ملک میں کورونا وائرس کے واقعات میں تیزی سے اضافے کی وجہ سے آج اسٹاک مارکیٹ میں زلزلہ آگیا، جس کی وجہ سے اسٹاک مارکیٹ میں 3.25 فیصد سے زیادہ کی کمی واقع ہوئی۔

ممبئی: ملک میں کورونا وائرس کے کیسز میں انتہائی تیز اضافے کی وجہ سے آج اسٹاک مارکیٹ میں زلزلہ آگیا، جس کی وجہ سے حصص مارکیٹ میں 3.25 فیصد سے زیادہ کی گراوٹ آئی۔

بی ایس ای سینسیکس 625 پوائنٹس کے ساتھ 48956.65 پوائنٹس پر کھلا اور یہ اس کی اب تک کی بلند ترین سطح تھی۔ فروخت ہونے کی وجہ سے یہ 47888.73 پوائنٹس کی نچلی سطح پر پھسل گیا۔ ابھی یہ 1686.20 پوائنٹس یعنی 3.40 فیصد کی گراوٹ کے ساتھ 47905.12 پوائنٹس پر کاروبار کر رہا ہے۔

اسی طرح این ایس ای کا نفٹی بھی 290 پوائنٹس کی گراوٹ سے 14644.65 پر کھلا۔ اس کے فورا بعد ہی یہ 14652.50 پوائنٹس کی بلند ترین سطح پر اوپر گیا پھر اس کے بعد فروخت شروع ہوئی، یہ گھٹ کر 14336.75 پوائنٹس پر آ گئی۔ ابھی یہ 3.30 فیصد یعنی 489.50 پوائنٹس کی گراوٹ کے ساتھ 14345.35 پوائنٹس پر کاروبار کر رہا ہے۔

قابل ذکر ہے کہ حالیہ دنوں میں ملک میں کورونا کیسز میں بے پناہ اضافہ دیکھنے میں آیا ہے۔ آج ایک دن میں تقریبا ایک لاکھ 69 ہزار کیسز رپورٹ ہوئے ہیں۔ اس کی وجہ سے ملک میں ایک بار پھر پابندیاں لگائے جانے کے اندیشے ظاہر کئے جارہے ہیں۔

میڈیا رپورٹ کے مطابق انڈونیشیا کے سینکڑوں عوامی عمارتیں جیسے ہیلتھ سینٹر، تعلیمی اداروں، عبادت کے مقامات اور دفاتر کو بھی نقصان پہنچا۔

جکارتہ: انڈونیشیا کے جاوا صوبے میں آئے 6.1 شدت کے زلزلے میں کم از کم 8 لوگوں کی موت اور 39 دیگر زخمی ہوگئے۔

قومی آفات منیجمنٹ ایجنسی کے ترجمان رادتیہ جاتی نے بتایا کہ اتوار کو آئے اس تیز زلزلے سے لوماجنگ، ملنگ، بلیٹر، جیمب، ٹینگ لیک اور بلیٹر سمیت کئی اضلاع میں 1189 گھروں کو نقصان پہنچا۔ ریختر پیمانے پر زلزلے کی شدت 6.1 درج کی گئی۔

میڈیا رپورٹ کے مطابق سینکڑوں عوامی عمارتیں جیسے ہیلتھ سینٹر، تعلیمی اداروں، عبادت کے مقامات اور دفاتر کو بھی نقصان پہنچا۔

صوبائی انتظامیہ نے راحت کیمپ قائم کئے ہیں اور متاثرین کو چاول، فاسٹ فوڈ اور نوڈلس کے ساتھ ساتھ کمبل اور ترپال بھی تقسیم کی جا رہی ہیں۔

گرم لہر سے متاثر ہونے والے بہار کے 14 اضلاع میں پٹنہ، گیا، بیگوسرائے، بکسر، لکھی سرائے، شیخ پورہ، بھوج پور، روہتاس، بھبھوا، اورنگ آباد، نالندہ، نوادہ، جہان آباد اور ارول شامل ہیں۔

پٹنہ: مغربی خطے سے آنے والی گرم ہواؤں کی وجہ سے بہار کے چودہ اضلاع گرم لہر کی زد میں آسکتے ہیں۔

