مدھیہ پردیش میں تقریباً دو ماہ کے بعد کرفیو میں آج دھیرے دھیرے رعایت دینے کا اثر نظر آیا۔ دارالحکومت بھوپال میں صبح سے اہم بازاروں کی دکانیں گائڈ لائن کے مطابق کھلتی نظر آئیں۔ محلوں میں بھی دکانیں کھلیں، زیادہ تر تاجر سب سے پہلے اپنی اپنی دکانوں اور اداروں کی صفائی کرتے ہوئے نظر آئے۔

بھوپال: مدھیہ پردیش میں تقریباً دو ماہ کے بعد کرفیو میں آج دھیرے دھیرے رعایت دینے کا اثر نظر آیا اور اہم دکانیں اور ادارے کھلنے کا عمل شروع ہو گیا۔ تمام 52 اضلاع میں مقامی صورتحال کے مطابق ڈھیل دی گئی ہے اور انتظامیہ حالات پر نظر رکھے ہوئے ہے۔

دارالحکومت بھوپال میں صبح سے اہم بازاروں کی دکانیں گائڈ لائن کے مطابق کھلتی نظر آئیں۔ محلوں میں بھی دکانیں کھلیں، زیادہ تر تاجر سب سے پہلے اپنی اپنی دکانوں اور اداروں کی صفائی کرتے ہوئے نظر آئے۔ حالانکہ ابھی کچھ ہی دکانیں کھولنے کی اجازت دی گئی ہے۔ ان میں زیادہ تر کرانہ اور سروس سیکٹر سے وابستہ دکانیں شامل ہیں۔

بھوپال میں اہم راستوں پر لگائے گئے بیریکیڈس بھی کم کیے گئے ہیں۔ آج لوگوں کی آمد و رفت بھی سڑکوں پر نظر آئی۔ پولیس اور انتظامیہ نظر رکھے ہوئے ہیں اور کہا جا رہا ہے کہ کورونا ہدایات پر عمل درآمد کیا جائے۔ دوسری جانب کورونا کی دوسری لہر کے بعد شہری اس بار پہلے کے مقابلے میں محتاط نظر آ رہے ہیں۔

بھوپال میں چھ افراد سے زیادہ ایک ساتھ جمع ہونے پر پابندی

مدھیہ پردیش دارالحکومت بھوپال میں ہفتہ کے روز اور اتوار کو کورونا کرفیو جاری رہے گا۔ علاوہ ازیں یومیہ رات آٹھ بجے سے صبح چھ بجے تک بھی کرفیو نافذ رہے گا۔ کورونا وائرس کی صورتحال اب بھی قائم رہنے کے لیے عوام سے بھیڑ نہ لگانے کی اپیل کی گئی ہے۔ کہیں بھی چھ افراد سے زیادہ ایک ساتھ موجود نہیں ہو سکیں گے۔ ماسک پہننا ضروری کیا گیا ہے۔

ریاست میں سب سے زیادہ کورونا کیسز والے اندور میں آج بھی ڈھیل کے مطابق تجارتی سرگرمیاں شروع ہوئیں۔ وہاں پر بھی انتظامیہ محتاط نظر آ رہی ہے اور عوامی حصہ داری کے ذریعے عوام سے کورونا گائڈ لائن پر عمل درآمد کرنے کی کوشش کی جا رہی ہیں۔ اسی طرح کی خبریں گوالیار، جبل پور، ساگر، اجین ریوا، شہڈول، چھندواڑہ، کھنڈوا اور دیگر اضلاع سے ملی ہیں۔

ریاست میں کورونا کی دوسری لہر کے سبب زیادہ وبا کے وقت اپریل ماہ میں اوسط پوزیٹیوٹی ریٹ 25 فیصد تک پہنچ گئی تھی، جو اب کم ہو کر دو فیصد کے اندر آ گئی ہے۔ لیکن حکومت کے تناظر میں پوزیٹیوٹی ریٹ نہ بڑھنے دینے کے ساتھ ہی صفر پر لے جانے کی سب سے بڑا چیلنج ہے۔ اسی وجہ سے وزیراعلیٰ شیوراج سنگھ چوہان، سینیئر افسر اور فیلڈ عملہ واقع نظر رکھ کر یومیہ اس کا تجزیہ کر رہے ہیں۔

