وزیر اعلیٰ نے پنجابی زبان میں ٹویٹ کیا کہ وہ ان تمام لوگوں سے اپیل کرتے ہیں جو سرکاری اور پنچایت کی زمینوں پر ناجائز قبضہ کر رہے ہیں، خواہ وہ سیاست دان ہوں، افسران ہوں یا بااثر لوگ، 31 مئی تک ان زمینوں پر قبضہ چھوڑ کر حکومت کو زمین واپس کر دیں

چنڈی گڑھ: پنجاب کے وزیر اعلی بھگونت مان نے بدھ کے روز سرکاری اور پنچایتی زمینوں پر غیر قانونی قبضہ کرنے والوں کو 31 مئی تک اپنا قبضہ چھوڑنے کی تنبیہ کرتے ہوئے کہا کہ زمین واپس نہ کرنے پر مقدمات درج کیے جا سکتے ہیں۔

وزیر اعلیٰ نے پنجابی زبان میں ٹویٹ کیا کہ وہ ان تمام لوگوں سے اپیل کرتے ہیں جو سرکاری اور پنچایت کی زمینوں پر ناجائز قبضہ کر رہے ہیں، خواہ وہ سیاست دان ہوں، افسران ہوں یا بااثر لوگ، 31 مئی تک ان زمینوں پر قبضہ چھوڑ کر حکومت کو زمین واپس کر دیں۔ ورنہ پرانے خرچے اور نئے پرچے ڈالے جا سکتے ہیں۔

ਜਿਹੜੇ ਵਿਅਕਤੀਆਂ ਨੇ ਸਰਕਾਰੀ ਜਾਂ ਪੰਚਾਇਤੀ ਜ਼ਮੀਨਾਂ ਤੇ ਨਾਜਇਜ਼ ਕਬਜ਼ੇ ਕੀਤੇ ਹੋਏ ਨੇ ਭਾਂਵੇ ਓਹ ਰਾਜਨੀਤਕ ਲੋਕ ਨੇ ਜਾਂ ਅਫਸਰ ਨੇ ਜਾਂ ਫੇਰ ਕੋਈ ਰਸੂਖਦਾਰ ਲੋਕ ਨੇ..ਓਹਨਾਂ ਨੂੰ ਮੈਂ ਅਪੀਲ ਕਰਦਾ ਹਾਂ ਕਿ 31 ਮਈ ਤੱਕ ਆਪਣੇ ਨਜਾਇਜ਼ ਕਬਜ਼ੇ ਛੱਡ ਕੇ ਜ਼ਮੀਨਾਂ ਸਰਕਾਰ ਨੂੰ ਦੇ ਦੇਣ .ਨਹੀਂ ਤਾਂ ਪੁਰਾਣੇ ਖ਼ਰਚੇ ਅਤੇ ਨਵੇਂ ਪਰਚੇ ਪਾਏ ਜਾ ਸਕਦੇ ਨੇ

— Bhagwant Mann (@BhagwantMann) May 11, 2022

40 بلین ڈالر مالیت کا یوکرین فنڈنگ بل منگل کو امریکی صدر جو بائیڈن کی جانب سے 33 ارب ڈالر کے امدادی پیکج کی درخواست کے بعد منظور کیا گیا

واشنگٹن: امریکی پارلیمنٹ کے ایوان زیریں ہاؤس آف ری پریزینٹیٹیو نے یوکرین کے لیے تقریباً 40 بلین ڈالر مالیت کا یوکرین فنڈنگ ​​بل منظور کیا ہے۔

یہ بل منگل کو امریکی صدر جو بائیڈن کی جانب سے 33 ارب ڈالر کے امدادی پیکج کی درخواست کے بعد منظور کیا گیا۔ ایوان نے بل کے حق میں 368 اور مخالفت میں 57 ووٹ ڈالے جس کے بعد ایڈیشنل یوکرین سپلیمنٹری اپروپریشنز ایکٹ 2022 کو قانونی شکل دے دی گئی۔

بل کی منظوری کے بعد اسپیکر نینسی پیلوسی نے ڈیموکریٹس کو خط لکھا ’’یہ پیکج یوکرین کو نہ صرف اپنی قوم بلکہ دنیا کے لیے جمہوریت کے تحفظ میں مدد فراہم کرے گا‘‘۔

