دلی کانگریس کے سینئر لیڈر ڈاکٹر اشوک والیا دلی حکومت میں مسلسل 15 برس تک وزیر رہے اور اس وقت کی وزیراعلی شیلا دکشت کے خاص اور قابل اعتماد تھے۔ انہوں نے دلی میں کانگریس کو مضبوط کرنے میں اہم کردار ادا کیا تھا۔

نئی دہلی: دلی کانگریس کے سینئر لیڈر اشوک والیا کا کورونا انفکیشن کے سبب جمعرات کو انتقال ہوگیا۔

ریاستی کانگریس کے ایک سینئر لیڈر نے بتایا کہ ڈاکٹر والیا کچھ دن قبل کورونا سے متاثر پائے گئے تھے اور اس کے بعد انہیں یہاں اپول اسپتال میں داخل کرایا گیا تھا جہاں آج صبح ان کا انتقال ہوگیا۔

ڈاکٹر والیا دلی حکومت میں مسلسل 15 برس تک وزیر رہے اور اس وقت کی وزیراعلی شیلا دکشت کے خاص اور قابل اعتماد تھے۔ انہوں نے دلی میں کانگریس کو مضبوط کرنے میں اہم کردار ادا کیا تھا۔

پیشے سے ڈاکٹر، ڈاکٹر والیا چار بار دلی اسمبلی کے رکن رہے۔ انہوں نے سال 1993 میں سیاست میں داخلہ کیا اور دلی حکومت میں تعلیم، صحت اور خزانہ کی وزارت جیسے اہم عہدوں پر کام کیا۔

مغربی بنگال اسمبلی الیکشن کے چھٹے مرحلے میں 43 نشستوں کے لئے ووٹنگ آج صبح سخت سیکیورٹی کے درمیان شروع ہوئی۔

کولکاتا: مغربی بنگال اسمبلی الیکشن کے چھٹے مرحلے میں 43 سیٹوں کے لئے جمعرات کی صبح زبردست حفاظتی انتظامات کے دوران ووٹنگ شروع ہوئی۔

چھٹے مرحلے میں جن 43 حلقوں میں پولنگ ہو رہی ہے ان میں چوپڑا، اسلام پور، گوالپوکھر، چاکولیا، کرندیگھی، ہیمت آباد (محفوظ)، کلیا گنج (محفوظ)، رائے گنج، اتاہار، کریم پور، تپتا، پلاشی پاڑا، کالی گنج، نقش پاڑا، چھپرا، کرشن نگر شمالی، نودیپ، کرشن نگر جنوبی، باگدا (محفوظ)، بنگاؤں شمالی (محفوظ)، بنگون جنوبی (محفوظ)، گائے گھاٹ (محفوظ)، سوروپ نگر (محفوظ)، بادوریہ، ہووڑہ، اشوک نگر، امڈانگا، بیج پور، نیہاٹی، بھاٹپر، جگت پال، نواپاڑا، بیرک پور، کھرداہا، دم دم شمالی، بھاٹر، پوروستھلی جنوب، پور وستھلی شمالی، کٹوا، کیٹوگرام، منگل کوٹ، اوسگرام (محفوظ) اور گلسی (محفوظ) شامل ہیں۔

ان نشستوں پر کل 306 امیدوار حصہ لے رہے ہیں، جن میں 27 خواتین شامل ہیں۔ ریاست کے چار اضلاع پر محیط 43 اسمبلی نشستوں کے لئے ان امیدواروں کی قسمت کا فیصلہ 50.65 خواتین اور 256 خواجہ سرا رائے دہندگان سمیت کل 1.03 کروڑ سے زیادہ ووٹرز کریں گے۔ پولنگ کے لئے مجموعی طور پر 14480 پولنگ اسٹیشن قائم کیے گئے ہیں۔

آزادانہ، منصفانہ اور پرامن ووٹنگ کو یقینی بنانے کے لئے الیکشن کمیشن نے مرکزی اور ریاستی افواج کی تعیناتی کے ساتھ سیکیورٹی کے وسیع انتظامات کئے گئے ہیں۔

سخت سیکیورٹی کے درمیان، مغربی بنگال اسمبلی انتخابات کے چھٹے مرحلے میں 43 نشستوں کے لئے ووٹنگ جمعرات کو ہوگی۔ چھٹے مرحلہ کے لئے کل ملاکر 306 امیدوار میدان میں ہیں جن میں سے 27 خواتین ہیں۔ ان سیٹوں کے لئے 1.03 کروڑ رائے دہندگان اپنے حق رائے دہی کا استعمال کریں گے۔ ان میں 50.65 لاکھ خواتین اور 256 تھرڈ جینڈر ہیں۔ حکمراں ترنمول کانگریس اور بھارتیہ جنتا پارٹی ان تمام 43 سیٹوں پر الیکشن لڑ رہی ہیں۔

