئے تشدد کے واقعات پر رپورٹ طلب کی ہے۔

مغربی بنگال کی وزیر اعلیٰ ممتا بنرجی نے نندی گرام میں متعدد بوتھس کا دورہ کیا۔ ممتا بنرجی کے خلاف ان کے ہی سابق ساتھی شوبھندو ادھیکاری سے مقابلہ ہے۔

ممتا بنرجی جیسے ہی بوئل بوتھ پر پہنچیں وہاں بی جے پی حامیوں نے جے شری رام کے نعرے لگانے لگے۔ ممتا بنرجی کے دورے کے بعد وہاں پر تشدد کے واقعات ہوئے۔ مرکزی فورسیس نے امن قائم کرنے کی بھر پور کوشش کی۔

ڈپٹی الیکشن کمشنر سدیپ جین نے بوئل کے علاقے میں پولنگ بوتھ کے باہر ہونے والے واقعہ اور اس سے قبل ہی کیش پور کے علاقے میں ایک شخص کی ہلاکت کے بارے میں انتظامیہ سے رپورٹ طلب کی۔

جمعرات کی صبح مغربی مدنی پور کے علاقے کیش پور میں ترنمول کانگریس کے ایک کارکن کو مبینہ طور پر چاقو سے وار کرکے ہلاک کردیا گیا۔ انتخابات کے دوسرے مرحلے میں 30 سیٹوں پر پولنگ ہو رہی ہے۔

خیال رہے کہ ممتا بنرجی نے الیکشن کمیشن پر غیر فعال ہونے کا الزام عائد کرتے ہوئے کہا کہ بی جے پی اور امت شاہ کے اشارے پر کمیشن کام کر رہا ہے۔

وزیر خزانہ نرملا سیتارمن نے جمعرات کے روز اس سلسلے میں ایک ٹویٹ کرتے ہوئے کہا کہ سنہ 2020-21 کی آخری سہ ماہی میں چھوٹی بچت اسکیموں پر جس شرح سے سود مل رہا تھا، وہ شرح سود 2021-22 کی پہلی سہ ماہی میں بھی برقرار رہے گا۔

نئی دہلی: چھوٹی بچت اسکیموں پر شرح سود میں کٹوتی فیصلے سے پلٹے ہوئے حکومت نے جمعرات کو کہا کہ ان اسکیموں پر حسب سابق سود ملتا رہے گا۔ وزیر خزانہ نرملا سیتارمن نے جمعرات کے روز اس سلسلے میں ایک ٹویٹ کرتے ہوئے کہا کہ سنہ 2020-21 کی آخری سہ ماہی میں چھوٹی بچت اسکیموں پر جس شرح سے سود مل رہا تھا، وہ شرح سود 2021-22 کی پہلی سہ ماہی میں بھی برقرار رہے گا۔

انہوں نے کہا کہ سود کی شرحوں میں کٹوتی کے سلسلے میں جو احکامات جاری کئے گئے تھے، ان کو واپس نہیں لیا جارہا ہے اور ان پر حسب سابق سود ملتا رہے گا۔ وزارت خزانہ ان اسکیموں پر ہر تین ماہ بعد  شرح سود کا اعلان کرتی ہے۔

Interest rates of small savings schemes of GoI shall continue to be at the rates which existed in the last quarter of 2020-2021, ie, rates that prevailed as of March 2021.
Orders issued by oversight shall be withdrawn. @FinMinIndia @PIB_India

— Nirmala Sitharaman (@nsitharaman) April 1, 2021

واضح ر ہے کہ حکومت نے چھوٹی بچت اسکیموں پر شرح سود میں آدھے فیصد سے ایک فیصد کی کٹوتی کرنے کا فیصلہ کیا تھا، جس سے پی پی ایف پر شرح سود 46 سال کی کم ترین سطح پر آگئی تھی۔ اس طرح 46 برسوں میں پہلی مرتبہ شرح سود 7 فیصد سے کم ہوکر 6.4 فیصد پر آگئی تھی۔ اسی طرح نیشنل سیونگ سرٹیفکیٹ پر بھی شرح سود 6.8 فیصد سے کم کر 5.9 فیصد کردی گئی تھی۔