اس کے بعد وائٹ ہاؤس کی پریس سیکریٹری جین ساکی نے اس قدم پر ایوان کا شکریہ ادا کیا۔

انہوں نے کہا ’’ہمارے اتحادیوں اور شراکت داروں کے تعاون سے آج تک ہماری مدد، یوکرین کے لوگوں کو کیف کی جنگ جیتنے اور ان کی آزادی کے دفاع میں مدد فراہم کرنے میں اہم کردار ادا کرتی رہی ہے‘‘۔

انہوں نے کہا کہ اس بل میں شامل اضافی وسائل ہمیں مزید توپ خانے، بکتر بند گاڑیاں اور ہتھیار بشمول گولہ بارود یوکرین بھیجنے کی اجازت دیں گے۔

واضح رہے کہ صدر نے پیر کو ایوان سے اس بل کو جلد سے جلد منظور کرنے کی اپیل کی تھی۔

سبز نشانات کے ساتھ شیئر بازار میں مڈ کیپ اور اسمال کیپ نے بھی اضافہ درج کرایا۔ بی ایس ای مڈ کیپ 89.58 پوائنٹس بڑھ کر 22,332.34 پر اور سمال کیپ 41.37 پوائنٹس بڑھ کر 26,119.95 پر کھلا

ممبئی: شیئر بازار نے بدھ کو تیزی کے ساتھ کاروبار کی شروعات کی اور بمبئی اسٹاک ایکسچینج (بی ایس ای) کا سینسیکس 180.06 پوائنٹس کے اضافے کے ساتھ 54544.91 پر کھلا، جب کہ نیشنل اسٹاک ایکسچینج (این ایس ای) کے نفٹی نے 30 پوائنٹس کے اضافے کے ساتھ 16270.05 پوائنٹس پر دستک ہوئی۔

سبز نشانات کے ساتھ شیئر بازار میں مڈ کیپ اور اسمال کیپ نے بھی اضافہ درج کرایا۔ بی ایس ای مڈ کیپ 89.58 پوائنٹس بڑھ کر 22,332.34 پر اور سمال کیپ 41.37 پوائنٹس بڑھ کر 26,119.95 پر کھلا۔

منگل کو بی ایس ای کا 30 حصص والا حساس انڈیکس سینسیکس 105.82 پوائنٹس کی کمی سے 54364.85 پوائنٹس پر اور نیشنل اسٹاک ایکسچینج (این ایس ای) کا نفٹی 94.70 پوائنٹس کی کمی کے ساتھ 16207.15 پوائنٹس پر بند ہوا تھا۔

یوکرین کے معاملے پر روس کے ساتھ بات چیت کا ایک چینل برقرار رکھنا ضروری ہے، فرانسیسی وزیر نے یہ خدشہ بھی ظاہر کیا کہ یوکرین میں جنگ طویل عرصے تک جاری رہے گی

پیرس: فرانس نے کہا ہے کہ یوکرین کے معاملے پر روس کے ساتھ بات چیت کا ایک چینل برقرار رکھنا ضروری ہے۔

یہ پوچھے جانے پر کہ کیا فرانس کو پوتن کے ساتھ بات چیت جاری رکھنی چاہیے، وزیر خارجہ ژاں یوس لی ڈریان نے بی ایف ایم ٹی وی چینل پر کہا، "مذاکرات کا ایک چینل (روسی صدر ولادیمیر پوتن کے ساتھ) کو برقرار رکھنا ضروری ہے۔ صدر میکرون بالکل یہی کرنے کی کوشش کر رہے ہیں … اس میں یوکرین کے صدر ولادیمیر زیلنسکی کی درخواست بھی شامل ہے۔ مسٹر پوتن مسٹر زیلنسکی سے بات نہیں کرنا چاہتے۔

فرانسیسی وزیر نے یہ خدشہ بھی ظاہر کیا کہ یوکرین میں جنگ طویل عرصے تک جاری رہے گی۔ انہوں نے اس بات سے بھی انکار نہیں کیا کہ یہ جنگ برسوں تک جاری رہ سکتی ہے۔

