مائیکرو بلاگنگ سائٹ ٹوئٹر پر اس بات کی اطلاع دیتے ہوئے بھارت بائیوٹیک کمپنی نے کہا ”ہمارے اکاؤنٹ میں ایک اور سنگ میل ہوا ہے کیونکہ کوویکسن کو ہنگری سے جی ایم پی سرٹیفکیٹ حاصل ہوا ہے“۔

حیدرآباد: ہندوستان کے دیسی ساختہ کووڈ 19 ٹیکے کوویکسن جس کو حیدرآباد کی بھارت بائیوٹیک کمپنی نے تیار کیا ہے، کو ہنگری کے حکام سے جی ایم پی سرٹیفکیٹ حاصل ہوا ہے۔

نیشنل انسٹی ٹیوٹ آف فارمیسی اینڈ نیوٹریشن ہنگری سے اس کی منظوری ملی ہے جس کے ذریعہ کوویکسن کی تیاری کے لئے گوڈ مینوفیکچرنگ پریکٹس (جی ایم پی) سے تصدیق کی گئی۔ بھارت بائیوٹیک دنیا کے مختلف ممالک میں ایمرجنسی یوز اتھارائزیشن کے لئے دستاویزات کو داخل کرنے کا منصوبہ رکھتی ہے۔

جمعرات کو مائیکرو بلاگنگ سائٹ ٹوئٹر پر اس بات کی اطلاع دیتے ہوئے کمپنی نے کہا ”ہمارے اکاؤنٹ میں ایک اور سنگ میل ہوا ہے کیونکہ کوویکسن کو ہنگری سے جی ایم پی سرٹیفکیٹ حاصل ہوا ہے“۔ اس منظوری کے بعد بھارت بائیوٹیک نے عالمی معیار کے مطابق ٹیکوں کی تیاری اور اختراعات میں ایک اور اہم سنگ میل کو عبور کیا ہے اور کووڈ کی وبا کے خلاف جاری لڑائی میں پیش قدمی کی ہے۔

Another milestone in our account as COVAXIN® receives GMP certificate from Hungary. This marks the 1st EUDRAGDMP compliance certificate received by Bharat Biotech from European regulatories.#BharatBiotech #COVAXIN #covaxininhungary pic.twitter.com/0x8BLF2jWR

— BharatBiotech (@BharatBiotech) August 5, 2021

بہار کے وزیر اعلیٰ نتیش کمار نے اپنے مبارکبادی پیغام میں کہا کہ ہندوستانی مرد ہاکی ٹیم نے ٹوکیو اولمپکس میں کانسہ کا تمغہ جیت کر ہاکی کے کھیل میں نیا ریکارڈ قائم کیا ہے۔ اس پر ہر ہندوستانی کو فخر ہے۔

پٹنہ: بہار کے وزیر اعلیٰ نتیش کمار نے ٹوکیو اولمپکس کے ہاکی مقابلے میں کانسہ کا تمغہ جیتنے والی مردوں کی ہند ہاکی ٹیم کو مبارکباد دیتے ہوئے ان کے روشن مستقبل کی دعا کی ہے۔

مسٹر کمار نے جمعرات کو اپنے مبارکبادی پیغام میں کہا کہ ہندوستانی مرد ہاکی ٹیم نے اولمپک کھیلوں میں کانسہ کا تمغہ جیت کر ہاکی کے کھیل میں نیا ریکارڈ قائم کیا ہے۔ اس پر ہر ہندوستانی کو فخر ہے۔

टोक्यो ओलंपिक 2020 के हॉकी प्रतियोगिता में कांस्य पदक जीतने पर भारतीय पुरुष हॉकी टीम को हार्दिक बधाई एवं शुभकामनाएं। इस जीत पर हर भारतीय गौरवान्वित है। मेरी कामना है कि टीम प्रगति के शीर्ष पर पहुंचे और भारत का नाम रौशन करते रहे।#Tokyo2020@TheHockeyIndia

