وزیراعلیٰ نے کہا کہ کچھ لوگ پورے ملک کی تاریخ بدلنے کی کوشش کر رہے ہیں۔ اتنی بڑی آزادی کی جنگ لڑی گئی، اس کا علم نئی نسل کو ہونا چاہیے لیکن کچھ لوگ سب کچھ بدلنا چاہتے ہیں

پٹنہ: بہار کے وزیر اعلیٰ نتیش کمار نے بھارتیہ جنتا پارٹی (بی جے پی) کی قیادت والی مرکزی حکومت کا نام لیے بغیر اس پر پورے ملک کی تاریخ بدلنے کا الزام لگایا اور خبردار کیا کہ کچھ لوگوں نے نئی ٹیکنالوجی پر قبضہ کر لیا ہے۔ پرانی چیزوں کو ختم کیا جارہا ہے، اس لیے وہ پورے ملک کی اپوزیشن جماعتوں کو متحد کرنے میں مصروف ہیں۔

مسٹر کمار نے گورنر راجندر وشواناتھ ارلیکر کی موجودگی میں 1857 میں پہلی ہندوستانی جنگ آزادی کے عظیم ہیرو بابو ویر کنور سنگھ کے گھڑ سوار مجسمے پر پھول چڑھانے کے بعد نامہ نگاروں سے خطاب کیا، اس موقع پر منعقدہ ایک سرکاری تقریب میں بنگال کی وزیر اعلیٰ ممتا بنرجی سے ملاقات کے سوال پر کہا کہ وقت آنے پر سب بتا دیں گے۔ جب ہم سب سے ملیں گے تو آپ لوگوں کو سب کچھ بتا دیں گے۔ اب ایسا سوال کرنے کا کوئی فائدہ نہیں ہے۔ ہم زیادہ سے زیادہ اپوزیشن جماعتوں کو متحد کرنے میں مصروف ہیں۔ اپنے لیے کچھ نہیں چاہتے۔ ہماری کوئی ذاتی خواہش نہیں ہے۔ ہم پورے ملک کے لیے سوچ رہے ہیں۔

وزیراعلیٰ نے کہا کہ کچھ لوگ پورے ملک کی تاریخ بدلنے کی کوشش کر رہے ہیں۔ اتنی بڑی آزادی کی جنگ لڑی گئی، اس کا علم نئی نسل کو ہونا چاہیے لیکن کچھ لوگ سب کچھ بدلنا چاہتے ہیں۔ جب سب مل جل کر رہیں گے تو ملک محفوظ رہے گا۔ وہ اس کے لیے کام کر رہے ہیں۔ انہوں نے عوام کو آگاہ کیا کہ کچھ لوگوں نے نئی ٹیکنالوجی پر قبضہ کر لیا ہے، پرانی چیزوں کوختم کیا جارہا ہے۔ وہ ملک بھر کی اپوزیشن جماعتوں کو متحد کرنے میں مصروف ہیں۔ بہت سے لوگوں سے بات چیت ہوئی ہے، اب ہم کچھ اور لوگوں سے بات کریں گے۔

سیاست کو مٹی میں ملانے کے سوال پر مسٹر کمار نے کہا، ”جو لوگ ایسا کہہ رہے ہیں ان سے کہیں کہ مجھے مٹی میں ملا دیں۔ ہم اس طرح کبھی بات نہیں کرتے۔ جو ایسے الفاظ استعمال کرتا ہے تو سمجھ لیجیئےان میں عقل نہیں ہے۔ ایسے شخص جو دل میں آئے وہ بولے ۔ ہم سابق وزیر اعظم اٹل بہاری واجپئی جی کی کتنی تعریف کرتے ہیں۔

ویر کنور سنگھ وجے اتسو سے متعلق ایک سوال پر وزیر اعلیٰ نے کہا کہ ویر کنور سنگھ جی کا یہ پروگرام ہر سال منعقد کیا جاتا ہے۔ آج بھی لوگوں نے انہیں یہاں بلایا۔ ان لوگوں نے بابو ویر کنور سنگھ کا مجسمہ نصب کیا ہے، یہ بڑی خوشی کی بات ہے۔ انہوں نے کہا کہ سبھی جانتے ہیں کہ بابو ویر کنور سنگھ نے ملک کے لئے بہت بڑا تعاون کیا ہے۔

