صوبائی ڈیزاسٹر مینجمنٹ اتھارٹی (پی ڈی ایم اے) کے مطابق مرنے والوں میں زیادہ تر بچے ہیں اور کچھ علاقوں میں ابھی بھی زلزلے کے جھٹکے محسوس کیے جا رہے ہیں۔

اسلام آباد: پاکستان کے صوبہ بلوچستان میں آج علی الصبح تقریباً 03.30 بجے آنے والے شدید زلزلے میں کم از کم 20 افراد ہلاک ہو گئے ہیں اور 300 سے زائد افراد کے زخمی ہونے کی اطلاعات ہیں۔

جیو نیوز کے مطابق بلوچستان میں کوئٹہ، سبی، ہرنائی، پشین، قلعہ سیف اللہ، چمن، زیارت اور ژوب میں زلزلے کے جھٹکے محسوس کیے گئے۔ اس زلزلے سے ہرنائی سب سے زیادہ متاثر رہا۔

زلزلہ پیما مرکز کے مطابق زلزلے کی شدت ریکٹر سکیل پر 5.9 ریکارڈ کی گئی ہے۔ زلزلے کا مرکز ہرنائی میں 15 کلومیٹر کی گہرائی میں واقع تھا۔

صوبائی ڈیزاسٹر مینجمنٹ اتھارٹی (پی ڈی ایم اے) کے مطابق مرنے والوں میں زیادہ تر بچے ہیں اور کچھ علاقوں میں ابھی بھی زلزلے کے جھٹکے محسوس کیے جا رہے ہیں۔ تمام اسپتالوں میں ہنگامی صورتحال نافذ کردی گئی ہے، متاثرہ علاقوں میں راحت اور امدادی کام جاری ہے۔

ہرنائی کے ڈپٹی کمشنر سہیل انور ہاشمی کے مطابق کئی افراد کو تشویشناک حالت میں ہسپتال لے جایا گیا ہے۔

انہوں نے کہا کہ ہرنائی میں کئی عمارتوں کو نقصان پہنچا ہے جس کے ملبے تلے متعدد لوگ دبے ہوئے ہیں۔ راحت اور امدادی کام جاری ہے۔ کچھ سرکاری عمارتوں کو بھی نقصان پہنچا ہے۔ انہوں نے کہا کہ علاقے میں بجلی کی فراہمی بند کر دی گئی ہے۔

پولیس ذرائع نے بتایا کہ دہلی سے بہرائچ جانے والی ڈبل ڈیکر بس دیوا کے علاقے بابوریہ گاؤں کے قریب کسان شاہراہ پر مخالف سمت سے آنے والے ٹرک سے ٹکرا گئی۔

بارہ بنکی: اتر پردیش کے ضلع بارہ بنکی کے دیوا علاقے میں آج صبح سویرے ایک بس اور ٹرک کے درمیان زبردست ٹکر میں کم از کم نو افراد ہلاک اور متعدد زخمی ہوگئے۔

پولیس ذرائع نے بتایا کہ دہلی سے بہرائچ جانے والی ڈبل ڈیکر بس دیوا کے علاقے بابوریہ گاؤں کے قریب کسان شاہراہ پر مخالف سمت سے آنے والے ٹرک سے ٹکرا گئی۔ اس حادثے میں نو افراد کی موت اور کئی زخمی ہوگئے۔ زخمیوں کو بارہ بنکی اور لکھنؤ کے ٹراما سینٹرز میں بھیجا گیا ہے۔ مرنے والوں کی تعداد بڑھ سکتی ہے۔

यूपी के बाराबंकी में वॉल्वो बस और ट्रक में टक्कर से अब तक 14 कि मौत 30 ज़ख्मी।मुसाफिर कहते हैं कि बस ड्राइवर बस में शराब पी रहा था।मना किया लोगों ने लेकिन माना नहीं। pic.twitter.com/HSRjaeT5BD

— Kamal khan (@kamalkhan_NDTV) October 7, 2021

انہوں نے بتایا کہ اطلاع ملنے پر پولیس نے موقع پر پہنچ کر راحت اور بچاؤ مہم شروع کی۔

دہلی کے آنند پربت علاقے میں ایک گھر میں آتشزدگی سے تین افراد ہلاک اور ایک زخمی ہوگئے۔

نئی دہلی: وسطی دہلی کے آنند پربت علاقے میں ایک گھر میں آتشزدگی سے تین افراد ہلاک اور ایک زخمی ہوگئے۔ سرکاری ذرائع نے یہ اطلاع دی۔

