مدھیہ پردیش میں کورونا کے کل ایک سو فعال مریض ہیں، جن کا علاج کیا جا رہا ہے۔

بھوپال: مدھیہ پردیش میں کورونا کے چھ نئے معاملے آنے اور 13 مریضوں کے صحت یاب ہونے کے بعد ریاست میں کل ایک سو فعال مریض ہیں، جن کا علاج کیا جا رہا ہے۔

یہاں ریاستی ڈائریکٹوریٹ آف ہیلتھ کی طرف سے جاری ہیلتھ بلیٹن کے مطابق 34362 نمونوں کی جانچ میں کل چھ نئے کورونا مریض سامنے آئے ہیں۔ ان میں سے تین معاملے بھوپال میں، دو اندور اور ایک سیہور میں سامنے آیا ہے۔ اس کے ساتھ ہی 13 مریض صحت یاب ہو گئے، جس کے بعد ریاست میں فعال مریضوں کی تعداد ایک سو ہو گئی ہے۔ اس کے ساتھ ہی انفیکشن کی شرح بھی 0.01 فیصد ریکارڈ کی گئی ہے۔

ریاست میں اب تک کل 792907 کورونا مریض پائے گئے جن میں سے اب تک 782283 مریض ٹھیک ہو چکے ہیں اور اب تک 10524 مریض جان گنوا چکے ہیں۔