مسٹر میکرون اور مسٹر پوتن کے درمیان آخری ٹیلی فونک بات چیت 3 مئی کو ہوئی تھی۔ فرانسیسی میڈیا کے مطابق یہ گفتگو دو گھنٹے 10 منٹ تک جاری رہی۔

سرخ نشان کے ساتھ اوپن اسٹاک مارکیٹ میں مڈ کیپ میں اضافہ اور اسمال کیپ میں گراوٹ دیکھی گئی

ممبئی: گزشتہ روز کی طرح منگل کو بھی اسٹاک مارکیٹ نے مندی کے ساتھ کاروبار کا آغاز کیا اور بمبئ اسٹاک ایکسچینج (بی ایس ای) کا سینسیکس 161.36 پوائنٹس کی گراوٹ کے ساتھ 54،309.31 پوائنٹس پر کھلا، جب کہ نیشنل اسٹاک ایکسچینج ( این ایس ای) کا نفٹی بھی 52.95 پوائنٹس کے دباؤ کے ساتھ 16,248.90 پوائنٹس پرشروع ہوا۔

سرخ نشان کے ساتھ اوپن اسٹاک مارکیٹ میں مڈ کیپ میں اضافہ اور اسمال کیپ میں گراوٹ دیکھی گئی۔ بی ایس ای مڈ کیپ 26.26 پوائنٹس بڑھ کر 22,718.44 پوائنٹس اور اسمال کیپ 15.61 پوائنٹس کی کمی کے ساتھ 26,625.60 پر کھلا۔

بی ایس ای کا 30 حصص والا انڈیکس پیر کو 364.91 پوائنٹس گر کر 54470.67 پوائنٹس کی دو ماہ کی کم ترین سطح پر آگیا۔ اس سے پہلے 8 مارچ کو یہ 54,647.33 پوائنٹس پر تھا۔ اسی طرح نیشنل اسٹاک ایکسچینج (این ایس ای) کا نفٹی بھی 109.40 پوائنٹس کی کمی کے ساتھ 16301.85 پوائنٹس پر رہا تھا۔

کجریوال نے آج ایک ٹویٹ میں کہا، "موہالی دھماکہ ان لوگوں کی بزدلانہ کارروائی ہے جو پنجاب کے امن و مان کو خراب کرنا چاہتے ہیں

نئی دہلی: دہلی کے وزیر اعلی اروند کیجریوال نے پنجاب کے موہالی میں دھماکے کو ایسے لوگوں کی بزدلانہ کارروائی قرار دیا ہے جو ریاست میں امن و امان کو خراب کرنا چاہتے ہیں۔

کجریوال نے آج ایک ٹویٹ میں کہا، "موہالی دھماکہ ان لوگوں کی بزدلانہ کارروائی ہے جو پنجاب کے امن و مان کو خراب کرنا چاہتے ہیں۔ عام آدمی پارٹی کی پنجاب حکومت ان لوگوں کے منصوبوں کو کبھی پورا نہیں ہونے دے گی۔ پنجاب کے سبھی لوگوں کے تعاون سے ہر حال میں امن قائم کیا جائے گا اور مجرموں کو کڑی سے کڑی سزا دی جائے گی۔

मोहाली ब्लास्ट उन लोगों की कायराना हरकत है जो पंजाब की शांति भंग करना चाहते हैं। आम आदमी पार्टी की पंजाब सरकार उन लोगों के मंसूबे पूरे नहीं होने देगी। पंजाब के सब लोगों के साथ मिलके हर हालत में शांति क़ायम रखी जाएगी और दोषियों को कड़ी से कड़ी सज़ा दिलवाई जाएगी। https://t.co/h6x3I5iSe4

— Arvind Kejriwal (@ArvindKejriwal) May 10, 2022

پنجاب کے وزیر اعلی بھگونت مان نے کہا ’’پولیس موہالی میں ہونے والے دھماکے کی تحقیقات کر رہی ہے۔ جس نے بھی ہمارے پنجاب کا ماحول خراب کرنے کی کوشش کی ہے اسے بخشا نہیں جائے گا‘‘۔