اس کے بعد مسٹر کمار نے کوآپریٹو لینڈ ڈیولپمنٹ بینک کمیٹی کے احاطے میں ہندوستانی جدوجہد آزادی کے عظیم ہیرو بابو ویر کنور سنگھ کے نئے تعمیر شدہ مجسمے کی نقاب کشائی کی۔ اس موقع پر نیشنل کوآپریٹیو ہاؤسنگ اسوسی ایشن کے صدر کم قانون ساز کونسلر وجے کمار سنگھ نے وزیر اعلیٰ کو پگڑی، لباس، پھولوں کے ہار پہنا کر اور تلوار اور نشان پیش کرکے ان کا استقبال کیا۔

اس موقع پر خزانہ، تجارتی ٹیکس اور پارلیمانی امور کے وزیر وجے کمار چودھری، خوراک اور صارفین کے تحفظ کے وزیر لیشی سنگھ، رکن پارلیمنٹ گردھاری یادو، ایم ایل اے چیتن آنند، نیشنل کوآپریٹو ہاؤسنگ ایسوسی ایشن کے صدر وجے کمار سنگھ، لینڈ ڈیولپمنٹ بینک کی صدر ممتا سنگھ، بہار ریاستی کوآپریٹیو ہاؤسنگ ایسوسی ایشن کے ڈائریکٹر رنجیت کمار جھا سمیت دیگر عوامی نمائندے، وزیر اعلیٰ کے سکریٹری انوپم کمار، پٹنہ ڈویژن کے کمشنر کمار روی، وزیر اعلیٰ کے خصوصی ڈیوٹی کے افسر گوپال سنگھ، پٹنہ کے ضلع مجسٹریٹ چندر شیکھر سنگھ، سینئر سپرنٹنڈنٹ آف پٹنہ۔ پولیس راجیو مشرا اور دیگر معززین موجود تھے۔

13 ممالک سے تعلق رکھنے والے فلکی علوم کے 25 ماہرین نے مشترکہ اعلامیہ جاری کیا ہے جس کے مطابق سعودی عرب میں رمضان المبارک 30 روز کا ہوگا جب کہ عید ہفتہ 22 اپریل کو ہوگی۔

نئی دہلی: عید کے چاند سے متعلق تذبذب جاری ہے، سعودی عرب میں عید کا چاند نظر نہیں آیا ہے جب کہ پاکستان میں بھی چاند نہ دیکھے جانے کی اطلاع ہے البتہ فیصلہ ابھی نہیں ہوا ہے، رویت ہلال کمیٹی کا اجلاس جاری ہے۔

ماہرین فلکیات کا کہنا ہے کہ سعودی عرب میں آج شام عید الفطر (شوال) کا چاند نظر آنا ممکن نہیں۔

13 ممالک سے تعلق رکھنے والے فلکی علوم کے 25 ماہرین نے مشترکہ اعلامیہ جاری کیا ہے جس کے مطابق سعودی عرب میں رمضان المبارک 30 روز کا ہوگا جب کہ عید ہفتہ 22 اپریل کو ہوگی۔

دوسری جانب ماہرین کا کہنا ہے کہ آج ہونے والے سورج گرہن کے دوران ہی نئے چاند کی پیدائش ہوئی ہے، چاند کی عمر کم ہونے کے باعث آج چاند نظر آنے کا امکان نہیں ہے۔

پیرامیٹرز کے مطابق پاکستان اور سعودی عرب میں عیدالفطر 22 اپریل کو ہوگی۔

لاہور میں شوال کا چاند نظر آنے کا وقت ختم، کوئی شہادت موصول نہ ہوئی۔ زونل کمیٹی کے مطابق لاہور میں چاند کے نظر آنے کا وقت 7:10 منٹ تک تھا، لاہور میں شوال کا چاند نظر نہیں آیا ۔

