گیان واپی مسجد معاملے کی ویڈیو گرافی کے فوٹیج میڈیا میں لیک ہونے کے بعد ہندو فریق نے عدالت کو یہ لفافے واپس کرنے کا فیصلہ کیا ہے

وارانسی: اترپردیش کے ضلع وارانسی میں واقع گیان واپی مسجد معاملے کی ویڈیو گرافی فوٹیج میڈیا میں لیک ہونے سے پیدا تنازع کے درمیان مدعی فریق کی چار خواتین نے ضلع عدالت کے ذریعہ انہیں فراہم کی گئی ویڈیو گرافی کی سی ڈی اور فوٹو واپس کرنے کے لئے منگل کو عدالت کا دروازہ کھٹکھٹایا۔

ہندو فریق کے یہ مدعین سیل بند لفافے لے کر ضلع عدالت پہنچی تھیں۔ ان کا کہنا تھا کہ سی ڈی اور فوٹو گراف والے یہ لفافے ابھی سیل بند ہیں۔ انہیں کھولا نہیں گیا ہے۔ ویڈیو گرافی کے فوٹیج میڈیا میں لیک ہونے کے بعد ہندو فریق نے عدالت کو یہ لفافے واپس کرنے کا فیصلہ کیا ہے۔

ہندو فریق کے وکیل سبھاش نندن چترویدی نے بتایا کہ ضلع جج وجئے کرشن وشویش نے اس درخواست پر 4 جولائی کو ہی سماعت کی بات کہی ہے۔ عدالت نے کہا کہ یہ سیل بند لفافوں کو مدعین اپنے پاس ہی رکھیں۔ اس درمیان ہندو فریق کے ایک مدعی راکھی سنگھ کی جانب سے عدالت میں منگل کو ایک عرضی داخل کی گئی جس میں ویڈیو گرافی سروے کی سی ڈی لیک ہونے کے معاملے کی جانچ سی بی آئی سے کرانے کا مطالبہ کیا گیا ہے۔

قابل ذکر ہے کہ ضلع عدالت نے پیر کو گیان واپی مسجد ویڈیو گرافی کی سی ڈی اور فوٹو گرافی ہندو فریق کے مدعین کو فراہم کرنے ساتھ ہی ان سے یہ حلف نامہ بھی لیا تھا کہ وہ اسے لیک نہیں کریں گے لیکن کچھ ہی وقت بعد ویڈیو گرافی کے فوٹیج چینلوں پر ترسیل ہونے لگے۔

عدالت عرضی پر 4 جولائی کو سماعت کرے گی

عدالت عرضی پر چار جولائی کو سماعت کرے گی۔ ضلع عدالت مسجد احاطے میں شرنگار گوری پوجا استھل پر درشن پوجن کرنے سے متعلق ہندو فریق کی عرضی کے جواز پر سماعت کررہی ہے۔ مسجد انتظامیہ کمیٹی نے کود آف سول پروسیزر آرڈر 07وصول 11کے تحت اس مقدمے پر سماعت نہ کرنے کی دلیل دی ہے۔ ان کا کہنا ہے کہ عبادت گاہوں سے متعلق 1991 کے قانون کے پیش نظر یہ سماعت کے قابل نہیں ہے۔

بی جے پی لیڈروں نے آدینہ مسجد کا دورہ کرکے دعویٰ کیا کہ آدیناتھ مندر کو منہدم کرکے اس مسجد کی تعمیر کی گئی تھی

کلکتہ: مالدہ ضلع کے پانڈوا میں واقع تاریخی ”آدینہ مسجد“ کو لے کر بی جے پی نے ایک نیا تنازع شروع کرتے ہوئے دعویٰ کیا ہے کہ یہ مسجد مندر کو منہدم کرکے تعمیر کیا گیا ہے۔ ذرائع نے بتایا کہ اتوار کو بی جے پی لیڈر رتیندر باسو، مقامی ممبر اسمبلی چن موئے دیو برمن اور کچھ دیگر بی جے پی لیڈروں نے مسجد کا دورہ کیا۔ اس کے بعد رتیندرا بوس نے سوشل میڈیا پر کچھ تصاویر پوسٹ کرکے یہ دعویٰ کیا کہ مسجد کی تعمیر لگے پتھر کے نقش و نگار سے واضح ہے کہ یہ مسجد آدیناتھ مندر کو منہدم کرکے تعمیر کیا گیا ہے۔

