بہار کے وزیراعلی نتیش کمار نے کہا کہ مقننہ قانون تو بنا سکتی ہے لیکن سب سے بڑا کردار عدلیہ کا ہی ہے۔

پٹنہ: بہار کے وزیراعلی نتیش کمار نے لوگوں کو انصاف دلانے کے لئے حکومت کی جانب سے عدلیہ کی ضرورتوں کو پورا کرنے کا وعدہ کرتے ہوئے کہا کہ قانون کا راج قائم کرنا صرف حکومت کا کام نہیں ہے، عدلیہ کی بھی بہت بڑی ذمہ داری ہے۔

مسٹر کمار نے سپریم کورٹ کے چیف جسٹس شرد اروند بوبڑے اور مرکزی وزیر قانون روی شنکر پرساد کی موجودگی میں پٹنہ ہائی کورٹ کے شتابدی ہال کے افتتاحی پروگرام میں کہا کہ جرائم پر قابو پانے کے لئے ضروری ہے کہ ٹرائل کا کام تیزی سے چلتا رہے۔ انہوں نے کہا کہ مقننہ قانون تو بنا سکتی ہے لیکن سب سے بڑا کردار عدلیہ کا ہی ہے۔

وزیراعلی نے کہا کہ سال 2005 میں جب انہیں ریاست میں کام کرنے کا موقع ملا تب جرائم کے معاملے میں ٹرائل کی پٹنہ ہائی کورٹ کی سطح پر مانیٹرنگ کی گئی اور تیزی سے ٹرائل ہوا۔ ججوں کو جس ضلع کی ذمہ داری سونپی گئی تھی اس پر انہوں نے نظر رکھی۔ عدالت نے کام کیا اور مجرموں کو سزا ملنی شروع ہوئی۔ اس سے بہار میں جرائم کے واقعات میں کمی آئی۔

مسٹر ٹکیت نے کہا کہ شہروں میں پانچ سے سات مال میں خوردہ کاروبار سمٹ کر رہ جائےگا۔ آنے والے دنوں میں کوئی دودھ بھی نہیں بیچ سکے گا۔ دودھ پہلے کمپنیوں کو بیچنا ہوگا۔ کمپنیاں پھر منافع کے ساتھ دودھ عام لوگوں کو بیچیں گی۔

شری گنگا نگر: کسان رہنما راکیش ٹکیت نے کہا ہے کہ تین مہینے سے جاری کسان تحریک اب کسانوں کی لڑائی نہیں ہے بلکہ یہ اب ہر طبقے کی لڑائی بن گئی ہے۔

مسٹر ٹکیت آج شری گنگا نگر ضلع کے پدم پور قصبے میں سنیکت کسان مورچہ کی مہاپنچایت میں آئے ہزاروں کسانوں سے خطاب کررہے تھے۔ انہوں نے کہا کہ مرکزی حکومت کے ذریعہ لگائے گئے تین زرعی قانونوں کے خلاف شروع ہوئی یہ لڑائی اب ہر طبقے کے لوگوں کی لڑائی بن گئی ہے۔

حکومت ایسے ہی 17 اور قانون لانے والی ہے

انہوں نے کہا کہ حکومت ایسے ہی 17 اور قانون لانے والی ہے، جس سے ہر طبقے کے لوگ متاثر ہوں گے۔حکومت سے یہ لڑائی لمبی چلے گی، کسانوں کو مورچے مضبوط رکھنے ہوں گے۔ ملک کے دوسرے علاقوں میں بھی مورچہ بندی کرنی ہوگی۔

مسٹر ٹکیت نے کہا کہ والماڑٹ جیسی غیر ملکی کمپنیاں خوردہ کاروبار کو نگلنے کو تیار بیٹھی ہیں۔ شہروں میں پانچ سے سات مال میں خوردہ کاروبار سمٹ کر رہ جائےگا۔ آنے والے دنوں میں کوئی دودھ بھی نہیں بیچ سکے گا۔ دودھ پہلے کمپنیوں کو بیچنا ہوگا۔ کمپنیاں پھر منافع کے ساتھ دودھ عام لوگوں کو بیچیں گی۔

کھیت بچیں گے تو کسان بچیں گے

سنیکت مورچہ کے سینئر رکن گرمیت سنگھ چڈھونی نے کہا کہ کھیت بچیں گے تو کسان بچیں گے۔ سبھی کسانوں کو کم ازکم امدادی قیمت ایم ایس پی فصلوں کا نہیں ملتا۔ اس میں تقریباً چار لاکھ کروڑ کا فرق ہے۔ کسان سوچے کہ اگر ہر فصل میں یہ چار لاکھ کروڑ اور ان کی جیبوں میں آئے تو نہ صرف انہیں اقتصادی طور پر مضبوطی ملے گی بلکہ ہر طبقے کی بھی اقتصادی حالت سدھرے گی۔