پنجاب بھر میں شوال کے چاند سے متعلق کوئی بھی شہادت موصول نہیں ہوئی۔ لاہور میں گہرے بادل چھائے ہوئے ہیں اور تیز ہوائیں چلنے کے باعث موسم خوشگوار ہے۔

زونل کمیٹی کے مطابق لاہور میں چاند کے نظر آنے کا وقت 7:10 منٹ تک تھا، لاہور میں شوال کا چاند نظر نہیں آیا تاہم چاند کے حوالے سے حتمی اعلان مرکزی رویت ہلال کمیٹی کرے گی۔

ڈائریکٹر جنرل محکمہ اوقاف کا کہنا ہے کہ پنجاب میں اب تک چاند سے متعلق شہادت موصول نہیں ہوئی۔

دوسری جانب مرکزی رویت ہلال کمیٹی کا اجلاس بھی چیئرمین عبدالخبیر آزاد کی سربراہی میں جاری ہے جبکہ زونل کمیٹیوں کے اجلاس بھی اپنے اپنے علاقوں میں جاری ہیں۔

محکمہ موسمیات کے مطابق ملک بھر میں کہیں بھی شوال کا چاند نظر آنے کے امکانات نہیں ہیں۔

اب امکان ہے کہ ہندوستان میں اس سال سعودی عرب کے ساتھ ایک ہی دن منایا جائے گا۔ اس سال ہندوستان میں عید ہفتہ یا اتوار کو ہو سکتی ہے تاہم قوی امکان یہ ہے ہندوستان بھر میں رواں سال عیدالفطر کا تہوار سعودی عرب کے ساتھ ہفتے کے روز ہی منائی جائے گی کیونکہ سعودی عرب اور مشرق وسطیٰ کے دیگر ممالک میں عید الفطر 22 اپریل 2023 بروز ہفتہ کو منائے جانے کا امکان ہے۔

بین الاقوامی فلکیات کے مرکز کے مطابق مشرق وسطیٰ کے بیشتر ممالک میں جمعرات کو شوال کے مہینے کا چاند آنکھ یا ٹیلی اسکوپ سے دیکھا جانا تقریباً ناممکن ہے۔ یہاں تک کہ برطانوی حکومت کی رپورٹ بھی بتاتی ہے کہ جمعرات کو مشرق وسطیٰ، شمالی افریقہ اور برطانیہ سے چاند نظر آنے کا امکان نہیں ہے۔

ان اطلاعات کی بنیاد پر یہ کہا جا سکتا ہے کہ سعودی عرب اور مشرق وسطیٰ کے دیگر ممالک میں عید الفطر 22 اپریل 2023 بروز ہفتہ کو منائے جانے کا امکان ہے۔

ہندوستان میں جمعے کو 29 روزہ ہوگا اگر وہاں اس دن چاند نظر آگیا تو عرصہ دراز بعد ہندوستان اور سعودی عرب میں ایک ہی دن عیدالفطر کا تہوار منایا جائے گا۔

اسرائیلی فوج کے ٹوئٹر اکاؤنٹ پر جاری کیے گئے تحریری بیان میں کہا گیا ہے کہ یہ فیصلہ سیکیورٹی صورتحال کے جائزوں اور اسرائیلی انتظامیہ کے احکامات کے مطابق کیا گیا ہے

تل ابیب: اسرائیلی فوج نے 24 اپریل سے "یومِ یادگار” اور "یومِ آزادی” کے موقع پر فلسطینی علاقوں کے داخلی اور خارجی راستے 3 دن کے لیے بند کرنے کا فیصلہ کیا ہے۔

اسرائیلی فوج کے ٹوئٹر اکاؤنٹ پر جاری کیے گئے تحریری بیان میں کہا گیا ہے کہ یہ فیصلہ سیکیورٹی صورتحال کے جائزوں اور اسرائیلی انتظامیہ کے احکامات کے مطابق کیا گیا ہے۔