محکمہ موسمیات کی پیش گوئی کے مطابق بہار کے جنوب وسطی اور جنوب مغربی اضلاع میں پارہ سیماب 41 ڈگری سیلسیس کے آس پاس رہ سکتا ہے۔ گرم ہواؤں کی وجہ سے لو چلنے کا امکان ہے۔ تاہم شمالی بہار میں زیادہ سے زیادہ درجہ حرارت معمول سے تھوڑا سا زیادہ رہے گا اور جنوبی بہار کے مقابلے کم گرمی رہے گی۔

گرم لہر سے متاثر ہونے والے اضلاع میں پٹنہ، گیا، بیگوسرائے، بکسر، لکھی سرائے، شیخ پورہ، بھوج پور، روہتاس، بھبھوا، اورنگ آباد، نالندہ، نوادہ، جہان آباد اور ارول شامل ہیں۔ جہاں گرم ہوا ؤں کی صورتحال برقرار رہ سکتی ہے۔

دوسری جانب مرطوب نمی زیادہ ہونے کی وجہ سے امس بھری گرمی کا احساس ہوگا۔ 13 اپریل سے ہواؤں کا رخ مشرق اور جنوب مشرق کی جانب ہونے کا امکان ہے۔ نیز خلیج بنگال سے مرطوب ہوائیں جھارکھنڈ کے راستے بہار کے جنوبی حصوں تک پہنچیں گی۔ 14 اپریل سے ریاست کے جنوبی حصے میں پوروا ہوائیں چلنے کا امکان ہے، جس کی وجہ سے ہوائیں 30 سے ​​40 کلومیٹر کی رفتار سے چلیں گی اور آندھی کے بعد بارش کی صورت حال بھی ہوسکتی ہے۔

گزشتہ روز وزیر اعلی ادھو ٹھاکرے نے اپوزیشن لیڈران سمیت ایک مشترکہ اجلاس منعقد کیا تھا۔ انہوں نے واضح طور پر کہا کہ مکمل لاک ڈا_ؤن کے لیے دو روز میں تبادلہ خیال کیاجائے گا۔ اس درمیان اس پر بھی بات ہوگی کہ لاک ڈاؤن کے دوران غریبوں کی کیسے مدد کی جائے۔

ممبئی: ممبئی سمیت مہاراشٹر میں کورونا کی دوسری لہر سے پیدا شدہ صورتحال کا جائزہ لیا جا رہا ہے۔ گزشتہ روز وزیر اعلی ادھو ٹھاکرے نے اپوزیشن لیڈران سمیت ایک مشترکہ اجلاس منعقد کیا تھا۔

انہوں نے واضح طور پر کہا کہ مکمل لاک ڈاؤن کے لیے دو روز میں تبادلہ خیال کیاجائے گا۔ اس درمیان اس پر بھی بات ہوگی کہ لاک ڈاؤن کے دوران غریبوں کی کیسے مدد کی جائے۔

امکان ہے کہ بدھ کو کابینہ کی میٹنگ ہوگی کیونکہ 13 اپریل کو گوڈی پاڑوا اور 14 اپریل کو امبیڈکر جینتی کے بعد ہی لاک ڈاؤن نافذ کیا جائے گا۔

مغربی ریلوے کی تین سمر اسپیشل ٹرینوں کی بکنگ کچھ تکنیکی وجوہات کی بناء پر صرف اپریل کے مہینے میں دستیاب ہوگی۔ ٹرین نمبر 09097 اور 09095 کی بکنگ 10 اپریل سے شروع ہوگئی ہے اور ٹرین نمبر 09005 کی بکنگ 12 اپریل کو مقررہ پی آر ایس کاؤنٹرز اور آئی آر سی ٹی سی کی ویب سائٹ پر شروع ہو جائے گی۔

احمد آباد: مغربی ریلوے کی تین سمر اسپیشل ٹرینوں کی بکنگ کچھ تکنیکی وجوہات کی بناء پر صرف اپریل کے مہینے میں دستیاب ہوگی۔

چیف پبلک ریلیشن آفیسر سومت ٹھاکر نے یہاں جاری ایک پریس ریلیز میں کہا کہ کچھ تکنیکی وجوہات کی بناء پر گرمیوں کی تین اضافی اسپیشل ٹرینیں یعنی ٹرین نمبر 09097 باندرہ ٹرمینس – برونی جنکشن اسپیشل، ٹرین نمبر 09005 باندرہ ٹرمینس – برونی جنکشن اسپیشل ٹرین اور ٹرین نمبر 09095 باندرہ ٹرمینس۔ صوبیدار گنج اے سی سپرفاسٹ اسپیشل ٹرین ریزرویشن کیلئے دستیاب ہوگی اور یہ صرف اپریل کے مہینے میں چل رہی ہے۔