قابل ذکر ہے کہ دھماکہ پیر کی رات پنجاب پولیس کے موہالی میں انٹیلی جنس ڈپارٹمنٹ کے ہیڈ کوارٹر میں ہوا تھا۔ اس دھماکہ میں کوئی بڑا نقصان نہیں ہوا ہے۔ دھماکہ کے بعد پنجاب پولیس نے گردونواح میں سکیورٹی سخت کردی گئی ہے۔

یوروپی یونین کی صدر ارسولا وان ڈیر لیین نے اعلان کیا کہ یورپی یونین کی ایگزیکٹیو جون میں یوکرین کی رکنیت کے بارے میں اپنی ابتدائی رپورٹ شائع کرے گی

پیرس: فرانس کے صدر امانوئل میکرون نے کہا ہے کہ یوکرین کو یورپی یونین میں شامل ہونے سے پہلے کئی دہائیوں تک انتظار کرنا پڑے گا۔

مسٹر میکرون نے یہ بات اسٹراسبرگ میں یوروپی یونین کی پارلیمنٹ سے خطاب کرتے ہوئے کہی۔ انہوں نے تجویز پیش کی کہ یوکرین ایک متوازی یوروپی برادری میں شامل ہو سکتا ہے۔

قابل غور ہے کہ یوکرین میں روسی فوجی کارروائی کے صرف چار دن بعد یوکرین نے یوروپی یونین میں شمولیت کے لیے درخواست دینے کا عمل شروع کر دیا تھا۔

صدر میکرون کے مطابق یوکرین کی درخواست کو یوروپی برادری کے متوازی سمجھا جانا چاہیے۔

انہوں نے کہا کہ یہ ان ممالک کو جوڑنے کا ایک طریقہ ہو گا جو جغرافیائی طور پر یوروپ میں ہیں اور ہماری اقدار کا اشتراک کریں گے۔

یوروپی یونین کی صدر ارسولا وان ڈیر لیین نے اعلان کیا کہ یوروپی یونین کی ایگزیکٹیو جون میں یوکرین کی رکنیت کے بارے میں اپنی ابتدائی رپورٹ شائع کرے گی۔

یوکرین کے حکام نے پیر کو تصدیق کی کہ یوکرین نے اپنی یوروپی یونین کی رکنیت کی درخواست کا دوسرا حصہ بروسیلز میں جمع کرایا ہے۔

شری رام سینا کے بانی پرمود متالک نے میسور ضلع کے مندر میں صبح 5 بجے لاؤڈ سپیکر پر ہنومان چالیسا کے پاٹھ کا افتتاح کیا

بنگلور: کرناٹک میں مساجد میں اذان کے لیے لاؤڈ سپیکر کے استعمال کے خلاف پیر کو ریاست بھر کے ایک ہزار سے زیادہ مندروں میں صبح 5.30 بجے سے صبح 6.00 بجے تک ہنومان چالیسا کا پاٹھ کیا گیا اور سو پربھات بھجن گائے گئے۔

بنگلور، میسور، منڈیا، بیلگام، دھارواڑ، ہبلی، کلبرگی اور ریاست بھر کے دیگر مقامات پر مندروں میں شری رام سینا اور دیگر ہندو گروپوں کے تعاون سے ہنومان چالیسا کا پاٹھ کیا گیا۔

شری رام سینا کے بانی پرمود متالک نے میسور ضلع کے مندر میں صبح 5 بجے لاؤڈ سپیکر پر ہنومان چالیسا کے پاٹھ کا افتتاح کیا۔

اس کے بعد 6 بجے متالک نے نامہ نگاروں سے کہا کہ اگر ریاستی حکومت مساجد میں لاؤڈ سپیکر کے استعمال کے خلاف کارروائی نہیں کرتی ہے تو ہندو کارکن آنے والے دنوں میں ہنومان چالیسا کا ورد تیز کردیں گے۔

یہ اعداد و شمار حکومت کی جانب سے رواں ہفتے جاری کیے گئے ہیں، جس سے ظاہر ہوتا ہے کہ بھارت میں اب تمام مذاہب کی خواتین پہلے کے مقابلے میں کم بچوں کو جنم دے رہی ہیں