آدینہ مسجد مغربی بنگال کی سب سے بڑی مسجد ہے جو مالدہ ضلع کے گزول تھانے کے پانڈوا میں واقع ہے۔ آدینہ مسجد مالدہ ضلع کے سیاحتی مقامات میں سے ایک ہے۔ مختلف مذاہب کے لوگ یہاں آتے ہیں۔ مگر اب بی جے پی قیادت نے مسجد کو لے کر ایک نئے تنازع کو جنم دیدیا ہے۔ رتیندرا بوس نے مسجد کا دورہ کرنے کے بعد دعویٰ کیا کہ آدینہ مسجد کے فرش کے نیچے آدیناتھ مندر موجود ہے۔ جیتو سردار نے اس مندر کو بچانے کے لیے اپنی جان دے دی۔ یہ تاریخ بہت سے لوگوں کو معلوم نہیں ہے۔ وہ انگریزوں اور مسلم حکمرانوں سے مندر کی حفاظت کرتے ہوئے شہید ہو ئے تھے۔ جب میں نے کل مقامی ممبر اسمبلی شری چنموئے دیو برمن کے ساتھ آدینہ کے متنازع مقام کا دورہ کیا تو مجھے اس کے ثبوت مل گئے ہیں۔

آدینہ مسجد سلطان سکندر شاہ کے دور میں تعمیر کی گئی تھی

یہ مسجد بنگال سلطنت کے الیاس شاہی خاندان کے دوسرے سلطان سکندر شاہ کے دور میں تعمیر کی گئی تھی۔ یہ مسجد تاریخی شہر پانڈوا میں واقع ہے، جو بنگال سلطنت کا سابق دارالحکومت تھا۔ پانڈوا سلطنت کے دور میں ایک ترقی پذیر اور کاسموپولیٹن تجارتی مرکز تھا۔ دینا (فارسی میں جمعہ) مسجد پورے برصغیر کی سب سے بڑی مسجد تھی جب یہ 1374 میں مکمل ہوئی تھی۔ بادشاہ الیاس شاہ کا بیٹا سکندر شاہ تھا۔ 1342 میں، الیاس نے دہلی سلطنت سے آزادی کا اعلان کرنے کے بعد آزاد بنگال سلطنت (1342-1538) کے پہلے حکمران بنے۔

باپ بیٹے نے دہلی کے سلطان فیروز شاہ تغلق کی 1353 اور 1359 میں بنگال کو ضم کرنے کی فوجی مہمات کے خلاف کامیابی سے مزاحمت کی۔ امریکی مؤرخ رچرڈ ایٹن کے مطابق، سکندر نے اپنی بادشاہی کا کامیابی سے دفاع کرنے کے بعد بڑی ایک یادگار تعمیر کرکے اپنی طاقت کا مظاہرہ کیا۔ ایک جرمن مستشرق اور کلکتہ مدرسہ کے پرنسپل، ہنری فرڈینینڈ بلوچمین نے اپنی 1873 کی کتاب، Contributions to the Geography and History of Bengal میں بھی اس حقیقت کے طرف اشارہ کیا گیا ہے۔

مسجد کی بیرونی دیوار کے چند حصوں میں ہاتھیوں اور رقص کی شکلوں کی طرح نقش و نگار ہیں۔ مورخین نے اس سے متعلق لکھا ہے کہ ممکن ہے کہ معماروں نے قبل از اسلام بنائے گئے پتھروں کا استعمال کیا ہے یا مسجد پہلے سے موجود کھنڈر کی جگہ پر بنائی گئی ہے۔ مسجد پر لکھی تحریروں میں سکندر شاہ کو ”بلند سلطان” اور ”وفاداروں کا خلیفہ” قرار دیا گیا ہے۔ سلطان کو مکہ کی سمت دیوار کے ساتھ منسلک ایک مقبرے میں دفن کیا گیا تھا۔