کولکتہ: نہایت سخت حفاظتی انتظامات کے درمیان مغربی بنگال اسمبلی انتخابات کے چھٹے مرحلے کے تحت جمعرات کو 43 سیٹوں کے لئے ووٹ ڈالے جائیں گے۔

بنگال میں چار اضلاع کی 43 سیٹوں پر چھٹے مرحلہ کے لئے جمعرات کو انتخابات ہوں گے۔ یہ اضلاع شمالی 24 پرگنہ پارٹ ٹو، نادیا پارٹ ٹو، ایسٹ وردھمان، پارٹ ٹو اور شمالی دیناج پور ہیں۔ چوپرا، اسلام پور، گولپوکھر، چکلیہ، کرندیگھی، ہمت آباد، کلیا گنج، رائے گنج، ایٹاہار، کریم پور، تیہٹا، پالاشی پورا، کالی گنج، نقاشی پارا، چھپرا، کرشنا نگر شمال، نوادیپ، کرشنا نگر جنوب، باگدا، بانگاوں شمال (محفوظ)، بانگاوں جنوب (محفوظ) اور دیگر شامل ہیں۔

چھٹے مرحلہ کے لئے کل ملاکر 306 امیدوار میدان میں ہیں جن میں سے 27 خواتین ہیں۔ ان سیٹوں کے لئے 1.03 کروڑ رائے دہندگان اپنے حق رائے دہی کا استعمال کریں گے۔ ان میں 50.65 لاکھ خواتین اور 256 تھرڈ جینڈر ہیں۔ حکمراں ترنمول کانگریس اور بھارتیہ جنتا پارٹی ان تمام 43 سیٹوں پر الیکشن لڑ رہی ہیں۔

کانگریس اور بائیں بازو کی جماعتیں اور دیگر اتحادی انڈین سیکولر فرنٹ مشترکہ مورچہ کے بینر تلے الیکشن لڑ رہی ہیں۔ اس مرحلہ کے لئے بہوجن سماج پارٹی کے 37 امیدوار، مارکسی کمیونسٹ پارٹی کے 23، کانگریس کے 12، اے آئی ایف بی کے چار اور کمیونسٹ پارٹی آف انڈیا کے دو امیدوار، 60 دیگر امیدوار میدان میں ہیں۔

آج صبح تقریباََ گیارہ بجے مریضوں کو آکسیجن کی فراہمی کرنے والے ٹینکر میں رساؤ کے سبب تقریباََ آدھے گھنٹے تک آکسیجن کی سپلائی ٹھپ ہوگئی، جس کی وجہ سے 22 مریضوں کی موت ہوگئی۔ مرنے والوں میں 11 خواتین اور 11 مرد شامل ہیں۔

ناسک: مہاراشٹر کے ناسک میں ڈاکٹر ذاکر حسین اسپتال کے باہر آکسیجن ٹینکر میں رساؤ کے سبب سپلائی متاثر ہونے سے اسپتال میں داخل 22 مریضوں کی موت ہو گئی۔ ناسک میں میونسپل کارپوریشن کے ڈاکٹر ذاکر حسین اسپتال دوارکا علاقے میں واقع ہے۔

آج صبح تقریباََ گیارہ بجے مریضوں کو آکسیجن کی فراہمی کرنے والے ٹینکر میں رساؤ کے سبب تقریباََ آدھے گھنٹے تک آکسیجن کی سپلائی ٹھپ ہوگئی، جس کی وجہ سے 22 مریضوں کی موت ہوگئی۔ مرنے والوں میں 11 خواتین اور 11 مرد شامل ہیں۔

اسپتال میں کورونا وائرس سے متاثر 150 مریض آکسیجن پر تھے۔ آکسیجن سپلائی کرنے والے ٹھیکیدار کے ٹینکر میں لیکیج ہو گئی۔ ابتدائی جانچ میں معلوم ہوا ہے کہ ٹینکر میں آکسیجن بھرنے کے کچھ دیر بعد ساکٹ ٹوٹ گیا، جس سے گیس کا اخراج شروع ہو گیا۔ اس واقعہ کے فوراََ بعد ناسک میونسپل کارپوریشن کے کمشنر کیلاس جادھو، میئر ستیش کلکرنی، ضلع مجسٹریٹ سورج ماندھارے، پولیس کمشنر دیپک پانڈے، میونسپل کارپوریشن کے عہدیدار اور کارپوریٹر موقع پر پہنچ گئے۔