اس کے ساتھ ہی سکنیا سمردھی یوجنا پر شرح سود کو بھی 7.6 فیصد سے کم کر کے 6.9 فیصد کر دیا تھا۔ سینئر سٹیزن کی بچت اسکیموں پر شرح سود کو 7.4 فیصد سے کم کر کے 6.5 فیصد کردیا گیا تھا۔ کسان وکاس پتر پر بھی سود کی شرح 6.9 فیصد سے کم کر کے 6.2 فیصد کردی گئی تھی۔ پوسٹ آفس سیونگ اسکیم پر شرح سود کو چار فیصد سے کم کرکے ساڑھے تین فیصد کردیا گیا۔

مغربی بنگال کی سب سے مشہور نندی گرام اسمبلی سیٹ پر بھی ووٹنگ ہو رہی ہے، جہاں سے ریاست کی وزیر اعلی ممتا بنرجی اور ترنمول کانگریس چھوڑ کر بھارتیہ جنتا پارٹی میں شامل ہوئے سابق وزیر شوبھندو ادھیکاری آمنے سامنے ہیں۔

نئی دہلی: مغربی بنگال اور آسام میں اسمبلی انتخابات کے دوسرے مرحلے میں جمعرات کو 69 سیٹوں پر ووٹنگ جاری ہے۔

اس مرحلے میں مغربی بنگال کی سب سے مشہور نندی گرام اسمبلی سیٹ پر بھی ووٹنگ ہو رہی ہے، جہاں سے ریاست کی وزیر اعلی ممتا بنرجی اور ترنمول کانگریس چھوڑ کر بھارتیہ جنتا پارٹی میں شامل ہوئے سابق وزیر شوبھندو ادھیکاری آمنے سامنے ہیں۔

مغربی بنگال میں آج 30 سیٹوں پر ووٹنگ ہو رہی ہے۔ ان میں ساؤتھ 24 پرگنہ کی 4 سیٹوں، بنکورا کی 8، ایسٹ مدنی پور 9، مغربی مدنی پور کی 9 سیٹیں شامل ہیں۔ 30 سیٹوں کے لئے 171 امیدوار میدان میں ہیں۔ ان میں 152 مرد اور 19 خواتین ہیں۔ دوسرے مرحلے کی ووٹنگ کے لئے 3،210 پولنگ بوتھ قائم کئے گئے ہیں۔

ریاستوں کی چار اسمبلیوں میں سیکیورٹی اہلکاروں کی 800 کمپنیاں تعینات کی گئی ہیں۔ ان میں سے 22 کمپنیاں صرف نندی گرام میں رہیں گی۔ حساس بوتھ پر دو سیکیورٹی اہلکار تعینات رہیں گے۔ الیکشن کمیشن نے انتخابات کو شفاف بنانے کے لئے نندی گرام کے پولنگ بوتھ پر سی سی ٹی وی کیمرے لگوائے ہیں۔ یہاں انتخابات کی ویڈیو گرافی اور ویب کاسٹنگ بھی ہوگی۔

وہیں آسام کی 39 سیٹوں پر جمعرات کو ووٹنگ جاری ہے۔ ان سیٹوں پر 345 امیدوار میدان میں ہیں۔ الیکشن کمیشن کے مطابق آسام کی 39 سیٹوں پر 73،44،631 رائے دہندگان اپنے حق رائے دہی کا استعمال کریں گے۔ ووٹ دیں گے اس میں 37،34،537 مرد، 36،09،959 خواتین اور 135 ووٹر ٹرانسجینڈر ہیں۔ آسام میں دوسرے مرحلے میں چار وزیر انتخابات لڑ رہے ہیں۔