بتایا گیا ہے کہ یوم آزادی کے موقع پر بندشیں مغربی کنارے اور غزہ کی پٹی پر محیط ہوں گی۔

بیان میں اس بات کی نشاندہی کی گئی کہ بندش کے دوران انسانی، طبی اور غیر معمولی معاملات کے لیے فلسطینی علاقوں میں اسرائیلی حکومت کی سرگرمیوں کی منظوری کے بعد ہی اجازت دی جائے گی۔

یادگاری دن، اسرائیل کی طرف سے اپنی جنگوں میں مرنے والے فوجیوں کی یاد میں منایا جاتا ہے، عبرانی کیلنڈر میں اس سال 25 اپریل کو آتا ہے۔ یوم آزادی، جس پر اسرائیل کی تاسیسی سرگرمیاں منعقد کی جاتی ہیں، 26 اپریل کو منایا جاتا ہے۔

پولیس ذرائع نے بتایا کہ عتیق اور اشرف قتل معاملے میں شاہ گنج تھانہ ایس ایچ او اشونی کمار سنگھ، دو سب انسپکٹر اور تین کانسٹیبل کو بدھ کو معطل کردیا گیا

پریاگ راج: شہ زور لیڈر و سابق ایم پی عتیق احمد اور ان کے بھائی خالد عظیم عرف اشرف علی کی پولیس حراست میں قتل کے معاملے میں شاہ گنج تھانے کے ایس ایچ او اشونی کمار سنگھ سمیت پانچ پولیس اہلکار کو بدھ کو معطل کردیا گیا۔

پولیس ذرائع نے بتایا کہ عتیق اور اشرف قتل معاملے میں شاہ گنج تھانہ ایس ایچ او اشونی کمار سنگھ، دو سب انسپکٹر اور تین کانسٹیبل کو بدھ کو معطل کردیا گیا۔ ایس آئی ٹی کی جانچ میں ڈیوٹی کی ادائیگی میں لاپرواہی پائ جانے پر یہ قدم اٹھایا گیا ہے۔

قابل ذکر ہے کہ ہفتہ کو سابق ایم پی عتیق احمد اور ان کے بھائی اشرف کی پولیس حراست میں اس وقت گولی مار کر قتل کردیا گیا تھا جب پولیس انہیں میڈیکل جانچ کے لئے اسپتال لے جارہی تھی۔ شاہ گنج تھانہ کالون اسپتال سے چند قدم کی دوری پر واقع ہے۔

پولیس کمشنر روی شرما نے اس واقعہ کی جانچ کے لئے اڈیشنل پولیس کمشنر (کرائم) ستیش چندر کی قیادت میں تین رکنی خصوصی جانچ ٹیم (ایس آئی ٹی) تشکیل دی ہے۔ دو دیگر اراکین میں اے سی پی کوتوالی ستیندر پرساد تیواری اور انسپکٹر اوم پرکاش شامل ہیں۔

بی ایس ای کا 30 حصص کا حساس انڈیکس سینسیکس 159.21 پوائنٹس کی کمی سے 59567.80 پوائنٹس اور نیشنل اسٹاک ایکسچینج (این ایس ای) نفٹی 41.40 پوائنٹس پر آگیا

ممبئی: عالمی مارکیٹ کی گراوٹ کے دباؤ میں مقامی سطح پر آئی ٹی، ٹیک، پاور اور یوٹیلٹیز سمیت 14 گروپوں میں فروخت ہونے کی وجہ سے اسٹاک مارکیٹ آج مسلسل تیسرے دن بھی گراوٹ پر بند ہوئی۔

بی ایس ای کا 30 حصص کا حساس انڈیکس سینسیکس 159.21 پوائنٹس کی کمی سے 59567.80 پوائنٹس اور نیشنل اسٹاک ایکسچینج (این ایس ای) نفٹی 41.40 پوائنٹس پر آگیا۔ اس دوران بی ایس ای کا مڈ کیپ 0.18 فیصد گر کر 24,941.78 پوائنٹس پر آگیا، جب کہ اسمال کیپ 0.12 فیصد کے تیزی لیکر 28,281.10 پوائنٹس پر آگیا۔