— Nitish Kumar (@NitishKumar) August 5, 2021

وزیر اعلیٰ نے کہا کہ ملک کی مردوں کی ہاکی ٹیم بلند ترین مقام پر پہنچے اور ہندوستان کا نام روشن کرے۔ ایسی میری خواہش ہے۔

ایڈیشنل چیف سکریٹری داخلہ چیتنیہ پرساد نے بتایا کہ ریاست میں کورونا انفیکشن کی کمی کے پیش نظر 07 اگست 2021 سے نویں سے دسویں جماعت کے جبکہ 16 اگست سے پہلی سے آٹھویں کلاس تک کے اسکول کھولے جائیں گے۔

پٹنہ: بہار میں کورونا انفیکشن کی دوسری لہر کے اثر کم ہونے کے بعد حکومت نے طلبا کی باقاعدہ تعلیم کے لیے 16 اگست سے پہلی سے آٹھویں کلاس تک اسکول کھولنے کا فیصلہ کیا ہے۔

कोरोना संक्रमण में कमी को देखते हुए दिनांक 07 अगस्त से 25 अगस्त तक सभी दुकानों को साप्ताहिक बंदी के साथ खोलने का निर्णय लिया गया है। नौवी से दसवीं कक्षा 7 अगस्त से एवं पहली से आठवीं कक्षा 16 अगस्त से खुलेगी। (1/3)

— Nitish Kumar (@NitishKumar) August 4, 2021

ایڈیشنل چیف سکریٹری داخلہ چیتنیہ پرساد نے بدھ کو وزیر اعلیٰ نتیش کمار کی صدارت میں ختم ہوئی ڈیزاسٹر مینجمنٹ گروپ کی میٹنگ کے بعد محکمہ صحت کے ایڈیشنل چیف سکریٹری پرتیہ امرت اور پبلک ریلیشنز ڈیپارٹمنٹ کے سکریٹری انوپم کمار کی موجودگی میں آن لائن منعقدہ پریس کانفرنس میں بتایا کہ ریاست میں کورونا انفیکشن کی کمی کے پیش نظر 07 اگست 2021 سے نویں سے دسویں جماعت کے جبکہ 16 اگست سے پہلی سے آٹھویں کلاس تک کے اسکول کھولے جائیں گے۔

(2/3) कोचिंग संस्थान छात्रों की 50 प्रतिशत उपस्थिति (एक दिन छोड़कर) के साथ कार्य कर सकेंगे। सार्वजनिक वाहनों को पूर्ण क्षमता के साथ चलने की अनुमति होगी। प्रतिबंधों के साथ सिनेमा हाॅल एवं शाॅंपिग माॅल भी खुलेंगे।

— Nitish Kumar (@NitishKumar) August 4, 2021

انہوں نے کہا کہ تمام اسکول طلبا کی کل گنجائش کی 50 فیصد حاضری کے ساتھ یا ایک روز فرق کے ساتھ کھولے جائیں گے۔

مسٹر پرساد نے بتایا کہ کستوربا ودیالیہ، کرپوری ہاسٹل بھی ان ضوابط کے ساتھ کھول دئیں جائیں گے۔ انہوں نے بتایا کہ اسکول کھولنے سے پہلے محکمہ تعلیم تمام سکولوں میں صاف صفائی اور سینیٹازیشن کے کام کو یقینی بنائے گا۔ اس کے ساتھ ہی اسکولوں میں بچوں کو کووڈ دوستانہ رویے کے بارے میں معلومات دی جائے گی۔

(3/3) विद्यालयों में बच्चों को कोविड अनुकूल व्यवहार की जानकारी दी जाएगी। लोगों को अभी-भी कोविड संबंधी सावधानी बरतनी चाहिए।

— Nitish Kumar (@NitishKumar) August 4, 2021

بی ایس ای کا 30 حصص کا حساس انڈیکس سینسیکس 546.41 پوائنٹس کے اضافے کے ساتھ پہلی بار 54 ہزار پوائنٹس کی سطح کو عبور کرتے ہوئے 54369.77 پوائنٹس تک پہنچ گیا۔