ڈبلیو ایچ او کے اسٹریٹجک ایڈوائزری گروپ کے سربراہ ایلیجینڈرو کرویوٹو نے کہا کہ دونوں ویکسین کے کلینیکل ٹرائل کے ڈیٹا سے پتہ چلتا ہے کہ یہ طے شدہ معیار کے مطابق کارگر ہے۔

جنیوا: عالمی ادارۂ صحت (ڈبلیو ایچ او) کی ماہر کمیٹی کے مطابق چین کی دوا ساز کمپنی سینوفارم اور سینووک کی کورونا ویکسین ڈبلیو ایچ او کے طے شدہ معیار کے مطابق کار گر پائی گئی ہے۔

ڈبلیو ایچ او کے اسٹریٹجک ایڈوائزری گروپ کے سربراہ ایلیجینڈرو کرویوٹو نے کہا کہ دونوں ویکسین کے کلینیکل ٹرائل کے ڈیٹا سے پتہ چلتا ہے کہ یہ طے شدہ معیار کے مطابق کارگر ہے۔

مسٹر کرویوٹو نے کہا کہ دونوں ویکسینوں کے بزرگ افراد پر کی گئی آزمائش کا ڈیٹا ابھی دستیاب نہیں ہو پایا ہے۔

انہوں نے کہا کہ ویکسین کے محفوظ اور کار گر ہونے سے متعلق مزید مطالعے کی ضرورت ہے۔

ممتا بنرجی نے لکھا ہے کہ میرے اس خط کا مقصد ہندوستان کی جمہوریت کو لاحق خطرات کو اجاگر کرنا ہے۔ انہوں نے پارلیمنٹ کے دونوں ایوانوں کے ذریعے قومی دارالحکومت دہلی (ترمیمی) بل کی منظوری کا ذکر کرتے ہوئے کہا کہ یہ ایک "انتہائی سنگین” قدم ہے۔

کلکتہ: دوسرے مرحلے کی پولنگ سے قبل وزیر اعلیٰ ممتا بنرجی نے غیر بی جے پی جماعتوں کے سربراہوں کو خط لکھ کر بی جے پی کے ذریعہ ہندوستان کی جمہوریت اور آئینی فیڈرلزم پر حملے کو اجاگر کیا ہے۔

ممتا بنرجی کے اس خط کو ترنمول کانگریس کے لیڈروں نے آج جاری کیا ہے۔ اس خط کے ذریعہ اپوزیشن لیڈروں کی حمایت حاصل کی گئی ہے۔ اس خط میں بی جے پی اور مرکزی حکومت کے غیر آئینی اقدامات کا تفصیل سے ذکر ہے۔ ممتا بنرجی نے لکھا ہے کہ جان بوجھ کر ملک کے وفاقی ڈھانچے کو نقصان پہنچایا گیا ہے۔

خط کا مقصد ہندوستان کی جمہوریت کو لاحق خطرات کو اجاگر کرنا

ممتا بنرجی نے لکھا ہے کہ میرے اس خط کا مقصد ہندوستان کی جمہوریت کو لاحق خطرات کو اجاگر کرنا ہے۔ انہوں نے پارلیمنٹ کے دونوں ایوانوں کے ذریعے قومی دارالحکومت دہلی (ترمیمی) بل کی منظوری کا ذکر کرتے ہوئے کہا کہ یہ ایک "انتہائی سنگین” قدم ہے۔

اس قانون کے ساتھ ہی، مرکز میں بی جے پی حکومت نے دہلی کی جمہوری طور پر منتخب حکومت کے عملی طور پر تمام اختیارات چھین لئے ہیں۔ انھیں مرکز کے نامزد امیدوار لیفٹیننٹ گورنر کے حوالے کر دیا ہے۔ انہوں نے کہا، دہلی کے غیر اعلانیہ وائسرائے، وزیر داخلہ اور وزیر اعظم کے لئے پراکسی کی حیثیت سے کام کر یں گے۔