پاکستان کے مشرقی صوبے میں بارش سے متعلق مختلف حادثات میں کم از کم 10 افراد ہلاک اور تین زخمی ہوگئے ہیں۔ مقامی میڈیا کی رپورٹس کے مطابق پنجاب کے اوکاڑا شہر کے طارق آباد علاقے میں آندھی-بارش کے دوران ایک چھت کے منہدم ہونے سے آٹھ افراد کی موت ہو گئی اور دیگر تین زخمی ہو گئے۔

اسلام آباد: پاکستان کے مشرقی صوبے میں بارش سے متعلق مختلف حادثوں میں کم از کم 10 افراد کی موت ہو گئی اور دیگر تین زخمی ہوئے ہیں۔

مقامی میڈیا نے یہ اطلاع دی ہے۔ مقامی میڈیا کی رپورٹس کے مطابق پنجاب کے اوکاڑا شہر کے طارق آباد علاقے میں آندھی-بارش کے دوران ایک چھت کے منہدم ہونے سے آٹھ افراد کی موت ہو گئی اور دیگر تین زخمی ہو گئے۔

مقامی افراد اور ریسکیو ٹیمیں جائے وقوعہ پر پہنچ کر زخمیوں کو اسپتال پہنچایا۔ ہلاکتوں میں تین خواتین، چار بچے اور ایک مرد شامل ہیں۔ زخمیوں کی شناخت ابھی نہیں ہو پائی ہے۔ وہیں ایک دیگر حادثے میں دو افراد کے ہلاک ہونے کی اطلاع ہے۔

پاکستان کے محکمہ موسمیات نے پیر کے روز ملک کے مختلف حصوں میں تیزی ہوا کے چلنے اور گرج کے ساتھ بارش ہونے کی بابت الرٹ کر دیا تھا۔

ڈاکٹر فوسی نے خبردار کیا ہے کہ کووڈ کیسز کی گرتی ہوئی تعداد کے باوجود کورونا وائرس پر فتح حاصل کرنے کا اعلان ابھی جلد بازی ہوگا۔ ڈاکٹر فوسی نے کہا ’’ہم وقت سے پہلے فتح کا اعلان نہیں کرنا چاہتے کیوں کہ ابھی ہمیں بہت آگے جانا ہے۔ جتنے زیادہ لوگوں کو ٹیکہ لگایا جائے گا، معاشرہ اتنا زیادہ محفوظ ہوگا‘‘۔

واشنگٹن: امریکی نیشنل انسٹی ٹیوٹ آف الرجی اینڈ انفیکشیس ڈیزیز کے ڈائریکٹر ڈاکٹر انتھونی فوسی نے خبردار کیا ہے کہ کووڈ کیسز کی گرتی ہوئی تعداد کے باوجود کورونا وائرس پر فتح حاصل کرنے کا اعلان ابھی جلد بازی ہوگا۔

اخبار دی گارڈین نے ڈاکٹر فوسی کے حوالے سے کہا کہ ’’ہم وقت سے پہلے فتح کا اعلان نہیں کرنا چاہتے کیوں کہ ابھی ہمیں بہت آگے جانا ہے۔ جتنے زیادہ لوگوں کو ٹیکہ لگایا جائے گا، معاشرہ اتنا زیادہ محفوظ ہوگا‘‘۔

انہوں نے وضاحت کی ہے کہ نئے کورونا وائرس کے مختلف ویرینٹ کے امکانات، جو موجودہ ویکسین کے اثر کو کم کرسکتے ہیں، تب تک برقرار رہیں گے جب تک کہ دنیا بھر میں ’کچھ حد تک سرگرمی‘ جاری رہتی ہے۔