ممبئی: عالمی سطح سے ملے جلے اشاروں کے ساتھ گھریلو سطح پر بینکنگ اور مالیاتی گروپ کی کمپنیوں میں ہوئی خریداری کی بنیاد پر اسٹاک مارکیٹ نئی بلندیوں تک پہنچنے میں کامیاب رہی۔ اس دوران بی ایس ای کا 30 حصص کا حساس انڈیکس سینسیکس 546.41 پوائنٹس کے اضافے کے ساتھ پہلی بار 54 ہزار پوائنٹس کی سطح کو عبور کرتے ہوئے 54369.77 پوائنٹس تک پہنچ گیا۔  نیشنل اسٹاک ایکسچینج (این ایس ای) کا نفٹی 128.05 پوائنٹس بڑھ کر 16258.80 پوائنٹس کی نئی ریکارڈ سطح پر پہنچ گیا۔

بینکنگ اور فنانس گروپ کی کمپنیوں میں خرید کی بنیاد پر جہاں سینسیکس ایک نئی بلندی پر پہنچ گیا، وہیں چھوٹی اور درمیانی کمپنیوں میں خریداری دیکھی گئی۔ جس کی وجہ سے بی ایس ای کا مڈکیپ 1.05 فیصد گر کر 23129.71 پوائنٹس اور سمال کیپ 1.06 فیصد گر کر 26847.56 پوائنٹس پر رہا۔

بی ایس ای کے بیشتر گروپ گراوٹ میں رہے، جس میں ٹیلی کام 2.25 فیصد اور رئیلٹی 1.69 فیصد ہے۔ اضافے میں صرف چار گروپ رہے، جس میں بینکنگ 2.60 فیصد، فنانس 2.13 فیصد، توانائی 0.43 فیصد اور پاور 0.01 فیصد شامل ہیں۔

راجیہ سبھا میں پیگاسز جاسوسی کیس، کسانوں کے مسائل اور مہنگائی پر راجیہ سبھا میں شور و غل اور ہنگامہ، ایوان کو دوپہر 2 بجے تک ملتوی کردیا گیا۔

نئی دہلی: راجیہ سبھا میں اپوزیشن جماعتوں کے ارکان نے پیگاسز جاسوسی کیس، کسانوں کے مسائل اور مہنگائی پر راجیہ سبھا میں شور و غل اور ہنگامہ کیا۔ جس کی وجہ سے ایوان کو دوپہر 2 بجے تک ملتوی کردیا گیا۔

صبح ضروری دستاویزات میز پر رکھے جانے کے بعد چیئرمین ایم وینکیا نائیڈو نے کہا کہ ضابطے 267 کے تحت سماج وادی پارٹی کے رام گوپال یادو اور کئی دیگر ارکان نے کسانوں کی تحریک کے حوالے سے نوٹس دیا ہے۔ انہوں نے کہا کہ کسانوں کی تحریک ایک اہم معاملہ ہے اور اس پر دیگر التزامات کے تحت بحث کی اجازت دی جا سکتی ہے۔ کئی ممبران نے مہنگائی اور معاشی صورتحال پر بات کرنے کے لیے نوٹس دیے ہیں۔ حکومت اہم امور پر بھی بات چیت کرنا چاہتی ہے۔

اس دوران کانگریس اور ترنمول کانگریس کے ارکان ایوان کے وسط میں آگئے اور شور شرابہ کرنے لگے۔ ترنمول کانگریس کے اراکین نے ہاتھوں میں پلے کارڈ اٹھا رکھے تھے۔

مسٹر نائیڈو نے کہا کہ جو ارکان ایوان کے بیچ میں کھڑے ہیں وہ اپنی جگہوں پر چلے جائیں نہیں تو وہ ضابطہ 155 کے تحت ارکان کے نام لیں گے اور وہ ایوان کی دن بھر کی کارروائی سے محروم ہو جائیں گے۔ اس کے بعد انہوں نے ارکان کو ایوان سے باہر جانے کا حکم دیا۔ اس کے بعد بھی جب ارکان کا شور جاری رہا تو چیئرمین نے کہا کہ جو ارکان ایوان کے بیچ میں کھڑے ہیں، سیکرٹریٹ ان کی فہرست ایوان نشیں کو دے گا۔ اس کے بعد بھی ہنگامہ جاری رہنے پر ایوان کی کارروائی 2 بجے تک ملتوی کر دی گئی۔