فائر ڈپارٹمنٹ کو رات 09:05 بجے واقعہ کی اطلاع ملی جس کے بعد محکمہ کی دو ٹیمیں جائے واقع پر پہنچیں۔ اطلاع کے مطابق ایل پی جی سلنڈر اور دیگر اشیاء میں آگ لگنے کی وجہ سے پھیل گئی تاہم فائر بریگیڈ کے عملے نے بروقت آگ پر قابو پالیا۔

چار افراد کو جائے واقع سے رام منوہر لوہیا (آر ایم ایل) ہسپتال لے جایا گیا۔ جہاں ڈاکٹروں نے تین افراد کو مردہ قرار دیا۔ اسی وقت ایک اور شخص کو سردار ولبھ بھائی پٹیل اسپتال بھیجا گیا لیکن ڈاکٹروں نے زخمیوں کو وہاں سے صفدر جنگ اسپتال بھیج دیا۔

وسطی دہلی کی ڈپٹی کمشنر پولیس (ڈی سی پی) شویتا چوہان نے بتایا کہ سلنڈر کے ربڑ کے پائپ سے گیس لیک ہونے کی وجہ سے کھانا پکانے کے دوران آگ لگی۔ جس میں ماں سمیت تین بہن بھائی جل گئے۔

پولیس نے بتایا کہ مرنے والوں کی شناخت 36 سالہ سشیلا اور اس کے دو جڑواں بچوں کے طور پر ہوئی ہے۔

سرمایہ کاروں کی ہمہ جہت فروخت کے دباؤ میں آج گھریلو شیئر بازار کی پچھلے دنوں سے جاری تیزی پر بریک لگ گیا اور سینسیکس و نفٹی تقریباً ایک فیصد تک لڑھک گئے۔

ممبئی: خام تیل میں جاری تیزی کے سبب غیر ملکی بازاروں کی زبردست کمی سے تشویش میں مبتلا سرمایہ کاروں کی ہمہ جہت فروخت کے دباؤ میں آج گھریلو شیئر بازار کی پچھلے دنوں سے جاری تیزی پر بریک لگ گیا اور سینسیکس و نفٹی تقریباً ایک فیصد تک لڑھک گئے۔

بی ایس ای کا 30 حصص کا حساس انڈیکس سینسیکس 555.15 پوائنٹس کا غوطہ لگاکر 59،189.73 پوائنٹس پر اور نیشنل اسٹاک ایکسچینج (این ایس ای) کا نفٹی 176.30 پوائنٹس ٹوٹ کر 17646 پوائنٹس پر آ گیا۔ اس دوران، بڑی کمپنیوں کی طرح، چھوٹی اور درمیانی کمپنیوں میں بھی فروخت کا زور رہا۔ بی ایس ای کا مڈ کیپ 314.51 پوائنٹس گر کر 25،374.16 پوائنٹس اور اسمال کیپ 158.62 پوائنٹس اتر کر 28693.00 پوائنٹس پر آ گیا۔

بی ایس ای میں تمام 19 گروپوں میں فروخت کا دباؤ رہا۔ دھاتی گروپ کے حصص سب سے زیادہ 2.98 فیصد گرے۔ ان کے علاوہ دیگر گروپس کے حصص میں بھی 0.09 سے 1.68 فیصد تک کی گراوٹ رہی۔ بی ایس ای میں مجموعی طور پر 3446 کمپنیوں کے حصص میں کا کاروبار ہوا جن میں سے 1847 گراوٹ جبکہ 1443 میں تیزی رہی وہیں 156 میں کوئی تبدیلی نہیں آئی۔ اسی طرح این ایس ای میں 42 کی قیمتیں گریں جبکہ آٹھ میں اضافہ رہا۔

لگاتار دوسرے دن ملک میں پٹرول 30 پیسے فی لیٹر اور ڈیزل 35 پیسے لیٹر مہنگا ہوگیا۔

نئی دہلی: اوپیک کی جانب سے مانگ کے مطابق تیل کی پیداوار میں اضافہ نہ ہونے کی وجہ سے بین الاقوامی مارکیٹ میں کام تیل کی قیمتوں میں ابال جاری رہنے کے دباؤ میں بدھ کے روز لگاتار دوسرے دن ملک میں پٹرول 30 پیسے فی لیٹر اور ڈیزل 35 پیسے لیٹر مہنگا ہوگیا۔