تین صفحات پر مشتمل خط میں کانگریس کی چیئرپرسن سونیا گاندھی، نیشنلسٹ کانگریس پارٹی کے شرد پوار، ڈی ایم کے کے سربراہ یم کے اسٹالن، سماج وادی پارٹی کے اکھلیش یادو، راشٹریہ جنتا دل کے تیجسوی یادو، شیوسینا کے ادھو ٹھاکرے سمیت دیگر لیڈروں کے نام لکھا گیا ہے۔

بی ایس ای سینسیکس 627.43 پوائنٹس کی کمی کا شکار ہوا، جس کی وجہ سے سینسیکس 50 ہزار کے نیچے گر کر 49،509.15 اور نیشنل اسٹاک ایکسچینج (این ایس سی) نفٹی بھی 154.40 پوائنٹس کی کمی سے 14،690.70 پر بند ہوا۔

ممبئی: عالمی سطح پر بیشتر کلیدی انڈیکس میں کمی اور کورونا کی وبا کی وجہ سے بڑھتی ہوئی تشویش بدھ کے روز گھریلو اسٹاک مارکیٹ میں زبردست فروخت کا باعث بنی۔ اس کی وجہ سے سینسیکس میں 627 پوائنٹس کی کمی ہوگئی اور یہ 50 ہزار کے نشان کے نیچے آگیا اور نفٹی میں 154 پوائنٹس کی کمی درج کی گئی۔ اس سے گذشتہ روز سرمایہ کاروں کی خریداری میں اضافے سے گھریلو اسٹاک مارکیٹ میں زبردست تیزی رہی۔

اس عرصے کے دوران بی ایس ای سینسیکس 627.43 پوائنٹس کی کمی کا شکار ہوا، جس کی وجہ سے سینسیکس 50 ہزار کے نیچے گر کر 49،509.15 اور نیشنل اسٹاک ایکسچینج (این ایس سی) نفٹی بھی 154.40 پوائنٹس کی کمی سے 14،690.70 پر بند ہوا۔

دن کے آغاز سے ہی، سینسیکس میں کمی دیکھی گئی اور سینسیکس 87 پوائنٹس کی کمی سے کھل گیا اور گذشتہ دن کے مقابلہ میں نفٹی میں بھی 33 پوائنٹس کی کمی رہی۔

اس مدت کے دوران، بی ایس ای کا مڈ کیپ 14.72 پوائنٹس یا 0.07 فیصد اضافے سے 20،181.31 پوائنٹس پر پہنچ گیا۔ اس کی وجہ سے بڑی، درمیانے اور چھوٹی کمپنیوں میں خریداری رہی اور اس اسمال کیپ بھی 105.94 پوائنٹس یا 0.52 فیصد اضافے سے 20،649.33 پوائنٹس تک پہنچ گیا۔

اس عرصے کے دوران، بینکنگ گروپ کمپنیوں نے سب سے زیادہ 545.38 پوائنٹس یا 1.43 فیصد کی کمی ریکارڈ کی اور صارفین کے پائیدار شعبے کی کمپنیوں میں 242.90 پوائنٹس یا 0.75 پوائنٹس کا اضافہ ہوا۔

بہادر علی جموں و کشمیر کے باشندے اور لشکر طبیہ سے وابستہ ابو سعد اور ابو درداء کے ساتھ مل کر قومی دارالحکومت دہلی سمیت ملک کے مختلف حصوں میں دہشت گردانہ حملے کرنے کے لئے نوجوانوں کو تربیت دیتا تھا۔

نئی دہلی: دہلی کی پٹیالہ ہاؤس عدالت نے پاکستانی شہری اور لشکر طیبہ کے دہشت گرد بہادر علی عرف سیف اللہ منصور کو 10 سال قید کی سزا سنائی ہے۔