کھٹمنڈو وادی اور نیپال کے کئی حصے اپریل کے آخر میں کورونا وائرس کی دوسری لہر کو کنٹرول کرنے کے لیے لاک ڈاؤن لگایا گیا تھا اور موجودہ لاک ڈاؤن بدھ کی نصف شب تک جاری ہے۔

کھٹمنڈو: نیپال میں کورونا انفیکشن کے بڑھتے ہوئے معاملات کے درمیان، کھٹمنڈو وادی میں حکام نے لاک ڈاؤن کو سات دن تک بڑھانے کا فیصلہ کیا ہے۔

وادی کی کھٹمنڈو، بھکت پور اور للت پور ضلعی انتظامیہ نے مشترکہ طور پر فیصلہ کیا ہے کہ گزشتہ ہفتوں میں کی گئیں پابندیوں کے اقدامات میں تقریباً سبھی رعایتوں کو جاری رکھتے ہوئے لاک ڈاؤن کی مدت ایک بار پھر جمعرات سے 11 اگست تک بڑھا دی گئی ہے۔ نئے ضابطوں کے تحت گزشتہ فیصلے کو بدلتے ہوئے سیمینار یا تربیتی پروگراموں پر پابندی عائد کی گئی ہے۔ پہلے زیادہ سے زیادہ 25 افراد کی شرکت کے ساتھ ایسی سرگرمیوں کی اجازت تھی۔

کھٹمنڈو کے چیف ڈسٹرکٹ آفیسر کالی پرساد پرجولی نے بتایا ’’ہم نے لاک ڈاؤن میں توسیع کی، لیکن کووڈ -19 کیسز میں حالیہ اضافے کے باوجود پابندیوں میں زیادہ اضافہ نہیں کیا۔ ہم نے ممنوعہ احکامات کی خلاف ورزی کے خلاف چوکسی بڑھا دی ہے اور منگل سے ممنوعہ احکامات کو سختی سے نافذ کرنے کے لیے اقدامات کیے ہیں‘‘۔

قابل ذکر بات یہ ہے کہ وادی کھٹمنڈو اور نیپال کے کئی حصے اپریل کے آخر میں کورونا وائرس کی دوسری لہر کو کنٹرول کرنے کے لیے لاک ڈاؤن لگایا گیا تھا اور موجودہ لاک ڈاؤن بدھ کی نصف شب تک جاری ہے۔

ملک میں گذشتہ 24 گھنٹوں کے دوران 5395 کورونا کے نئے کیسز کا اضافہ ہوا ہے۔ 62 لاکھ 53 ہزار 741 افراد کو کورونا کی ویکسین لگائی گئی ہے اور اب تک 48 کروڑ 52 لاکھ 86 ہزار 570 افراد کو ویکسین لگائی جا چکی ہے۔

نئی دہلی: گذشتہ 24 گھنٹوں کے دوران ملک میں 5395 کورونا کے نئے کیسز کا اضافہ ہوا ہے اور 562 افراد کی موت ہوئی ہیں۔

اس دوران منگل کو ملک میں 62 لاکھ 53 ہزار 741 افراد کو کورونا کی ویکسین لگائی گئی اور اب تک 48 کروڑ 52 لاکھ 86 ہزار 570 افراد کو ویکسین لگائی جا چکی ہے۔

مرکزی وزارت صحت کی جانب سے بدھ کی صبح جاری اعداد و شمار کے مطابق 24 گھنٹوں میں کورونا کے 42626 نئے کیسز کی آمد کے ساتھ متاثرہ افراد کی تعداد تین کروڑ 17 لاکھ 69 ہزار 132 ہو گئی ہے۔

