بی جے پی حکومت میں اقلیتیں محفوظ نہیں ہیں۔ انہیں وقتا فوقتا بلاجواز مارا پیٹا اور ان کو ہلاک کیا جا رہا ہے۔ کارروائی کے نام پر ملزمان کو کھلی چھوٹ ملی ہوئی ہے۔ ضلع اناؤ کے بانگڑ مئو کے سبزی فروش فیصل کو پیٹ پیٹ کر ہلاک کر دیا جانا قابل مذمت و ناقابل معافی جرم ہے۔

پرتاپ گڑھ: بی جے پی کی حکومت میں اقلیتی طبقہ محفوظ نہیں ہے۔ انہیں بلاجواز وقت وقت پر مارا پیٹا اور ان کو ہلاک کیا جا رہا ہے۔ کارروائی کے نام پر ملزمان کو کھلی چھوٹ ملی ہوئی ہے۔ ضلع اناؤ کے بانگڑ مئو کے سبزی فروش فیصل کو پیٹ پیٹ کر ہلاک کر دیا جانا قابل مذمت و ناقابل معافی جرم ہے۔ جب عوام کی حفاظت کرنے والے ہی ظالم ہو جائے تو ایسے میں نظم نسق پر ایک سوالیہ نشان ضرور ہے۔ حکومت فیصل کو ہلاک کرنے والے ملزمان کے خلاف سخت کارروائی کر ان کے اہل خانہ کو پچاس لاکھ روپیہ معاوضہ اور ایک فرد کو ملازمت دے۔

پیس پارٹی کے قومی صدر ڈاکٹر ایوب سرجن نے جاری پریس ریلیز کے ذریعہ مذکورہ تاثرات کا اظہار کیا۔

ڈاکٹر ایوب سرجن نے کہا کہ ملک کے مختلف صوبوں سے وقت وقت پر اخباروں کی سرخی ماب لنچنگ جیسے واقعات ہوتے ہیں۔ سر پسند عناصر جو ملک میں ایسے واقعات کا انجام دے رہے ہیں، ان کے خلاف کوئی سخت قانونی کارروائی نہ ہونے کے سبب ان کے حوصلے بلند ہیں۔ یہاں تک کہ اب سرکاری مشینری بھی حکومت کی فرقہ وارانہ منشاء کے بموجب کام کر رہی ہے، جس کی مثال بے گناہ غریب فیصل کا قتل ہے، اگر کسی ملزم کے خلاف کارروائی بھی کی جاتی ہے تو کیس اتنا بے اثر ہوتا ہے کہ وہ آرام سے جلد عدالت سے رہا ہو جاتا ہے۔ جب ماب لنچنگ کے انجام دینے والے سر پسند عناصر کا خیرمقدم بی جے پی کے وزیر کریں گے اور حمایت میں بیان دیں گے تو ایسے حالات و واقعات میں اضافہ ہوگا کہ کمی آئے گی؟

ڈاکٹر ایوب نے کہا کہ پیس پارٹی مقتول فیصل کے اہل خانہ کا ہر طرح سے تعاون کرے گی اور عدالت میں مقدمہ لڑے گی۔ پیس پارٹی ملک کے ہر غریب، کمزور و مظلوم افراد کے ساتھ کھڑی ہے، چاہے وہ کسی ذات یا مذہب کا ہو۔ ہم مذہبی بنیاد کی سیاست نہیں کرتے، بلکہ سبھی کے لیے بلا امتیاز انصاف کی بات کرتے ہیں۔ انہوں نے کہا کہ پیس پارٹی مستقبل میں ہونے والے ایسے واقعات پر قدغن لگانے و ملزمان کے خلاف سخت کارروائی اور مقتول فیصل کے اہل خانہ کو پچاس لاکھ روپیہ و ایک فرد کو ملازمت دینے کا مطالبہ کرتی ہے۔

پاکستان کے وزیر خارجہ شاہ محمود قریشی نے مسئلہ فلسطین پر زور دیتے ہوئے کہا کہ اقوام متحدہ کی سلامتی کونسل (یو این ایس سی) اب فلسطین کے مسئلے کو ’نظر انداز‘ کرنے کی حالت میں نہیں ہے اور اس ضمن میں اس کو فیصلہ کرنا پڑے گا۔ ایک سوال کے جواب میں انہوں نے کہا کہ امریکہ وہ واحد ملک ہے جس کی اسرائیل سنے گا۔