جانس ہاپکنز یونیورسٹی (جے ایچ یو) کا اندازہ ہے کہ عالمی سطح پر، مئی کے آغاز تک یومیہ معاملے نصف سے کم ہو جائیں گے۔ امراض پر قابو پانے اور روک تھام کے مرکز کا کہنا ہے کہ گذشتہ جمعہ تک، 12 سال اور اس سے زیادہ عمر کے امریکی شہریوں میں سے 59.1 فیصد افراد کو اس ویکسین کی کم از کم ایک خوراک لگائی جاچکی تھی۔

سپریم کورٹ نے کورونا ویکسین کی قیمت میں یکسانیت نہ ہونے پر برہمی کا اظہار کرتے ہوئے پیر کے روز کہا کہ پورے ملک میں کورونا ویکسین کی قیمت یکساں رکھی جانی چاہیے۔ اس نے مرکزی حکومت سے کووڈ ویکسین کی دوہری قیمت اور خریداری پالیسی کے تعلق سے کئی سوال کئے۔

نئی دہلی: سپریم کورٹ نے کورونا ویکسین کی قیمت میں یکسانیت نہ ہونے پر برہمی کا اظہار کرتے ہوئے پیر کے روز کہا کہ پورے ملک میں کورونا ویکسین کی قیمت یکساں رکھی جانی چاہیے۔ جج ڈی وائی چندرچوڑ، جج ایل ناگیشور اور جسٹس ایس روندربھٹ کی تعطیلاتی بینچ نے کورونا کے ٹیکے کی مختلف قیمتوں کے سبب مرکزی حکومت سے ناراضگی کا اظہار کیا۔ اس نے مرکزی حکومت سے کووڈ ویکسین کی دوہری قیمت اور خریداری پالیسی کے تعلق سے کئی سوال کئے۔

جج بھٹ نے کہا، ’’ہم جانتے ہیں کہ ویکسین کی قیمت کے تعلق سے کیا پالیسی ہے۔ ‘‘بنچ نے کورونا کی دوسری لہر کے دوران ضروری خدمات کی تقسیم اور فراہمی کے تعلق سے ازخود نوٹس معاملے کی سماعت کررہی تھی۔

مرکزی حکومت کی جانب سے پیش ہوئے سالیسِٹر جنرل تشار مہتا نے کہا کہ آکسیجن ٹاسک فورس نے مسودہ رپورٹ تیار کرلی ہے، لیکن اسے ابھی حتمی شکل دیا جانا باقی ہے۔ مسٹر مہتا نے کہا کہ اہل آبادی کو رواں سال کے آخر تک ٹیکہ لگادیا جائے گا، مرکزی حکومت دیگر ٹیکہ مینوفیکچرز جیسے فائزر کے ساتھ بات چیت کررہی ہے۔

انہوں نے کہا کہ کئی ریاستوں نے ٹیکے کے لئے گلوبل ٹینڈرجاری کئے ہیں، لیکن ویکسین بنانے والی کمپنیاں جیسے فائزر یا دیگر کی اپنی پالیسی ہے وہ براہ راست ملک سے بات کرتی ہے، ریاست سے بات نہیں کرتی۔

اس معاملے میں سینئر ایڈووکیٹ جئے دیپ گپتا اور محترمہ میناکشی ارورا نے بھی اپنا موقف رکھا۔

مسٹر مہتا کے یہ کہنے کے بعد کہ حکومت تفصیلی حلف نامہ پیش کرے گی، عدالت نے معاملے کی سماعت دو ہفتہ کے لئے ملتوی کردی۔

وزیر اعلیٰ نتیش کمار کی صدارت میں سموار کو کرائس مینجمنٹ گروپ (سی ایم جی) کی میٹنگ میں بہار میں ایک بار پھر لاک ڈاؤن کو تیسری مرتبہ 8 جون 2021 تک بڑھانے کا فیصلہ لیا گیا ہے۔ اجلاس کے بعد وزیراعلیٰ نتیش کمار نے خود ٹوئٹر پر ٹویٹ کر کے اس کی جانکاری دی۔

