اقوام متحدہ کے سیکریٹری جنرل انتونیو گٹیریس کے ترجمان اسٹیفن ڈوجارک نے معمول کی بریفنگ میں کہا کہ رواں ہفتے شمال مغربی شام میں تشدد کے واقعات میں چار شہری ہلاک اور کم از کم سات افراد زخمی ہوئے ہیں
اقوام متحدہ: اقوام متحدہ نے شمال مغربی شام میں تشدد کے بڑھتے ہوئے واقعات پر تشویش کا اظہار کیا ہے۔
اقوام متحدہ کے سیکریٹری جنرل انتونیو گٹیریس کے ترجمان اسٹیفن ڈوجارک نے معمول کی بریفنگ میں کہا کہ رواں ہفتے تشدد کے واقعات میں چار شہری ہلاک اور کم از کم سات افراد زخمی ہوئے ہیں جن میں خواتین اور بچے بھی شامل ہیں۔ حملہ آوروں نے مبینہ طور پر رہائشی علاقوں اور بے گھر افراد کے ایک کیمپ کو نقصان پہنچایا ہے۔
انہوں نے کہا کہ مارچ 2020 کی جنگ بندی کے باوجود جون سے جنوب مغربی صوبے کے دیہی علاقوں میں تشدد کے واقعات میں اضافہ ہوا ہے۔ انہوں نے کہا کہ ہم تمام فریقین پر زور دیتے ہیں کہ وہ بین الاقوامی انسانی قانون کے تحت اپنی ذمہ داریوں کا احترام کریں اور شہریوں اور شہری بنیادی ڈھانچے کی حفاظت کو یقینی بنائیں۔