انقرہ: پاکستان کے وزیر خارجہ شاہ محمود قریشی نے مسئلہ فلسطین پر زور دیتے ہوئے کہا کہ اقوام متحدہ کی سلامتی کونسل (یو این ایس سی) اب مسئلہ فلسطین پ کو ’نظر انداز‘ کرنے کی حالت میں نہیں ہے اور اس ضمن میں اس کو فیصلہ کرنا پڑے گا۔ یہ بات انہوں نے ایک ترکی ٹیلی ویژن کو انٹرویو دیتے ہوئے کہی۔

’ڈان‘ میں شائع ایک رپورٹ کے مطابق فلسطین کے مسئلے پر اقوام متحدہ کی جنرل اسمبلی (یو این جی اے) کے 193 رکنی ہنگامی اجلاس کے بعد ترکی کے ٹیلی ویژن چینل ‘ٹی آر ٹی’ پر نشر ہونے والے ایک انٹرویو میں انہوں نے کہا کہ فلسطین پر اسرائیل کی جارحیت کے حالیہ واقعات نے ان لوگوں کو جھنجھوڑ دیا جو باہر بیٹھے ہیں۔ انہوں نے کہا کہ دنیا بھر میں اسرائیلی حملوں پر ردعمل کی توقع نہیں تھی۔ انہوں نے کہا کہ کسی کو بھی توقع نہیں تھی کہ اسلامی تعاون کونسل (او آئی سی) اور عرب لیگ عملی طور پر فعال ہو جائے گی، نان الائن موومنٹ متحرک ہو جائے گی اور اس کے نتیجے میں جنرل اسمبلی کا خصوصی ہنگامی اجلاس منعقد ہوگا۔ انہوں نے اسے ’ایک بے مثال سیشن‘ قرار دیا۔

سلامتی کونسل کا اجلاس ایک واضح پیغام بھیجے گا

انہوں نے زور دے کر کہا کہ سلامتی کونسل کا اجلاس ایک واضح پیغام بھیجے گا کہ ’بہت‘ ہوگیا ہے اور جو لوگ بنیادی حقوق پر یقین رکھتے ہیں انہیں ضرور آواز بلند کرنی چاہیے اور وہ اب ‘ایک طرف ہو کر نہیں بیٹھ سکتے‘۔

یو این جی اے، یو این ایس سی اور اقوام متحدہ کی سلامتی کونسل کی جانب سے اٹھائے جانے والے اقدامات سے متعلق سوال کے جواب میں شاہ محمود قریشی نے کہا کہ انہیں سب سے پہلے جنگ بندی کرانے کی ضرورت ہے۔

وزیر خارجہ نے کہا کہ ان کا یو این جی اے اجلاس میں شرکت کا ایک نکاتی ایجنڈا تھا جو جنگ بندی کی ضرورت پر زور دینا تھا۔ انہوں نے کہا کہ ’جب اس ایجنڈے میں کامیابی ملے گی تو تمام دیگر مراحل بھی حل ہو جائیں گے‘۔

بین الاقوامی تحفظ فورس جیسی کوئی فورس تشکیل دینے کی ضرورت

انہوں نے ایک سوال کے جواب میں کہا کہ او آئی سی رکن ممالک کے وزرائے خارجہ جو اس دن نیویارک میں موجود تھے وہ یو این جی اے کے صدر سے ملاقات کریں گے اور انہیں بین الاقوامی تحفظ فورس جیسی کوئی فورس تشکیل دینے کی تجویز پیش کریں گے۔ انہوں نے کہا کہ ہم اس خیال کو آگے بڑھائیں گے اور جنرل اسمبلی کے صدر کے ساتھ اس کے طریقہ کار پر تبادلہ خیال کریں گے۔

ایک سوال کے جواب میں انہوں نے کہا کہ امریکہ وہ واحد ملک ہے جس کی اسرائیل سنے گا۔ انہوں نے مزید کہا کہ امریکہ کا اسرائیل پر اثر و رسوخ ہے اور اسے اسرائیل کو راضی کرنے میں زیادہ فعال کردار ادا کرنا چاہیے کہ جو کچھ وہ کررہا ہے وہ دنیا کو قبول نہیں ہے۔