ناسک کے میئر ستیش کلکرنی نے کہا کہ آکسیجن رساؤ کی مکمل تحقیقات کی جائیں گی اور قصوروار کے خلاف کارروائی کی جائے گی۔ ہر متوفی کے لواحقین کو 10 لاکھ روپے کی مالی امداد دی جائے گی۔

فوج کی جانب سے جاری بیان کے مطابق چاڈ کے صدر ادریس دیبی باغیوں کے حملے میں سنگین طور پر زخمی ہوگئے تھے اور منگل کو ان کی موت ہوگئی۔

نجامینا: چاڈ کے صدر ادریس دیبی کی باغیوں کے حملے میں زخمی ہونے کے بعد موت ہوگئی۔

فوج کی جانب سے جاری بیان کے مطابق مسٹر دیبی باغیوں کے حملے میں سنگین طور پر زخمی ہوگئے تھے اور منگل کو ان کی موت ہوگئی۔

فوج نے کہا کہ صدر کی موت کے بعد ان کے بیٹے جنرل محمد ادریس دیبی کو ملک کا عبوری صدر منتخب کیا گیا ہے۔

گزشتہ 30 سالوں سے چاڈ کے صدر کے عہدے پر فائز رہے مسٹر دیبی اسی ماہ 11 اپریل کو ہوئے صدارتی انتخابات میں مسلسل چھٹی بار فاتح ہوئے تھے۔

مسٹر دیبی کے انتقال پر ملک میں 14 دنوں کا قومی سوگ کا اعلان کیا گیا ہے۔

صدر کی ہلاکت کے بعد چاڈ میں کرفیو

صدر ادریس دیبی کی ہلاکت کے بعد افریقی ملک چاڈ میں فوج نے حکومت اور پارلیمان توڑ کر کرفیو لگا دیا ہے اور ملک کی سرحدیں بند کر دی گئی ہیں۔

مشہور ناول اور فکشن نگار مشرف عالم ذوقی کی اہلیہ، فلمساز، صحافی اور افسانہ نگار تبسم فاطمہ شوہر کی موت کا صدمہ برداشت نہ کرتے ہوئے آج تقریباً چھ بجے شام اپنے خالق حقیقی سے جا ملیں۔

نئی دہلی: مشہور ناول اور فکشن نگار مشرف عالم ذوقی کی اہلیہ، فلمساز، صحافی اور افسانہ نگار تبسم فاطمہ شوہر کی موت کا صدمہ برداشت نہ کرتے ہوئے آج تقریباً چھ بجے شام اپنے خالق حقیقی سے جا ملیں۔ ان کی عمر تقریباً پچاس تھی۔ پسماندگان میں ایک بیٹا شاشا ہے۔

ذرائع کے مطابق وہ لیور کینسر سے متاثر تھیں جس کا علاج چل رہا تھا۔ کل ہی ان کے شوہر مشرف عالم ذوقی کا انتقال ہوا تھا اور آج وہ اپنے شوہر کی موت کا صدمہ برداشت نہیں کر پائیں اور اپنی روح خدا کے سپرد کردی۔

محترمہ فاطمہ تبسم صحافت سے بھی وابستہ تھیں

محترمہ فاطمہ تبسم نے دوردرشن کے لئے متعدد سیریلس بنائی تھیں، وہ صحافت سے بھی وابستہ تھیں اور کئی اداروں میں میڈیا ایڈوائزر کی ذمہ داری بھی ادا کی تھی۔ انہوں نے افسانے کے ساتھ شاعری بھی کی تھی۔ ان کے شعری مجموعہ کا نام ’تمہارے خیال کی آخری دھوپ‘ ہے۔ وہ بے حد ملنسار اور مہمان نواز تھیں۔

سیریل بنانے میں اپنے شوہر کا ہاتھ بھی بٹاتی تھیں اور پروڈیوسر کی ذمہ داری بھی ادا کرتی تھیں۔ اردو کے علاوہ ہندی میں ان کی کہانیاں شائع ہوئی ہیں۔ ہندی کتابوں میں ’جرم اور انیہ کہانیاں‘، ’اردو کی شاہکار کہانیاں‘ ہیں۔ ان کے افسانوی مجموعے کا نام ’لیکن جزیرہ نہیں‘ ہے۔