پٹنہ: بہار میں پابندی اور تحمل کی وجہ سے کورونا انفیکشن کے معاملے میں آئی کمی کے پیش نظر ریاستی حکومت نے ایک بار پھر لاک ڈاﺅن کی مدت کو سات دنوں کیلئے بڑھا دیا ہے۔ لیکن اس بار 25 فیصد حاضری کے ساتھ سرکاری دفاتر اور ایک دن بیچ کر کے سبھی دکانوں اور اداروں کو کھولنے کی اجازت دی گئی ہے، جبکہ دیگر پابندیاں حسب سابق رہیں گی۔

وزیر اعلیٰ نتیش کمار کی صدارت میں سموار کو کرائس مینجمنٹ گروپ (سی ایم جی) کی میٹنگ میں  ریاست میں جاری لاک ڈاﺅن کو تیسری مرتبہ 8 جون 2021 تک بڑھانے کا فیصلہ لیا گیا ہے۔ اجلاس کے بعد وزیراعلیٰ نتیش کمار نے خود ٹوئٹر پر ٹویٹ کر کے اس کی جانکاری دی۔

कोरोना संक्रमण को देखते हुए लॉकडाउन को एक सप्ताह अर्थात 8 जून, 2021 तक बढ़ाने का निर्णय लिया गया है। परन्तु व्यापार के लिए अतिरिक्त छूट दी जा रही है।
सभी लोग मास्क पहनें और सामाजिक दूरी बनाए रखें।

— Nitish Kumar (@NitishKumar) May 31, 2021

بعد میں چیف سکریٹری تری پوراری شرن، ڈیولپمنٹ کمشنر عامرسبحانی، پولیس ڈائریکٹر جنرل ایس کے سنگھل، ایڈیشنل چیف سکریٹری چیتنیہ پرساد، صحت اور آفات منیجمنٹ محکمہ کے ایڈیشنل چیف سکریٹری پرتیہ امرت نے مشترکہ پریس کانفرنس میں کہا کہ اس بار لاک ڈاﺅن کے دوران کچھ رعایتیں دی گئی ہیں۔ انہوں نے کہا کہ سبھی سرکاری دفاتر اب 25 فیصد حاضری کے ساتھ سہ پہر چار بجے تک کھلیں گے لیکن غیر سرکاری دفاتر ابھی بند رہیں گے۔ اسی طرح اب سبھی دکانیں اور ادارے ایک دن بیچ کر کے صبح چھ بجے سے دو پہر دو بجے تک کھل سکیں گے۔ کون سے گروپ کی دکانیں کس دن کھلیں گی یہ متعلقہ ضلع مجسٹریٹ طے کریں گے۔

مسٹر شرن نے کہا کہ کھاد، جراثیم کش ادویہ اور زرعی آلات سے متعلق دکانیں اور ادارے اور ضروری کھانے کی اشیاء، پھل اور سبزی، گوشت، مچھلی، دودھ اور عوامی نظام تقسیم کی دکانیں صبح چھ بجے سے دو پہر دو بجے تک کھلیں گی۔ اس دوران ماسک، سنیٹائزر اور سوشل ڈسٹنسنگ کے ضوابط پر عمل کرنا لازمی ہوگا۔ انہوں نے بتایاکہ دیگر پابندیوں میں کسی طرح کی کوئی نرمی نہیں برتی گئی ہے۔ سبھی پابندیاں لاک ڈاﺅن کے پچھلے رہنماء اصول کے مطابق رہیں گی۔

چیف سیکریٹری کے تبادلے پر بنگال حکومت اور مرکزی حکومت کے مابین جاری تنازع کے درمیان وزیراعظم نریندر مودی کو خط لکھتے ہوئے ممتا بنرجی نے اپیل کی ہے کہ چیف سیکریٹری الاپن بندو پادھیائے کو دہلی طلب کرنے کے فیصلے پر نظر ثانی کی جائے۔ ممتا بنرجی کے خط پر اب تک مرکزی حکومت کی طرف سے کوئی جواب نہیں آیا ہے۔