قومی تفتیشی ایجنسی (این آئی اے) نے بدھ کے روز یہ اطلاع دی۔ این آئی اے نے بتایا کہ عدالت نے بہادر علی کو تعزیرات ہند کی دفعات 120 بی، 121 اے، 489 سی اور انسداد غیر قانونی سرگرمی ایکٹ کی دفعات 17، 18، 20 اور 38 کے تحت قصوروار قرار دیا ہے۔

اس کے علاوہ عدالت نے بہادر علی کو اسلحہ ایکٹ کی دفعہ 7،10، اور 25، نیز دھماکہ خیز مواد ایکٹ کی دفعہ 9B اور فارینرس ایکٹ کی دفعہ 14 اور دفعہ 6 (1A) کے تحت قصوروار قرار دیتے ہوئے 10 سال قید اور جرمانے کی سزا سنائی ہے۔

قابل ذکر ہے کہ بہادر علی جموں و کشمیر کے باشندے اور لشکر طبیہ سے وابستہ ابو سعد اور ابو درداء کے ساتھ مل کر قومی دارالحکومت دہلی سمیت ملک کے مختلف حصوں میں دہشت گردانہ حملے کرنے کے لئے نوجوانوں کو تربیت دیتا تھا۔

این آئی اے نے بتایا کہ بہادر علی کو 25 جولائی 2016 کو جموں و کشمیر کے ضلع کپواڑہ کے یہاما گاؤں سے گرفتار کیا تھا۔ اس کے پاس سے ایک اے کے- 47 رائفل کے ساتھ دیگر اسلحہ برآمد ہوئے تھے۔

مرکزی وزارت صحت کی جانب سے بدھ کے روز جاری اعداد و شمار کے مطابق گذشتہ 24 گھنٹوں کے دوران کورونا وائرس کے 53480 نئے کیسز سامنے آئے۔ اس کے بعد متاثرین کی تعداد ایک کروڑ 21 لاکھ 49 ہزار 335 ہو گئی ہے۔ وہیں اس دوارن 53480 مریض صحتیاب ہوئے ہیں۔

نئی دہلی: گذشتہ 24 گھنٹوں کے دوران ملک میں کورونا وائرس (کووڈ-19) کے کیسز میں معمولی کمی درج کی گئی ہے اور یہ تقریباً 53 ہزار ہیں۔

مرکزی وزارت صحت کی جانب سے بدھ کے روز جاری اعداد و شمار کے مطابق گذشتہ 24 گھنٹوں کے دوران کورونا وائرس کے 53480 نئے کیسز سامنے آئے۔ اس کے بعد متاثرین کی تعداد ایک کروڑ 21 لاکھ 49 ہزار 335 ہو گئی ہے۔ وہیں اس دوارن 53480 مریض صحتیاب ہوئے ہیں۔ مجموعی طور پر اب تک 15493301 مریض کورونا سے نجات پا چکے ہیں۔ فعال کیسز 552566 ہو گئے ہیں۔ اس دوران مزید 354 مریضوں کی موت کے ساتھ اس بیماری سے ہلاکتوں کی تعداد 162568 ہو گئی ہے۔

ملک میں ریکوری ریٹ جزوی طور پر کم ہو کر 94.11 فیصد اور فعال کیسز کی شرح بڑھ کر 4.55 فیصد ہو گئی ہے جبکہ شرح اموات کم ہو کر 1.34 فیصد ہو گئی ہے۔

مہاراشٹر کورونا کے فعال کیسز 3559 بڑھ کر 341887 ہو گئی ہے۔ گذشتہ 24 گھنٹوں میں ریاست میں مزید 23820 مریض صحتیاب ہوئے، مجموعی طور پرکورونا کو شکست دینے والوں کی تعداد 2377127 تک پہنچ گئی ہے جبکہ مریضوں کی موت سے ہلاکتوں کے اعداد و شمار بڑھ کر 54422 ہو گئے ہیں۔