اردو دنیا ان کی موت سے حیرت زدہ

ان کے انتقال سے ان کے بیٹے شاشا پر غموں کا پہاڑ ٹوٹ پڑا ہے۔ اردو دنیا ان کی موت سے حیرت زدہ اور غموں سے نڈھال ہے۔ اس طرح غموں کے پہاڑ شاید ہی ٹوٹتے ہیں۔ ایک امید تھی کہ مشرف عالم ذوقی کے ادھورے کاموں کو وہ پورا کریں گی لیکن وہ خود بھی شوہر کے پاس چلی گئیں اور اردو دنیا کو غمگین کرگئیں۔

راہل گاندھی نے ٹویٹ کیا ’’مہاجر کارکن ایک بار پھر ہجرت کر رہے ہیں۔ ایسی صورتحال میں مرکزی حکومت کی ذمہ داری بنتی ہے کہ وہ ان کے بینک کھاتوں میں رقم جمع کرائے۔ لیکن کورونا پھیلانے کیلئے عوام کو قصوروار قرار دینے والی سرکار کیا ایسا عوامی امدادی قدم اٹھائے گی؟‘‘

نئی دہلی: کانگریس کے سابق صدر راہل گاندھی نے منگل کے روز لاک ڈاؤن کی وجہ سے وطن واپس جانے پر مجبور مہاجر محنت کشوں کے ساتھ ذمہ داری سے نمٹنے کی حکومت کو مشورہ دیتے ہوئے کہا ہے کہ انہیں مالی پریشانی نہ ہو لہذا ان کے بینک اکاؤنٹس میں چھ ہزار روپے فوری طور پر جمع کرائے جانے چاہئے۔

مسٹر گاندھی نے ٹویٹ کیا ’’مہاجر کارکن ایک بار پھر ہجرت کر رہے ہیں۔ ایسی صورتحال میں مرکزی حکومت کی ذمہ داری بنتی ہے کہ وہ ان کے بینک کھاتوں میں رقم جمع کرائے۔ لیکن کورونا پھیلانے کیلئے عوام کو قصوروار قرار دینے والی سرکار کیا ایسا عوامی امدادی قدم اٹھائے گی؟‘‘

حکومت حزب اختلاف کے رہنماؤں کی تجاویز کا مذاق اڑاتی ہے

کانگریس کے شعبہ مواصلات کے سربراہ رندیپ سنگھ سرجے والا نے کہا کہ حکومت حزب اختلاف کے رہنماؤں کی بات نہیں سنتی ہے اور ان کی تجاویز کا مذاق اڑاتی ہے۔ انہوں نے کہا کہ پچھلے سال فروری میں جب مسٹر گاندھی نے کورونا وبا کے بارے میں متنبہ کیا تھا تو حکومت نے پہلے ان کا مذاق اڑایا اور ’نمستے ٹرمپ‘ مناکر مدھیہ پردیش کی کانگریس حکومت کو زبردستی گرادیا۔ پھر بغیر بتائے مہلک لاک ڈاؤن نافذ کردیا۔

انہوں نے کہا کہ کانگریس نے ایک بار پھر متنبہ کیا ہے کہ لاک ڈاؤن انتظامات کئے بغیر غریب مزدوروں کا کیا بنے گا… حکومت نے ایک بار پھر نہیں سنی اور اس کے نتیجے میں ملک کو آزادی کے بعد سب سے بڑا انسانی المیہ دیکھنے کو ملا۔ کانگریس نے مہاجر مزدوروں کے لئے ریلوے کا کرایہ جمع کرایا اور بسوں کا انتظام کیا تو پہلے اس کا مذاق اڑایا گیا اور پھر کہیں ریلوے کا انتظام کیا گیا۔

ترجمان نے الزام لگایا کہ گزشتہ ایک سال میں عوام کو کورونا ٹیکس کے نام پر لوٹا گیا لیکن نہ ہی اسپتال، نہ ڈاکٹروں، نہ ہی وینٹی لیٹر، نہ ویکسین، نہ دوائیں اور نہ ہی 6000 روپے کی رقم اکاؤنٹ میں جمع کروائی گئی۔

ڈبلیو ایچ او کا کہنا ہے کہ بنیادی وسائل کی منصفانہ تقسیم کے ذریعہ جان لیوا اور مہلک ترین کورونا وائرس کی عالمی وبا پر چند ماہ میں قابو پایا جاسکتا ہے۔

جنیوا: ورلڈ ہیلتھ آرگنائزیشن (ڈبلیو ایچ او) کا کہنا ہے کہ بنیادی وسائل کی منصفانہ تقسیم کے ذریعہ جان لیوا اور مہلک ترین کورونا وائرس کی عالمی وبا پر چند ماہ میں قابو پایا جاسکتا ہے۔

عالمی ادارہ صحت کا کہنا ہے کہ ترقی یافتہ ممالک میں نوجوانوں کو ویکسین لگانا ترجیح ہے۔