یاس طوفان کی شدت کے بعد مغربی بنگال حکومت نے ریاست کے نو اضلاع مدنی پور، مرشد آباد، ہوڑہ، ہگلی اور بردوان کے دو اضلاع میں ہائی الرٹ جاری کردیا ہے۔ انتظامیہ کو خدشہ ہے کہ طوفان کی وجہ سے ریاست کے 9 اضلاع میں سیلاب کی صورتحال پیدا ہوسکتی ہے۔

کلکتہ: مغربی بنگال حکومت نے یاس طوفان کی شدت کے بعد ریاست کے 9 اضلاع مدنی پور، مرشد آباد، ہوڑہ، ہگلی اور بردوان کے دو اضلاع میں ہائی الرٹ جاری کردیا ہے۔ منگل کی سہ پہر یاس طوفان میں شدت آ گئی ہے اس وقت اڑیسہ کے 360 کلومیٹر دور ہے۔

جنوبی 24 پرگنہ اور شمالی 24 پرگنہ کے نشیبی علاقوں سے لاکھوں افراد کو نکال لیا گیا ہے۔ انہیں امدادی کیمپوں میں رکھا گیا ہے۔ کیمپوں میں کورونا کے پروٹوکول کا خاص خیال رکھا جارہا ہے۔ امدادی کیمپوں میں ماسک اور سینیٹائزر شامل ہیں۔

بنگال میں مشرقی مدنی پور اور جنوبی 24 پرگنہ کے ساحلی علاقے سب سے زیادہ متاثر ہوسکتے ہیں۔ دیگھا میں فوج تعینات کردیا گیا ہے۔ انتظامیہ کو خدشہ ہے کہ یاس طوفان کی وجہ سے ریاست کے 9 اضلاع میں سیلاب کی صورتحال پیدا ہوسکتی ہے۔ ضلع انتظامیہ کو اس سے باخبر کردیا گیا ہے۔ منگل کی صبح سے طوفان یاس کی وجہ سے جنوبی بنگال کے تمام اضلاع میں بارشوں کا سلسلہ جاری ہے۔ صبح سے ہی آسمان پر بادل چھائے ہوئے ہیں۔ رک رک کر بارش ہورہی ہے۔ کلکتہ میں آج ہلکی بارش ہوئی ہے۔

آئندہ 24 سے 48 گھنٹوں میں کولکاتہ میں تیز اور موسلا دھار بارش کا امکان ہے۔ بارش کی وجہ سے درجہ حرارت میں کمی واقع ہوئی ہے۔ آج صبح تک بارش کی مقدار 34.6 ملی میٹر ہے۔ آج کلکتہ میں کم سے کم درجہ حرارت 25.5 ڈگری سینٹی گریڈ ہے جو معمول سے ایک ڈگری کم ہے۔ نمی زیادہ سے زیادہ 95 فیصد ہے۔ تاہم، یاس کی وجہ سے کلکتہ میں شاید کوئی بڑا نقصان نہیں ہوگا۔ محکمہ موسمیات علی پور نے بتایا کہ کلکتہ اس مرتبہ محفوظ رہ جائے گا۔

مشرقی وسطی ریلوے کے سمستی پور ریلوے بورڈ کے انتظامیہ نے خلیج بنگال میں طوفان ‘یاس’ کی وجہ سے احتیاطی اقدام کے طور پر نو بڑی ایکسپریس ٹرینوں کو منسوخ کرنے کا فیصلہ کیا ہے۔

سمستی پور: خلیج بنگال میں اٹھے گردابی طوفان ’یاس‘ کی وجہ سے مشرقی وسطی ریلوے کی سمستی پور ریلوے بورڈ انتظامیہ نے احتیاط کے طور پر 9 بڑی ایکسپریس ٹرینوں کے آپریشن کو منسوخ کرنے کا فیصلہ کیا ہے۔

سینئر ڈویژنل کمرشل منیجر اور میڈیا انچارج سرسوتی چندر نے آج یہاں بتایا کہ گردابی طوفان کے سبب 03021 ہاوڑہ-ایکسپریس ٹرین، 03019 ہاوڑہ-کٹھگودام ایکسپریس ٹرین، 03043 ہاوڑہ-ریکسول ایکسپریس ٹرین 26 مئی کو منسوخ رہیں گی۔ اس تاریخ کو 03185 سیالدہ – جیان نگر خصوصی ٹرین سیالدہ سے منسوخ رہے گی۔