ان تینوں ٹرینوں کے مئی اور جون میں چلنے کے لئے بکنگ کھولے جانے کی تاریخوں کو بعد میں اس بارے میں مطلع کیا جائے گا۔ مسافروں سے گزارش ہے کہ وہ ان ٹرینوں کے اپریل کے لئے ذیل میں دی گئی بکنگ کی ابتدائی تاریخوں کو بھی ذہن میں رکھیں۔

ٹرین نمبر 09097 اور 09095 کی بکنگ 10 اپریل سے شروع ہوگئی ہے اور ٹرین نمبر 09005 کی بکنگ 12 اپریل کو مقررہ پی آر ایس کاؤنٹرز اور آئی آر سی ٹی سی کی ویب سائٹ پر شروع ہو جائے گی۔

موصولہ اطلاعات کے مطابق مہلوک دہشت گردوں میں ایک 14 سالہ کمسن دہشت گرد بھی شامل ہے، جس نے محض تین دن قبل دہشت گردوں کی صفوں میں شمولیت اختیار کی تھی۔

سری نگر: جنوبی کشمیر کے شوپیاں اور اننت ناگ اضلاع میں ہفتے کی شام چھڑنے والی دو مسلح جھڑپوں میں سیکیورٹی فورسز نے پانچ دہشت گردوں کو ہلاک کیا ہے۔

موصولہ اطلاعات کے مطابق مہلوک دہشت گردوں میں ایک 14 سالہ کمسن دہشت گرد بھی شامل ہے، جس نے محض تین دن قبل دہشت گردوں کی صفوں میں شمولیت اختیار کی تھی۔ یہ مسلح جھڑپیں ضلع شوپیاں کے چھتراگام اور ضلع اننت ناگ کے بجبہاڑہ میں واقع پذیر ہوئی ہیں۔

ذرائع نے بتایا کہ شوپیاں کے چھتراگام میں ہونے والی مسلح جھڑپ میں سیکیورٹی فورسز نے ایک 14 سالہ کمسن دہشت گرد سمیت تین دہشت گردوں کو ہلاک کیا ہے۔

ریکروٹ ہونے والے دہشت گرد کی خود سپردگی کی کوششیں

کشمیر زون پولیس کے انسپکٹر جنرل وجے کمار نے ایک ٹویٹ میں کہا: ‘پولیس اور سکیورٹی فورسز نے حال ہی میں ریکروٹ ہونے والے دہشت گرد کی خود سپردگی یقینی بنانے کی بہت کوششیں کیں۔ والدین نے بھی اپیل کی لیکن باقی دہشت گردوں نے اسے خود سپردگی اختیار کرنے کی اجازت نہیں دی’۔

آئی جی پی نے ایک اور ٹویٹ میں کہا کہ بجبہاڑہ میں جن دو دہشت گردوں کو ہلاک کیا گیا ہے وہ مقامی فوجی اہلکار کی حالیہ ہلاکت میں ملوث تھے۔ انہوں نے لکھا: ‘فوجی جوان کی ہلاکت میں ملوث دہشت گردوں کو دو دن کے اندر ہی بجبہاڑہ جھڑپ میں مارا گیا ہے’۔

واضح رہے کہ بجبہاڑہ میں جمعہ کو مشتبہ دہشت گردوں نے ٹیریٹوریل آرمی کے ایک مقامی اہلکار محمد سلیم آخون ولد غلام حسن آخون کو گولیاں مار کر ہلاک کر دیا۔ مہلوک اہلکار چھٹی لے کر اپنے گھر آیا ہوا تھا۔

جمعہ کو ہی شوپیاں اور پلوامہ اضلاع میں سیکیورٹی فورسز اور دہشت گردوں کے درمیان ہونے والی دو الگ الگ تصادم آرائیوں کے دوران انصار غزوۃ الہند کے سربراہ سمیت 7 دہشت گرد مارے گئے تھے۔

دریں اثنا فوج کے ایک ترجمان نے بتایا کہ شوپیاں کے چھتراگام مسلح تصادم کی جگہ سے ایک اے کے رائفل اور ایک پستول برآمد کی گئی ہے۔