پیر کو زیادہ تر کمپنیوں نے اسٹاک مارکیٹ میں سبز رنگ میں تجارت شروع کی

ممبئی: اسٹاک مارکیٹ میں پیر کو زیادہ تر کمپنیوں نے سبز رنگ میں کاروبار شروع کیا۔ بمبئی اسٹاک ایکسچینج (بی ایس ای) کا سینسیکس 623.09 پوائنٹس کے ساتھ 55,507.75 اور نیشنل اسٹاک ایکسچینج (این ایس ای) نفٹی 175.45 پوائنٹس کے اضافے کے ساتھ 16,527.90 پوائنٹس پر کھلا۔

مڈ کیپ اور اسمال کیپ میں بھی سبز نشانات کے ساتھ اوپن اسٹاک مارکیٹ میں اضافہ دیکھا گیا۔ بی ایس ای مڈ کیپ 226.91 پوائنٹس بڑھ کر 22,744.65 پوائنٹس اورا سمال کیپ 261.91 پوائنٹس بڑھ کر 25,883.48 پوائنٹس پر کھلا۔

بی ایس ای کا 30 حصص والا انڈیکس سینسیکس 632.13 پوائنٹس کے ساتھ 54,884.66 پوائنٹس پر اور نیشنل اسٹاک ایکسچینج (این ایس ای) کا نفٹی 182.30 پوائنٹس کی چھلانگ لگا کر 16,352.45 پر آگیا۔

پولیس کے ایک ترجمان نے بتایا کہ اتوار کی سہ پہر کو سیکورٹی فورسز نے پلوامہ کے گنڈی پورہ (پنگلنہ) گاوں کو محاصرے میں لے کر تلاشی آپریشن شروع کیا

سری نگر: جنوبی ضلع پلوامہ کے گنڈی پورہ (پنگلنہ) گاوں میں سیکورٹی فورسز اور دہشت گردوں کے مابین جاری جھڑپ میں ایک عدم شناخت ملی ٹینٹ مارا گیا ہے۔

پولیس کے ایک ترجمان نے بتایا کہ اتوار کی سہ پہر کو سیکورٹی فورسز نے پلوامہ کے گنڈی پورہ (پنگلنہ) گاوں کو محاصرے میں لے کر تلاشی آپریشن شروع کیا۔

#PulwamaEncounterUpdate: 01 #terrorist killed. #Operation in progress. Further details shall follow.@JmuKmrPolice https://t.co/uPJrX1vIXG

— Kashmir Zone Police (@KashmirPolice) May 30, 2022

انہوں نے کہا کہ سلامتی عملے کے اہلکار جوں ہی مشتبہ مقام کے نزدیک پہنچے تو وہاں پر موجود دہشت گردوں نے حفاظتی عملے پر اندھا دھند فائرنگ شروع کی۔

انہوں نے بتایا کہ سیکورٹی فورسز نے بھی پوزیشن سنبھال کر جوابی کارروائی کا آغاز کیا جس دوران کافی دیر تک دوبدو گولیوں کا تبادلہ جاری رہا۔

ذرائع نے بتایا کہ اندھیرا چھا جانے کے بعد سیکورٹی فورسز نے صبح تک آپریشن کو موخر کیا۔

معلوم ہوا ہے کہ پیر علی الصبح سیکورٹی فورسز اور دہشت گردوں کے مابین شدید گولیوں کا تبادلہ پھر شروع ہوا جس دوران ایک عدم شناخت ملی ٹینٹ مارا گیا جس کی شناخت اور تنظیمی وابستگی کے بارے میں جانچ پڑتال شروع کی گئی۔

ترجمان نے بتایا کہ گاوں میں آپریشن ہنوز جاری ہے۔

بتادیں کہ آئی جی کشمیر وجے کمار نے اتوار کی شام کو ایک ٹویٹ کے ذریعے جانکاری دیتے ہوئے بتایا کہ گنڈی پورہ (پنگلنہ) گاوں میں دو دہشت گرد محصور ہیں جن میں سے ایک پولیس کانسٹیبل کی ہلاکت میں براہ راست ملوث ہے۔