اس عرصے کے دوران بی ایس ای پر مجموعی طور پر 3634 کمپنیوں کے حصص کا کاروبار ہوا جن میں سے 1811 میں خریداری 1701 فروخت ہوئی جبکہ 122 میں کوئی تبدیلی نہیں ہوئی۔ اسی طرح این ایس ای میں، 31 کمپنیاں سرخ رنگ میں تھیں جبکہ 18 سبز نشان پر تھیں، جبکہ ایک کی قیمتیں مستحکم رہیں۔

بی ایس ای کے 14 گروپوں میں گراوٹ رہی۔ آئی ٹی 1.68، ٹیک 1.48، پاور 1.13، کموڈیٹیز 0.03، سی ڈی 0.20، ایف ایم سی جی 0.17، فنانشل سروسز 0.10، انڈسٹریز 0.14، ٹیلی کام 0.23، یوٹیلیٹیز 0.97، بینکنگ گڈز 0.18 فیصد اور کنزیومر ڈیوریبلز کی شئیر 0.01 فیصد گرے۔

بین الاقوامی سطح پر بھی فروخت کا دباؤ رہا۔ اس دوران برطانیہ کا ایف ٹی ایس ای 0.40، جرمنی کا ڈی اے ایکس 0.26، جاپان کا نکئی 0.18، ہانگ کانگ کا ہینگ سینگ 1.37 اور چین کا شنگھائی کمپوزٹ 0.68 فیصد گر گیا۔

ترجمان نے بتایا کہ کمیشن اپنی جانچ رپورٹ دو مہینوں میں ریاستی حکومت کو سونپے گا

لکھنؤ: سابق ایم پی عتیق احمد اور ان کے بھائی خالد عظیم عرف اشرف کو کل پولیس کی موجودگی میں میڈیکل انکوائری کے لئے لے جاتے وقت گولی مار کر قتل کئے جانے کے معاملے کی جانچ کے لئے اترپردیش حکومت نے اتوار کو تین رکنی جوڈیشیل کمیشن کی تشکیل دی ہے۔

ترجمان نے بتایا کہ وزیر اعلی یوگی آدتیہ ناتھ کی ہدایت پر محکمہ داخلہ نے اس حوالے سے آرڈر جاری کردیا ہے۔

کمیشن کی تشکیل کمیشن آف انکوائری ایکٹ 1952 کے تحت کی گئی ہے۔ آرڈرکے مطابق کمیشن کی قیادت الہ آباد ہائی کورٹ کے ریٹائرڈ جج جسٹس اروند کمار ترپاٹھی (11) کریں گے جبکہ سابق ڈائرکٹر جنرل آف پولیس (ڈی جی پی) سبھیش کمار سنگھ اور ریٹائرڈ جج برجیش کمار سونی کو کمیشن کا رکن نامزد کیا گیا ہے۔

ترجمان نے بتایا کہ کمیشن اپنی جانچ رپورٹ دو مہینوں میں ریاستی حکومت کو سونپے گا۔ قابل ذکر ہے کہ عتیق اور ان کے بھائی اشرف کا گذشتہ کل تین مسلح حملہ آوروں کے ذریعہ اس وقت مار کر قتل کردیا تھا جب وہ پولیس کے ذریعہ میڈیکل انکوائری کے لئے کولون اسپتال لے جائے جارہے تھے۔

دونوں کو تین مسلح افراد نے اپنا نشانہ بنایا جو میڈیا اہلکار کے بھیس میں آئے تھے۔ بعد میں پولیس نے تینوں کو گرفتارکرلیا۔ امیش پال قتل واردات کے سلسلے میں عتیق اور اشرف پانچ دنوں کی پولیس تحویل میں ہے۔

وزیر اعلی یوگی آدتیہ ناتھ کے بیان کا حوالہ دیتے ہوئے پروفیسر رام گوپال نے کہا کہ وزیر اعلی ایوان میں بولے تھے کہ مٹی میں ملا دیں گے اس لئے عتیق کو مارنے والے لوگوں کا کچھ ہونے والا نہیں ہے