ذرائع کے مطابق چھاپہ مار ٹیم کے سرحدی ریاست مغربی بنگال میں گوالپوکھر تھانہ حلقے کے پنتا پاڑہ گاؤں پہنچنے کے بعد ملزموں نے یہ افواہ پھیلا دی کہ بہار کی پولیس مغربی بنگال کے الیکشن میں دخل دینے آئی ہے۔ یہ سن کر عوام مشتعل ہو گئی اور کشن گنج پولیس کی ٹیم کو گھیر لیا۔ اس دوران دیگر پولیس اہلکار جان بچا کر بھاگ گئے لیکن پولیس انسپکٹر اشونی کمار پھنس گئے۔ عوام نے ان کی ایک نہ سنی اور پیٹ پیٹ کر انھیں موت کے گھاٹ پہنچا دیا۔

کشن گنج: بہار میں پورنیہ علاقے کے پولیس انسپکٹر جنرل نے کشن گنج کے شہر تھانہ انچارج اشونی کمار کو مغربی بنگال میں چھاپہ ماری کے دوران پیٹ پیٹ کر کیے گئے قتل کے معاملے میں موقع سے جان بچا کر بھاگنے والے سات پولیس اہلکاروں کو معطل کر دیا ہے۔

سرکاری ذرائع نے اتوار کے روز بتایا کہ پورنیہ علاقے کے پولیس انسپکٹر جنرل کی جانب سے جاری حکم نامے میں کہا گیا ہے کہ لوٹی گئی موٹر سائیکل کی برآمدگی اور ملزم کی گرفتاری کے لیے کشن گنج شہر تھانہ انچارج اشونی کمار کی قیادت میں ایک ٹیم ہفتے کے روز علی الصبح سرحدی ریاست مغربی بنگال میں گوالپوکھر تھانہ حلقے کے پنتا پاڑہ گاؤں گئی تھی۔ اس ٹیم میں پولیس انسپکٹر منیش کمار کے ساتھ ہی سپاہی راجو سہنی، اکھیلیشور تیواری، پرمود کمار پاسوان، اجول کمار پاسوان، سنیل چودھری اور سشیل کمار شامل تھے۔

چھاپہ مار ٹیم میں شامل دیگر سات اراکین موقع سے جان بچا کر فرار

ملزم کے رشتہ دار سمیت تقریباً 500 افراد نے چھاپہ مار ٹیم پر حملہ کر دیا۔ ہجوم نے پولیس انسپکٹر اشونی کمار کو پکڑ لیا اور انھیں پیٹ پیٹ کر قتل کر دیا۔ وہیں، چھاپہ مار ٹیم میں شامل دیگر سات اراکین موقع سے جان بچا کر بھاگ گئے۔ اگر ان پولیس اہلکاروں نے اپنی ذمہ داری پر عمل درآمد عقلمندی سے کی ہوتی تو ممکنہ طور پر یہ واقعہ نہیں ہوتا۔ اس واردات میں بادی النظر ان سات پولیس اہلکاروں کی لاپرواہی سمجھ میں آتی ہے۔

ذرائع نے بتایا کہ پولیس انسپکٹر جنرل نے کشن گنج کے پولیس افسر کمار آشیش کی سفارش پر لاپرواہی کے لیے پولیس انسپکٹر منیش کمار کے ساتھ ہی سپاہی راجو سہنی، اکھیلیشور تیواری، پرمود کمار پاسوان، اجول کمار پاسوان، سنیل چودھری اور سشیل کمار کو فوری طور پر معطل کر دیا ہے۔

قتل کے معاملے میں کلیدی ملزم گرفتار 

قبل ازیں کشن گنج شہر تھانہ انچارج اشونی کمار کے قتل کے معاملے میں پولیس نے فوری کاروائی کرتے ہوئے ملزم کو گرفتار کر لیا ہے۔ گرفتار ملزموں میں فیروز عالم، اس کا بھائی ابوذر عالم اور اس کی ماں شہنور خاتون شامل ہیں۔ پولیس کے مطابق فیروز اس واقعہ کا کلیدی ملزم ہے۔