جومسوم کے درمیان ایک طیارہ نیپال میں چار ہندوستانیوں سمیت 22 لوگوں کے ساتھ لاپتہ ہوگیا ہے

کھٹمنڈو: پوکھرا سے جومسوم کے درمیان ایک طیارہ اتوار کو نیپال میں چار ہندوستانیوں سمیت 22 لوگوں کے ساتھ لاپتہ ہوگیا۔

مقامی اخبار’ ہمالیہ ٹائمز‘ کے مطابق تارا طیارے کے 9N-AET نے تین عملے، 13 نیپالی، چار ہندوستانی اور دو جرمن مسافروں کو لے کر پوکھرا سے صبح 9:55 بجے کے قریب اڑان بھری۔
طیارے کا ٹیک آف کے چند منٹ بعد رابطہ منقطع ہو گیا۔

’کھٹمنڈو پوسٹ‘ نے جومسوم ہوائی اڈے کے ایک ایئر ٹریفک کنٹرولر کے حوالے سے بتایا کہ ایک ہیلی کاپٹر کو ان علاقوں میں روانہ کر دیا گیا ہے جہاں طیارے سے آخری بار رابطہ ہوا تھا۔

معلومات کے مطابق طیارے سے آخری رابطہ ’لیٹے پاس‘ کے قریب ہی ہوا تھا۔

کملا ہیرس نے نفرت کی وبا کی مذمت کرتے ہوئے حملہ آور ہتھیاروں پر پابندی لگانے کی اپیل کی

واشنگٹن: امریکی نائب صدر کملا ہیرس نے نفرت کی وبا کی مذمت کرتے ہوئے حملہ آور ہتھیاروں پر پابندی لگانے کی اپیل کی ہے۔

محترمہ ہیرس نے یہ بات ٹیکساس کے ریاستی اسکول میں فائرنگ کے چند دن بعد ہفتے کے روز بفیلو میں ہوئی فائرنگ کے متاثرین میں سے ایک کی دیکھ بھال کے دوران یہ بات کہی۔ انہوں نے بفیلو، ٹیکساس، اٹلانٹا، اورلینڈو میں فائرنگ کے واقعات کا حوالہ دیا۔

بی بی سی کے مطابق محترمہ ہیرس 86 سالہ روتھ وٹ فیلڈ کی آخری رسومات میں موجود تھیں، جنہیں 14 مئی کو بفیلو کی ایک سپر مارکیٹ میں قتل کر دیا گیا تھا۔ انہوں نے کہا کہ یہ خاندان اس وقت جس درد کو محسوس کر رہا ہے اور نو دیگر خاندان بفیلو میں ہیں۔ میں بحیثیت قوم اجتماعی درد کا اظہار نہیں کر سکتی۔

نائب صدر نے حملہ آور ہتھیاروں کے سلسلے میں وہاں جمع بھیڑ سے پوچھا، کیا آپ جانتے ہیں کہ کس ہتھیار سے حملہ کرنا ہے۔ اسے ایک خاص مقصد کے لیے ڈیزائن کیا گیا تھا۔ حملہ کا ہتھیار جنگ کا ہتھیار ہے، سول سوسائٹی میں اس کی کوئی جگہ نہیں۔

قابل ذکر ہے کہ 18 سالہ طالب علم سلواڈور راموس نے ریاست ٹیکساس کے ایک اسکول میں 19 طلباء اور دو اساتذہ کو گولی مار کر ہلاک کر دیا تھا۔

شہباز شریف اپنے خلاف 16 ارب روپے کی منی لانڈرنگ کیس کے سلسلے میں ہفتہ کو خصوصی عدالت میں پیش ہوئے

اسلام آباد: پاکستان کے وزیر اعظم شہباز شریف اپنے خلاف 16 ارب روپے کی منی لانڈرنگ کیس کے سلسلے میں ہفتہ کو خصوصی عدالت میں پیش ہوئے۔

عدالت میں سماعت کے دوران شہباز شریف نے کہا کہ جب وہ وزیر اعلیٰ پنجاب تھے تو انہوں نے کوئی تنخواہ یا مراعات لینے سے انکار کیا تھا۔