اٹاوہ: سماج وادی پارٹی کے جنرل سکریٹری پروفیسر رام گوپال یادو نے اترپردیش کے پریاگ راج میں پولیس حراست میں مارے گئے عتیق اور اشرف کے قتل کو منظم سازش قرار دیا ہے۔

یہاں سیفئی میں میڈیا نمائندوں سے بات کرتے ہوئے پروفیسر یادو نے آج کہا کہ پولیس کے ہاتھ میں عتیق اور ان کے بھائی اشرف کی ہتھکڑی تھی۔ یہ منظم قتل کیا گیا ہے۔ جانچ کرنے والی ایجنسی صحیح ہوگی تو بڑے بڑے لوگ اس میں پھنسیں گے۔ وزیر اعلی یوگی آدتیہ ناتھ کے بیان کا حوالہ دیتے ہوئے انہوں نے کہا کہ وزیر اعلی ایوان میں بولے تھے کہ مٹی میں ملا دیں گے اس لئے عتیق کو مارنے والے لوگوں کا کچھ ہونے والا نہیں ہے۔

انہوں نے کہا کہ جو کچھ اترپردیش میں ہورہا ہے ایسا پہلے کبھی نہیں ہوا ہے۔ جمہوریت کے خاتمے والا راستہ ہے۔ پہلے راج شاہی میں ایسا ہوتا تھا۔ میڈیا ٹرائل کی وجہ سے عتیق کو مارا گیا۔ کسی بھی کیس میں عتیق پر الزامات ثابت نہیں ہوئے تھے۔ ایسے لوگ بھی بڑے بڑے عہدوں پر بیٹھے ہیں جنہوں نے بم پھینک کر لوگوں کو مروایا تھا۔ ان کو کئی نہیں کہتا ہے کہ گینگسٹر ہیں۔

پروفیسر یادو نے کہا کہ الہ آباد کے لوگوں کا کہنا ہے کہ عتیق کے پانچ بچے ہیں۔ اس میں ایک کو پولیس مار چکی ہے۔ جو بقیہ بچے ہیں ان کو بھی کسی نہ کسی بہانے سے مار دیا جائے گا۔ چاہے ملک برباد ہوجائے الیکشن جیتنے کے لئے لوگ کچھ بھی کرسکتے ہیں۔

ایس پی جنرل سکریٹری نے کہا کہ انہوں نے پہلے بھی کہا تھا کہ عتیق کے لڑکے کا قتل ہوسکتا ہے۔ یہ بات سچ نکلی۔ اس کا فرضی انکاونٹر کردیا گیا۔ عتیق نے سپریم کورٹ میں خود رٹ کی تھی کہ مجھے سیکورٹی دی جائے۔ جمہوریت کی تاریخ میں کسی بھی ملک میں پولیس حراست میں اس طرح کا قتل نہیں ہوا۔ یہ جمہوریت کا قتل ہے۔

دہلی کے وزیر اعلیٰ ملک کے واحد لیڈر ہیں جو مسٹر مودی کی ناکامیوں اور ان کے دوستوں کی بدعنوانی کے خلاف مسلسل آواز اٹھا رہے ہیں

نئی دہلی: عام آدمی پارٹی (اے اے پی) کی سینئر لیڈر آتشی نے ہفتہ کے روز کہا کہ وزیر اعظم نریندر مودی کی ناکامیوں اور ان کے دوستوں کی بدعنوانی کو بے نقاب کرنے والے دہلی کے وزیر اعلی اروند کیجریhttps://en.wikipedia.org/wiki/Arvind_Kejriwalوال واحد لیڈر ہیں، اسی لیے مودی حکومت ان کی آواز کو دبانے کے لیے بیورو آف انویسٹی گیشن (سی بی آئی) کا غلط استعمال کررہی ہے۔

محترمہ آتشی نے آج نامہ نگاروں سے کہا "سی بی آئی نے مسٹر کیجریوال کو پوچھ گچھ کے لیے بلایا ہے۔ وہ وزیر اعلیٰ کو صرف اس لیے طلب کررہی ہے کہ انہوں نے وزیر اعظم نریندر مودی کی ناکامی کو پورے ملک میں بے نقاب کیا ہے”۔