کلکتہ: چیف سیکریٹری کے تبادلے پر بنگال حکومت اور مرکزی حکومت کے مابین جاری تنازع کے درمیان وزیراعظم نریندر مودی کو خط لکھتے ہوئے ممتا بنرجی نے اپیل کی ہے کہ چیف سیکریٹری الاپن بندو پادھیائے کو دہلی طلب کرنے کے فیصلے پر نظر ثانی کی جائے۔ کیوں کہ ان کی مدت ملازمت میں تین مہینے کی توسیع بنگال حکومت کی درخواست پر کی گئی ہے۔ مگر اس کے باوجود مرکزی حکومت انہیں اچانک دہلی طلب کیا ہے۔

خیال رہے کہ 28 مئی کو یاس طوفان کے بعد وزیرا عظم نریندر مودی کے دورے کے دوران ممتا بنرجی اور وزیر اعظم کے درمیان ملاقات کو لے کر تنازع شروع ہونے کے بعد دیر رات مرکزی حکومت نے چیف سیکریٹری الاپن بندو پادھیائے جن کی مدت ملازمت 31 مئی کو ختم ہو رہی تھی۔ کو اچانک 31 مارچ رپورٹ کرنے کو کہا گیا تھا۔ مگر چیف سیکریٹری کو بنگال حکومت نے ریلیز نہیں کرنے کا فیصلہ کیا ہے۔ آج وہ کلکتہ میں ہی ہیں۔

ممتا بنرجی کے خط پر اب تک مرکزی حکومت کی طرف سے کوئی جواب نہیں آیا ہے۔

ممتا بنرجی نے کئی صفحات پر مشتمل خط پر وزیر اعظم کو لکھا ہے کہ کورونا وائرس کی صورت حال کی وجہ سے ہم نے چیف سیکریٹری الاپن بندو پادھیائے کی مدت ملازمت میں تین ماہ کی توسیع کی اپیل کی تھی۔ جسے مرکزی حکومت نے منظور کرلیا تھا مگر اب اچانک انہیں دہلی طلب کیا جارہاہے۔ ممتا بنرجی نے لکھا ہے کہ بنگال کے عوام مشکل ترین وقت سے گزررہی ہے۔ کورونا وبا کے ساتھ ساتھ اس وقت یاس طوفان کی وجہ سے کئی علاقے برباد ہوگئے ہیں۔ ممتا بنرجی نے وزیر اعظم کی اپیل کی ہے کہ بنگال کے عوام کے مفادات کےلئے اس فیصلے پر نظرثانی کی جائے۔ الاپن بندو پادھیائے جیسے سینئر و تجربہ کار بیوروکریٹ کی بنگال کے عوام کوضرورت ہے۔

مرکز کا ریاستی حکومت سے رابطہ کئے بغیر یک طرفہ فیصلہ غیر آئینی

اس سے قبل وزیر اعلی ممتا بنرجی نے مرکزی حکومت کے اس قدم کو غیر آئینی قراردیتے ہوئے کہا تھا کہ مرکز نے ریاستی حکومت سے رابطہ کئے بغیر یک طرفہ فیصلہ کیا گیا ہے۔

ممتا بنرجی نے اپنے خط میں ائیر فورسیس کے ہوائی اڈہ کالائیکونڈا میٹنگ کا ذکر کرتے ہوئے لکھا ہے کہ مجھے امید ہے کہ چیف سیکریٹری کے تبادلےکی وجہ میری اور آپ کی کلائیکونڈا میٹنگ نہیں ہونی چاہیے۔ اگر یہ بات ہے کہ تو یہ پھر بنگال کے عوام کے مفادات کو پامال کیا جارہا ہے۔  ممتا نے لکھا ہے کہ ہماری درخواست پر مدت ملازمت میں توسیع کے بعد ریاستی حکومت سے رابطہ اور مشورہ کئے بغیر ایسا فیصلہ کیوں کیا گیا؟ یہ مکمل طور پر ناقابل عمل ہے اور اس سے ملک بھر کے تمام آئی اے ایس افسران کے کام متاثر ہوں گے۔