انہوں نے بتایا اس کے علاوہ مظفر پور سے چلنے والی 03158 مظفر پور ۔ کولکاتہ خصوصی ٹرین، 05234 دربھنگہ – کولکاتہ خصوصی ٹرین دربھنگہ سے، ریکسول سے 03022 ریکسول۔ہاوڑہ اسپیشل ٹرین اور جیان نگر سے 03186 جیان نگر – سیالدہ خصوصی ٹرین 26 مئی کو منسوخ کردی جائے گی ہے۔ مسٹر چندر نے بتایا کہ اسی طرح کولکتہ سے چلنے والی 05233 کولکتہ دربھنگہ خصوصی ٹرین آئندہ 27 مئی کو منسوخ کر دی گئی ہے۔

آندھرا پردیش کے سلیرو ندی میں مہاجر مزدوروں کو لے جانے والی دو کشتیاں ڈوب گئیں، آٹھ افراد ڈوب گئے۔ اطلاعات کے مطابق حیدرآباد کے مضافات میں اینٹوں کے بھٹوں میں کام کرنے والے افراد گھر واپس جانے کے لئے سیلور پہنچے۔ لاک ڈاؤن کی وجہ سے، گاڑیوں کی عدم دستیابی کی وجہ سے، وہ دیر رات دیسی کشتیوں پر سوار ہوکر جارہے تھے کہ اچانک کشتیاں ڈوب گئیں۔

حیدرآباد: ریاست آندھرا پردیش کے سلیرو ندی میں نقل مکانی کرنے والے مزدوروں کو لے جانے والی دو کشتیاں ڈوب گئیں جس کے نتیجہ میں 8 افراد غرق ہوگئے۔

فوری ملی اطلاعات کے مطابق حیدرآباد کے نواح میں اینٹ کی بھٹیوں میں کام کرنے والے افراد اپنے ارکان خاندان کے ساتھ آبائی ریاست واپس ہونے کیلئے کل رات سیلور پہنچے۔ لاک ڈاون کی وجہ سے گاڑیوں کی سہولت دستیاب نہ ہونے کی وجہ سے وہ رات دیرگئے دیسی کشتیوں میں سوار ہوکر جارہے تھے کہ اچانک کشتیاں ڈوب گئیں۔

بتایا گیا ہے کہ ان کی تعداد تقریبا 35 تھی۔ کشتیوں میں دس تا 11 افراد کو ایک کے بعد ایک لے جایا جارہا تھا کہ یہ حادثہ ہوا۔ معلوم ہوا ہے اس وقت کشتیوں میں 11 سوار تھے جن میں بچے بھی شامل ہیں۔ اس واقعہ میں 8 افراد غرق ہوگئے۔ تین افراد بچ نکلنے میں کامیاب ہوگئے۔ ضلع حکام کی جانب سے بچاؤ راحت کاری کے کام جاری ہیں۔

گزشتہ 4 مئی سے اب تک، پٹرول ڈیزل کی قیمتوں میں 13 دن اضافہ کیا گیا ہے، جبکہ ان کی قیمتوں میں 9 دن کوئی تبدیلی نہیں کی گئی ہے۔۔ اس دوران، ممبئی میں پٹرول کی قیمت 99.71 روپے فی لیٹر پہنچ گئی۔

نئی دہلی: پٹرول ڈیزل کی قیمتوں میں منگل کے روز ایک بار پھر اضافہ کیا گیا جس کی وجہ سے ممبئی میں پٹرول کی قیمت 99.71 روپے فی لیٹر پہنچ گئی۔

ملک کے چار بڑے میٹرو شہروں میں آج پٹرول کی قیمت میں 23 پیسے اور ڈیزل کی قیمت میں 27 پیسے کا اضافہ کیا گیا، جو ایک نئی تاریخی سطح تک پہنچ گیا۔