مسلسل چار دنوں کی تیزی کے بعد، پیر کو ان دونوں ایندھنوں کی قیمتوں میں کوئی تبدیلی نہیں آئی لیکن منگل کو اس میں اضافہ کیا گیا۔ بدھ کو اس میں ایک بار پھر اضافہ ہوا، جس کی وجہ سے قومی دارالحکومت دہلی میں ان کی قیمتیں ریکارڈ سطح پر پہنچ گئیں۔ اس اضافے کے بعد دارالحکومت دہلی میں پٹرول 102.94 روپے فی لیٹر اور ڈیزل 91.42 روپے فی لیٹر کی تاریخی بلند ترین سطح پر پہنچ گیا۔ گزشتہ ایک ہفتے میں پٹرول 1.75 جبکہ ڈیزل 10 دنوں میں 2.80 روپے فی لیٹر بڑھ گیا ہے۔

اوپیک ممالک کے اجلاس میں تیل کی پیداوار میں چار لاکھ بیرل یومیہ اضافے کا فیصلہ کیا گیا جبکہ کورونا کے بعد عالمی سطح پر اس کی مانگ میں زبردست اضافہ ہو رہا ہے۔ اس فیصلے کے بعد بین الاقوامی مارکیٹ میں خام تیل میں زبردست اضافہ ہوا ہے۔ گزشتہ روز امریکی مارکیٹ میں کاروبار کے اختتام پر برینٹ کروڈ 1.30 ڈالر فی بیرل اضافے کے ساتھ 82.56 ڈالر فی بیرل اور امریکی خام تیل 1.11 ڈالر اضافے کے ساتھ 78.73 ڈالر فی بیرل رہا۔

دہلی میں پٹرول 102.94 روپے فی لیٹر اور ڈیزل 91.42 روپے فی لیٹر تک پہنچ گیا

ملک کی سرخیل تیل کمپنی انڈین آئل کارپوریشن کے مطابق دہلی میں پٹرول 102.94 روپے فی لیٹر اور ڈیزل 91.42 روپے فی لیٹر تک پہنچ گیا۔ اس اضافے کے بعد دہلی این سی آر کے نوئیڈا میں پٹرول 100.24 روپے فی لیٹر اور ڈیزل 92.04 روپے فی لیٹر فروخت ہو رہا ہے۔ اس وقت بھوپال میں پٹرول 111.45 روپے فی لیٹر اور ڈیزل 100.42 روپے فی لیٹر تک پہنچ گیا ہے۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتوں کا اطلاق ہوتا ہے۔

ملک کے چار بڑے شہروں میں پٹرولیم مصنوعات کی قیمتیں اس طرح رہیں:

شہر —————    پٹرول   ————— ڈیزل

دہلی —————  102.94 ————— 91.42
ممبئی ————— 108.96 ————— 99.17
چنئی ————— 100.49 ————— 95.93
کولکتہ ————  103.65 ————— 94.53

ترنمول کانگریس میں شمولیت سے قبل تریپورہ سے بی جے پی کے ممبر اسمبلی آشیش داس نے آج کالی گھاٹ میں ادی کنگا میں نہانے کے بعد اپنے سر منڈوائے اور کہا ہے کہ وہ بی جے پی میں شامل ہونے کا کفارہ ادا کرنا چاہتے ہیں۔

کلکتہ: ترنمول کانگریس میں شمولیت سے قبل تریپورہ سے بی جے پی کے ممبر اسمبلی آشیش داس نے آج کالی گھاٹ میں ادی کنگا میں نہانے کے بعد اپنے سر منڈوائے اور کہا ہے کہ وہ مہالیہ کے موقع پر ترنمول کانگریس میں شمولیت اختیار کریں گے۔

آشیش داس نے کہا کہ وہ بی جے پی میں شامل ہونے کا کفارہ ادا کرنا چاہتے ہیں۔ تریپورہ کے سورما اسمبلی حلقہ سے بی جے پی ممبر اسمبلی آشیش داس نے کل کلکتہ پہنچنے کے بعد وزیر اعلیٰ ممتا بنرجی کی جم کر تعریف کرتے ہوئے انہوں نے تریپورہ کے وزیر اعلیٰ بپلب دیو پر عدالت کی توہین کرنے کا الزام لگاتے ہوئے کہا کہ تریپورہ کے وزیر اعلیٰ ناکام ہوچکے ہیں۔ تریپورہ میں ہی نہیں بلکہ ہندوستان میں بی جے پی کا اصل چہرہ بے نقاب ہوچکا ہے۔