انہوں نے کہا، “مرکزی حکومت کی تفتیشی ایجنسی اروند کیجریوال کو طلب کر رہی ہے کیونکہ وہ مسٹر کیجریوال کی آواز کو دبانا چاہتی ہے۔ دہلی کے وزیر اعلیٰ ملک کے واحد لیڈر ہیں جو مسٹر مودی کی ناکامیوں اور ان کے دوستوں کی بدعنوانی کے خلاف مسلسل آواز اٹھا رہے ہیں”۔

انہوں نے کہا، ‘جن وعدوں کے ساتھ مسٹر مودی اقتدار میں آئے تھے وہ کھوکھلے ثابت ہوئے۔ دوسری طرف مسٹر کیجریوال نے مرکزی حکومت کی ان ناکامیوں کو ملک کے سامنے رکھا کہ مودی حکومت کے آنے کے بعد مہنگائی کی شرح میں مسلسل اضافہ ہوتا رہا ہے اور اس کی وجہ سے آج ملک کا ہر عام آدمی پریشان ہے۔ ملک میں پٹرول، ڈیزل اور ایل پی جی کی قیمتیں مسلسل بڑھ رہی ہیں اور یہ سب مودی جی کے دور حکومت کی ناکامی کا نتیجہ ہے”۔

محترمہ آتشی نے کہا کہ پچھلے چھ سالوں میں پٹرول کی قیمت میں 100% اضافہ ہوا ہے۔ پورے ملک میں صحت کے نظام کا بیڑہ غرق ہو چکا ہے۔ اسپتال میں ڈاکٹر نہیں، آئی سی یو میں بیڈ نہیں اور بچوں کے لیے اسکول نہیں۔ انہوں نے کہا کہ آج ملک میں نوجوانوں کے لیے نہ کالج ہے اور نہ ہی روزگار، آج پورے ملک میں پانچ کروڑ نوجوان بے روزگار ہیں اور یہ سب گزشتہ 10 سالوں میں ملک کو مسٹر مودی کا تحفہ ہے۔

مولانا خالد سیف اللہ رحمانی نے مولانا سید محمد رابع حسنی ندوی کی وفات پر گہرے رنج وغم کا اظہار کرتے ہوئے کہا ہے کہ وہ پوری امت کے لئے نقطہ اتفاق تھے

نئی دہلی: آل انڈیا مسلم پرسنل لا بورڈ کے جنرل سکریٹری مولانا خالد سیف اللہ رحمانی نے مولانا سید محمد رابع حسنی ندوی صدر آل انڈیا مسلم پرسنل لا بورڈ و ناظم ندوۃ العلماء لکھنؤ کی وفات پر گہرے رنج وغم کا اظہار کرتے ہوئے کہا ہے کہ وہ پوری امت کے لئے نقطہ اتفاق تھے۔

انہوں نے آج یہاں جاری ایک تعزیتی بیان میں کہا کہ ہر حلقہ میں ان کو محبت و عظمت کی نگاہ سے دیکھا جاتا تھا۔ وہ اس وقت مسلمانوں کے لیے سب سے بڑا مرجع تھے، ان کو عالم اسلام خاص کر عرب دنیا میں بھی بہت قدر و احترام کی نظر سے دیکھا جاتا تھا۔

ان کے عہد صدارت میں پرسنل لا بورڈ نے بہت حکمت کے ساتھ اہم اور مشکل مسائل کا سامنا کیا، وہ بلند پایہ مصنف، ماہر تعلیم، عربی کے مایہ ناز ادیب، بافیض استاذ ومربی تھے، پوری ملت اسلامیہ اس وقت تعزیت کی مستحق ہے، بورڈ تمام مسلمانوں سے اپیل کرتا ہے کہ حضرت والا کیلئے دعا کا اہتمام کریں اور اتحاد واتفاق کو قائم رکھیں۔