گزشتہ 04 مئی سے اب تک، پٹرول اور ڈیزل کی قیمتوں میں 13 دن اضافہ کیا گیا ہے، جبکہ ان کی قیمتوں میں نو دن کوئی تبدیلی نہیں کی گئی ہے۔۔ اس دوران، دہلی میں پٹرول 3.04 روپے اور ڈیزل میں 3.59 روپے مہنگا ہوگیا ہے۔

معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق ممبئی میں آج پٹرول کی قیمت 22 پیسے اضافے کے ساتھ 99.71 روپے فی لیٹر ہوگئی۔  ملک کے کچھ شہروں میں یہ پہلے ہی 100 روپے فی لیٹر عبور کرچکا ہے۔

قومی دارالحکومت دہلی میں پٹرول 23 پیسے مہنگا ہوکر 93.44 روپے فی لیٹر اور ڈیزل 25 پیسے بڑھ کر 84.32 روپے فی لیٹر پہنچ گیا۔ چنئی میں پٹرول کی قیمت 20 پیسے اور کولکاتہ میں 22 پیسے کے اضافے کے ساتھ بالترتیب 95.06 اور 93.49 روپے فی لیٹر ہوگئی۔

ممبئی میں ڈیزل کی قیمت میں 27 پیسے، چنئی میں 24 پیسے اور کولکاتہ میں 25 پیسے کا اضافہ ہوا ہے۔ ممبئی میں ایک لیٹر ڈیزل کی قیمت 91.57 روپے، چنئی میں 89.11 روپے اور کولکتہ میں 87.16 روپے پہنچ گئی۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر، ہر روز صبح چھ بجے سے نئی قیمتوں کا اطلاق ہوتا ہے۔

ملک کے چار میٹرو شہروں میں آج پٹرول اور ڈیزل کی قیمتیں حسب ذیل رہیں:

شہر  ——— پیٹرول —— ڈیزل

دہلی ——— 93.44 —— 84.32
ممبئی ——— 99.71 ——91.57
چنئی ———95.06 —— 89.11
کولکتہ ——— 93.49 ——87.16

بہار پورنیہ ضلع کے تحت آنے والے امور اسمبلی حلقہ کے ایم ایل اے جناب اختر الایمان صاحب نے سرسی اسپتال کا جائزہ لیا اور غیر حاضر، لا پرواہ اسٹاف پر کارروائی کے لیے محکمہ صحت کے افسران سے رابطہ کیا

رپورٹ: مفتی منظر محسن

پورنیہ: اے آئی ایم آئی ایم سے منتخب امور اسمبلی حلقہ کے ایم ایل اے جناب اختر الایمان نے پیر کے روز اپنے حلقے کا دورہ کیا اور حلقے کی پسماندگی دور کرنے کے لیے مزید اقدامات کرنے کی بات کہی۔ در اصل امور اسمبلی حلقہ کا موازنہ اگر بہار کے دوسرے اسمبلی حلقوں سے کیا جائے تو یہ واضح ہو جائے گا کہ بہار کے پسماندہ ترین اسمبلی حلقوں میں اس کا نمبر سر فہرست ہے، جس کے کئی اسباب ہیں:

آزادی کے بعد سے اب تک کشن گنج پارلیمانی حلقہ اور اسمبلی حلقہ امور پر زیادہ تر کانگریس کا قبضہ رہا ہے، تو اس کی پسماندگی کی ذمہ داری بھی ان سیاسی پارٹیوں اور ان کے نمائندوں پر عائد ہونی چاہیے جن کا یہاں قبضہ رہا ہے، مگر بہار اسمبلی الیکشن 2020 کے نتائج کے بعد غیر منصفانہ طریقے سے بعض افراد کی جانب سے اس کی ذمہ داری مجلس اتحاد المسلمین پر عائد کی جانے کی کوشش ہو رہی ہے، اس کی وجہ یہ ہے کہ 2020 اسمبلی الیکشن میں امور اسمبلی حلقہ کے ووٹروں نے مجلس کے ریاستی صدر، محترم اخترالایمان صاحب کو بطور امیدوار کام یاب کرایا۔

بتایا جاتا ہے کہ جب سے بہار اسمبلی الیکشن کے بعد سے ہی ریاست بہار سمیت پورا ملک کورونا اور لاک ڈاؤن کا سامنا کر رہا ہے ایسے میں بھی اسمبلی کے اندر جب بھی سیشن ہوا ہے، اخترالایمان صاحب نے پُر زور طور پر اس پسماندہ ترین اسمبلی حلقہ امور سمیت پورے سیمانچل کے لیے آواز بلند کرنے کی کوشش کی ہے۔