ممتا بنرجی نے آج کے خط میں جارحانہ رویہ اختیار کئے بغیر طویل خط لکھا ہے۔ جب کہ سنیچر کو پریس کانفرنس کرکے ممتا بنرجی نے مرکزی حکومت اور بی جے پی پر سخت تنقید کرتے ہوئے کہا تھا کہ بی جے پی بنگال میں اپنی شکست کو ہضم نہیں کر پارہی ہے۔ ممتا بنرجی نے کہا تھا کہ مرکزی حکومت ملک بھر کے آئی اے ایس اور آئی پی ایس افسران کی توہین کررہی ہیں۔ انہوں نے وزیرا عظم کی میٹنگ میں بی جے پی کے ممبران اسمبلی کی موجودگی پر بھی سوال اٹھایا تھا۔

چیف سیکریٹری کو دہلی طلب کرنے کا فیصلہ انتقامی سیاست کا نتیجہ

خیال رہے کہ دیر رات اچانک چیف سیکریٹری کو دہلی طلب کئے جانے پر سابق بیورو کریٹس نے بھی سوال اٹھاتے ہوئے کہا کہ ریاستی حکومت سے مشورہ کیے بغیر ایسی ہدایات جاری کرنا غیر قانونی ہے۔ کانگریس اور بی جے پی کے وابستہ لیڈروں نے بھی اس پورے معاملے کو انتقامی سیاست کا نتیجہ قرار دیا ہے۔

اس سے قبل ممتا بنرجی نے کہا کہ چوں کہ چیف سیکریٹری بنگالی ہیں اس لئے ان کی توہین کی جارہی ہے۔ ممتا بنرجی نے کہا تھا کہ بنگال کے مفادات کے لئے میں وزیر اعظم کا پاؤں پکڑنے کو تیار ہوں۔ مگر بنگال کے وزیر اعلیٰ اور عوام کی توہین برداشت نہیں کرو ں گی۔

چیف سیکریٹری الاپن بندو پادھیائے جہاں کل نوبنو میں تھے آج بھی وہ دفتر پہنچے ہیں۔

سپریم کورٹ نے بارہویں بورڈ کے امتحانات منسوخ کرنے کے لئے سی بی ایس ای اور آئی سی ایس ای کی درخواست پر سماعت جمعرات تک ملتوی کردی ہے۔ مسٹر وینوگوپال نے بنچ کو بتایا کہ حکومت اگلے دو دنوں میں امتحان سے متعلق فیصلہ کرے گی، لہذا سماعت اس وقت تک ملتوی کردی جانی چاہئے۔

نئی دہلی: سپریم کورٹ نے سی بی ایس ای اور آئی سی ایس ای کے بارہویں بورڈ امتحانات منسوخ کرنے کی درخواست پر سماعت جمعرات تک ملتوی کردی ہے۔

جسٹس اے ایم کھانویلکر اور جسٹس دنیش مہیشوری کی تعطیلی بنچ نے پیر کو مختصر سماعت کے دوران اٹارنی جنرل کے کے وینوگوپال کی درخواست کو قبول کرتے ہوئے جمعرات کو اس پر غور کرنے کا فیصلہ کیا۔

مسٹر وینوگوپال نے بنچ کو بتایا کہ حکومت اگلے دو دنوں میں امتحان سے متعلق فیصلہ کرے گی، لہذا سماعت اس وقت تک ملتوی کردی جانی چاہئے۔ اس کے لئے عدالت نے مسٹر وینوگوپال کو بتایا کہ حکومت فیصلہ لے سکتی ہے لیکن اگر وہ گذشتہ سال کی پالیسی سے مختلف آرڈر پاس کرتی ہے تو اسے معقول وجوہات بتانی ہوں گی۔