کانگریس کی جنرل سکریٹری پرینکا گاندھی نے کٹآاکڈا اسمبلی حلقے میں پارٹی کے رہنماؤں کے ساتھ میٹنگ کرنے کے بعد مندر میں پوجا کی۔ انہوں نے ترووننت پورم میں ایک روڈ شو میں حصہ لیا۔

ترووننت پورم: کانگریس کی جنرل سکریٹری پرینکا گاندھی واڈرا نے منگل کی دیر رات اٹّوکل دیوی مندر میں پوجا کی۔ یہ مندر خواتین کا سبری مالا کے نام سے بھی جانا جاتا ہے۔ 

پرینکا گاندھی کے ساتھ نیموم سیٹ سے کانگریس امیدوار مرلی دھر اور وٹّیوٹکاوو سے وینا ایس نائر سمیت پارٹی کے کئی دیگر رہنما موجود تھے۔ 

کانگریس کی جنرل سکریٹری نے کٹآاکڈا اسمبلی حلقے میں پارٹی کے رہنماؤں کے ساتھ میٹنگ کرنے کے بعد مندر میں پوجا کی۔ انہوں نے ترووننت پورم میں ایک روڈ شو میں حصہ لیا۔ 

غور طلب ہے کہ ہر سال پونگل کے موقع پر لاکھوں خواتین اٹّوکل مندر کا چکر (پریکرما) لگاتی ہیں اور بہتر فصل کے لیے پوجا کرتی ہیں۔

دہلی کے نائب وزیر اعلی منیش سسودیا نے میٹنگ سے خطاب کرتے ہوئے کہا کہ دہلی میں ہمارے سبھی بچوں کے لئے اعلی معیار کی تعلیم یقینی بنانے کی سمت میں دہلی بورڈ فار ایجوکیشن ایک اہم قدم ہے۔

نئی دہلی: دہلی کے نائب وزیر اعلی منیش سسودیا کی صدارت میں دہلی بورڈ آف اسکول ایجوکیشن کی پہلی میٹنگ کا انعقاد کیا گیا جس میں تعلیمی سیشن 2022-2021 سے اس کے کام کاج کے ساتھ ساتھ بورڈ کے رکن /نامزد اراکین کا تعارف اور بورڈ کے ویژن سے مطلع کروانا تھا۔

مسٹر سسودیا نے میٹنگ سے خطاب کرتے ہوئے کہا کہ دہلی میں ہمارے سبھی بچوں کے لئے اعلی معیار کی تعلیم یقینی بنانے کی سمت میں دہلی بورڈ فار ایجوکیشن ایک اہم قدم ہے۔ پچھلے چھ برسوں میں دہلی میں ہمارے کام نے ہندوستان کے سرکاری اسکولوں کے تاثر کو بدل دیا ہے۔ حالانکہ ہم جانتے ہیں کہ اصلی کام اب شروع ہوتا ہے۔ اگلی نسل کی تعلیم میں بہتر تشخیص میں اصلاحات پر منحصر کرتے ہیں۔ انہوں نے کہا کہ اب 360 ڈگری تشخیص ہونی چاہئے، جہاں اہم مکمل طور پر ایک طالب علم کے علم، نظریہ اور مہارت کا جائزہ کر پائیں گے۔

دہلی بورڈ آف اسکول ایجوکیشن کے مقاصد

دہلی بورڈ آف اسکول ایجوکیشن کے مقصد پر تبادلہ خیال کرتے ہوئے انہوں نے کہا، ’’دہلی بورڈ آف اسکول ایجوکیشن کے تین مقصد ہیں۔ پہلا، بورڈ سیکھنے کے لئے رٹنے کے نظام کو ختم کرنے کا کام کرے گا۔ یہ بورڈ ہر طالب علم کی ایک مکمل تصویر دینے کی سمت میں آگے بڑھے گا، جو مضامین میں تعلیم صلاحیت سے آگے بڑھکر طلبہ میں مستقبل کی ضروری مہارت جیسے کریٹیکل تھنکنگ، اختراعی، 21 ویں صدی کی مہارت وغیرہ تیار کرے گا۔ دوسرا، بورڈ مسلسل فارمیٹو اسسمنٹ پر زور دے گا۔ بورڈ کے قیام کا بنیادی مقصد تشخیصی نظام کو ’پارٹنر آف لرننگ بنانا ہے نہ کہ اتھاریٹی آف ٹیسٹنگ ‘‘ اور تیسرا مقصد، ہم طلبہ میں گروتھ مائنڈ سیٹ کو فروغ دینا چاہتے ہیں جو باقاعدہ تشخیص کا حصہ بن کر یقینی ہوسکے گا۔‘‘