این ایف ایچ ایس سروے کے مطابق اب تمام مذاہب کے لوگ پہلے کے مقابلے میں کم بچے پیدا کرنا چاہتے ہیں۔ تاہم مسلمانوں کی شرح پیدائش میں سب سے تیزی سے کمی دیکھی گئی ہے جبکہ یہ دیگر مذاہب سے زیادہ ہے۔

2015-16 میں کئے گئے چوتھے نیشنل فیملی ہیلتھ سروے اور 2019-20 میں چوتھے NFHS سروے کے درمیان شرح پیدائش میں نمایاں فرق رہا ہے۔ یہ اعداد و شمار حکومت کی جانب سے رواں ہفتے جاری کیے گئے ہیں، جس سے ظاہر ہوتا ہے کہ بھارت میں اب تمام مذاہب کی خواتین پہلے کے مقابلے میں کم بچوں کو جنم دے رہی ہیں۔ ملک میں شرح پیدائش مسلسل کم ہو رہی ہے۔ ایک عورت اپنی زندگی میں جتنے بچے کو جنم دیتی ہے اس کے اوسط تعداد کو شرح پیدائش کہتے ہیں۔

این ایف ایچ ایس سروے

پہلی بار یہ سروے 1992-93 میں کیا گیا تھا۔ اس کے بعد سے، شرح پیدائش میں 40 فیصد کمی آئی ہے۔ اس وقت شرح پیدائش 3.40 تھی اور اب یہ شرح 2.0 پر آ گئی ہے۔ یہ شرح متبادل کی سطح سے کم ہے۔ تبدیلی کی سطح وہ اوسط ہے جس پر آبادی مستحکم ہو جاتی ہے۔

نیشنل فیملی ہیلتھ سروے کے اعداد و شمار سے پتہ چلتا ہے کہ مسلمانوں کے علاوہ بڑی مذہبی برادریوں میں شرح پیدائش متبادل سطح سے نیچے گر گئی ہے۔ اس کے ساتھ ساتھ مسلمانوں میں شرح پیدائش کم ہونے کے باوجود یہ متبادل کی سطح سے اوپر ہے۔ NFHS اب تک پانچ بار سروے کر چکا ہے۔ ان تمام سالوں میں مسلمانوں کے ٹی آر ایف میں 46.5 فیصد اور ہندوؤں کی 41.2 فیصد کمی آئی ہے۔

مسلمانوں میں شرح پیدائش میں تیزی سے کمی

اعداد و شمار سے پتہ چلتا ہے کہ جس کمیونٹی کے لوگ پہلے زیادہ بچے پیدا کرتے تھے ان کی زرخیزی کی شرح میں گراوٹ بھی اسی طرح زیادہ تیزی سے آئی ہے۔ مسلم طبقہ میں سب سے زیادہ 9.9 فیصد کمی ریکارڈ کی گئی ہے۔ یہ 2.62 سے 2.36 پر آ گیا ہے۔

یہ بات بھی قابل غور ہے کہ ایک ہی کمیونٹی میں کئی بار مختلف ریاستوں میں شرح پیدائش میں فرق ہوتا ہے۔ اگر ہم اتر پردیش کی بات کریں تو ہندوؤں کی کل شرح پیدائش 2.29 فیصد ہے۔ اس کے ساتھ ہی، تمل ناڈو میں اس مذہبی گروپ کا 1.75 ٹی آر ایف ہے۔ اسی طرح یوپی میں مسلمانوں کا ٹی آر ایف 2.6 ہے، جب کہ تمل ناڈو میں یہ 1.93 ہے، جو کہ تبدیلی کی شرح سے کم ہے۔

زرخیزی کے اعداد و شمار سے یہ بھی پتہ چلتا ہے کہ بچوں کی تعداد کا براہ راست تعلق ماں کی تعلیم سے ہے۔ مسلمانوں میں 15 سے 49 سال کی عمر کی 31.49 فیصد خواتین ناخواندہ ہیں اور صرف 44 فیصد نے اسکول کی تعلیم مکمل کی ہے۔ ساتھ ہی ہندوؤں میں یہ تعداد 27.6 فیصد اور 53 فیصد ہے۔