عدالت نے کہا کہ درخواست گزاروں کو امید ہے کہ گذشتہ سال اپنائی گئی پالیسی پر عمل اس سال بھی کیا جانا چاہئے، لہذا اگر حکومت اس سے مختلف کررہی ہے تو اسے معقول وجوہات بتانی ہوں گی۔

عدالت محترمہ ممتا شرما کے ذریعہ دائر کردہ ایک پی آئی ایل کی سماعت کررہی ہے جس میں سی بی ایس ای اور آئی سی ایس ای کے 12 ویں بورڈ کے امتحانات منسوخ کرنے کی درخواست کی گئی ہے۔ درخواست گزار نے گذشتہ سال کے امتحانات نتائج پالیسی پر عمل کرتے ہوئے نتائج کے اعلان کی بھی درخواست کی ہے۔

امریکہ کے میامی شہر میں بندوق سے انجام دیے گئے فائرنگ کے واقعہ میں دو افراد کی موت اور 20 سے زائد زخمی ہوگئے۔

واشنگٹن: امریکہ کے شہر میامی میں فائرنگ کے واقعہ میں دو افراد کی موت اور 20 سے زائد زخمی ہوگئے۔

میامی ڈیڈ محکمہ پولیس کے ڈائریکٹر الفریڈو ’فریڈی‘ رمیریز نے اتوار کو یہ اطلاع دی۔

مسٹر رمیریز نے ٹویٹ کیا ’’بندوق سے انجام دیے گئے اس بزدلانہ تشدد میں دو افراد کی موت ہو گئی اور 20 سے زیادہ افراد زخمی ہو گئے ہیں۔ قاتلوں نے ہجوم پر اندھا دھند فائرنگ کردی۔ ہم انصاف کا مطالبہ کریں گے۔ سوگوار کنبوں کے تیئں میری تعزیت‘‘۔

I am at the scene of another targeted and cowardly act of gun violence, where over 20 victims were shot and 2 have sadly died. These are cold blooded murderers that shot indiscriminately into a crowd and we will seek justice. My deepest condolences to the family of the victims.

— Alfredo "Freddy" Ramirez III (@MDPD_Director) May 30, 2021

این بی سی میامی نشریاتی ادارے کے مطابق اتوار کی صبح ایل مولا بینکٹ ہال کے باہر فائرنگ کی گئی۔

پٹرول اور ڈیزل کی قیمتوں میں پیر کے روز ایک بار پھر اضافہ کیا گیا۔ قومی دارالحکومت دہلی میں پٹرول 29 پیسے اضافے کے ساتھ 94.23 روپے اور ڈیزل 28 پیسے بڑھ کر 85.15 روپے فی لیٹر پر ہوگیا۔ گزشتہ کئی دنوں سے ان کی قیمتیں ہر دن اضافے کے ساتھ نئے ریکارڈ بنا رہی ہیں۔

نئی دہلی: پٹرول اور ڈیزل کی قیمتوں میں پیر کے روز ایک بار پھر اضافہ کیا گیا۔ مئی میں ان کی قیمتوں میں 16 دن اضافہ کیا گیا جس کی وجہ سے دہلی میں پٹرول 3.87 روپے اور ڈیزل 4.42 روپے مہنگا ہوگیا۔

معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق دہلی سمیت ملک کے چار بڑے شہروں میں آج پٹرول کی قیمت میں 29 پیسے اور ڈیزل کی قیمت میں 28 پیسے کا اضافہ ہوا۔ قومی دارالحکومت دہلی میں پٹرول 29 پیسے اضافے کے ساتھ 94.23 روپے اور ڈیزل 28 پیسے بڑھ کر 85.15 روپے فی لیٹر پر ہوگیا۔ گزشتہ کئی دنوں سے ان کی قیمتیں ہر دن اضافے کے ساتھ نئے ریکارڈ بنا رہی ہیں۔

ممبئی میں پٹرول اور ڈیزل کی قیمتوں میں 28-28 پیسے کا اضافہ ہوا ہے۔ ایک لیٹر پٹرول کی قیمت 100.47 روپے اور ڈیزل 92.45 روپے فی لیٹر ہوگئی۔ چنئی میں ان کی قیمتوں میں 25-25 پیسے کا اضافہ ہوا اور پٹرول 95.76 روپے اور ڈیزل 89.90 روپے فی لیٹر فروخت ہوا۔