عدالت میں کیس کی سماعت کے دوران وزیراعظم شہباز شریف کے صاحبزادے اور موجودہ وزیر اعلیٰ پنجاب حمزہ شہباز بھی عدالت میں موجود تھے۔ فیڈرل انویسٹی گیشن ایجنسی (ایف آئی اے) نے اس کیس میں ان کا نام بھی ان کے اہل خانہ سمیت رکھا ہے۔

یہ امر قابل ذکر ہے کہ گزشتہ ہفتے سماعت کے دوران خصوصی عدالت (سنٹرل ون) کے پریزائیڈنگ جج اعجاز حسن اعوان نے کیس میں ان کی عبوری ضمانت میں 28 مئی تک توسیع کی تھی۔ آج جب سماعت دوبارہ شروع ہوئی تو جج نے ایف آئی اے کے وکیل فاروق باجوہ سے کہا کہ شہباز شریف کے بیٹے سلیمان شہباز اور دیگر ملزمان کی گرفتاری سے متعلق ایجنسی کی رپورٹ میں متضاد بیانات ہیں۔ اس بار مسٹر باجوہ نے کہا کہ پتہ موجود ہے، لیکن مشتبہ شخص اس مقام پر نہیں ملا۔

جج نے پھر کہا کہ ایجنسی مسٹر سلیمان اور ایک اور مشتبہ طاہر نقوی کے بارے میں دیگر معمول کی تفصیلات بھی رپورٹ میں بتانے میں ناکام رہی۔

ایف آئی اے کے وکیل نے ایجنسی سے دوبارہ وارنٹ گرفتاری جاری کرنے اور تازہ ترین رپورٹ عدالت میں پیش کرنے کو کہا۔

عدالت نے وزیر اعظم شہباز اور ان کے صاحبزادے حمزہ کی عبوری ضمانت میں 4 جون تک توسیع کردی اور حمزہ کے وکیل کو آئندہ سماعت پر اپنے دلائل پیش کرنے کی ہدایت کرتے ہوئے سماعت ملتوی کر دی۔

ڈی جی سی اے نے ہفتہ کو کہا کہ انڈیگو کے اہلکاروں کا معذور بچے کے ساتھ برتاؤ اچھا نہیں تھا، جس سے وہاں کی صورتحال مزید بگڑ گئی

نئی دہلی: شہری ہوا بازی کے ڈائریکٹوریٹ جنرل (ڈی جی سی اے) نے جسمانی طور پر معذور بچے کو طیارے میں سوار ہونے کی اجازت نہ دینے پر ایئر لائن انڈیگو پر 5 لاکھ روپے کا جرمانہ عائد کیا ہے۔

ڈی جی سی اے نے ہفتہ کو کہا کہ انڈیگو کے اہلکاروں کا معذور بچے کے ساتھ برتاؤ اچھا نہیں تھا، جس سے وہاں کی صورتحال مزید بگڑ گئی۔ ان کا کہنا تھا کہ اور اگر معاملے کو ہمدردی سے دیکھا جاتا تو تناؤ کم ہوجاتا اور بچہ پرسکون ہوجاتا اور پھر اسے مسافروں کے ساتھ جہاز میں سوار ہونے سے روکنے کی ضرورت ہی نہ پڑتی۔

ایوی ایشن ریگولیٹر نے کہا کہ خصوصی حالات میں بہت محتاط اقدام کی ضرورت ہوتی ہے، لیکن اس ایئر لائن کا عملہ صورتحال کو سنبھالنے میں ناکام رہا اور شہری ہوابازی کے ضابطے کی تعمیل میں غلطیاں کیں۔ اس سے پہلے ڈی جی سی اے نے رانچی ہوائی اڈے پر 7 مئی کے اس واقعہ کے بارے میں انڈیگو کو وجہ بتاؤ نوٹس جاری کیا تھا۔ اس دن کے اس واقعے میں معذور بچے اور اس کے اہل خانہ کو طیارے میں سوار ہونے کی اجازت نہیں دی گئی۔