ذرائع کے مطابق چھاپہ مار ٹیم کے پنتا پاڑہ پہنچنے کے بعد ملزموں نے یہ افواہ پھیلا دی کہ بہار کی پولیس مغربی بنگال کے الیکشن میں دخل دینے آئی ہے۔ یہ سن کر عوام مشتعل ہو گئی اور کشن گنج پولیس کی ٹیم کو گھیر لیا۔ اس دوران دیگر پولیس اہلکار جان بچا کر بھاگ گئے لیکن پولیس انسپکٹر اشونی کمار پھنس گئے۔ عوام نے ان کی ایک نہ سنی اور پیٹ پیٹ کر انھیں موت کے گھاٹ پہنچا دیا۔

وہیں پولیس ہیڈکوارٹر ذرائع نے بتایا کہ مسٹر کمار کے اہل خانہ کو امداد، خدمات کا فائدہ اور پسماندگان میں سے ایک شخص کو سرکاری نوکری دینے کے لیے کاروائی کی جا رہی ہے۔

امریکی ریاست میزوری میں 24 گھنٹے کھلے رہنے والے ایک اسٹور پر ہوئی گولی باری میں ایک شخص کی موت ہو گئی اور دیگر تین زخمی ہو گئے۔

واشنگٹن: امریکی ریاست میزوری میں 24 گھنٹے کھلے رہنے والے ایک اسٹور پر ہوئی گولی باری میں ایک شخص کی موت ہو گئی اور دیگر تین زخمی ہو گئے۔

میڈیا رپورٹ کے مطابق ہفتے کی صبح ارکاسس سرحد کے قریب شہر کوشکون میں اسنَیپی مارٹ اسٹور میں گولی باری کا واقعہ ہوا۔

نیشنل روڈ گشت کرنے والے سارجینٹ جیف کِنڈر کے مطابق گولی باری میں مارا گیا شخص اور ایک زخمی شخص دیگر ریاست سے ہیں۔ ڈبلیو آئی ایس ٹی وی نے کِنڈر کے حوالے سے کہا کہ گولی باری میں زخمی تین افراد کو سنگین حالت میں اسپرنگ فیلڈ اسپتال میں داخل کروایا گیا ہے۔

انہوں نے بتایا کہ گولی باری کرنے والے ایک 28 برس کے شخص کو حراست میں لیا گیا ہے۔

ڈبلیو آئی ایس ٹی وی کے مطابق تفتیش کاروں کا ماننا ہے کہ گولی باری کرنے والے اور متاثرین میں سے کسی ایک کے مابین تعلق ہے۔

فائرنگ کے بعد الیکشن کمیشن نے سیتل کوچی کے بوتھ پولنگ روک دی ہے۔ ممتا بنرجی نے کہا کہ بی جے پی جانتی ہے کہ وہ جیت نہیں پائے گی اس لئے تشدد کا سہارا لے رہی ہے۔

کلکتہ: وزیر اعلی ممتا بنرجی نے کوچ بہار ضلع میں سیٹل کوچی میں ہونے والے تشدد کے لئے مرکزی وزیر داخلہ امت شاہ کو مورد الزام ٹھہراتے کہا کہ مرکزی فورسیس کی فائرنگ اور چار افراد کی موت کے لئے امت شاہ ذمہ دار ہیں۔

انہوں نے کہا کہ وزیر داخلہ امت شاہ آج کے واقعے کے لئے پوری طرح سے ذمہ دار ہیں اور انہوں نے ہی اس کے لئے سازش رچی ہے۔ مرکزی فورسیس کی تنقید نہیں کررہی ہوں بلکہ یہ شاہ کے اشارے پر انجام دیا گیا ہے۔ کیوں کہ مرکزی فورسیس ان کے اشارے پر کام کرتی ہے۔ ہم ان کے استعفے کا مطالبہ کرتے ہیں۔ ممتا بنرجی نے کہا کہ وہ کوچ بہار کا دورہ کریں گی۔ ترنمول کانگریس ریاست بھر میں احتجاج کرے گی۔

خیال رہے کہ کوچ بہار میں سیتل کوچی میں بوتھ کے باہر فائرنگ میں چار افراد کی موت ہوگئی۔ خیال رہے کہ چوتھے مرحلے میں 44 حلقوں میں پولنگ ہو رہی ہے۔

فائرنگ کے بعد الیکشن کمیشن نے سیتل کوچی کے بوتھ پولنگ روک دی ہے۔ ممتا بنرجی نے کہا کہ بی جے پی جانتی ہے کہ وہ جیت نہیں پائے گی اس لئے تشدد کا سہارا لے رہی ہے۔