کولکاتہ میں پٹرول 28 پیسے مہنگا ہوکر 94.25 روپے اور ڈیزل 26 پیسے اضافے کے ساتھ 88 روپے فی لیٹر پہنچ گیا۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر، ہر روز صبح چھ بجے سے نئی قیمتوں کا اطلاق ہوتا ہے۔

ملک کے چار میٹرو شہروں میں پٹرول اور ڈیزل کی قیمتیں کچھ اس طرح رہیں:

شہر _____ پٹرول _____ ڈیزل

دہلی ____    94.23 ____  85.15
ممبئی ____  100.47 ____ 92.45
چنئی ____  95.76 ____   89.90
کولکتہ ___  94.25 ____   88.00

اسے بھی پڑھیں:

مودی سرکار مسلسل پٹرول-ڈیزل کی قیمتوں میں اضافہ کرکے لوگوں کو مشکلات میں ڈال رہی ہے: گہلوت

راجستھان کے وزیراعلیٰ اشوک گہلوت نے کہا کہ بین الاقوامی بازار میں کچے تیل کی قیمت کم ہونے کے باوجود پٹرول ڈیزل کی قیمت مسلسل بڑھ رہی ہے۔ متعدد ریاستوں میں پٹرول کی قیمت سو روپے لیٹر سے زیادہ ہوگئی ہے۔ ایک طرف عام آدمی کووڈ اور آمدنی کم ہونے سے پریشان ہے وہیں مودی حکومت مہنگائی سے اس کے لئے مشکل پیدا کررہی ہے۔

جئے پور: راجستھان کے وزیراعلیٰ اشوک گہلوت نے مرکز کی مودی حکومت پر مہنگائی بڑھانے کا الزام عائد کرتے ہوئے کہا کہ وہ عالمی وبا کورونا میں پٹرول ڈیزل کی قیمتوں میں مسلسل اضافہ کرکے لوگوں کو مشکل میں ڈال رہی ہے۔

مسٹر گہلوت نے سوشل میڈیا کے ذریعہ آج یہ بات کہی۔ انہوں نے کہا کہ بین الاقوامی بازار میں کچے تیل کی قیمت کم ہونے کے باوجود پٹرول اور ڈیزل کی قیمت مسلسل بڑھ رہی ہے۔ متعدد ریاستوں میں پٹرول کی قیمت سو روپے لیٹر سے زیادہ ہوگئی ہے، ایک طرف عام آدمی کووڈ اور آمدنی کم ہونے سے پریشان ہے وہیں مودی حکومت مہنگائی سے اس کے لئے مشکل پیدا کررہی ہے۔

انہوں نے کہا کہ مرکزی حکومت پٹرول اور ڈیزل پر ایکسائز ڈیوٹی کو لگاتار کم کررہی ہے جس میں ریاستوں کو حصہ ملتا تھا لیکن اسپیشل ایکسائز ڈیوٹی اور ایڈیشنل ایکسائز ڈیوٹی لگاکر اپنی جیب بھر رہی ہے۔ مرکزی حکومت کی ایک تہائی کمائی پٹرول-ڈیزل کے ٹیکس سے ہورہی ہے۔

انہوں نے کہا کہ جب مرکزی حکومت کو پٹرول-ڈیزل پر ٹیکس کم کرکے عام آدمی کو راحت دینی چاہیے تھی تب اس سال کے بجٹ میں ان پر ایک نیا ٹیکس لگادیا۔ اس سے ٹرانسپورٹیشن چارج بڑھ گئے ہیں جس سے ابھی چیزوں پر مہنگائی بڑھ رہی ہے۔ عام آدمی مودی حکومت کے ذریعہ بنے گئے اس مہنگائی کے جال سے بری طرح تنگ آچکا ہے۔