یہ چار لاکھ کروڑ کسانوں کے ذریعہ بازار میں آئے مہا پنچایت میں راکیش ٹکیت کو کسانوں کی طرف سے حل اور ایک تصویر تحفہ میں دی گئی۔ راجستھانی صافہ پہن کر راکیش ٹکیت سمیت سبھی کسان رہنماؤں کا احترام کیا گیا۔

مہاپنچایت سے راجستھان جاٹ مہاسبھا کے ریاستی صدر راجہ رام میل، دیہی کسان مزدور سمیتی (جی کے ایس) کے کنوینر رنجیت سنگھ راجو نے بھی خطاب کیا۔

دہلی پولیس کے ایک اے ایس آئی نے پی سی آر وین میں خود کو گولی مار کر خودکشی کرلی۔ پی سی آر وین کی تحقیقات کرائم ٹیم نے کی۔

نئی دہلی: مغربی دہلی میں دہلی پولیس کے ایک اے ایس آئی نے آج خود کو گولی مار کر خودکشی کرلی۔

دہلی پولیس کے ایک افسر نے بتایا کہ اے ایس آئی کی شناخت تیج پال (55) کے نام سے ہوئی ہے۔ اس نے پی سی آر وین میں خود کو گولی مار کر خودکشی کرلی۔ پی سی آر وین کی تحقیقات کرائم ٹیم نے کی۔

پولیس اس معاملہ کی تحقیقات کر رہی ہے۔

وینزویلا کی وزارت خارجہ نے مشرقی شام میں امریکی فضائی حملوں کی مذمت کی ہے۔ یہ افسوسناک ہے کہ امریکہ شدید جنگ کی طرف لوٹ رہا ہے اور سفارت کاری اور بین الاقوامی قانون کو ترک کر رہا ہے۔

کراکس: وینزویلا کی وزارت خارجہ نے مشرقی شام میں امریکی فضائی حملوں کی مذمت کی ہے اور اسے شدید جنگ کی واپسی قرار دیا ہے۔

وزارت نے جمعہ کی شام دیر گئے ٹویٹ کرتے ہوئے کہا ”وینزویلا شام کی سرزمین پر امریکی فوج کی کارروائی کی شدید مذمت اور اتحادی ممالک کے لوگوں اور وہاں کی حکومت کے ساتھ بھر پور یکجہتی کا اظہار کررہا ہے۔” یہ افسوسناک ہے کہ امریکہ شدید جنگ کی طرف لوٹ رہا ہے اور سفارت کاری اور بین الاقوامی قانون کو ترک کر رہا ہے۔

خیال رہے جمعرات کو دیر رات امریکہ نے عراقی شام کی سرحد کے قریب ایران نواز ملیشیا کے ٹھکانوں پر بمباری کی تھی۔ دوسری جانب شام اور روس نے بھی امریکی فضائی حملے کی مذمت کی ہے۔

جو بائیڈن نے کہا کہ میں نے کل سعودی عرب کے شاہ سے بات کی تھی، شہزادہ سے نہیں۔ میں نے انھیں واضح کردیا کہ قوانین تبدیل ہو رہے ہیں اور ہم آج اور پیر کے روز اہم تبدیلیوں کا اعلان کرنے جارہے ہیں۔

واشنگٹن: امریکی صدر جو بائیڈن نے کہا ہے کہ کالم نگار جمال خشوگی کے قتل پر امریکہ سعودی عرب کے لئے اپنی پالیسی میں نمایاں تبدیلی لائے گا۔

جو بائیڈن نے یہ بات ’یونی ویژن‘ نیوز چینل کو انٹرویو دیتے ہوئے کہی۔

انہوں نے کہا ’’میں نے کل سعودی عرب کے شاہ سے بات کی تھی، شہزادہ سے نہیں۔ میں نے انھیں واضح کردیا کہ قوانین تبدیل ہو رہے ہیں اور ہم آج اور پیر کے روز اہم تبدیلیوں کا اعلان کرنے جارہے ہیں۔ اور حقیقت میں یہ یقینی بنائیں کہ اگر وہ ہم سے تعلقات بنانا چاہتے ہیں تو انہیں انسانی حقوق کی خلاف ورزیوں کے معاملوں سے نمٹنا ہوگا‘‘۔