اس دوران 36 ہزار 668 مریضوں کی صحت یابی کے بعد اس وبا کو شکست دینے والے افراد کی کل تعداد بڑھ کر 309،33022 ہو گئی ہے۔ ایکٹو کیسز 5395 بڑھ کر 4 لاکھ 10 ہزار 353 ہو گئے ہیں۔ اسی عرصے میں 562 مریضوں کی موت کے باعث اموات کی تعداد بڑھ کر چار لاکھ 25 ہزار 757 ہو گئی ہے۔ ملک میں ایکٹو کیسز کی شرح کم ہو کر 1.29 فیصد، صحت یابی کی شرح 97.37 فیصد اور اموات کی شرح 1.34 فیصد ہو گئی ہے۔

مہاراشٹر میں گزشتہ 24 گھنٹوں کے دوران فعال معاملات 971 کم ہوکر 77729 رہ گئے ہیں۔  دریں اثنا ریاست میں 6799 مریضوں کی صحت یابی کے بعد کورونا سے نجات پانے والے لوگوں کی تعداد بڑھ کر 6110124 ہوگئی ہے۔ جبکہ 177 مریضوں کی موت کے باعث اموات کی تعداد بڑھ کر 133215 ہوگئی ہے۔

اسے بھی پڑھیں:

کورونا کے بڑھتے معاملات: جاپان کے مزید چار صوبوں میں ایمرجنسی نافذ

امریکی محکمہ دفاع کے باہر ہوئی گولی باری میں ایک افسر کی موت ہوگئی ہے۔ اس واقعے میں ہلاک ہونے والے افسر کے اعزاز میں پینٹاگن میں جھنڈا سرنگوں کرنے کا حکم دیا گیا ہے۔

واشنگٹن: امریکی محکمہ دفاع کے باہر ہوئی گولی باری میں ایک افسر کی موت ہوگئی ہے۔ پینٹاگن فورس پروٹیکشن ایجنسی (پی ایف پی اے) نے واقعے کی تصدیق کی ہے۔

ایجنسی کے افسر نے، منگل کے روز ٹویٹر پر ’’پی ایف پی اے پینٹاگن میں آج صبح پیش آئے واقعہ میں پینٹاگن پولیس افسر کی ہلاکت پر تعزیت کا اظہار کیا‘‘۔ انہوں نے کہا ’’ہماری تعزیت اور دعائیں افسر کے خاندان کے ساتھ ہیں۔ افسر کے بارے میں مزید تفصیلات ان کے گھر والوں کی اطلاع کے بعد دی جائیں گی‘‘۔

@PFPAOfficial mourns the tragic loss of a Pentagon Police Officer killed during this morning’s incident at the Pentagon. Our thoughts and prayers are with the Officer’s family. Additional info on the officer will be forthcoming, following full next of kin notification.

— Pentagon Force Protection Agency (Official) (@PFPAOfficial) August 3, 2021

اس سے قبل پینٹاگن پولیس چیف ووڈرو کوسے نے کہا تھا کہ محکمہ دفاع کی عمارت کے باہر ایک میٹرو بس پلیٹ فارم کے پولیس افسر پر حملہ کیا گیا تھا اور فائرنگ ہوئی، جس کے نتیجے میں کئی افراد ہلاک ہوئے۔ ان کا کہنا تھا کہ وہ کسی مزید مشتبہ کو تلاش نہیں کر رہے ہیں اور کوئی خطرہ نہیں ہے لیکن واقعے کی تحقیقات جاری ہے۔

ایسوسی ایٹڈ پریس نے مشتبہ متوفی کی شناخت آسٹن ولیم لینج (27) کے طور پر کی ہے۔ وہ جارجیا کا رہائشی تھا۔ رپورٹ میں کہا گیا ہے کہ لینج نے پینٹاگن کے ایک پولیس افسر کی گردن پر چاقو سے حملہ کیا۔ جس کے بعد دیگر افسران نے اسے گولی مار کر ہلاک کر دیا۔

امریکی وزیر دفاع لائیڈ آسٹن نے یہاں جاری ایک بیان میں کہا کہ واقعے کے حالات کی جانچ کی جا رہی ہے۔ انہوں نے مقتول افسر کے اہل خانہ سے اظہار تعزیت کیا۔ انہوں نے اس واقعے میں ہلاک ہونے والے افسر کے اعزاز میں پینٹاگن میں جھنڈا سرنگوں کرنے کا بھی حکم دیا۔