انہوں نے کہا کہ جان بوجھ کر ابھیشیک بنرجی کو تریپورہ میں ریلی کرنے نہیں دیا جا رہا ہے۔ گزشتہ مہینے مبینہ طور پر تریپورہ کے کئی ایم ایل اے ممتا بنرجی سے ملنے کے لیے کلکتہ آئے تھے۔ ان میں بی جے پی ایم ایل اے سدیپ رائے برمن بھی تھے۔ جن کے ساتھ تریپورہ کے وزیر اعلیٰ بپلب دیو اور بی جے پی قیادت کے درمیان اختلافات عروج پر پہنچ گئے ہیں۔ ان حالات میں قیاس آرائی کی جا رہی ہے کہ اگلے چند مہینوں میں بی جے پی کے کئی اور ممبر اسمبلی ترنمول کانگریس میں شامل ہوسکتے ہیں۔

جموں و کشمیر پردیش کانگریس پارٹی نے پولیس کے ہاتھوں سینئر کانگریس لیڈر پرینکا گاندھی کی گرفتاری کے خلاف احتجاج درج کیا۔

سری نگر: جموں و کشمیر پردیش کانگریس پارٹی نے منگل کے روز یہاں اتر پردیش کے سیتا پور میں پولیس کے ہاتھوں سینئر کانگریس لیڈر پرینکا گاندھی کی گرفتاری کے خلاف احتجاج درج کیا۔

اس موقع پر میڈیا کے ساتھ بات کرتے ہوئے جموں و کشمیر پردیش کانگریس پارٹی کے صدر غلام احمد میر نے کہا کہ جب تک کسانوں کو انصاف نہیں ملے گا، قاتلوں کو سزا نہیں ملے گی اور پرینکا گاندھی کو رہا نہیں کیا جائے گا تب تک ملک بھر میں کانگریس کارکن سڑکوں پر رہیں گے۔

انہوں نے کہا کہ جس طرح لکھم پور کھیری میں آٹھ کسانوں کو گاڑیوں سے کچل ڈالا گیا جس میں آٹھ کسان شہید ہوگئے یہ موجودہ حکومت کی غنڈہ گردی ایک مثال ہے۔ موصوف لیڈر کا الزام تھا کہ موجودہ سرکار اقتدار کے نشے میں ہے۔

انہوں نے کہا: ’موجودہ سرکار اقتدار کے نشے میں ہے اور مودی اور یوگی غنڈہ گردی کر رہے ہیں کیونکہ انہیں یقین ہے کہ ملک کے کسانوں، نوجوانوں نے ان کو رد کر دیا ہے‘۔

مسٹر میر نے کہا کہ پارٹی کی سینئر لیڈر پرینکا گاندھی کو بغیر کسی ایف آئی آر اور وارنٹ کے گرفتار کیا گیا ہم ان کی ہمت کی داد دیتے ہیں کہ وہ جیل میں بھی آر ایس ایس کے غنڈوں کے خلاف لڑ رہی ہیں۔

انہوں نے کہا کہ پرینکا جی کسانوں کے ساتھ اظہار ہمدردی کرنے کے لئے وہاں جانا چاہتی تھیں جو نئے اراضی قانین کے خلاف احتجاج پر امن کر رہے تھے۔

ان کا کہنا تھا کہ ملک بھر میں اس واقعے پر غم و غصہ ہے اور بی جے پی اور آر ایس ایس ملک کو توڑنا چاہتی ہے۔

کانگریس کے سابق صدر راہل گاندھی نے پرینکا گاندھی کو حراست میں لئے جانے پر سخت اعتراض ظاہر کرتے ہوئے کہا کہ وہ سچی کانگریسی ہیں اور ان ہتھکنڈوں سے ڈرنے والی نہیں۔

نئی دہلی: کانگریس کے سابق صدر راہل گاندھی نے لکھیم پور کھیری متاثرہ کنبوں کے ارکان سے ملنے جا رہی پارٹی کی اترپردیش کی جنرل سکریٹری پرینکا گاندھی کو حراست میں لئے جانے پر سخت اعتراض ظاہر کرتے ہوئے منگل کے روز کہا کہ وہ سچی کانگریسی ہیں اور ان ہتھکنڈوں سے ڈرنے والی نہیں۔

کانگریس کے سابق صدر کے ساتھ محترمہ گاندھی نے بھی انہیں حراست میں لئے جانے کو غیر قانونی بتایا اور لکھنٔو کے دورے پر آ رہے وزیراعظم نریندر مودی سے سوال کیا کہ بغیر آڈر اور بغیر ایف آئی آر انہیں حراست میں کیوں رکھا گیا ہے۔

مسٹر گاندھی نے کہا ’’جسے حراست میں رکھا ہے، وہ ڈرتی نہیں ہیں، سچی کانگریسی ہیں، ہار نہیں مانیں گی۔ ستیہ گرہ رکے گا نہیں‘‘۔ محترمہ گاندھی نے کہا ’’نریندر مودی جی آپ کی حکومت نے بغیر کسی آرڈر اور ایف آر آئی کے مجھے گزشتہ 28 گھنٹے سے حراست میں رکھا ہے‘‘ کسانوں کو کچلنے والے یہ شخص اب تک گرفتار نہیں ہوا۔ کیوں‘‘۔

जिसे हिरासत में रखा है, वो डरती नहीं है- सच्ची कांग्रेसी है, हार नहीं मानेगी!