وہ کام جو سابق نمائندے تیس، بیس، دس اور پانچ سالوں میں نہیں کروا سکے اخترالایمان صاحب سے توقع کی جارہی ہے کہ وہ کام پانچ مہینے میں کروا دیں، یہاں تک کہ ابھی سے لوگوں نے انہیں دھوکہ باز، وعدوں سے مکرنے والا لکھنا شروع کر دیا ہے۔ ہونا یہ چاہیے کہ امور، بیسا کے خیر خواہان ابھی ابتدائی سالوں میں اپنے ایم ایل اے سے مطالبات کریں، انہیں اپنے گاؤں کی ضروریات سے آگاہ کریں۔ صحت، تعلیم، سڑک، پل، پلیا جہاں جس شعبے میں کام کی ضرورت ہو اس کی نشاندہی کریں۔ اگر دو تین برس گزرنے کے بعد بھی آپ کا ایم ایل اے آپ کے کسی کام کو پورا نہ کروا سکے تو پھر جمہوری طریقے سے عوامی تحریک چھیڑیں۔ ان سے کام لینے کے لیے پریشر گروپ تشکیل دیں۔ کم از کم دو سالوں میں آپ کے بہت سے کام ہوتے نظر آئیں گے۔ اگر پورے پانچ سالوں کی مدت پوری ہونے تک آپ کا منتخب نمائندہ ایم ایل اے/ ایم پی / مکھیا وغیرہ ایمان داری سے کام نہیں کرے اور واقعی وہ اپنے ووٹروں کے ساتھ دھوکہ کرے، پوری مدت یوں ہی باتوں، وعدوں پر گزار دے تب ووٹروں کو اختیار ہوگا کہ وہ جسے بہتر سمجھیں، جو ان کے وعدوں پر کھرے اتریں ان کا انتخاب کریں۔

عوام کی اکثریت یہ سمجھتی ہے کہ ہم نے ووٹ دے دیا اب ہماری ذمہ داری پوری ہو گئی جب کہ ایسا نہیں ہے اگر آپ سچ میں اپنے علاقے کو ترقی یافتہ اور اپنے نمائندہ (نیتا/ لیڈر) کو ترقی کا عملبردار دیکھنا چاہتے ہیں تو اس کے لیے آپ کو سب سے پہلے بیدار ہونا ہوگا، آپ کو اپنے حقوق کے لیے کم از کم جان کار بننا ہوگا کہ کیا ایک سیاسی رہنما آپ کے ووٹ کی خاطر آپ کے دروازے پر بار بار آ کر خوشامد نہیں کرتا، آپ کے ہاتھ، پاؤں تک نہیں چوم لیتا ہے ؟ سوال یہ ہے کہ آخر وہ ایسا کیوں کرتا ہے؟ ظاہر ہے جواب ہوگا چوں کہ کہ اسے م ووٹ لے کر عہدے تک پہنچنا ہے اس ۔

کہتے ہیں کہ ماں بھی بچے کو دودھ تب پلاتی ہے جب بچہ روتا ہے تو ہمیں بھی اپنے رہنما کے سامنے جمہوری انداز، اخلاقی طریقے سے اپنے مطالبات رکھنے میں نہیں شرمانا چاہیے، ساتھ ہی صبر و یقین کا دامن بھی نہیں چھوڑنا چاہیے۔ گزشتہ دنوں نو منتخب ایم ایل اے، صدر مجلس بہار، جناب اخترالایمان صاحب سے کچھ مطالبات رکھی بھی گئی تھیں:

گاؤں سرسی کے کئی لوگوں نے مجھ سے سرسی اسپتال اور بجلی کی آنکھ مچولی سے متعلق شکایت کی تھی، جس کے بعد 16 مئی 2021، شام پونے چھ بجے اخترالایمان صاحب کو فون کر کے اسپتال اور بجلی سے متعلق شکایت ان تک پہنچانے کی کوشش کی گئی۔ آج جب وہ سرسی اور مضافات کے دورے پر آے تو میں انہیں پھر اسپتال اور بجلی کے متعلق شکایت کی یاد دہانی کرائی گئی۔