تعلیم میں گروتھ مائنڈ سیٹ کی اہمیت

تعلیم میں گروتھ مائنڈ سیٹ کتنا اہم ہے، اس پر تفصیل سے بات کرتے ہوئے نائب وزیراعلی نے کہا کہ ہمارے ذریعہ شروع کئے گئے ہیپی نیس کرکولم، انٹر پرونیور شپ مائنڈ سیٹ کری کولم اور حب الوطنی نصاب نے طلبہ میں ایک صحت مند ذہنیت پیدا کی ہے۔

انہوں نے کہا کہ بچوں کی روایتی تعلیم کے آخر میں ہم صرف ان کے مضامین پر مبنی علم کی تشخیص کرتے ہیں لیکن اس وقت ہمیں یہ بھی یقینی بنانا چاہئے کہ کیا طلبہ میں اسکول چھوڑنے سے پہلے مسلسل نیا سیکھنے اور کسی بھی مسئلے کو حل کرنے کے نظریے کی ذہنیت پیدا ہوئی ہے یا نہیں۔ ہمیں یہ یقینی بنانا ہوگا کہ ہمارے بچے نہ صرف اپنے مضامین میں مہارت حاصل کریں، بلکہ وہ اپنے کنبے، سماج اور ملک سے بھی گہرائی سے جڑ سکیں۔ ایک طرف، ہمارا مقصد یہ ہے کہ طلبہ اپنے علم کا استعمال اپنے کنبے، اپنے سماج اور ملک کی ترقی کے لئے پوری ذمہ داری کے ساتھ کر سکیں۔

انہوں نے کہا، ’بورڈ ٹیچروں کو ان کی پوری صلاحیت حاصل کرنے کے لئے با اختیار بنائے گا، ساتھ ہی انہیں خصوصی کاموں پر وقت پر فیڈ بیک دے گا جس سے وہ اپنی کلاس میں ہر بچے کو سیکھنے میں مدد کر سکیں۔

انہوں نے کہا کہ موجودہ تشخیصی نظام ٹیچروں کو طلبہ کی ضرورتوں کے مطابق بدلنے کے لئے بہت کم موقع دیتی ہے۔ اپنے تعلیمی نظام کو بدلنے کے لئے بہت کم موقع دیتی ہے۔ بورڈ تشخیص کے زیادہ پرسنلائزڈ اور مسلسل شکل کے ساتھ، ٹیچروں کو زیادہ موثر انپٹ دے گا کہ وہ کیسے طلبہ کی کلاس میں آنے والی مشکلات کو دور کرنے میں مدد کرسکتے ہیں۔

واضح رہے کہ دہلی کابینہ نے چھ مارچ کو دہلی بورڈ آف اسکول ایجوکیشن کے قیام کو منظوری دی، جس کے بعد بورڈ کے لئے سوسائٹی 19 مارچ کو رجسٹر کی گئی۔ دہلی بورڈ آف اسکول ایجوکیشن کی تشکیل اسکولی تعلیم میں معیار اور بہتر نظام کے مقصد کے ساتھ ساتھ دہلی کے اسکولوں میں پائدار تعلیمی تشخیص کو ڈیزائن/آپریشن کرنا، طلبہ کی مہارت اور علم کو بڑھانا ہے۔