ورلڈ ہیلتھ آرگنائزیشن کے مطابق ترقی پذیر ممالک میں عمر رسیدہ افراد اس کے زیادہ مستحق ہیں اور ان ممالک میں ان لوگوں پر زیادہ توجہ دی جانی چاہئے۔

امریکی ایوان نمائندگان نے چین اور ہانگ کانگ کی طرف سے مظاہرین پر کریک ڈاون کرنے کی مذمت کرتے ہوئے ایک قرارداد منظور کی۔

واشنگٹن: امریکی ایوان نمائندگان نے مظاہرین پر کی جانے والی کارروائی پر چین اور ہانگ کانگ کی مذمت کرتے ہوئے ایک قرارداد پیش کیا۔

ایوان نمائندگان نے پیر کی شام ایوان میں 418-1 ووٹوں کی بنیاد پر قرار داد کو منظور کیا۔

خیال رہے یکم اپریل کو کئی دیگر جمہوریت نوازوں کے ساتھ میڈیا گروپ نیکسٹ ڈیجیٹل کے بانی جمی لائی کو قصوروار پایا گیا اور 2019 میں انہوں نے حکومت کے خلاف مظاہرہ کیا۔ جمعہ کو لائی کو 14 ماہ قید کی سزا سنائی گئی۔

حالیہ عدالتی فیصلے میں پہلی بار ایک میڈیا ٹائکون کو چینی کمیونسٹ پارٹی کے ناقد کے طور پر جانا جاتا ہے، کو جیل کی سزا سنائی گئی۔ اس سے قبل انہیں 2019 کی جمہوریت نواز تحریک میں شامل ہونے اور غیر ملکی اداروں کے ساتھ ملی بھگت کرنے کے الزام میں متعدد مواقع پر حراست میں لیا گیا تھا۔

والٹر ایف منڈیل نے 1960 کی دہائی کے اوائل میں منیسوٹا کے اٹارنی جنرل کی حیثیت سے خدمات انجام دیں اور بعد میں امریکی سنیٹر کی حیثیت سے خدمات انجام دیں اور بعد میں ہیوبرٹ ہمفرے کی نشست خالی ہونے پر وہ نائب صدر منتخب ہوئے۔

واشنگٹن: سابق امریکی نائب صدر والٹر ایف منڈیل کا انتقال ہوگیا۔ وہ 93 سال کے تھے۔

والٹر ایف منڈیل کے کنبے کے ترجمان نے یہ اطلاع دی۔ ترجمان نے بتایا کہ مسٹر والٹر کا پیر کو انتقال ہوگیا۔ انہوں نے سابق نائب صدر کی موت کی وجہ کی وضاحت نہیں کی۔ مسٹر والٹر کے کنبے میں اس کے دو بیٹے ہیں۔ ان کا انتقال اپنے آبائی شہر منیا پولس میں ہوا۔ اس سے قبل ان کی اہلیہ کا 2014 میں انتقال ہوگیا تھا۔

مسٹر والٹر نے 1960 کی دہائی کے اوائل میں منیسوٹا کے اٹارنی جنرل کی حیثیت سے خدمات انجام دیں اور بعد میں امریکی سنیٹر کی حیثیت سے خدمات انجام دیں اور بعد میں ہیوبرٹ ہمفرے کی نشست خالی ہونے پر وہ نائب صدر منتخب ہوئے۔

سنیٹر کی حیثیت سے، وہ فنانس کمیٹی، مزدور اور عوامی بہبود کمیٹی، بجٹ کمیٹی اور بینکنگ، رہائش اور شہری امور کمیٹی کا بھی حصہ بنے۔

انہوں نے جمی کارٹر کے دور حکومت میں 1977 سے 1981 کے درمیان ملک کے 42 ویں نائب صدر کی حیثیت سے خدمات انجام دیں۔ 1984 میں وہ وائٹ ہاؤس کی ریس ہارکر باہر ہوگئے۔ انہوں نے صدر سے انتخاب ہارنے سے پہلے، نیو یارک سے تعلق رکھنے والی امریکی ریپبلکن خاتون جیرالڈائن اے فیرارو کو بطور پارٹنر منتخب کرکے تاریخ رقم کی۔ ایک بڑی پارٹی کی ٹکٹ پر ملک میں دوسرا اعلی عہدہ حاصل کرنے والی وہ پہلی خاتون تھیں۔

مسٹر والٹر شہری حقوق کے پرجوش وکیل تھے۔ انہوں نے بل کلنٹن کے دور میں جاپان اور انڈونیشیا میں امریکی سفیر کے طور پر بھی خدمات انجام دیں۔