متعدی بیماری ’منکی پاکس‘ کے علامات چیچک کے علامات سے ملتے جلتے ہیں۔ متاثرہ شخص کو چار سے چھ دنوں کے بخار کے بعد جسم میں چیچک کے مانند دانے پڑنے لگتے ہیں

لکھنؤ: اترپردیش حکومت نے یوروپ اور امریکہ سمیت تمام دیگر ممالک میں متعدی بیماری ’منکی پاکس‘ کے بڑھتے معاملوں کو دیکھتے ہوئے ہفتہ کو ہر طرح کے احتیاط کا مظاہرہ کرنے کا الرٹ جاری کیا ہے۔

محکمہ صحت کی جانب سے سبھی میڈیکل اداروں کے لئے ایک ایڈوائزری جاری کی گئی ہے جس میں ہر سطح پر نگرانی رکھنے، خاص کر گذشتہ کچھ دنوں سے بیرون ممالک سے سفر کر کے لوٹے مسافروں کی شناخت کر کے ان پر نظر رکھنے کی ہدایت دی گئی ہے۔

اس میں مزید کہا گیا ہے کہ گذشتہ 20 مئی تک امریکہ، برطانیہ، کناڈا، آسٹریلیا اور یورپ کے کچھ ممالک میں منکی پاکس کے معاملے سامنے آئے تھے۔ حالانکہ ہندوستان میں ابھی تک اس کے ایک بھی معاملے کی تصدیق نہیں ہوئی ہے نہ ہی کہیں اس سے کسی کی موت کا معاملہ سامنے آیا ہے۔

ریاستی حکومت نے احتیاط کا مظاہرہ کرتے ہوئے گذشتہ 21 دنوں میں ان ممالک کا سفر کر کے یہاں پہنچے مسافروں کو اطلاع فورا میڈیکل سپرنٹنڈنٹ کو دینے اور ان پر خاص نظر رکھنے کو کہا ہے۔ حکومت نے ایڈوائزری میں منکی پاکس کے بارے میں مرکزی حکومت کی ہدایت پر عمل کرتے ہوئے کہا ہے کہ منکی پاکس کا انفیکشن جانوروں سے انسانوں اور انسانوں سے انسانوں میں پھیلتا ہے۔

اس کے علامات چیچک کے علامات سے ملتے جلتے ہیں۔ متاثرہ شخص کو چار سے چھ دنوں کے بخار کے بعد جسم میں چیچک کے مانند دانے پڑنے لگتے ہیں۔ ہدایت کے مطابق متاثرہ شخص کے لئے 07۔21 دن تک آئیسولیشن میں رکھنے اور متاثرہ شخص کے گذشتہ 21 دنوں میں رابطے میں آئے افراد کی شناخت کرکے کانٹیکٹ ٹریسنگ کو یقینی بنانے کو کہا گیا ہے۔

جمعہ کو لداخ کے ترتوک سیکٹر میں فوج کی گاڑی شیوک ندی میں گرنے سے سات فوجی ہلاک اور 19 دیگر زخمی ہو گئے

نئی دہلی: وزیر اعظم نریندر مودی نے لداخ میں ایک سڑک حادثے میں فوجی جوانوں کی موت پر افسوس کا اظہار کیا ہے۔

جمعہ کو ایک ٹویٹ پیغام میں، مسٹر مودی نے کہا، "لداخ میں فوجی گاڑی کے حادثے میں بہادر فوجی جوانوں کی موت سے دکھی ہوں۔ متاثرین کے اہل خانہ سے میری تعزیت۔ میں زخمی فوجیوں کی جلد صحت یابی کی دعا کرتا ہوں۔ متاثرین کی ہر ممکن مدد کی جا رہی ہے۔

Anguished by the bus accident in Ladakh in which we have lost our brave army personnel. My thoughts are with the bereaved families. I hope those injured recover at the earliest. All possible assistance is being given to the affected.

— Narendra Modi (@narendramodi) May 27, 2022

واضح رہے کہ جمعہ کو لداخ کے ترتوک سیکٹر میں فوج کی گاڑی شیوک ندی میں گرنے سے سات فوجی ہلاک اور 19 دیگر زخمی ہو گئے۔