بجلی سے متعلق انہوں نے کہا کہ بولان پاور ہاؤس کو بارہ مسیا سے جوڑنے کی کوشش جاری ہے، اسپتال کے اسٹاف کی لا پرواہی کی یاد دلانے پر انہوں نے محکمہ صحت کے افسران سے اور سرسی اسپتال میں ڈیوٹی پر متعین ڈاکٹر سے ٹیلی فون پر بات کیا، پھر پوری ٹیم کے ساتھ اسپتال پہنچے تا کہ وہ تمام تر لا پرواہیوں کو اپنی آنکھوں سے دیکھ لیں۔ وہاں پہنچ کر انہوں نے آج اپنی نظروں سے سب کچھ دیکھ لیا، پھر وہاں سے دوبارہ محکمہ صحت سے رابطہ کر شکایت درج کروائی اور غیر حاضر اسٹاف کے خلاف کاروائی کا حکم جاری کیا۔

بہار کے وزیراعلیٰ نتیش کمار نے جمعرات کو اپنے کابینی رفقا اور سنیئر افسران کے ساتھ ریاست میں جاری لاک ڈاﺅن کے جائزے کے بعد اسے یکم جون 2021 تک بڑھانے کا فیصلہ لیا۔ لیکن اس مرتبہ زراعت سے معلق دکانوں کو ہر دن کھولنے کی اجازت دی گئی ہے جبکہ دیگر پابندیاں حسب سابق رہیں گی۔

پٹنہ: بہار میں پابندی اور تحمل کی وجہ سے کورونا انفیکشن کے معاملوں میں آئی کمی کو دیکھتے ہوئے ریاستی حکومت نے ایک بار پھر لاک ڈاﺅن کی مدت کو سات دنوں کیلئے بڑھا دیا ہے۔ لیکن اس مرتبہ زراعت سے معلق دکانوں کو ہر دن کھولنے کی اجازت دی گئی ہے جبکہ دیگر پابندیاں حسب سابق رہیں گی۔

وزیراعلیٰ نتیش کمار نے جمعرات کو اپنے کابینی رفقا اور سنیئر افسران کے ساتھ ریاست میں جاری لاک ڈاﺅن کے جائزے کے بعد اسے یکم جون 2021 تک بڑھانے کا فیصلہ لیا۔ اجلاس کے بعد ریاست کے چیف سکریٹری تری پراری شرن، ڈیولپمنٹ کمشنر عامر سبحانی، پولیس ڈائریکٹر جنرل ایس کے سنگھل، ایڈیشنل چیف داخلہ سکریٹری چیتنیہ پرساد، صحت اور آفات مینجمنٹ محکمہ کے ایڈیشنل چیف سکریٹر پرتیہ امرت نے مشترکہ پریس کانفرنس میں کہا کہ کورونا کی اعلیٰ سطحی میٹنگ وزیراعلیٰ نتیش کمار کی صدارت میں ہوئی۔ جس میں لاک ڈاﺅن کے دوران انفیکشن میں آئی کمی کو مد نظر رکھتے ہوئے اس کو آئندہ سات دنوں کیلئے 26 مئی سے یکم جون تک بڑھانے کا فیصلہ لیا گیا ہے۔

چیف سکریٹری نے کہا کہ اس بار لاک ڈاﺅن کے دوران کھاد، بیج، جراثیم کش دوائیں اور زرعی آلات سے متعلق دکانوں اور اداروں کو ہر دن کھولنے کی اجازت دی گئی ہے۔ اب ایسی دکانیں شہری علاقوں میں صبح 06 بجے سے 10 بجے دن تک اور دیہی علاقوں میں صبح 08 بجے سے 12 بجے دن تک کھلی رہیں گی۔ سبھی پابندیاں گذشتہ لاک ڈاﺅن کے رہنماء اصول کے مطابق ہی رہیں گی۔

مسٹر شرن نے کہا کہ ضلع مجسٹریٹ مقامی حالات کا جائزہ لیکر جاری امتناعات کے علاوہ مزید سخت پابندی لگا سکتے ہیں لیکن کسی بھی صورت میں محکمہ داخلہ کے رہنماء اصول کے مطابق لگائی گئی پابندیوں میں نرمی نہیں کرسکتے ہیں۔