امریکہ نے کہا کہ عراقی کردستان میں ایربل ہوائی اڈہ پر پندرہ فروری کے راکٹ حملے کے جواب میں کارروائی کرتے ہوئے یہ حملہ کیا گیا تھا۔

تہران: مشرقی شام میں حالیہ امریکہ کے فضائی حملہ سے 17 لوگوں کی موت ہوگئی۔ ایرا ن کے ٹیلی ویزن اینڈ ریڈیو براڈکاسٹر آئی آر آئی بی نے جمعہ کو ایک رپورٹ میں یہ اطلا ع دی۔

محکمہ دفاع نے جمعرات کی دیر رات کہا کہ امریکہ نے ایران حمایت یافتہ لڑاکوں کے بنیادی ڈھانچہ کو نشانہ بنایا تھا جس میں مشرقی شام میں کائتب حزب اللہ اور کائتب سیدالشہدا بھی شامل تھے۔ امریکہ نے کہا کہ عراقی کردستان میں ایربل ہوائی اڈہ پر پندرہ فروری کے راکٹ حملے کے جواب میں کارروائی کرتے ہوئے یہ حملہ کیا گیا تھا۔

ایرانی براڈکاسٹر کے مطابق یہ ہوائی حملہ عراق کی سرحد سے ملحق البکامل علاقہ کو نشانہ بناکر کیا گیا تھا۔

امریکہ میں کیپٹل ہل پولیس چیف یوگانند پٹمین نے کہا ’’ہم جانتے ہیں کہ 6 جنوری کو موجود باغی گروپوں کے ممبر کیپیٹل ہل میں دھماکے اور زیادہ سے زیادہ ارکان کو مارنا چاہتے ہیں‘‘۔ دھمکی کے پیش نظر کیپیٹل پولیس فورس کو بڑھایا جائے گا اور سیکیورٹی کو مزید مستحکم کیا جائے گا۔

واشنگٹن: امریکہ میں کیپٹل ہل پولیس چیف یوگانند پٹمین نے کہا کہ اس بات کی خفیہ اطلاع ملی ہے کہ امریکی باغی گروپ صدر جو بائیڈن کے آئندہ خطاب کے دوران کیپیٹل پر حملہ کرنے کی دھمکی دے رہے ہیں۔

پٹمین نے جمعرات کو کانگریس میں سماعت کے دوران کہا ’’ہم جانتے ہیں کہ 6 جنوری کو موجود باغی گروپوں کے ممبر کیپیٹل ہل میں دھماکے اور زیادہ سے زیادہ ارکان کو مارنا چاہتے ہیں‘‘۔

انہوں نے کہا کہ اس دھمکی کے پیش نظر کیپیٹل پولیس فورس کو بڑھایا جائے گا اور سیکیورٹی کو مزید مستحکم کیا جائے گا۔

انہوں نے بتایا کہ اس کے علاوہ 6 جنوری کو ہونے والے واقعہ کے دوران پولیس افسران کی جانچ کی جارہی ہے اور 6 جنوری کو واقعہ کے دوران کرپشن کی پاداش میں دیگر 6 کو معطل کردیا گیا ہے۔

یہ معاہدہ دونوں ممالک کے ڈائریکٹرز جنرل آف ملٹری آپریشنز کے درمیان ہاٹ لائن پر بات چیت کے دوران طے پایا۔ دونوں فوجی افسران نے خوشگوار ماحول میں لائن آف کنٹرول اور تمام سیکٹروں میں صورتحال کا جائزہ لیا۔

نئی دہلی: ہندوستان اور پاکستان نے کنٹرول لائن کے ساتھ ساتھ اس سے متصل سبھی سیکٹروں میں بدھ کی رات سے جنگ بندی اور دیگر سمجھوتوں پر عمل کرنے پر اتفاق ظاہر کیا ہے۔

یہ معاہدہ دونوں ممالک کے ڈائریکٹرز جنرل آف ملٹری آپریشنز کے درمیان ہاٹ لائن پر بات چیت کے دوران طے پایا۔ دونوں فوجی افسران نے خوشگوار ماحول میں لائن آف کنٹرول اور تمام سیکٹروں میں صورتحال کا جائزہ لیا۔

مذاکرات کے بعد جاری مشترکہ بیان میں کہا گیا ہے کہ سرحد پر مستقل امن قائم رکھنے اور ایک دوسرے کے خدشات کو سمجھنے کے لئے جنگ بندی اور دیگر معاہدوں پر مکمل طور پر عمل کیا جائے گا۔ دونوں فریقوں نے یہ بھی کہا کہ ان کے مابین ہاٹ لائن کا انتظام پہلے کی طرح جاری رہے گا اور کسی بھی غلط فہمی کو فلیگ میٹنگ کے ذریعے حل کیا جائے گا۔