پیگاسس جاسوسی معاملے کی آزادی کی تفتیش کے سلسلے میں اب ایڈیٹرس گلڈ آف انڈیا نے سپریم کورٹ کا دروازہ کھٹکھٹایا ہے۔ پیگاسس معاملے پر سپریم کورٹ میں اب تک پانچ عرضیاں دائر کی جا چکی ہیں۔

نئی دہلی: پیگاسس جاسوسی معاملے کی آزادی کی تفتیش کے سلسلے میں اب ایڈیٹرس گلڈ آف انڈیا نے سپریم کورٹ کا دروازہ کھٹکھٹایا ہے۔

ایڈیٹرس گلڈ نے سپریم کورٹ میں عرضی دائر کرکے صحافیوں، سماجی کارکنان اور رہنماؤں کی مبینہ جاسوسی کے الزامات کی خصوصی تفتیشی ٹیم (ایس آئی ٹی) سے تفتیش کروانے کا مطالبہ کیا ہے۔ عرضی گذار نے معاملے کی تفتیش سپریم کورٹ سے کروائے جانے کا بھی مطالبہ کیا ہے۔

عرضی گذار نے اسپائی ویئر قرار پر حکومت سے وہ فہرست مانگی ہے جس میں یہ بتایا گیا ہو کہ کن کن لوگوں کی مبینہ جاسوسی کی گئی۔

غور طلب ہے کہ قبل ازیں سینئر جرنلسٹ این رام اور ان کے ساتھی ششی کمار بھی سپریم کورٹ میں عرضی دائر کر چکے ہیں۔

پیگاسس معاملے پر سپریم کورٹ میں اب تک پانچ عرضیاں دائر کی جا چکی ہیں، ان میں وکیل منوہر لال شرما، کمیونسٹ پارٹی آف انڈیا ’مارکسسٹ‘ (سی پی آئی ایم) کے راجیہ سبھا رکن جان برٹاس، سماجی کارکن پرنجوائے ٹھاکُرتا بھی شامل ہیں۔

ان عرضیوں میں سے تین چیف جسٹس این وی رمن اور جسٹس سوریہ کانت کی بینچ کے سامنے پانچ اگست کو فہرست بند کی جانی ہے۔

گھریلو سطح پر زیادہ تر بڑی کمپنیوں میں زبردست خرید کی بدولت گھریلو شیئر بازار میں مسلسل دوسرے دن تیزی رہی۔

ممبئی: عالمی سطح کے ملے جلے رجحانات کے درمیان گھریلو سطح پر زیادہ تر بڑی کمپنیوں میں زبردست خرید کی بدولت گھریلو شیئر بازار میں منگل کے روز مسلسل دوسرے دن تیزی رہی۔

اس دوران بی ایس ای کا سینسیکس 54 ہزار پوائنٹس کی جانب بڑھتے ہوئے اب تک کی اعلیٰ سطح 35823.36 پوائنٹس پر۔ نیشنل اسٹاک ایکسچینج (این ایس ای) کا نفٹی 245.60 پوائنٹس کی اعلیٰ سطح کے ساتھ 16 ہزار پوائنٹس کی نفسیاتی سطح کو عبور کرتے ہوئے 16130.75 پوائنٹس پر رہا۔

بی ایس ای میں بڑی کمپنیوں کے مقابلے درمیانی اور چھوٹی کمپنیوں میں خرید سست تھی جس سے بی ایس ای کا مڈکیپ 0.19 فیصد بڑھ کر 13374.21 پوائنٹس پر اور اسمال کیپ 0.23 فیصد اٹھ کر 27143 پوائنٹس پر رہا۔

بی ایس ای میں کل 3376 کمپنیوں میں کاروبار ہوا جس میں سے 1740 ہرے نشان میں اور 1505 لال نشان میں رہے جبکہ 131 میں کوئی تبدیلی نہیں ہوئی۔