सत्याग्रह रुकेगा नहीं।#FarmersProtest

— Rahul Gandhi (@RahulGandhi) October 5, 2021

ملک میں پٹرول 25 پیسے اور ڈیزل 30 پیسے فی لیٹر مہنگا ہوگیا۔ اس سے ملک کے کچھ شہروں میں پہلی بار پٹرول 111 روپے فی لیٹر اور ڈیزل 100 روپے فی لیٹرسے تجاوز کر گیا ہے۔

نئی دہلی: تیل پیدا کرنے والے ممالک کی سر فہرست تنظیم اوپیک کے مطالبے کے مطابق تیل پیداوار میں اضافہ نہیں ہونے سے بین الاقوامی مارکیٹ میں خام تیل کی سات سال کی بلند ترین سطح 81 ڈالر فی بیرل عبور ہونے سے منگل کو ملک میں پٹرول 25 پیسے اور ڈیزل 30 پیسے فی لیٹر مہنگا ہوگیا۔ اس سے ملک کے کچھ شہروں میں پہلی بار پٹرول 111 روپے فی لیٹر اور ڈیزل 100 روپے فی لیٹرسے تجاوز کر گیا ہے۔

مسلسل چار دن کے اضافے کے بعد گزشتہ روز ان دونوں مصنوعات کی قیمتوں میں کوئی تبدیلی نہیں کی گئی تھی لیکن آج پھر اس میں اضافہ کیا گیا۔ جس کی وجہ سے دارالحکومت دہلی میں ان کی قیمتیں اب تک کی ریکارڈ سطح پر پہنچ گئیں۔ اس اضافے کے بعد دارالحکومت دہلی میں پٹرول 102.64 روپے فی لیٹر اور ڈیزل 91.07 روپے فی لیٹر کی تاریخی بلند ترین سطح پر پہنچ گیا۔ گزشتہ ایک ہفتے میں پٹرول 1.24 پیسے اور ڈیزل بھی گزشتہ 10 دنوں میں 2.45 روپے فی لیٹر مہنگا ہوچکا ہے۔

اوپیک ممالک کی کل ہوئی میٹنگ میں یومیہ چار لاکھ بیرل تیل پیداوار بڑھانے کا فیصلہ کیا گیا ہے۔ جبکہ کورونا کے بعد اب عالمی سطح پر اس کی مانگ میں زبردست اضافہ ہوا ہے۔ اس فیصلے کے بعد بین الاقوامی مارکیٹ میں خام تیل میں زبردست تیزی نظر آئی۔

گزشتہ روز امریکی مارکیٹ میں کاروبار بند ہونے پر برینٹ کروڈ 2.28 ڈالر فی بیرل اضافے کے ساتھ 81.26 ڈالر فی بیرل اور امریکی کروڈ 2.07 ڈالر کے اضافے کے ساتھ 77.62 ڈالر فی بیرل رہا۔

بھوپال میں پٹرول 111.14 روپے فی لیٹر

آئل مارکیٹنگ کمپنی انڈین آئل کارپوریشن کے مطابق دہلی میں پٹرول 102.64 روپے فی لیٹر اور ڈیزل 91.07 روپے فی لیٹر تک پہنچ گیا۔ اس اضافے کے بعد بھی دہلی این سی آر کے نوئیڈا میں پٹرول 99.94 روپے فی لیٹر اور ڈیزل 91.68 روپے فی لیٹر ہے۔ اس وقت بھوپال میں پٹرول 111.14 روپے فی لیٹر اور ڈیزل 100.05 روپے فی لیٹر تک پہنچ گیا ہے۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتوں کا اطلاق ہوتا ہے۔

شہر کا نام ———— پٹرول ———— ڈیزل

دہلی ————   102.64 ———— 91.07
ممبئی————   108.68 ———— 98.80
چنئی ————   100.23 ———— 95.59
کولکتہ ———— 103.36 ———— 94.17