واضح رہے کہ 2003 سے ہندوستان اور پاکستان کے مابین کنٹرول لائن پر جنگ بندی نافذ ہے لیکن وقتا فوقتا پاکستان اس کی خلاف ورزی کرتا رہا ہے۔

افغانستان کے صوبے اورزگان میں ایک منی وین کے انجن میں پانی بھرنے سے دھماکہ، ایک ہی خاندان کے 10 افراد ہلاک ہوگئے۔ ہلاک ہونے والوں میں تین کم عمر بچے بھی شامل تھے جبکہ ؍دولہا اور ؍دلہن دوسری گاڑی میں ہونے کی وجہ سے بچ گئے۔

کابل: افغانستان کے صوبے اورزگان میں ایک منی وین کے انجن میں پانی بھر جانے سے اس میں ہونے والے دھماکے کے بعد آگ لگ گئی. اس کے نتیجے میں ایک ہی خاندان کے 10 افراد ہلاک ہو گئے۔

افغان میڈیا کے مطابق اورزگان کے پولیس ترجمان نے بتایا کہ بدقسمت خاندان شادی کی ایک تقریب میں شرکت کے بعد واپس اپنے گھر جا رہا تھا کہ ان کی گاڑی دریائے ہلمند میں پھنس گئی۔

پولیس ترجمان کے مطابق دریا میں پانی کا دباؤ اس قدر شدید تھا کہ پانی گاڑی کے انجن میں داخل ہو گیا اور انجن زوردار دھماکے سے پھٹ گیا جس سے گاڑی میں آگ لگ گئی۔

اورزگان پولیس ترجمان کا کہنا ہے کہ آگ نے آنا فاناٍ پوری گاڑی کو اپنی لپیٹ میں لے لیا جس کے نتیجے میں گاڑی میں موجود ایک ہی کنبہ کے 10 افراد ہلاک ہو گئے۔ ہلاک ہونے والوں میں تین کم عمر بچے بھی شامل تھے جبکہ دولہا اور دلہن دوسری گاڑی میں ہونے کی وجہ سے بچ گئے۔

امریکی صدر جو بائیڈن نے عہدہ سنبھالنے کے بعد سے سابق صدر ڈونلڈ ٹرمپ کے متعدد پابندیوں کو کم کیا ہے جو ٹرمپ کی ’زیرو ٹالرینس‘ امیگریشن پالیسی کا حصہ تھے۔

واشنگٹن: امریکی صدر جو بائیڈن نے سابق صدر ڈونلڈ ٹرمپ کے کورونا وائرس کے وبا کے دوران بعض ویزوں پر عائد پابندی کے حکم کو رد کردیا۔

امریکی صدر کے دفتر سے بدھ کے روز جاری ایک بیان میں کہا ’’یہ فیصلہ امریکہ کے مفاد میں نہیں تھا، اس کے برعکس، یہ امریکی عوام کے لئے مشکلات پیدا کرنے کا فیصلہ تھا۔ اس سے امریکی شہریوں اور جائز مقامی رہائشیوں کو ان کے اہل خانہ سے ملنے اور امریکی کاروبار کو نقصان پہنچایا‘‘۔

خیال رہے سابق صدر ڈونلڈ ٹرمپ نے جون 2020 میں یہ پابندی عائد کرتے ہوئے کہا تھا کہ کورونا وائرس کی وبا سے پیدا ہونے والی بھاری بے روزگاری کے درمیان امریکی ملازمین کے مفادات کا تحفظ ضروری ہے۔ ان پابندیوں کے تحت غیر مہاجر ورک ویزوں کی کچھ اقسام کو امریکی معیشت کی بحالی کی کوششوں میں معطل کردیا گیا تھا۔ اس فہرست میں ہائی ٹیک صنعتوں میں کام کرنے کے لئے ایچ -1 بی ویزا اور کم ہنر مند کارکنوں، ٹرینیوں، اساتذہ اور کمپنی کے لئے منتقلی کے ویزے شامل ہیں۔

عہدہ سنبھالنے کے بعد سے مسٹر بائیڈن نے متعدد پابندیوں کو کم کیا ہے جو ڈونلڈ ٹرمپ کی ’زیرو ٹالرینس‘ امیگریشن پالیسی کا حصہ تھے۔

اسے بھی پڑھیں:

مسلم ممالک پر ٹرمپ کی جانب سے نافذ سفری پابندی کو بائیڈن کریں گے ختم