پچھلے کچھ دنوں میں ملک میں کورونا وائرس کے کم ہونے والے نئے کیسوں کی تعداد کے ساتھ، گھریلو شیئر بازار میں آج مسلسل دوسرے کاروباری دن میں اضافہ ہوا اور سینسیکس میں 111 پوائنٹس کا اضافہ ہوا۔

ممبئی: ملک میں گزشتہ چند دنوں سے کورونا وائرس کے نئے متاثرین کی تعداد کم ہونے سے گھریلو شیئر بازاروں میں آج مسلسل دوسرے کاروباری دن تیزی کا رجحان رہا اور سنسیکس میں 111 پوائنٹس کا اضافہ در ج کیا گیا۔

بی ایس ای کا حساس انڈیکس سینسیکس 111.42 پوائنٹس یعنی 0.22 فیصد اضافے کے ساتھ 50651.90 پوائنٹس کی سطح پر بند ہوا، جو 12 مارچ کے بعد کی بلند ترین سطح ہے۔ نیشنل اسٹاک ایکسچینج کا نفٹی بھی 22.40 پوائنٹس یعنی 0.15 فیصد اضافے کے ساتھ 15197.70 پوائنٹس کی بلند ترین سطح پر بند ہوا، جو اس کی 3 مارچ کے بعد کی بلند ترین سطح ہے۔

مرکزی وزارت صحت و خاندانی بہبود کی طرف سے آج صبح جاری ہونے والے اعداد و شمار کے مطابق گزشتہ 24 گھنٹے کے دوران کووڈ – 19 کے 222315 نئے متاثرین سامنے آئے ہیں۔ انفیکشن کی رفتار مستقل طور پر کم ہوئی ہے، جس سے سرمایہ کاروں کے مابین تالابندی ختم ہونے کی امیدیں بڑھ رہی ہیں۔

آج کے کاروبار میں درمیانی اور چھوٹی کمپنیوں میں سرمایہ کاری کا رجحان زیادہ مضبوط رہا۔ بی ایس ای کا مڈ کیپ 0.86 فیصد اضافے کے ساتھ 21669.64 پوائنٹس پر بند ہوا۔ چھوٹی کمپنیوں کا انڈیکس اسمال کیپ 0.70 فیصد اضافے سے 23291.87 پوائنٹس پر بند ہوا۔

بینکاری اور مالیاتی شعبے کی کمپنیوں نے سینسیکس کی تیزی میں سب سے زیادہ کردار ادا کیا۔ سینسیکس کی کمپنیوں میں پبلک سیکٹر کے اسٹیٹ بینک آف انڈیا کے حصص کی قیمتوں میں 2.73 فیصد کا اضافہ ہوا۔ ایل اینڈ ٹی میں 1.74 فیصد، ایکسس بینک 1.40 فیصد، پاور گرڈ 1.21، آئی ٹی سی 1.17، ماروتی سوزوکی میں 1.09 فیصد اور ڈاکٹر ریڈی لیب میں 1.06 فیصد اضافہ ہوا۔

دریں اثناء، ریلائنس انڈسٹریز میں 0.77 فیصد کی کمی آنے سے مارکیٹ پر دباؤ پڑا۔ جبکہ ٹائٹن کے حصص میں 1.22 فیصد، انڈس اینڈ بینک میں 1.20 فیصد، مہندرا اینڈ مہندرا میں 1.09 فیصد، ہندوستان یونیلیور میں 1.03 فیصد اور الٹرا ٹیک سیمنٹ میں ایک فیصد کی گراوٹ ریکارڈ کی گئی۔

ایشیائی منڈیوں میں ملا جلا رجحان رہا۔ چین کا شنگھائی کمپوزٹ 0.31 فیصد اور جاپان کا نکئی 0.17 فیصد اضافے کے ساتھ بند ہوا۔ جنوبی کوریا کے کوسپی میں 0.38 فیصد اور ہانگ کانگ کے ہینگسنگ میں 0.16 فیصد گراوٹ درج کی گئی۔ یورپ میں ابتدائی کاروبار میں جرمنی کے ڈی اے ایکس میں 0.44 فیصد اور برطانیہ کے ایف ٹی ایس ای میں 0.30 فیصد کا اضافہ ہوا۔